|
|
| [1]Hi quoque venerunt ad David in Siceleg, cum adhuc fugeret Saul filium Cis, qui erant fortissimi et egregii pugnatores, |
[No book] |
| [2]tendentes arcum, et utraque manu fundis saxa jacientes, et dirigentes sagittas: de fratribus Saul ex Benjamin. |
[No book] |
| [3]Princeps Ahiecer, et Joas filii Samaa Gabaathites, et Jaziel, et Phallet filii Azmoth, et Baracha, et Jehu Anathotites. |
[No book] |
| [4]Samaias quoque Gabaonites fortissimus inter triginta et super triginta. Jeremias, et Jeheziel, et Johanan, et Jezabad Gaderothites. |
[No book] |
| [5]Et Eluzai et Jerimuth, et Baalia, et Samaria, et Saphatia Haruphites. |
[No book] |
| [6]Elcana, et Jesia, et Azareel, et Joëzer, et Jesbaam de Carehim: |
[No book] |
| [7]Joëla quoque, et Zabadia filii Jeroham de Gedor. |
[No book] |
| [8]Sed et de Gaddi transfugerunt ad David cum lateret in deserto, viri robustissimi, et pugnatores optimi, tenentes clypeum et hastam: facies eorum quasi facies leonis, et veloces quasi capreæ in montibus: |
[No book] |
| [9]Ezer princeps, Obdias secundus, Eliab tertius, |
[No book] |
| [10]Masmana quartus, Jeremias quintus, |
[No book] |
| [11]Ethi sextus, Eliel septimus, |
[No book] |
| [12]Johanan octavus, Elzebad nonus, |
[No book] |
| [13]Jeremias decimus, Machbanai undecimus. |
[No book] |
| [14]Hi de filiis Gad principes exercitus: novissimus centum militibus præerat, et maximus, mille. |
[No book] |
| [15]Isti sunt qui transierunt Jordanem mense primo, quando inundare consuevit super ripas suas: et omnes fugaverunt qui morabantur in vallibus ad orientalem plagam et occidentalem. |
[No book] |
| [16]Venerunt autem et de Benjamin, et de Juda ad præsidium, in quo morabatur David. |
[No book] |
| [17]Egressusque est David obviam eis, et ait: Si pacifice venistis ad me ut auxiliemini mihi, cor meum jungatur vobis: si autem insidiamini mihi pro adversariis meis, cum ego iniquitatem in manibus non habeam, videat Deus patrum nostrorum, et judicet. |
[No book] |
| [18]Spiritus vero induit Amasai principem inter triginta, et ait: Tui sumus, o David; et tecum, fili Isai. Pax, pax tibi, et pax adjutoribus tuis: te enim adjuvat Deus tuus. Suscepit ergo eos David, et constituit principes turmæ. |
[No book] |
| [19]Porro de Manasse transfugerunt ad David, quando veniebat cum Philisthiim adversus Saul, ut pugnaret: et non dimicavit cum eis, quia inito consilio remiserunt eum principes Philisthinorum, dicentes: Periculo capitis nostri revertetur ad dominum suum Saul. |
[No book] |
| [20]Quando igitur reversus est in Siceleg, transfugerunt ad eum de Manasse, Ednas, et Jozabad, et Jedihel, et Michaël, et Ednas, et Jozabad, et Eliu, et Salathi, principes millium in Manasse. |
[No book] |
| [21]Hi præbuerunt auxilium David adversus latrunculos: omnes enim erant viri fortissimi, et facti sunt principes in exercitu. |
[No book] |
| [22]Sed et per singulos dies veniebant ad David ad auxiliandum ei, usque dum fieret grandis numerus, quasi exercitus Dei. |
[No book] |
| [23]Iste quoque est numerus principum exercitus, qui venerunt ad David, cum esset in Hebron, ut transferrent regnum Saul ad eum, juxta verbum Domini. |
[No book] |
| [24]Filii Juda portantes clypeum et hastam, sex millia octingenti expediti ad prælium. |
[No book] |
| [25]De filiis Simeon virorum fortissimorum ad pugnandum, septem millia centum. |
[No book] |
| [26]De filiis Levi, quatuor millia sexcenti. |
[No book] |
| [27]Jojoda quoque princeps de stirpe Aaron, et cum eo tria millia septingenti. |
[No book] |
| [28]Sadoc etiam puer egregiæ indolis, et domus patris ejus, principes viginti duo. |
[No book] |
| [29]De filiis autem Benjamin fratribus Saul, tria millia: magna enim pars eorum adhuc sequebatur domum Saul. |
[No book] |
| [30]Porro de filiis Ephraim viginti millia octingenti, fortissimi robore, viri nominati in cognationibus suis. |
[No book] |
| [31]Et ex dimidia tribu Manasse, decem et octo millia, singuli per nomina sua venerunt ut constituerent regem David. |
[No book] |
| [32]De filiis quoque Issachar viri eruditi, qui noverant singula tempora ad præcipiendum quid facere deberet Israël, principes ducenti: omnis autem reliqua tribus eorum consilium sequebatur. |
[No book] |
| [33]Porro de Zabulon qui egrediebantur ad prælium, et stabant in acie instructi armis bellicis, quinquaginta millia venerunt in auxilium, non in corde duplici. |
[No book] |
| [34]Et de Nephthali, principes mille, et cum eis instructi clypeo et hasta, triginta et septem millia. |
[No book] |
| [35]De Dan etiam præparati ad prælium, viginti octo millia sexcenti. |
[No book] |
| [36]Et de Aser egredientes ad pugnam, et in acie provocantes, quadraginta millia. |
[No book] |
| [37]Trans Jordanem autem de filiis Ruben, et de Gad, et dimidia parte tribus Manasse instructi armis bellicis, centum viginti millia. |
[No book] |
| [38]Omnes isti viri bellatores expediti ad pugnandum, corde perfecto venerunt in Hebron, ut constituerent regem David super universum Israël: sed et omnes reliqui ex Israël, uno corde erant, ut rex fieret David. |
[No book] |
| [39]Fueruntque ibi apud David tribus diebus comedentes et bibentes: præparaverant enim eis fratres sui. |
[No book] |
| [40]Sed et qui juxta eos erant, usque ad Issachar, et Zabulon, et Nephthali, afferebant panes in asinis, et camelis, et mulis, et bobus ad vescendum: farinam, palathas, uvam passam, vinum, oleum, boves, arietes ad omnem copiam: gaudium quippe erat in Israël. |
[No book] |