➖ »
«
➖ ➕
Peshitta OT
PesOT
Reconstruction of Eberhard Nestle's Greek NT (1904)
Nestle
←
1 Chronicles
1Ch
13
→
[1]ܘܐܸܬ̣ܡܲܠܲܟ݂ ܕܵܘܝܼܕ݂ ܥܲܡ ܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ ܘܡܲܐ̈ܘܵܬ̣ܵܐ: ܘܟ݂ܠܗܘܿܢ ܪܵܘ̱ܪ̈ܒ̣ܵܢܹܐ ܘܫܲܠܝܼܛܵܢܹ̈ܐ ܕܝܼܣܪܵܝܹܠ. [No book]
[2]ܘܐܸܡܲܪ ܕܵܘܝܼܕ݂ ܠܟ݂ܠܗܘܿܢ ܟܢܘܼ̈ܫܵܬ̣ܵܐ ܕܝܼܣܪܵܝܹܠ: ܐܸܢܗ̤ܘ ܕܫܲܦܝܼܪ ܒܥܲܝܢܲܝ̈ܟ̇ܘܿܢ: ܢܸܒ̣ܥܹܐ ܡ̣ܢ ܡܵܪܝܵܐ ܐܲܠܵܗܲܢ. ܘܲܢܣܝܼܓ̣ ܠܲܢ ܬܘܼܪ̈ܥܵܬ̣ܵܐ ܕܐܲܚܲܝ̈ܢ ܕܩܵܝ̇ܡܝܼܢ ܒܟ݂ܠܗܹܝܢ ܩܘܼܪ̈ܝܵܐ ܕܝܼܣܪܵܝܹܠ. ܘܢܵܘܬܸ̇ܒ̣ ܥܲܡܗܘܿܢ ܟܵܗ̈ܢܹܐ ܘܠܹܘܵܝܹ̈ܐ: ܒܩܘܼܪ̈ܝܼܗܘܿܢ ܘܲܒ̣ܟܲܦܪ̈ܘܿܢܲܝܗܘܿܢ. [No book]
[3]ܘܢܸܬ̣ܟܲܢܫܘܿܢ ܘܢܹܐܬ̣ܘܿܢ ܠܘܵܬܲܢ. ܘܲܢܨܲܠܘܿܢ ܩܕ݂ܵܡ ܡܵܪܝܵܐ: ܐܲܠܵܗܲܢ: ܘܢܸܒ̣ܥܹܐ ܡܸܢܹܗ ܥܲܠ ܚܛܵܗܲܝ̈ܢ: ܡܸܛܠ ܕܠܵܐ ܨܲܠܝܼܢ ܗ̄ܘܲܝܢ ܩܕ݂ܵܡܵܘܗܝ ܒܝܵܘ̈ܡܵܬ̣ܵܐ ܕܫܵܐܘܿܠ. [No book]
[4]ܘܐܵܡ̇ܪ̈ܵܢ ܟܠܗܹܝܢ ܟܢ̈ܘܼܫܵܬ̣ܵܐ ܠܡܸܥܒܲܕ݂ ܗܵܟܲܢܵܐ. [No book]
[5]ܘܟܲܢܸܫ ܕܵܘܝܼܕ݂ ܠܟ݂ܠܹܗ ܝܼܣܪܵܝܹܠ: ܡ̣ܢ ܢܲܗܪܵܐ ܕܡܸܨܪܝܼܢ: ܘܲܥܕܲܡܵܐ ܠܡܲܥܠܵܢܵܐ ܕܐܲܢܛܝܘܿܟ݂ܝ: ܠܡܲܝܬܵܝܘܼ ܩܹܒ̣ܘܿܬܹܗ ܕܡܵܪܝܵܐ: ܡ̣ܢ ܩܘܼܪܝܲܬ̣ ܢܲܥܪܝܼܢ. [No book]
[6]ܘܲܣܠܸܩ ܕܵܘܝܼܕ݂ ܘܟ݂ܠܹܗ ܝܼܣܪܵܝܹܠ ܠܩܘܼܪܝܲܬ̣ ܢܲܥܪܝܼܢ: ܕܐܝܼܬ̣ ܒܲܬ̣ܚܘܼܡ ܐܲܪܲܥ ܫܲܒ̣ܛܵܐ ܕܲܝܗܘܼܕ݂ܵܐ: ܠܡܲܣܵܩܘܼ ܡ̣ܢ ܬܲܡܵܢ ܠܩܹܒ̣ܘܿܬܹܗ ܕܡܵܪܝܵܐ ܐܲܠܵܗܵܐ ܕܝܵܬܹ̇ܒ̣ ܥܲܠ ܟܪ̈ܘܿܒܹܐ ܥܸܠܵܝܹ̈ܐ: ܕܐܸܬ̣ܩܪܝܼ ܫܡܹܗ ܥܠܲܝܗܘܿܢ. [No book]
[7]ܘܣܵܡܘ ܩܹܒ̣ܘܿܬܹܗ ܕܡܵܪܝܵܐ ܒܥܵܓܸܠܬ̣ܵܐ ܚܕܲܬܵܐ. ܘܫܲܩܠܘܼܗ̇ ܘܲܢܦܲܩܘ ܡ̣ܢ ܒܹܝܬ̣ ܐܲܒ̣ܝܢܵܕ݂ܵܒ̣. ܘܥܵܙܵܐ ܘܐܲܚܵܘ̈ܗܝ: ܕܵܒ̣ܪܝܼܢ ܗ̄ܘ̣ܵܘ ܠܥܵܓܸܠܬ̣ܵܐ. [No book]
[8]ܘܕ݂ܵܘܝܼܕ݂ ܘܟ݂ܠܹܗ ܝܼܣܪܵܝܹܠ: ܡܫܲܒ̇ܚܝܼܢ ܗ̄ܘ̣ܵܘ ܩܕ݂ܵܡ ܡܵܪܝܵܐ: ܒܥܲܫܝܢܘܼܬ̣ܵܐ: ܘܲܒ̣ܬܸܫܒ̇ـ̈ـܚܵܬ̣ܵܐ: ܘܲܒ̣ܟܸܢܵܪܹ̈ܐ: ܘܲܒ̣ܢܲܒ̣̈ܠܹܐ: ܘܨܸܨ̈ܠܹܐ: ܘܒܲܪ̈ܒ̣ܝܼܥܹܐ. [No book]
[9]ܘܐܸܬ̣ܵܘ ܠܐܸܕ̇ܪܵܐ ܕܲܪܡܝܼܢ. ܘܐܵܘܫܸܛ ܥܵܙܵܐ ܐܝܼܕܹܗ: ܠܡܸܣ̱ܡܟ݂ܵܗ̇ ܠܩܹܒ̣ܘܿܬ̣ܵܐ. ܡܸܛܠ ܕܲܪܗܸܛ̣ܘ ܗ̄ܘ̣ܵܘ ܠܗܘܿܢ ܬܵܘܪܹ̈ܐ ܠܐܸܕ̇ܪܵܐ. [No book]
[10]ܘܐܸܬ̣ܚܲܡܲܬ̣ ܡܵܪܝܵܐ ܥܲܠ ܥܵܙܵܐ: ܘܲܡܚܵܝܗܝ ܗ̄ܘ̣ܵܐ ܬܲܡܵܢ: ܥܲܠ ܕܐܵܘܫܸܛ ܗ̄ܘ̣ܵܐ ܐܝܼܕܹܗ ܥܲܠ ܩܹܒ̣ܘܿܬ̣ܵܐ. ܘܡܝܼܬ̣ ܬܲܡܵܢ ܩܕ݂ܵܡܹܝܗ̇ ܕܩܹܒ̣ܘܿܬ̣ܵܐ. [No book]
[11]ܘܟܸܪܝܲܬ̤ ܗ̄ܘ̣ܵܬ̣ ܠܕ݂ܵܘܝܼܕ݂: ܡܸܛܠ ܕܲܬ̣ܪܲܥ ܗ̄ܘ̣ܵܐ ܡܵܪܝܵܐ ܬܘܼܪܥ̱ܬ̣ܵܐ ܒܥܵܙܵܐ. ܘܐܸܬ̣ܩܲܪܝܲܬ̣ ܕܘܼܟ̇ܬ̣ܵܐ ܗܵܝ̇ ܬܘܼܪܥ̱ܬ̣ܵܐ ܕܥܵܙܵܐ ܥܕܲܡܵܐ ܠܝܵܘܡܵܢܵܐ. [No book]
[12]ܘܲܕ݂ܚܸܠ ܗ̄ܘ̣ܵܐ ܕܵܘܝܼܕ݂ ܡ̣ܢ ܡܵܪܝܵܐ: ܒܝܵܘܡܵܐ ܗܵܘܿ:ܘܐܸܡܲܪ: ܐܲܝܟܲܢܵܐ ܐܲܥܸܠ ܠܘܵܬ̣ܝ ܩܹܒ̣ܘܿܬܹܗ ܕܡܵܪܝܵܐ. [No book]
[13]ܘܠܵܐ ܨܒ̣ܵܐ ܗ̄ܘ̣ܵܐ ܕܵܘܝܼܕ݂ ܕܬܸܥܘܿܠ ܠܘܵܬܹܗ ܩܹܒ̣ܘܿܬ̣ܵܐ ܠܲܩܪܝܼܬ̣ܵܐ ܕܕ݂ܵܘܝܼܕ݂: ܘܐܸܡܲܪ ܕܵܘܝܼܕ݂ ܕܢܵܘܒ̇ܠܘܼܢܵܗ̇ ܠܒܲܝܬܹ̇ܗ ܕܥܘܼܒ̣ܵܪ ܐܲܕ݂ܘܿܡ ܓܵܬ̣ܵܝܵܐ. [No book]
[14]ܘܝܸܬ̣ܒܲܬ̤ ܩܹܒ̣ܘܿܬܹܗ ܕܡܵܪܝܵܐ ܒܒܲܝܬܹ̇ܗ ܕܥܘܼܒ̣ܵܪ ܐܲܕ݂ܘܿܡ ܓܵܬ̣ܵܝܵܐ ܬܠܵܬ̣ܵܐ ܝܲܪ̈ܚܝܼܢ. ܘܒܲܪܸܟ݂ ܡܵܪܝܵܐ ܠܒܲܝܬܹ̇ܗ ܕܥܘܼܒ̣ܵܪ ܐܲܕ݂ܘܿܡ ܓܵܬ̣ܵܝܵܐ: ܘܲܠܟ݂ܠ ܡܸܕܸ̇ܡ ܕܐܝܼܬ̣ ܠܹܗ. [No book]
Author: Eberhard Nestle (1851–1913)
Source: www.hagiascriptura.com

See information...
Top