|
|
| [1]ܘܲܗܘ̤ܵܐ ܡ̣ܢ ܒܵܬܲܪ ܗܵܠܹܝܢ: ܘܲܚܪܲܒ̣ ܕܵܘܝܼܕ݂ ܠܲܦܠܸܫ̈ܬܵܝܹܐ ܘܐܵܘܒܸ̇ܕ݂ ܐܸܢܘܿܢ. ܘܲܢܣܲܒ̣ ܕܵܘܝܼܕ݂ ܚܘܼܛܵܐ ܕܲܡܫܘܼܚܬ̣ܵܐ: ܡ̣ܢ ܐܝܼܕ݂ܵܐ ܕܲܦܠܸܫܬܵܝܹ̈ܐ. ܘܲܢܣܲܒ̣ ܠܓܵܬ̣ ܘܲܠܟܲܦܪ̈ܘܿܢܹܝܗ̇: ܗܵܠܹܝܢ ܕܲܩܕ̇ܩܹ̈ܐ ܕܲܚܕ݂ܝܼܪܝܼܢ ܗ̄ܘ̣ܵܘ ܠܵܗ̇ ܡ̣ܢ ܦܠܸܫܬܵܝܹ̈ܐ. |
[No book] |
| [2]ܘܲܚܪܲܒ̣ ܠܡܘܼܐܒ̣ܵܝܹ̈ܐ: ܘܲܗܘ̤ܵܘ ܡܘܼܐܒ̣ܵܝܹ̈ܐ ܥܲܒ̣̈ܕܹ̇ܐ ܫܵܩܠܲܝ̈ ܡܲܕܲܐܬ̣ܵܐ. |
[No book] |
| [3]ܘܲܩܛܲܠ ܕܵܘܝܼܕ݂ ܠܲܗܕܲܪܥܙܲܪ ܡܲܠܟܵܐ ܕܲܢܨܝܼܒ̣ܝܼܢ: ܟܲܕ݂ ܐܸܙܲܠ̣ ܣܵܡ̣ ܬܚܘܼܡܵܐ ܒܢܲܗܪܵܐ ܦܪܵܬ̣. |
[No book] |
| [4]ܘܐܹܚܲܕ݂ ܕܵܘܝܼܕ݂ ܡܸܢܹܗ ܐܵܠܹܦ ܙܵܘ̈ܓ̇ܝܼܢ: ܘܫܲܒ̣ܥܵܐ ܐܲܠܦ̈ܝܼܢ ܦܲܪ̈ܵܫܝܼܢ. ܘܲܥܩܲܪ ܕܵܘܝܼܕ݂ ܠܟ݂ܠܗܘܿܢ ܙܵܘ̈ܓܹ̇ܐ: ܘܲܫܒܲܩ ܡܸܢܗܘܿܢ ܡܵܐܐ ܙܵܘ̈ܓ̇ܝܼܢ. |
[No book] |
| [5]ܘܐܸܬ̣ܵܘ ܐ̄ܢܵܫܲܝ̈ ܐܲܕ݂ܘܿܡ ܘܕܲܪܡܣܘܿܩ: ܠܲܡܥܲܕܵܪܘܼ ܠܲܗܕܲܪܥܙܲܪ ܡܲܠܟܵܐ ܕܲܢܨܝܼܒ̣ܝܼܢ. ܘܩܲܛܸܠ ܕܵܘܝܼܕ݂ ܡ̣ܢ ܐܲܕ݂ܘܿܡ: ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܓܲܒ̣ܪ̈ܝܼܢ. |
[No book] |
| [6]ܘܐܲܩܝܼܡ ܕܵܘܝܼܕ݂ ܫܲܠܝܼܛܵܢܹ̈ܐ ܒܕܲܪܡܣܘܿܩ: ܘܲܗܘ̤ܵܘ ܕܲܪ̈ܡܘܼܣܩܵܝܹܐ ܥܲܒ̣̈ܕܹ̇ܐ ܠܕ݂ܵܘܝܼܕ݂: ܫܵܩܠܲܝ̈ ܡܲܕܲܐܬ̣ܵܐ ܘܲܦܪܲܩ̣ ܡܵܪܝܵܐ ܠܕ݂ܵܘܝܼܕ݂ ܒܟ݂ܠ ܕܘܼܟܵܐ ܕܐܸܙܲܠ. |
[No book] |
| [7]ܘܲܫܩܲܠ ܕܵܘܝܼܕ݂ ܫܲܠܛܹ̈ܐ ܕܕܲܗܒ̣ܵܐ ܕܲܗܘ̤ܵܘ ܬܠܹܝܢ ܥܲܠ ܪ̈ܲܟ݂ܫܵܐ ܕܥܲܒ̣ܕܵܘ̈ܗܝ ܕܲܗܕܲܪܥܙܲܪ: ܘܐܲܝܬ̇ܝܼ ܐܸܢܘܿܢ ܠܐܘܿܪܸܫܠܸܡ. |
[No book] |
| [8]ܘܡ̣ܢ ܛܒܲܚ:ܘܡ̣ܢ ܒܪܘܼܬ̣ܝ: ܩܘܼܪ̈ܝܵܐ ܕܲܗܕܲܪܥܙܲܪ: ܢ̣ܣܲܒ̣ ܕܵܘܝܼܕ݂ ܢܚܵܫܵܐ ܕܣܲܓ̇ܝܼ ܛܵܒ̣. ܘܡܸܢܹܗ ܥ̣ܒܲܕ݂ ܕܵܘܝܼܕ݂: ܝܲܡܵܐ ܕܲܢܚܵܫܵܐ: ܘܐܸܣܛܘܿܢܹ̈ܐ ܕܲܢܚܵܫܵܐ: ܘܬ̣ܵܘܪܹ̈ܐ ܕܲܢܚܵܫܵܐ: ܘܡܵܐܢܲܝ̈ ܢܚܵܫܵܐ: ܣܘܿܓ̣ܵܐܐ ܕܛܵܒ̣. |
[No book] |
| [9]ܘܲܫܡܲܥ̣: ܦܘܿܠ ܡܲܠܟܵܐ ܕܐܲܢܛܝܘܿܟ݂ܵܝܹ̈ܐ: ܕܲܚܪܲܒ̣ ܕܵܘܝܼܕ݂ ܚܲܝܠܵـ̈ـܘܵܬ̣ܵܐ ܕܲܗܕܲܪܥܙܲܪ ܡܲܠܟܵܐ ܕܲܢܨܝܼܒ̣ܝܼܢ. |
[No book] |
| [10]ܘܫܲܕܲܪ ܠܝܘܿܪܵܡ ܒܪܹܗ ܠܘܵܬ̣ ܡܲܠܟܵܐ ܕܵܘܝܼܕ݂: ܠܡܸܫܐܲܠ ܒܲܫܠܵܡܹܗ: ܘܠܲܡܒܲܪܵܟ݂ܘܼܬܹܗ: ܥܲܠ ܕܐܸܬ̣ܟܲܬܲܫ ܥܲܡ ܗܕܲܪܥܙܲܪ ܘܲܡܚܵܝܗܝ: ܡܸܛܠ ܕܓܲܒ̣ܪܵܐ ܗ̄ܘ̣ܵܐ ܩܪܲܒ̣ܬ̣ܵܢܵܐ ܗܕܲܪܥܙܲܪ. ܘܒ̣ܐܝܼܕܹܗ ܕܝܘܿܪܵܡ ܗ̄ܘ̣ܵܘ ܡܵܐܢܲܝ ܟܸܣܦܵܐ: ܘܡܵܐܢܲܝ̈ ܕܲܗܒ̣ܵܐ: ܘܡܵܐܢܲܝ̈ ܢܚܵܫܵܐ. |
[No book] |
| [11]ܘܐܵܦ ܡܸܢܗܘܿܢ ܩܲܕܸ̇ܫ ܡܲܠܟܵܐ ܕܵܘܝܼܕ݂ ܠܡܵܪܝܵܐ: ܥܲܡ ܟܸܣܦܵܐ ܘܕܲܗܒ̣ܵܐ ܕܲܢܣܲܒ̣ ܡ̣ܢ ܟܠܗܘܿܢ ܥܲܡܡܹ̈ܐ ܕܲܟ݂ܒܲܫ̣: ܡ̣ܢ ܐܲܕ݂ܘܿܡܵܝܹ̈ܐ: ܘܡ̣ܢ ܒܢܲܝ̈ ܥܲܡܘܿܢ: ܘܡ̣ܢ ܡܘܼܐܒ̣ܵܝܹ̈ܐ: ܘܡ̣ܢ ܦܠܸܫܬܵܝܹ̈ܐ: ܘܡ̣ܢ ܥܡܵܠܩܵܝܹ̈ܐ. |
[No book] |
| [12]ܘܐܲܒ̣ܝܼܫܲܝ ܒܲܪ ܨܘܿܪܝܼܵܐ: ܐܲܚܘܼܗܝ ܕܝܘܿܐܵܒ̣: ܗ̤ܘ ܚ̣ܪܲܒ̣ ܠܐܲܕ݂ܘܿܡܵܝܹ̈ܐ ܒܢܲܚܠܵܐ ܕܡܸܠܚܵܐ: ܬܡܵܢܬܲܥܣܲܪ ܐܲܠܦ̈ܝܼܢ ܓܲܒ̣ܪ̈ܝܼܢ. |
[No book] |
| [13]ܘܐܲܩܝܼܡ ܕܘܝܼܕ݂ ܥܲܠ ܐܲܕ݂ܘܿܡܵܝܹ̈ܐ ܫܲܠܝܼܛܵܢܹ̈ܐ. ܘܲܗܘ̤ܵܘ ܟܠܗܘܿܢ ܐܲܕ݂ܘܿܡܵܝܹ̈ܐ ܥܲܒ̣̈ܕܹ̇ܐ ܠܕ݂ܵܘܝܼܕ݂. ܘܲܦܪܲܩ̣ ܡܵܪܝܵܐ ܠܕ݂ܵܘܝܼܕ݂ ܒܟ݂ܠ ܕܘܼܟܵܐ ܕܐܵܙܹ̇ܠ ܗ̄ܘ̣ܵܐ. |
[No book] |
| [14]ܘܐܲܡ̣ܠܸܟ݂ ܕܵܘܝܼܕ݂ ܥܲܠ ܟܠܹܗ ܝܼܣܪܵܝܹܠ. ܘܲܗܘ̤ܵܐ ܕܵܘܝܼܕ݂ ܥܵܒܹ̇ܕ݂ ܕܝܼܢܵܐ ܘܙܲܕ̇ܝܼܩܘܼܬ̣ܵܐ ܠܟ݂ܠܹܗ ܥܲܡܵܐ. |
[No book] |
| [15]ܘܝܘܿܐܵܒ̣ ܒܲܪ ܨܘܿܪܝܼܵܐ ܫܲܠܝܼܛ ܥܲܠ ܟܠܗܘܿܢ ܚܝ̈ܠܵܘܵܬ̣ܵܐ: ܘܝܵܗܘܿܫܵܦܵܛ ܒܲܪ ܐܲܚܝܼܠܘܿܕ݂ ܡܕܲܒ̇ܪܵܢܵܐ. |
[No book] |
| [16]ܘܨܵܕ݂ܘܿܩ ܒܲܪ ܐܲܚܝܼܛܘܿܒ̣: ܘܐܲܚܝܼܡܲܠܟ ܒܲܪ ܐܲܒ̣ܝܼܬ̣ܵܪ ܟܵܗܢܹ̈ܐ: ܘܣܲܪܝܼܵܐ ܣܵܦܪܵܐ. |
[No book] |
| [17]ܘܲܒ̣ܢܵܝܵܐ ܒܲܪ ܝܘܿܝܵܕ݂ܵܥ: ܥܲܠ ܩܲܫܵܬܹ̈ܐ ܘܥܲܠ ܩܸܠܥܹ̈ܐ. ܘܲܒ̣ܢܵܘ̈ܗܝ ܕܕ݂ܵܘܝܼܕ݂ ܪܵܘ̱ܪ̈ܒ̣ܝܼܢ ܗ̄ܘ̣ܵܘ. |
[No book] |