|
|
| [1]Et ego, cum venissem ad vos, fratres, veni non in sublimitate sermonis, aut sapientiæ, annuntians vobis testimonium Christi. |
[No book] |
| [2]Non enim judicavi me scire aliquid inter vos, nisi Jesum Christum, et hunc crucifixum. |
[No book] |
| [3]Et ego in infirmitate, et timore, et tremore multo fui apud vos: |
[No book] |
| [4]et sermo meus, et prædicatio mea non in persuasibilibus humanæ sapientiæ verbis, sed in ostensione spiritus et virtutis: |
[No book] |
| [5]ut fides vestra non sit in sapientia hominum, sed in virtute Dei. |
[No book] |
| [6]Sapientiam autem loquimur inter perfectos: sapientiam vero non hujus sæculi, neque principum hujus sæculi, qui destruuntur: |
[No book] |
| [7]sed loquimur Dei sapientiam in mysterio, quæ abscondita est, quam prædestinavit Deus ante sæcula in gloriam nostram, |
[No book] |
| [8]quam nemo principum hujus sæculi cognovit: si enim cognovissent, numquam Dominum gloriæ crucifixissent. |
[No book] |
| [9]Sed sicut scriptum est: Quod oculus non vidit, nec auris audivit, nec in cor hominis ascendit, quæ præparavit Deus iis qui diligunt illum: |
[No book] |
| [10]nobis autem revelavit Deus per Spiritum suum: Spiritus enim omnia scrutatur, etiam profunda Dei. |
[No book] |
| [11]Quis enim hominum scit quæ sunt hominis, nisi spiritus hominis, qui in ipso est? ita et quæ Dei sunt, nemo cognovit, nisi Spiritus Dei. |
[No book] |
| [12]Nos autem non spiritum hujus mundi accepimus, sed Spiritum qui ex Deo est, ut sciamus quæ a Deo donata sunt nobis: |
[No book] |
| [13]quæ et loquimur non in doctis humanæ sapientiæ verbis, sed in doctrina Spiritus, spiritualibus spiritualia comparantes. |
[No book] |
| [14]Animalis autem homo non percipit ea quæ sunt Spiritus Dei: stultitia enim est illi, et non potest intelligere: quia spiritualiter examinatur. |
[No book] |
| [15]Spiritualis autem judicat omnia: et ipse a nemine judicatur. |
[No book] |
| [16]Quis enim cognovit sensum Domini, qui instruat eum? nos autem sensum Christi habemus. |
[No book] |