|
|
| [1]Et ego, fratres, non potui vobis loqui quasi spiritualibus, sed quasi carnalibus. Tamquam parvulis in Christo, |
[No book] |
| [2]lac vobis potum dedi, non escam: nondum enim poteratis: sed nec nunc quidem potestis: adhuc enim carnales estis. |
[No book] |
| [3]Cum enim sit inter vos zelus, et contentio: nonne carnales estis, et secundum hominem ambulatis? |
[No book] |
| [4]Cum enim quis dicat: Ego quidem sum Pauli; alius autem: Ego Apollo: nonne homines estis? Quid igitur est Apollo? quid vero Paulus? |
[No book] |
| [5]ministri ejus, cui credidistis, ut unicuique sicut Dominus dedit. |
[No book] |
| [6]Ego plantavi, Apollo rigavit: sed Deus incrementum dedit. |
[No book] |
| [7]Itaque neque qui plantat est aliquid, neque qui rigat: sed qui incrementum dat, Deus. |
[No book] |
| [8]Qui autem plantat, et qui rigat, unum sunt. Unusquisque autem propriam mercedem accipiet, secundum suum laborem. |
[No book] |
| [9]Dei enim sumus adjutores: Dei agricultura estis, Dei ædificatio estis. |
[No book] |
| [10]Secundum gratiam Dei, quæ data est mihi, ut sapiens architectus fundamentum posui: alius autem superædificat. Unusquisque autem videat quomodo superædificet. |
[No book] |
| [11]Fundamentum enim aliud nemo potest ponere præter id quod positum est, quod est Christus Jesus. |
[No book] |
| [12]Si quis autem superædificat super fundamentum hoc, aurum, argentum, lapides pretiosos, ligna, fœnum, stipulam, |
[No book] |
| [13]uniuscujusque opus manifestum erit: dies enim Domini declarabit, quia in igne revelabitur: et uniuscujusque opus quale sit, ignis probabit. |
[No book] |
| [14]Si cujus opus manserit quod superædificavit, mercedem accipiet. |
[No book] |
| [15]Si cujus opus arserit, detrimentum patietur: ipse autem salvus erit, sic tamen quasi per ignem. |
[No book] |
| [16]Nescitis quia templum Dei estis, et Spiritus Dei habitat in vobis? |
[No book] |
| [17]Si quis autem templum Dei violaverit, disperdet illum Deus. Templum enim Dei sanctum est, quod estis vos. |
[No book] |
| [18]Nemo se seducat: si quis videtur inter vos sapiens esse in hoc sæculo, stultus fiat ut sit sapiens. |
[No book] |
| [19]Sapientia enim hujus mundi, stultitia est apud Deum. Scriptum est enim: Comprehendam sapientes in astutia eorum. |
[No book] |
| [20]Et iterum: Dominus novit cogitationes sapientium quoniam vanæ sunt. |
[No book] |
| [21]Nemo itaque glorietur in hominibus. |
[No book] |
| [22]Omnia enim vestra sunt, sive Paulus, sive Apollo, sive Cephas, sive mundus, sive vita, sive mors, sive præsentia, sive futura: omnia enim vestra sunt: |
[No book] |
| [23]vos autem Christi: Christus autem Dei. |
[No book] |