|
|
| [1]Non sum liber? non sum Apostolus? nonne Christum Jesum Dominum nostrum vidi? nonne opus meum vos estis in Domino? |
[No book] |
| [2]Et si aliis non sum Apostolus, sed tamen vobis sum: nam signaculum apostolatus mei vos estis in Domino. |
[No book] |
| [3]Mea defensio apud eos qui me interrogant, hæc est: |
[No book] |
| [4]Numquid non habemus potestatem manducandi et bibendi? |
[No book] |
| [5]numquid non habemus potestatem mulierem sororem circumducendi sicut et ceteri Apostoli, et fratres Domini, et Cephas? |
[No book] |
| [6]aut ego solus, et Barnabas, non habemus potestatem hoc operandi? |
[No book] |
| [7]Quis militat suis stipendiis umquam? quis plantat vineam, et de fructu ejus non edit? quis pascit gregem, et de lacte gregis non manducat? |
[No book] |
| [8]Numquid secundum hominem hæc dico? an et lex hæc non dicit? |
[No book] |
| [9]Scriptum est enim in lege Moysi: Non alligabis os bovi trituranti. Numquid de bobus cura est Deo? |
[No book] |
| [10]an propter nos utique hoc dicit? Nam propter nos scripta sunt: quoniam debet in spe qui arat, arare: et qui triturat, in spe fructus percipiendi. |
[No book] |
| [11]Si nos vobis spiritualia seminavimus, magnum est si nos carnalia vestra metamus? |
[No book] |
| [12]Si alii potestatis vestræ participes sunt, quare non potius nos? Sed non usi sumus hac potestate: sed omnia sustinemus, ne quod offendiculum demus Evangelio Christi. |
[No book] |
| [13]Nescitis quoniam qui in sacrario operantur quæ de sacrario sunt, edunt: et qui altari deserviunt, cum altari participant? |
[No book] |
| [14]Ita et Dominus ordinavit iis qui Evangelium annuntiant, de Evangelio vivere. |
[No book] |
| [15]Ego autem nullo horum usus sum. Non autem scripsi hæc ut ita fiant in me: bonum est enim mihi magis mori, quam ut gloriam meam quis evacuet. |
[No book] |
| [16]Nam si evangelizavero, non est mihi gloria: necessitas enim mihi incumbit: væ enim mihi est, si non evangelizavero. |
[No book] |
| [17]Si enim volens hoc ago, mercedem habeo: si autem invitus, dispensatio mihi credita est. |
[No book] |
| [18]Quæ est ergo merces mea? ut Evangelium prædicans, sine sumptu ponam Evangelium, ut non abutar potestate mea in Evangelio. |
[No book] |
| [19]Nam cum liber essem ex omnibus, omnium me servum feci, ut plures lucrifacerem. |
[No book] |
| [20]Et factus sum Judæis tamquam Judæus, ut Judæos lucrarer: |
[No book] |
| [21]iis qui sub lege sunt, quasi sub lege essem (cum ipse non essem sub lege) ut eos qui sub lege erant, lucrifacerem: iis qui sine lege erant, tamquam sine lege essem (cum sine lege Dei non essem: sed in lege essem Christi) ut lucrifacerem eos qui sine lege erant. |
[No book] |
| [22]Factus sum infirmis infirmus, ut infirmos lucrifacerem. Omnibus omnia factus sum, ut omnes facerem salvos. |
[No book] |
| [23]Omnia autem facio propter Evangelium: ut particeps ejus efficiar. |
[No book] |
| [24]Nescitis quod ii qui in stadio currunt, omnes quidem currunt, sed unus accipit bravium? Sic currite ut comprehendatis. |
[No book] |
| [25]Omnis autem qui in agone contendit, ab omnibus se abstinet, et illi quidem ut corruptibilem coronam accipiant: nos autem incorruptam. |
[No book] |
| [26]Ego igitur sic curro, non quasi in incertum: sic pugno, non quasi aërem verberans: |
[No book] |
| [27]sed castigo corpus meum, et in servitutem redigo: ne forte cum aliis prædicaverim, ipse reprobus efficiar. |
[No book] |