➖ »
«
➖ ➕
Aleppo Codex (~920)
Alep
The Gospel of James
GspJam
←
1 Samuel
1Sa
20
→
[1]ויברח דוד מנוות [Q: מניות] ברמה ויבא ויאמר לפני יהונתן מה עשיתי מה עוני ומה חטאתי לפני אביך־כי מבקש את נפשי [No book]
[2]ויאמר לו חלילה לא תמות־הנה לו עשה [Q: לא יעשה] אבי דבר גדול או דבר קטן ולא יגלה את אזני ומדוע יסתיר אבי ממני את הדבר הזה אין זאת [No book]
[3]וישבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשך־כי כפשע ביני ובין המות [No book]
[4]ויאמר יהונתן אל דוד מה תאמר נפשך ואעשה לך [No book]
[5]ויאמר דוד אל יהונתן הנה חדש מחר ואנכי ישב אשב עם המלך לאכול ושלחתני ונסתרתי בשדה עד הערב השלשית [No book]
[6]אם פקד יפקדני אביך ואמרת נשאל נשאל ממני דוד לרוץ בית לחם עירו־כי זבח הימים שם לכל המשפחה [No book]
[7]אם כה יאמר טוב שלום לעבדך ואם חרה יחרה לו־דע כי כלתה הרעה מעמו [No book]
[8]ועשית חסד על עבדך כי בברית יהוה הבאת את עבדך עמך ואם יש בי עון המיתני אתה ועד אביך למה זה תביאני [No book]
[9]ויאמר יהונתן חלילה לך כי אם ידע אדע כי כלתה הרעה מעם אבי לבוא עליך־ולא אתה אגיד לך [No book]
[10]ויאמר דוד אל יהונתן מי יגיד לי או מה יענך אביך קשה [No book]
[11]ויאמר יהונתן אל דוד לכה ונצא השדה ויצאו שניהם השדה [No book]
[12]ויאמר יהונתן אל דוד יהוה אלהי ישראל כי אחקר את אבי כעת מחר השלשית והנה טוב אל דוד־ולא אז אשלח אליך וגליתי את אזנך [No book]
[13]כה יעשה יהוה ליהונתן וכה יסיף כי ייטב אל אבי את הרעה עליך־וגליתי את אזנך ושלחתיך והלכת לשלום ויהי יהוה עמך כאשר היה עם אבי [No book]
[14]ולא אם עודני חי ולא תעשה עמדי חסד יהוה ולא אמות [No book]
[15]ולא תכרית את חסדך מעם ביתי עד עולם ולא בהכרת יהוה את איבי דוד איש מעל פני האדמה [No book]
[16]ויכרת יהונתן עם בית דוד ובקש יהוה מיד איבי דוד [No book]
[17]ויוסף יהונתן להשביע את דוד באהבתו אתו כי אהבת נפשו אהבו [No book]
[18]ויאמר לו יהונתן מחר חדש ונפקדת כי יפקד מושבך [No book]
[19]ושלשת תרד מאד ובאת אל המקום אשר נסתרת שם ביום המעשה וישבת אצל האבן האזל [No book]
[20]ואני שלשת החצים צדה אורה לשלח לי למטרה [No book]
[21]והנה אשלח את הנער לך מצא את החצים אם אמר אמר לנער הנה החצים ממך והנה קחנו ובאה כי שלום לך ואין דבר־חי יהוה [No book]
[22]ואם כה אמר לעלם הנה החצים ממך והלאה־לך כי שלחך יהוה [No book]
[23]והדבר־אשר דברנו אני ואתה הנה יהוה ביני ובינך עד עולם [No book]
[24]ויסתר דוד בשדה ויהי החדש וישב המלך על [Q: אל] הלחם לאכול [No book]
[25]וישב המלך על מושבו כפעם בפעם אל מושב הקיר ויקם יהונתן וישב אבנר מצד שאול ויפקד מקום דוד [No book]
[26]ולא דבר שאול מאומה ביום ההוא כי אמר מקרה הוא בלתי טהור הוא כי לא טהור [No book]
[27]ויהי ממחרת החדש השני ויפקד מקום דוד ויאמר שאול אל יהונתן בנו מדוע לא בא בן ישי גם תמול גם היום אל הלחם [No book]
[28]ויען יהונתן את שאול נשאל נשאל דוד מעמדי עד בית לחם [No book]
[29]ויאמר שלחני נא כי זבח משפחה לנו בעיר והוא צוה לי אחי ועתה אם מצאתי חן בעיניך אמלטה נא ואראה את אחי על כן לא בא אל שלחן המלך [No book]
[30]ויחר אף שאול ביהונתן ויאמר לו בן נעות המרדות הלוא ידעתי כי בחר אתה לבן ישי לבשתך ולבשת ערות אמך [No book]
[31]כי כל הימים אשר בן ישי חי על האדמה לא תכון אתה ומלכותך ועתה שלח וקח אתו אלי־כי בן מות הוא [No book]
[32]ויען יהונתן את שאול אביו ויאמר אליו למה יומת מה עשה [No book]
[33]ויטל שאול את החנית עליו להכתו וידע יהונתן כי כלה היא מעם אביו להמית את דוד [No book]
[34]ויקם יהונתן מעם השלחן בחרי אף ולא אכל ביום החדש השני לחם־כי נעצב אל דוד כי הכלמו אביו [No book]
[35]ויהי בבקר ויצא יהונתן השדה למועד דוד ונער קטן עמו [No book]
[36]ויאמר לנערו־רץ מצא נא את החצים אשר אנכי מורה הנער רץ והוא ירה החצי להעברו [No book]
[37]ויבא הנער עד מקום החצי אשר ירה יהונתן ויקרא יהונתן אחרי הנער ויאמר הלוא החצי ממך והלאה [No book]
[38]ויקרא יהונתן אחרי הנער מהרה חושה אל תעמד וילקט נער יהונתן את החצי [Q: החצים] ויבא אל אדניו [No book]
[39]והנער לא ידע מאומה אך יהונתן ודוד ידעו את הדבר [No book]
[40]ויתן יהונתן את כליו אל הנער אשר לו ויאמר לו לך הביא העיר [No book]
[41]הנער בא ודוד קם מאצל הנגב ויפל לאפיו ארצה וישתחו שלש פעמים וישקו איש את רעהו ויבכו איש את רעהו עד דוד הגדיל [No book]
[42]ויאמר יהונתן לדוד לך לשלום אשר נשבענו שנינו אנחנו בשם יהוה לאמר יהוה יהיה ביני ובינך ובין זרעי ובין זרעך עד עולם [No book]
Source: unbound.biola.edu
 Translation: M.R. James (1924)
Source: www.earlychristianwritings.com
Top