|
|
| [1]ܘܚܵܘܝܼܘ ܠܕ݂ܵܘܝܼܕ݂: ܘܐܸܡܲܪܘ ܠܹܗ: ܗܵܐ ܦܠܸܫ̈ܬܵܝܹܐ ܡܸܬ̣ܟܲܬ̇ܫܝܼܢ ܒܲܩܥܝܼܠܵܐ: ܘܗܸܢܘܿܢ ܒܵܙܝܼܢ ܐܼܕܪܹ̈ܐ. |
[No book] |
| [2]ܘܲܫܸܠ ܕܵܘܝܼܕ݂ ܒܡܵܪܝܵܐ: ܘܐܸܡܲܪ: ܐܹܙܲܠ ܐܸܚܪܘܿܒ̣ ܠܲܦܠܫ̈ܬܵܝܹܐ ܗܵܠܹܝܢ. ܘܐܸܡܲܪ ܠܹܗ ܡܵܪܝܵܐ: ܙܸܠ ܚܪܘܿܒ̣ ܠܲܦܠܸܫ̈ܬܵܝܹܐ: ܘܲܦܪܘܿܩ ܠܲܩܥܝܼܠܵܐ. |
[No book] |
| [3]ܘܐܸܡܲܪܘ ܠܹܗ ܐ̄ܢܵܫܵܘ̈ܗܝ ܠܕ݂ܵܘܝܼܕ݂: ܡ̣ܢ ܡܚܵܪ ܚܢܲܢ ܗܵܪܟܵܐ: ܚܢܵܢ ܕܵܚܠܝܼܢܲܢ: ܐܲܝܟܲܢܵܐ ܢܹܐܙܲܠ ܠܲܩܥܝܼܠܵܐ ܠܣܸܕܪܹ̈ܐ ܕܲܦܠܸܫ̈ܬܵܝܹܐ. |
[No book] |
| [4]ܘܐܵܘܣܸܦ ܬܘܼܒ̣ ܕܵܘܝܼܕ݂ ܠܡܸܫܐܲܠ ܒܐܲܠܵܗܵܐ: ܘܲܥܢܵܝܗܝ ܡܵܪܝܵܐ ܘܐܸܡܲܪ ܠܹܗ: ܩܘܼܡ ܚܘܿܬ̣ ܠܲܩܥܝܼܠܵܐ: ܡܸܛܠ ܕܐܸܢܵܐ ܡܲܫܠܸܡ ܐ̄ܢܵܐ ܡܲܫܸܠܡ ܐ̄ܢܵܐ ܠܗܘܿܢ ܠܲܦܠܸܫ̈ܬܵܝܹܐ ܒܐܝܼܕܲܝ̈ܟ. |
[No book] |
| [5]ܘܐܸܙܲܠ ܕܵܘܝܼܕ݂ ܘܓܲܒ̣ܪ̈ܵܘܗܝ ܠܲܩܥܝܼܠܵܐ: ܘܐܸܬ̣ܟܲܬܲܫܘ ܥܲܡ ܦܠܸܫ̈ܬܵܝܹ: ܘܲܕ݂ܒܲܪܘ ܒܥܝܼܪܗܘܿܢ. ܘܲܡܚܵܐ ܒܗܘܿܢ ܡܚܘܿܬ̣ܵܐ ܪܲܒ̇ܬ̣ܵܐ: ܘܲܦܪܲܩ ܕܵܘܝܼܕ݂ ܠܥܵܡܘܿܪܹ̈ܝܗ̇ ܕܲܩܥܝܼܠܵܐ. |
[No book] |
| [6]ܘܟܲܕ݂ ܥܪܲܩ ܐܲܒ̣ܝܼܬܲܪ ܒܲܪ ܐܲܚܝܼܡܲܠܟ ܠܘܵܬ̣ ܕܵܘܝܼܕ݂ ܠܲܩܥܝܼܠܵܐ: ܦܸܕܬ̣ܵܐ ܢܸܚܬܲܬ̤ ܒܐܝܼܕܹܗ. |
[No book] |
| [7]ܘܚܵܘܝܼܘ ܠܫܵܐܘܿܠ ܕܥܲܠ ܕܵܘܝܼܕ݂ ܠܲܩܥܝܼܠܵܐ: ܘܐܸܡܲܪ ܫܵܐܘܿܠ ܐܲܫ̱ܠܡܹܗ ܐܲܠܵܗܵܐ ܒܐܝܼܕܲܝ̈: ܡܸܛܠ ܕܐܸܬ̇ܬ̇ܚܸܕ݂ ܕܥܲܠ ܠܲܩܪܝܼܬ̣ܵܐ ܕܬܲܪ̈ܥܹܐ ܘܣܘܼܟ̇ܪܹ̈ܐ. |
[No book] |
| [8]ܘܐܲܫܡܵܥ ܫܵܐܘܿܠ ܠܟ݂ܠܹܗ ܥܲܡܵܐ ܠܲܩܪܵܒ̣ܵܐ ܠܡܸܚܲܬ̣ ܠܲܩܥܝܼܠܵܐ: ܠܡܸܚܒܲܫ ܠܕ݂ܵܘܝܼܕ݂: ܘܲܠܓܲܒ̣ܪܹ̈ܐ ܕܥܲܡܹܗ. |
[No book] |
| [9]ܘܝܼܕܲܥ ܕܵܘܝܼܕ݂ ܕܲܚܫܲܠ ܫܵܐܘܿܠ ܥܠܵܘܗܝ ܒܝܼܫܬܵܐ: ܘܐܸܡܲܪ ܠܐܲܒ̣ܝܼܬܲܪ ܟܵܗܢܵܐ: ܩܲܪܸܒ̣ ܠܝܼ ܦܸܕܬ̣ܵܐ. |
[No book] |
| [10]ܘܐܸܡܲܪ ܕܵܘܝܼܕ݂ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܡܸܫܡܲܥ ܫܡܲܥ ܥܲܒ̣ܕܵܟ݂: ܕܒ̣ܵܥܹܐ ܫܵܐܘܿܠ ܠܡܹܐܬ̣ܵܐ ܠܲܩܥܝܼܠܵܐ: ܠܲܡܚܲܒܵܠܘܼ ܠܲܩܪܝܼܬ̣ܵܐ ܡܸܛܠܵܬ̣ܝ. |
[No book] |
| [11]ܡܲܫܠ̱ܡܝܼܢ ܠܝܼ ܡܵܪܹ̈ܝܗ̇ ܕܲܩܪܝܼܬ̣ܵܐ ܘܲܠܓܲܒ̣ܪܹ̈ܐ ܕܥܲܡܝ ܒܐܝܼܕܹܗ ܕܫܵܐܘܿܠ. |
[No book] |
| [12]ܘܐܸܡܲܪ ܡܵܪܝܵܐ ܡܲܫܠ̱ܡܝܼܢ ܠܵܟ݂: ܩܘܼܡ ܦܘܿܩ ܡ̣ܢ ܩܪܝܼܬ̣ܵܐ. |
[No book] |
| [13]ܘܩܵܡ ܕܵܘܝܼܕ݂ ܘܓܲܒ̣ܪܹ̈ܐ ܕܥܲܡܹ̈ ܐܲܝܟ݂ ܫܸܬ̣ܡܵܐܐ ܓܲܒ̣ܪ̈ܝܼܢ: ܘܲܢܦܲܩܘ ܡ̣ܢ ܩܥܝܼܠܵܐ. ܘܲܗܦܲܟ݂ܘ ܘܚܵܘܝܼܘ ܠܫܵܐܘܿܠ ܕܲܥܪܲܩ ܕܵܘܝܼܕ݂ ܡ̣ܢ ܩܥܝܼܠܵܐ: ܘܦܵܫ ܠܹܗ ܡ̣ܢ ܕܲܠܡܸܦܲܩ. |
[No book] |
| [14]ܘܝܼܬܸܒ̣ ܕܵܘܝܼܕ݂ ܒܡܲܕ݂ܒ̇ܪܵܐ ܕܡܸܨܪܘܿܬ̣ܵܐ: ܘܝܼܬܸܒ̣ ܒܛܘܼܪܵܐ ܒܡܲܕ݂ܒ̇ܪܵܐ ܕܙܝܼܦ: ܘܲܒ̣ܥܵܝܗܝ ܫܵܐܘܿܠ ܟܠܗܘܿܢ ܝܵܘ̈ܡܵܬ̣ܵܐ: ܘܠܵܐ ܐܲܫܠ̱ܡܹܗ ܐܲܠܵܗܵܐ ܒܐܝܼܕܹܗ. |
[No book] |
| [15]ܘܲܚܙܵܐ ܕܵܘܝܼܕ݂ ܕܲܢܦܲܩ ܫܵܐܘܿܠ ܠܡܸܒ̣ܥܵܐ ܢܲܦ̮ܫܹܗ: ܘܕ݂ܵܘܝܼܕ݂ ܒܡܲܕ݂ܒ̇ܪܵܐ ܕܙܝܼܦ ܒܥܵܒ̣ܵܐ. |
[No book] |
| [16]ܘܩܵܡ ܝܘܿܢܵܬ̣ܵܢ ܒܲܪ ܫܵܐܘܿܠ: ܘܐܸܙܲܠ ܠܘܵܬ̣ ܕܵܘܝܼܕ݂ ܠܥܵܒ̣ܵܐ: ܘܚܲܡܣܸܢ ܐܝܼܕ݂ܵܘ̈ܗܝ ܒܐܲܠܵܗܵܐ. |
[No book] |
| [17]ܘܐܸܡܲܪ ܠܹܗ ܠܵܐ ܬܸܕ݂ܚܲܠ: ܡܸܛܠ ܕܠܵܐ ܡܸܫܟ̇ܚܵܐ ܠܵܟ݂ ܐܝܼܕܹܗ ܕܫܵܐܘܿܠ ܐܵܒ̣ܝ: ܘܐܲܢ̄ܬ̇ ܬܲܡܠܸܟ݂ ܥܲܠ ܝܼܣܪܵܝܹܠ: ܘܐܸܢܵܐ ܐܸܗܘܸܐ ܥܲܡܵܟ݂ ܘܬܸܚܸܐ. ܘܐܵܦ ܫܵܐܘܿܠ ܐܵܒ̣ܝ ܝܵܕܲܥ ܕܗܵܟܲܢܵܐ ܗ̄ܘ̣. |
[No book] |
| [18]ܘܐܲܩܝܼܡܘ ܬܪ̈ܲܝܗܘܿܢ ܩܝܵܡܵܐ ܩܕ݂ܵܡ ܡܵܪܝܵܐ: ܝܵܬܹܒ̣ ܟܪ̈ܘܿܒܹܐ ܒܥܘܼܡܩܵܐ. ܘܝܘܿܢܵܬ̣ܵܢ ܐܸܙܲܠ ܠܒܲܝܬܹܗ. |
[No book] |
| [19]ܘܲܣܠܸܩܘ ܙܝܼܦܵܝܹ̈ܐ ܠܘܵܬ̣ ܫܵܐܘܿܠ ܠܲܓ̣ܒܲܥ: ܘܐܸܡܲܪܘ ܠܹܗ: ܗܵܐ ܕܵܘܝܼܕ݂ ܡܸܬ̇ܛܲܫܸܐ ܥܲܡܲܢ ܒܡܸܨܪܘܿܬ̣: ܒܥܵܒ̣ܵܐ ܒܓܸܒ̣ܥܘܿܬ̣ ܒܢܲܚܠܵܐ ܕܡ̣ܢ ܝܲܡܝܼܢܵܐ ܕܐܲܫܝܼܡܘܿܢ. |
[No book] |
| [20]ܘܗܵܫܵܐ ܐܲܝܟ݂ ܟܠ ܪܸܓ̇ܬ̣ܵܐ ܕܢܲܦ̮ܫܵܟ݂ ܚܘܿܬ̣ ܥܠܲܝܢ: ܘܲܚܢܲܢ ܢܲܫܠ̱ܡܝܼܘܗܝ ܒܐܝܼܕ݂ܵܐ ܕܡܲܠܟܵܐ. |
[No book] |
| [21]ܘܐܸܡܲܪ ܠܗܘܿܢ ܫܵܐܘܿܠ: ܒܪܝܼܟ݂ܝܼܢ ܐ̄ܢܬ̇ܘܿܢ ܠܐܲܠܵܗܵܐ ܕܚܵܣܬ̇ܘܿܢ ܥܠܲܝ. |
[No book] |
| [22]ܙܸܠܘ ܬܸܒ̣ܘ ܛܲܒ̣ܘ ܝܲܬ̣ܒܹ̇ܗ: ܘܕܲܥܘ ܘܲܚܙܵܘ ܕܘܼܟ̇ܬܹܗ: ܕܬܸܗܘܸܐ ܪܸܓ̣ܠܹܗ ܕܡ̇ܢ ܕܲܚܙܵܝܗܝ ܬܲܡܵܢ: ܡܸܛܠ ܕܐܸܡܲܪܘ ܠܝܼ ܕܲܡܥܲܪܵܡܘܼ ܡܥܲܪܲܡ. |
[No book] |
| [23]ܘܕܲܥܘ ܘܲܚܙܵܘ ܡ̣ܢ ܟܠܗܹܝܢ ܡܲܛܫ̈ܝܵܬ̣ܵܐ ܕܲܡܛܲܫܲܝ ܬܲܡܵܢ: ܘܲܗܦܘܿܟ݂ܘ ܠܘܵܬ̣ܝ ܠܡܲܬ̣ܩܵܢܘܼܬܲܢܝ: ܘܐܹܙܲܠ ܥܲܡܟ݂ܘܿܢ. ܕܐܸܢ ܐܝܼܬ̣ܵܘܗܝ ܒܐܲܪܥܵܐ: ܐܸܒ̣ܨܝܘܗܝ ܒܟ݂ܠܗܘܿܢ ܐܲܠܦܹ̈ܐ ܕܲܝܗܘܼܕ݂ܵܐ. |
[No book] |
| [24]ܘܩܵܡܘ ܘܐܸܙܲܠܘ ܠܙܝܼܦ: ܩܕ݂ܵܡ ܫܵܐܘܿܠ: ܘܕ݂ܵܘܝܼܕ݂ ܘܓܲܒ̣ܪ̈ܵܘܗܝ ܒܡܲܕ݂ܒ̇ܪܵܐ ܕܡܵܥܘܿܢ: ܒܥܵܪܵܒ̣ܵܐ ܥܲܠ ܓܹܢ̄ܒ̣ ܐܲܫܝܼܡܘܿܢ. |
[No book] |
| [25]ܘܐܸܙܲܠ ܫܵܐܘܿܠ ܘܥܲܒ̣̈ܕܵܘܗܝ ܠܡܸܒ̣ܥܵܐ ܠܕ݂ܵܘܝܼܕ݂: ܘܚܵܘܝܼܘ ܠܕ݂ܵܘܝܼܕ݂ ܘܲܢܚܸܬ̣ ܠܹܗ ܠܲܥܣܠܲܥ: ܘܝܼܬܸܒ̣ ܒܡܲܕ݂ܒ̇ܪܵܐ ܕܡܵܥܘܿܢ: ܘܲܫܡܲܥ ܫܵܐܘܿܠ ܘܲܪܕܲܦ ܒܵܬܲܪ ܕܵܘܝܼܕ݂ ܠܡܲܕ݂ܒ̇ܪܵܐ ܕܡܵܥܘܿܢ. |
[No book] |
| [26]ܘܐܸܙܲܠ ܫܵܐܘܿܠ ܡ̣ܢ ܓܲܒܹ̇ܗ ܕܛܘܼܪܵܐ: ܘܕ݂ܵܘܝܼܕ݂ ܘܓܲܒ̣ܪ̈ܵܘܗܝ ܡ̣ܢ ܓܲܒܹ̇ܗ ܐ̄ܚܪܹܢܵܐ. ܘܲܗܘ̤ܵܐ ܕܵܘܝܼܕ݂ ܡܸܣܬܲܪܗܲܒ̣ ܠܡܸܥܪܲܩ ܡ̣ܢ ܩܕ݂ܵܡ ܫܵܐܘܿܠ: ܘܫܵܐܘܿܠ ܘܥܲܒ̣ܕܵܘ̈ܗܝ ܡܸܬ̣ܟܲܪܟ̇ܝܼܢ ܥܲܠ ܕܵܘܝܼܕ݂ ܘܥܲܠ ܓܲܒ̣ܪ̈ܵܘܗܝ ܠܡܹܐܚܲܕ݂ ܐܸܢܘܿܢ. |
[No book] |
| [27]ܘܐܝܼܙܓܲܕܵܐ ܐܸܬ̣ܵܐ ܠܘܵܬ̣ ܫܵܐܘܿܠ ܘܐܸܡܲܪ ܠܹܗ: ܒܲܥܓܲܠ ܬܵܐ: ܡܸܛܠ ܕܲܫܪܵܘ ܦܠܸܫ̈ܬܵܝܹܐ ܒܟ݂ܠܵܗ̇ ܐܲܪܥܵܐ. |
[No book] |
| [28]ܘܲܗܦܲܟ݂ ܫܵܐܘܿܠ ܡ̣ܢ ܒܵܬܲܪ ܕܵܘܝܼܕ݂: ܘܐܸܙܲܠ ܠܐܘܼܪܥܵܐ ܕܲܦܠܸܫ̈ܬܵܝܹܐ: ܡܸܛܠ ܗܵܢܵܐ ܩܪܵܐܘܗ̇ ܠܐܲܪܥܐ ܗܵܝ ܣܸܢܥܵܪ ܦܵܠܓ̇ܘܼܬ̣ܵܐ. |
[No book] |