|
|
| [1]ܘܲܗܘ̤ܵܐ ܒܝܵܘ̈ܡܵܬ̣ܵܐ ܗܵܢܘܿܢ: ܘܟܲܢܸܫܘ ܦܠܸܫ̈ܬܵܝܹܐ ܡܲܫܪ̈ܝܵܬ̣ܗܘܿܢ ܠܲܩܪܵܒ̣ܵܐ ܠܢܲܚܠܵܐ: ܠܡܸܬ̣ܟܲܬܵܫܘܼ ܥܲܡ ܝܼܣܪܵܝܹܠ. ܘܐܸܡܲܪ ܐܲܟ݂ܝܼܫ ܠܕ݂ܵܘܝܼܕ݂: ܡܸܕܲܥ ܬܸܕܲܥ ܕܥܲܡܝ ܬܸܦܘܿܩ ܠܡܲܫܪܝܼܬ̣ܵܐ: ܐܲܢ̄ܬ̇ ܘܓܲܒ̣ܪܹ̈ܐ ܕܥܲܡܵܟ݂. |
[No book] |
| [2]ܘܐܸܡܲܪ ܕܵܘܝܼܕ݂ܕ ܠܐܟ݂ܝܼܫ: ܡܸܛܠ ܗܵܢܵܐ ܐܲܢ̄ܬ̇ ܬܸܕܲܥ ܡܸܕܸܡ ܕܢܸܥܒܸ̇ܕ݂ ܥܲܒ̣ܕܵܟ݂: ܘܐܸܡܲܪ ܐܲܟ݂ܝܼܫ ܠܕ݂ܵܘܝܼܕ݂: ܡܸܛܠ ܗܵܢܵܐ ܢܵܛܘܿܪܵܐ ܐܸܥܒ̇ܕ݂ܵܟ݂ ܠܪܹܫ ܟܠܗܘܿܢ ܝܵܘ̈ܡܵܬ̣ܵܐ. |
[No book] |
| [3]ܘܲܫܡܘܼܐܹܝܠ ܡܝܼܬ̣: ܘܐܲܪܩܸܕ݂ܘ ܥܠܵܘܗܝ ܟܠܹܗ ܝܼܣܪܵܝܹܠ: ܘܲܩܒ̣ܪܘܼܗܝ ܒܪܵܡـܟܵܐ ܒܩܲܒ̣ܪܹܗ. ܘܫܵܐܘܿܠ ܐܲܥܒܲܪ ܙܲܟ̇ܘܼܪܹ̈ܐ ܘܝܲܕܘܼܥܹ̈ܐ ܡ̣ܢ ܐܲܪܥܵܐ. |
[No book] |
| [4]ܘܐܸܬ̣ܟܲܢܲܫܘ ܦܠܸܫ̈ܬܵܝܹܐ: ܘܐܸܬ̣ܵܐܘ ܫܪܵܘ ܒܲܫܟܹܝܡ. ܘܟܲܢܸܫ ܫܵܐܘܿܠ ܠܟ݂ܠܹܗ ܝܼܣܪܵܝܹܠ: ܘܲܫܪܵܘ ܒܓܲܠܓܵܠܵܐ. |
[No book] |
| [5]ܘܲܚܙܵܐ ܫܵܐܘܿܠ ܠܡܫܪܝܼܬ̣ܵܐ ܕܲܦܠܸܫ̈ܬܵܝܹܐ ܘܲܕ݂ܚܸܠ: ܘܙܵܥ ܠܸܒܹܗ ܛܵܒ̣. |
[No book] |
| [6]ܘܲܫܐܸܠ ܒܡܵܪܝܵܐ ܘܠܵܐ ܥܢܵܝܗܝ: ܘܐܵܦ ܒܚܸܠܡܵܐ: ܘܐܵܦ ܒܢܘܼܪܑܵ: ܘܐܵܦ ܒܲܢܒ̣̈ܝܹܐ. |
[No book] |
| [7]ܘܐܸܡܲܪ ܫܵܐܘܿܠ ܠܥܲܒ̣̈ܕܵܘܗܝ: ܒܥܵܘ ܠܝܼ ܐܲܢ̄ܬ̇ܬ̣ܵܐ ܕܡܲܣܩܵܐ ܙܲܟ̇ܘܼܪܹ̈ܐ: ܘܐܹܙܲܠ ܠܘܵܬ̣ܵܗ̇: ܘܐܸܫܐܲܠ ܒܵܗ̇. ܐܵܡܪܝܼܢ ܠܹܗ ܥܲܒ̣ܕܵܘ̈ܗܝ: ܗܵܐ ܐܲܢ̄ܬ̇ܬ̣ܵܐ ܕܡܲܣܩܵܐ ܙܲܟ̇ܘܼܪܹ̈ܐ ܒܥܲܕ݂ܘܵܥܝܼܪ. |
[No book] |
| [8]ܘܐܸܫܬܲܠܲܚ ܫܵܐܘܿܠ ܢܲܚܬܵܘ̈ܗܝ: ܘܲܠܒܸܫ ܢܲܚ̈ܬܹܐ ܐ̄ܚܪ̈ܵܢܹܐ: ܘܐܸܙܲܠ ܗ̤ܘ ܘܲܬ̣ܪܹܝܢ ܓܲܒ̣ܪ̈ܝܼܢ ܥܲܡܹܗ: ܘܐܸܬ̣ܵܐܘ ܠܘܵܬ̣ ܐܲܢ̄ܬ̇ܬ̣ܵܐ ܒܠܸܠܝܵܐ. ܘܐܸܡܲܪ ܠܵܗ̇ ܫܵܐܘܿܠ: ܩܨܘܿܡܝ ܠܝܼ ܒܙܲܟ̇ܘܼܪܵܐ: ܘܐܲܣܸܩܝ ܠܝܼ ܠܡ̇ܢ ܕܐܹܡܲܪ ܠܹܟ݂ܝ. |
[No book] |
| [9]ܘܐܸܡܲܪܲܬ̤ ܠܹܗ ܐܲܢ̄ܬ̇ܬ̣ܵܐ: ܗܵܐ ܐܲܢ̄ܬ̇ ܝܵܕܲܥ ܐܲܢ̄ܬ̇ ܡܸܕܸܡ ܕܲܥܒܲܕ݂ ܫܵܐܘܿܠ: ܕܐܲܥܒܲܪ ܙܲܟ̇ܘܼܪܹ̈ܐ ܘܝܲܕܘܼܥܹ̈ܐ ܡ̣ܢ ܐܲܪܥܵܐ: ܠܡܵܢܵܐ ܡܨܲܝܸܕ݂ ܢܲܦ̮ܫܝ ܠܲܡܡܵܬ̣ܘܼܬܲܢܝ. |
[No book] |
| [10]ܘܝܼܡܵܐ ܠܵܗ̇ ܫܵܐܘܿܠ ܒܡܵܪܝܵܐ: ܘܐܸܡܲܪ: ܚܲܝ ܗ̄ܘ̣ ܡܵܪܝܵܐ ܕܠܵܐ ܢܸܗܘܸܐ ܠܹܟ݂ܝ ܣܘܼܪܚܵܢ ܒܦܸܬ̣ܓ̣ܵܡܵܐ ܗܵܢܵܐ. |
[No book] |
| [11]ܘܐܸܡܪܲܬ̤ ܐܲܢ̄ܬ̇ܬ̣ܵܐ: ܠܡ̇ܢ ܐܲܣܸܩ ܠܵܟ݂: ܘܐܸܡܲܪ ܠܲܫܡܘܼܐܹܝܠ ܐܲܣܸܩܝ ܠܝܼ. |
[No book] |
| [12]ܘܲܚܙܵܬܹܗ ܐܲܢ̄ܬ̇ܬ̣ܵܐ ܠܲܫܡܘܼܐܹܝܠ: ܘܐܲܝܠܲܬ̤ ܒܩܵܠܵܐ ܪܵܡܵܐ: ܘܐܸܡܪܲܬ̤ ܠܫܵܐܘܿܠ: ܡܢܵܘ ܗܵܢܵܐ ܕܲܥܒܲܕܬ̇ ܠܝܼ: ܠܡܵܢܵܐ ܢܟܲܠܬܵܢܝ: ܘܐܲܢ̄ܬ̇ ܫܵܐܘܿܠ ܐܲܢ̄ܬ̇. |
[No book] |
| [13]ܘܐܸܡܲܪ ܠܵܗ̇ ܡܲܠܟܵܐ ܠܵܐ ܬܸܕ݂ܚ̄ܠܝܼܢ: ܡܵܢܵܐ ܚܙܲܝܬ̇ܝ: ܘܐܸܡܪܲܬ̤ ܐܲܢ̄ܬ̇ܬ̣ܵܐ ܠܫܵܐܘܿܠ: ܐܲܠܵܗܹ̈ܐ ܚܙܹܝܬ̣ ܕܣܵܠܩܝܼܢ ܡ̣ܢ ܐܲܪܥܵܐ. |
[No book] |
| [14]ܘܐܸܡܲܪ ܠܵܗ̇ ܡܵܢܵܘ ܚܸܙܘܹܗ: ܐܵܘܪܵܐ ܠܹܗ: ܓܲܒ̣ܪܵܐ ܣܵܒ̣ܵܐ ܣܵܠܹܩ ܘܲܡܥܲܛܲܦ ܒܲܦܪܝܼܣܵܐ. ܘܝܼܕܲܥ ܫܵܐܘܿܠ ܕܲܫܡܘܼܐܹܝܠ ܗ̄ܘ̣: ܘܲܢܦܲܠ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ ܘܲܣܓܸܕ݂. |
[No book] |
| [15]ܘܐܸܡܲܪ ܫܡܘܼܐܹܝܠ ܠܫܵܐܘܿܠ: ܠܡܵܢܵܐ ܐܲܙܝܼܥܬܵܢܝ ܠܡܲܣܵܩܘܼܬܲܢܝ. ܘܐܸܡܲܪ ܫܵܐܘܿܠ: ܥܵܩܲܬ̤ ܠܝܼ ܛܵܒ̣: ܘܲܦܠܸܫ̈ܬܵܝܹܐ ܡܸܬ̣ܟܲܬ̇ܫܝܼܢ ܥܲܡܝ: ܘܐܲܠܵܗܵܐ ܥܒܲܕܪ ܡܹܢܝ: ܘܠܵܐ ܥܢܵܢܝ ܬܘܼܒ̣: ܘܐܵܦ ܒܐܝܼܕ݂ܵܐ ܕܲܢܒ̣̈ܝܹܐ ܘܐܵܦ ܒܚܸܠܡܵܐ ܒܥܹܝܬ̣. ܘܲܩܪܹܝܬ̣ܵܟ݂ ܕܲܬ̣ܚܵܘܹܝܢܝ ܡܵܢܵܐ ܐܸܥܒܸ̇ܕ݂. |
[No book] |
| [16]ܘܐܸܡܲܪ ܫܡܘܼܐܹܝܠ ܠܫܵܐܘܿܠ: ܡܵܢܵܐ ܡܫܐܲܐܸܠ ܐܲܢ̄ܬ̇ ܠܝܼ ܕܡܵܪܝܵܐ ܥܒܲܪ ܠܹܗ ܡܸܢܵܟ݂: ܘܲܗܘ̤ܵܐ ܥܲܡ ܚܲܒ̣ܪܵܟ݂. |
[No book] |
| [17]ܘܲܥܒܲܕ݂ ܠܹܗ ܡܵܪܝܵܐ ܐܲܝܟܲܢܵܐ ܕܐܸܡܲܪ ܒܐܝܼܕ݂ܝ: ܘܲܨܪܵܐ ܡܲܠܟ̇ܘܼܬ̣ܵܐ ܡ̣ܢ ܐܝܼܕ݂ܵܟ݂: ܘܝܲܗ̄ܒܵܗ̇ ܠܚܲܒ̣ܪܵܟ݂ ܕܵܘܝܼܕ݂. |
[No book] |
| [18]ܥܲܠ ܕܠܵܐ ܫܡܲܥܬ̇ ܒܩܵܠܹܗ ܕܡܵܪܝܵܐ: ܘܠܵܐ ܥܒܲܕܬ̇ ܚܸܡܬ̣ܵܐ ܕܪܘܼܓ̣ܙܹܗ ܒܲܥܡܵܠܹܝܩ. ܡܸܛܠ ܗܵܢܵܐ ܦܸܬ̣ܓ̣ܵܡܵܐ ܥܒܲܕ݂ ܠܵܟ݂ ܡܵܪܝܵܐ ܝܵܘܡܵܢܵܐ. |
[No book] |
| [19]ܘܢܲܫܠܸܡ ܡܵܪܝܵܐ ܐܵܦ ܝܼܣܪܵܝܹܠ ܥܲܡܵܟ݂ ܒܐܝܼܕ݂ܵܐ ܕܲܦܠܸܫ̈ܬܵܝܹܐ: ܘܲܡܚܵܪ ܐܲܢ̄ܬ̇ ܘܲܒ̣ܢܲܝ̈ܟ ܠܘܵܬ̣. ܘܐܵܦ ܠܡܲܫܪܝܼܬ̣ܵܐ ܕܝܼܣܪܵܝܹܠ: ܢܲܫ̱ܠܡܝܼܗ̇ ܡܵܪܝܵܐ ܒܐܝܼܕ݂ܵܐ ܕܲܦܠܸܫ̈ܬܵܝܹܐ. |
[No book] |
| [20]ܘܐܸܣܬ̇ܪܗܲܒ̣ ܫܵܐܘܿܠ: ܘܲܢܦܲܠ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ: ܘܲܕ݂ܚܸܠ ܛܵܒ̣ ܡ̣ܢ ܡܸܠܵܘ̈ܗܝ ܕܲܫܡܘܼܐܹܠ: ܘܐܵܦ ܚܲܝܠܵܐ ܠܲܝܬ̇ ܗ̄ܘ̣ܵܐ ܒܹܗ: ܡܸܛܠ ܕܟ݂ܠܹܗ ܐܝܼܡܵܡܵܐ ܗܵܘ̇ ܘܟ݂ܠܹܗ ܠܸܠܝܵܐ ܠܵܐ ܐܸܟܲܠ ܗ̄ܘ̣ܵܐ ܠܲܚܡܵܐ. |
[No book] |
| [21]ܘܐܸܬ̣ܵܬ̤ ܐܲܢ̄ܬ̇ܬ̣ܵܐ ܠܘܵܬ̣ ܫܵܐܘܿܠ ܘܲܚܙܵܬ̤ ܕܲܕ݂ܚܸܠ ܛܵܒ̣: ܘܐܸܡܪܲܬ̤ ܠܹܗ: ܗܵܐ ܫܸܡܥܲܬ̤ ܐܲܡܬ̣ܵܟ݂ ܠܩܵܠܵܟ݂: ܘܣܵܡܹܬ̣ ܢܲܦ̮ܫܝ ܒܐܝܼܕܲܝ̈ܟ: ܘܫܸܡ̇ܥܹܬ̣ ܡܸܠܲܝ̈ܟ ܕܐܸܡܲܪܬ̇ ܠܝܼ. |
[No book] |
| [22]ܗܵܫܵܐ ܫܡܲܥ ܐܵܦ ܐܲܢ̄ܬ̇ ܒܩܵܠܵܐ ܕܐܲܡܬ̣ܵܟ݂: ܘܐܹܣܝܼܡ ܩܕ݂ܵܡܲܝܟ ܩܲܨܝܵܐ ܕܠܲܚܡܵܐ: ܘܐܲܟ݂ܘܿܠ ܘܢܸܗܘܸܐ ܒܵܟ݂ ܚܲܝܠܵܐ: ܡܸܛܠ ܕܐܵܙܹܠ ܐܲܢ̄ܬ̇ ܒܐܘܼܪܚܵܐ. |
[No book] |
| [23]ܘܠܵܐ ܨܒ̣ܵܐ: ܘܐܸܡܲܪ ܠܵܗ̇ ܠܵܐ ܐܵܟܹܠ ܐ̄ܢܵܐ. ܘܲܒ̣ܥܵܘ ܡܸܢܹܗ ܥܲܒ̣ܕܵܘ̈ܗܝ ܘܐܵܦ ܐܲܢ̄ܬ̇ܬ̣ܵܐ: ܘܲܫܡܲܥ ܒܩܵܠܗܘܿܢ: ܘܩܵܡ ܡ̣ܢ ܐܲܪܥܵܐ ܘܝܼܬܸܒ̣ ܥܲܠ ܥܲܪܣܵܐ. |
[No book] |
| [24]ܘܠܲܐܢ̄ܬ̇ܬ̣ܵܐ ܥܸܓ̣ܠܵܐ ܡܪܲܒܲܝ ܗ̄ܘ̣ܵܐ ܠܵܗ̇ ܒܒܲܝܬܵܗ̇: ܘܐܸܣܬܲܪ̱ܗܒܲܬ̤ ܢܟܲܣܬܹܗ. ܘܢܸܣܒܲܬ̤ ܩܲܡܚܵܐ ܠܵܫܲܬ̤ ܘܐܲܦܵܬ̤ ܦܲܛܝܼܪܵܐ. |
[No book] |
| [25]ܘܩܲܪܒܲܬ̤ ܩܕ݂ܵܡ ܫܵܐܘܿܠ ܘܲܩܕ݂ܵܡ ܥܲܒ̣ܕܵܘ̈ܗܝ: ܘܲܠܥܸܣܘ ܘܩܵܡܘ ܗܲܠܸܟ݂ܘ ܒܠܸܠܝܵܐ ܗܵܘ̇. |
[No book] |