➖ »
«
➖ ➕
Peshitta OT
PesOT
Shem Tob's Hebrew Matthew (1400)
ShemTob
←
1 Samuel
1Sa
3
→
[1]ܘܛܲܠܝܵܐ ܫܡܘܼܐܹܝܠ ܡܫܲܡܸܫ ܗ̄ܘ̣ܵܐ ܩܕ݂ܵܡ ܡܵܪܝܵܐ ܩܕ݂ܵܡ ܥܹܠܝܼ ܟܵܗܢܵܐ: ܘܦܸܬ̣ܓ̣ܵܡܹܗ ܕܡܵܪܝܵܐ ܝܲܩܝܼܤ ܗ̄ܘ̣ܵܐ ܒܝܵܘ̈ܡܵܬ̣ܵܐ ܗܵܢܘܿܢ: ܠܲܝܬ̇ ܚܸܙܘܵܐ ܕ݂ܓ̣ܠܸܐ. [No book]
[2]ܘܲܗܘ̤ܵܐ ܒܗܵܢܘܿܢ ܝܵܘ̈ܡܵܬ̣ܵܐ: ܘܥܹܠܝܼ ܕܡܸܟ݂ ܒܕ݂ܘܼܟ̇ܬܹܗ: ܘܥܲܝܢܵܘ̈ܗܝ ܫܲܪܝܼ ܝܵܩܪ̈ܵܢ: ܘܠܵܐ ܡܸܫܟܲܚ ܗ̄ܘ̣ܵܐ ܠܡܸܚܙܵܐ. [No book]
[3]ܘܲܫܪܵܓܹܗ ܕܡܵܪܝܵܐ ܥܕܲܟܹ̇ܝܠ ܠܵܐ ܕܥܸܟ݂. ܘܲܫܡܘܼܐܹܝܠ ܕܡܸܟ݂ ܒܗܲܝܟ̇ܠܹܗ ܕܡܵܪܝܵܐ ܕܬܲܡܵܢ ܩܹܒ̣ܘܿܬܹܗ ܕܐܲܠܵܗܵܐ. [No book]
[4]ܘܲܩܪܵܐ ܡܵܪܝܵܐ ܠܲܫܡܘܼܐܹܝܠ: ܘܐܸܡܲܪ ܗܵܐ ܐܸܢܵܐ. [No book]
[5]ܘܲܪܗܸܛ ܠܘܵܬ̣ ܥܹܠܝܼ: ܘܐܸܡܲܪ ܗܵܐ ܐܸܢܵܐ ܕܲܩܪܲܝܬܵܢܝ. ܘܐܸܡܲܪ ܠܵܐ ܩܪܹܝܬ̣: ܙܸܠ ܕܡܲܟ݂. ܘܐܸܙܲܠ ܕܡܸܟ݂. [No book]
[6]ܘܐܵܘܣܸܦ ܬܘܼܒ̣ ܡܵܪܝܵܐ ܠܡܸܩܪܵܐ ܠܲܫܡܘܼܐܹܝܠ: ܘܩܵܡ ܫܡܘܼܐܹܝܠ ܘܐܸܙܲܠ ܠܘܵܬ̣ ܥܹܠܝܼ: ܘܐܸܡܲܪ ܗܵܐ ܐܸܢܵܐ ܕܲܩܪܲܝܬܵܢܝ. ܘܐܸܡܲܪ ܠܵܐ ܩܪܹܝܬ̣ ܒܹܪܝ: ܙܸܠ ܕܡܲܟ݂. [No book]
[7]ܘܲܫܡܘܼܐܹܝܠ ܥܕܲܟܹ̇ܝܠ ܠܵܐ ܝܕܲܥ ܠܡܵܪܝܵܐ: ܘܲܥܕܲܟܹ̇ܝܠ ܠܵܐ ܐܸܬ̣ܓ̇ܠܝܼ ܥܠܵܘܗܝ ܦܸܬ̣ܓ̣ܵܡܹܗ ܕܡܵܪܝܵܐ. [No book]
[8]ܘܐܵܘܣܸܦ ܬܘܼܒ̣ ܡܵܪܝܵܐ ܠܡܸܩܪܵܐ ܠܲܫܡܘܼܐܹܝܠ ܕܲܬ̣ܠܵܬ̣ ܙܲܒ̣̈ܢܝܼܢ. ܘܩܵܡ ܫܡܘܼܐܹܝܠ ܘܐܸܙܲܠ ܠܘܵܬ̣ ܥܹܠܝܼ: ܘܐܸܡܲܪ ܗܵܐ ܐܸܢܵܐ ܕܲܩܪܲܝܬܵܢܝ. ܘܐܸܬ̣ܒܲܝܲܢ ܥܹܠܝܼ ܕܡܵܪܝܵܐ ܩܪܵܐ ܠܛܲܠܝܵܐ. [No book]
[9]ܘܐܸܡܲܪ ܥܹܠܝܼ ܠܲܫܡܘܼܐܹܝܠ: ܙܸܠ ܕܡܲܟ݂. ܘܐܸܢ ܢܸܩܪܹܝܢ ܐܸܡܲܪ: ܡܲܠܸܠ ܡܵܪܝܵܐ ܡܸܛܠ ܕܫܵܡܲܥ ܥܲܒ̣ܕܵܟ݂. ܘܐܸܙܲܠ ܫܡܘܼܐܹܝܠ ܘܲܕ݂ܡܸܟ݂ ܒܕ݂ܘܼܟ̇ܬܹܗ. [No book]
[10]ܘܐܸܬ̣ܵܐ ܡܵܪܝܵܐ ܘܩܵܡ ܘܲܩܪܵܐ ܬܲܪܬܹܝܢ ܙܲܒ̣ܢ̈ܝܼܢ: ܫܡܘܼܐܹܝܠ: ܫܡܘܼܐܹܝܠ. ܘܐܸܡܲܪ ܫܡܘܼܐܹܝܠ: ܡܲܠܸܠ ܡܵܪܝܵܐ ܕܫܵܡܲܥ ܥܲܒ̣ܕܵܟ݂. [No book]
[11]ܘܐܸܡܲܪ ܡܵܪܝܵܐ ܠܲܫܡܘܼܐܹܝܠ: ܗܵܐ ܥܵܒܹܕ݂ ܐ̄ܢܵܐ ܦܸܬ̣ܓ̣ܵܡܵܐ ܒܝܼܣܪܵܝܹܠ: ܕܟ݂ܠ ܕܢܸܫܡ̱ܥܝܼܘܗܝ. ܢܸܨ̈ܠܵܢ ܬܲܪ̈ܬܲܝܗܹܝܢ ܐܸܕ݂ܢܵܘ̈ܗܝ. [No book]
[12]ܒܝܵܘܡܵܐ ܗܵܘ̇ ܐܲܩܝܼܡ ܥܲܠ ܥܹܠܝܼ ܟܠ ܕܐܸܡ̇ܪܹܬ̣ ܥܲܠ ܒܲܝܬܹܗ: ܫܘܼܪܵܝܵܐ ܘܲܓ̣ܡܘܼܪܝܵܐ. [No book]
[13]ܘܐܹܚܵܘܹܝܘܗܝ ܕܕ݂ܵܐܹܢ ܐ̄ܢܵܐ ܠܒܲܝܬܹܗ ܠܥܵܠܲܡ: ܒܥܵܘ̣ܠܵܐ ܕܝܵܕܲܥ ܗ̄ܘ̣ܵܐ ܕܲܡܨܲܥܪܝܼܢ ܗ̄ܘ̣ܵܐ ܗܵܠܹܝܢ ܒܢܘ̈ܗܝ ܠܥܲܡܵܐ. ܘܠܵܐ ܟ݂ܐܵܐ ܒܗܘܿܢ. [No book]
[14]ܡܸܛܠ ܗܵܢܵܐ ܐܲܡܝܼܬ̣ ܠܲܕ݂ܒܹܝܬ̣ ܥܹܠܝܼ: ܘܠܵܐ ܢܸܬ̣ܚܲܣܸܐ ܥܵܘ̣ܠܵܐ ܕܒܹܝܬ̣ ܥܹܠܝܼ: ܒܕܸܒ̣ܚܹ̈ܐ ܘܲܒ̣ܩܘܼܪ̈ܒܵܢܹܐ ܥܕܲܡܵܐ ܠܥܵܠܲܡ. [No book]
[15]ܘܲܕ݂ܡܸܟ݂ ܫܡܘܼܐܹܝܠ ܥܕܲܡܵܐ ܠܨܲܦܪܵܐ: ܘܲܦܬܲܚ ܬܲܪܥܵܐ ܕܒܲܝܬܹܗ ܕܡܵܪܝܵܐ: ܘܲܫܡܘܼܐܹܝܠ ܕܚܸܠ ܕܲܢܚܵܘܸܐ ܚܸܙܘܵܐ ܠܥܹܠܝܼ. [No book]
[16]ܘܲܩܪܵܐ ܥܹܠܝܼ ܠܲܫܡܘܼܐܹܝܠ ܘܐܸܡܲܪ: ܫܡܘܼܐܹܝܠ ܒܹܪܝ: ܘܐܸܡܲܪ ܗܵܐ ܐܸܢܵܐ. [No book]
[17]ܘܐܸܡܲܪ ܠܹܗ: ܡܵܢܵܐ ܗ̄ܘ݂ ܦܸܬ̣ܓ̣ܵܡܵܐ ܕܐܸܡܲܪ ܠܵܟ݂ ܡܵܪܝܵܐ: ܠܵܐ ܬܸܒ̣ܗܲܬ̣ ܡܹܢܝ. ܗܵܟܲܢܵܐ ܢܸܥܒܸ̇ܕ݂ ܠܵܟ݂ ܐܲܠܵܗܵܐ: ܘܗܵܟܲܢܵܐ ܢܵܘܣܸܦ ܠܵܟ݂: ܐܸܢ ܬܟܲܣܸܐ ܡܹܢܝ ܡܸܠܬ̣ܵܐ ܡ̣ܢ ܟܠ ܦܸܬ̣ܓ̣ܵܡܵܐ ܕܐܸܡܲܪ ܠܵܟ݂ ܡܵܪܝܵܐ. [No book]
[18]ܘܚܵܘܝܹܗ ܫܡܘܼܐܹܝܠ ܟܠܗܹܝܢ ܡܸܠܹ̈ܐ: ܘܠܵܐ ܟܲܣܝܼ ܡܸ̤ܢܹܗ. ܘܐܸܡܲܪ ܥܹܠܝܼ: ܡܵܪܝܵܐ ܗ̄ܘ̣: ܟܠ ܕܫܲܦܝܼܪ ܒܥܲܝܢܵܘ̈ܗܝ ܢܸܥܒܸ̇ܕ݂. [No book]
[19]ܘܝܼܕܲܥ ܫܡܘܼܐܹܝܠ ܕܡܵܪܝܵܐ ܗ̄ܘ̣ܵܐ ܥܲܡܹܗ: ܘܠܵܐ ܐܲܪܡܝܼ ܡ̣ܢ ܟܠܗܹܝܢ ܡܸܠܵܘ̈ܗܝ ܥܲܠ ܐܲܪܥܵܐ. [No book]
[20]ܘܝܼܕܲܥ ܟܠܹܗ ܝܼܣܪܵܝܹܠ ܡ̣ܢ ܕܵܢ ܘܲܥܕܲܡܵܐ ܠܒܹܪܫܒܲܥ: ܕܐܸܬ̣ܗܲܝܡܲܢ ܫܡܘܼܐܹܝܠ ܢܒ̣ܝܼܵܐ ܠܐܲܠܵܗܵܐ. [No book]
[21]ܘܐܵܘܣܸܦ ܬܘܼܒ̣ ܡܵܪܝܵܐ ܠܡܸܬ̣ܓ̇ܠܵܝܘܼ ܒܫܝܼܠܘܿ ܒܦܸܬ̣ܓ̣ܵܡܵܘ̈ܗܝ: ܘܲܗܘ̤ܵܐ ܦܸܬ̣ܓ̣ܵܡܹܗ ܕܲܫܡܘܼܐܹܝܠ ܥܲܠ ܟܠܹܗ ܝܼܣܪܵܝܹܠ. [No book]
Author: Shem-Tob ben Isaac Ibn Shaprut (14th century)

See information...
Top