|
|
| [1]ܘܟܲܕ݂ ܐܸܬ̣ܵܐ ܕܵܘܝܼܕ݂ ܘܓܲܒ̣ܪ̈ܵܘܗܝ ܠܨܸܢܩܠܲܓ̣ ܒܝܵܘܡܵܐ ܬܠܝܼܬ̣ܵܝܵܐ: ܘܲܥܡܵܠܩܵܝܹ̈ܐ ܗܲܠܸܟ݂ܘ ܥܲܠ ܢܓܲܒ̣ ܘܥܲܠ ܨܸܢܩܠܲܓ̣: ܘܐܵܘܩܸܕ݂ܘ ܐܸܢܹܝܢ ܒܢܘܼܪܵܐ. |
[No book] |
| [2]ܘܲܫܒ̣ܵܘ ܐ̄ܢܵܐ ܕܲܒ̣ܗܹܝܢ: ܡ̣ܢ ܙܥܘܿܪܵܐ ܘܲܥܕܲܡܵܐ ܠܪܲܒܵܐ. ܘܐܲܡܝܼܬ̣ܘ ܓܲܒ̣ܪܹ̈ܐ: ܘܲܕ݂ܒܲܪܘ ܘܐܸܙܲܠܘ ܠܐܘܼܪܚܗܘܿܢ. |
[No book] |
| [3]ܘܐܸܬ̣ܵܐ ܕܵܘܝܼܕ݂ ܘܓ̣ܪܗܵܘܗܝ ܠܲܩܪܝܼܬ̣ܵܐ: ܘܗܵܐ ܡܵܘܩܕ݂ܵܐ ܒܢܘܼܪܵܐ: ܘܢܸܫܲܝ̈ܗܘܿܢ ܘܲܒ̣ܢܲܝ̈ܗܘܿܢ ܘܲܒ̣̈ܢܵܬ̣ܗܘܿܢ ܐܸܫܬ̇ܒ̣ܝܼܘ. |
[No book] |
| [4]ܘܐܲܪܝܼܡ ܕܵܘܝܼܕ݂ ܘܥܲܡܵܐ ܩܵܠܗܘܿܢ ܘܲܒ̣ܟ݂ܵܘ: ܥܕܲܡܵܐ ܕܠܐܵܗ̄ܘ̣ܵܐ ܒܗܘܿܢ ܚܲܝܠܵܐ ܠܡܸܒ̣ܟܵܐ. |
[No book] |
| [5]ܘܬܲܪܬܹܝܢ ܢܸܫܵܘ̈ܗܝ ܕܕ݂ܵܘܝܼܕ݂ ܐܸܫܬ̇ܒ̣ܝܼ: ܐܲܚܝܼܢܥܸܡ ܕܡ̣ܢ ܐܝܼܙܲܪܥܹܝܠ: ܘܐܲܒ̣ܝܼܓܸܠ ܐܲܢ̄ܬ̇ܬܹܗ ܕܢܵܒ̣ܵܠ ܟܲܪܡ̄ܠܵܝܵܐ. |
[No book] |
| [6]ܘܥܵܩܲܬ̤ ܠܕ݂ܵܘܝܼܕ݂ ܛܵܒ̣: ܡܸܛܠ ܕܐܸܡܲܪ ܥܲܡܵܐ ܠܡܸܪܓܡܹܗ: ܡܸܛܠ ܕܡܝܼܬܲܬ̤ ܢܲܦ̮ܫܹܗ ܕܟ݂ܠܹܗ ܥܲܡܵܐ ܥܲܠ ܒ̈ܢܲܝܗܘܿܢ ܘܥܲܠ ܒ̈ܢܵـܟܗܘܿܢ. ܘܚܲܡܣܸܢ ܕܵܘܝܼܕ݂ ܒܡܵܪܝܵܐ ܐܲܠܵܗܹܗ. |
[No book] |
| [7]ܘܐܸܡܲܪ ܕܵܘܝܼܕ݂ ܠܐܲܒ̣ܝܼܬܲܪ ܟܵܗܢܵܐ ܒܲܪ ܐܲܚܝܼܡܲܠܟ: ܩܲܪܒ̣ ܦܸܕܬ̣ܵܐ. ܘܩܲܪܒ̣ ܠܲܒ̣ܝܼܬܲܪ ܦܸܕܬ̣ܵܐ ܠܕ݂ܵܘܝܼܕ݂. |
[No book] |
| [8]ܘܲܫܐܸܠ ܕܵܘܝܼܕ݂ ܒܡܵܪܝܵܐ ܘܐܸܡܲܪ: ܐܸܪܕܘܿܦ ܒܵܬܲܪ ܓܲܝܣܵܐ ܗܵܢܵܐ: ܡܲܕ݂ܪܸܟ݂ ܐ̄ܢܵܐ ܠܹܗ. ܘܐܸܡܲܪ ܠܹܗ: ܪܕ݂ܘܿܦ: ܡܸܛܠ ܕܒܲܥܓܲܠ ܡܲܕ݂ܪܸܟ݂ ܐܲܢ̄ܬ̇ ܠܹܗ: ܘܲܡܦܲܨܸܐ ܐܲܢܬ̇. |
[No book] |
| [9]ܘܐܸܙܲܠ ܕܵܘܝܼܕ݂ ܗ̤ܘ ܘܫܸܬ̣ܡܵܐܐ ܓܲܒ̣ܪ̈ܝܼܢ ܕܥܲܡܹܗ: ܘܐܸܬ̣ܵܘ ܥܕܲܡܵܐ ܠܢܲܚܠܵܐ ܕܒ̣ܘܼܨܵܪ. ܘܲܫܒܲܩ ܕܵܘܝܼܕ݂ ܡܲܐܬܹܝܢ ܓܲܒ̣ܪ̈ܝܼܢ. |
[No book] |
| [10]ܘܩܵܡ ܪܕܲܦ ܕܵܘܝܼܕ݂ ܗ̤ܘ ܘܐܲܪܒܲܥܡܵܐ ܓܲܒ̣ܪ̈ܝܼܢ ܘܩܵܡܘ ܡܲܐܬܹܝܢ ܓܲܒ̣ܪ̈ܝܼܢ ܕܦܵܫܘ: ܘܲܢܛܲܪܘ ܕܠܵܐ ܢܸܥܒ̇ܪܘܼܢ ܢܲܚܠܵܐ ܕܒܟܘܼܨܵܪ. |
[No book] |
| [11]ܘܐܸܫܟܲܚܘ ܓܲܒ̣ܪܵܐ ܡܸܨܪܵܝܵܐ ܒܚܲܩܠܵܐ: ܘܐܲܝܬ̇ܝܘܼܗܝ ܠܘܵܬ̣ ܕܵܘܝܼܕ݂: ܘܝܲܗ̄ܒ̣ ܠܹܗ ܠܲܚܡܵܐ ܘܲܠܥܸܣ: ܘܐܲܫܩܝܘܼܗܝ ܡܲܝ̈ܵܐ. |
[No book] |
| [12]ܘܬܲܪܬܹܝܢ ܓܘܼܒ̣̈ܢܝܼܢ: ܘܐܸܟܲܠ ܘܗܸܦܟܲܬ̤ ܥܠܵܘܗܝ ܪܘܼܚܹܗ. ܡܸܛܠ ܕܲܬ̣ܠܵܬ̣ܵܐ ܝܵܘ̈ܡܝܼܢ ܘܲܬ̣ܠܵܬ̣ܵܐ ܠܲܝ̈ܠܵܘܵܢ: ܠܵܐ ܐܸܟܲܠ ܠܲܚܡܵܐ: ܘܠܵܐ ܐܸܫܬ̇ܝܼ ܡܲܝ̈ܵܐ. |
[No book] |
| [13]ܐܵܡܲܪ ܠܹܗ ܕܵܘܝܼܕ݂: ܕܡ̇ܢ ܐܲܢ̄ܬ̇ ܘܡ̣ܢ ܐܲܝܡܸܟ̇ܐ ܐܸܬܲܝܬ̇. ܘܐܸܡܲܪ: ܥܠܲܝܡܵܐ ܡܸܨܪܵܝܵܐ ܐ̄ܢܵܐ: ܥܲܒ̣ܕܵܐ ܐ̄ܢܵܐ ܕܓܲܒ̣ܪܵܐ ܥܡܵܠܩܵܝܵܐ: ܘܫܲܒ̣ܩܲܢܝ ܡܵܪܝ ܡܸܛܠ ܕܐܸܬ̣ܟܲܪܗܹܬ̣. ܗܵܐ ܬܠܵܬ̣ܵܐ ܝܵܘ̈ܡܝܼܢ. |
[No book] |
| [14]ܗܵܐ ܡ̣ܢ ܕܐܸܬܲܝܢ ܡ̣ܢ ܢܓܲܒ̣ ܕܲܝܗܘܼܕ݂ܵܐ: ܘܡ̣ܢ ܢܓܲܒ̣ ܕܟ݂ܵܠܵܒ̣: ܘܡ̣ܢ ܨܸܢܩܠܲܓ̣: ܕܐܵܘܩܸܕܢ ܐܸܢܹܝܢ ܒܢܘܼܪܵܐ. |
[No book] |
| [15]ܐܵܡܪ ܠܹܗ ܕܵܘܝܼܕ݂: ܡܲܚܸܬ̣ ܐܲܢ̄ܬ̇ ܠܝܼ ܥܲܠ ܓܲܝܣܵܐ ܗܵܢܵܐ. ܐܵܡܲܪ ܠܹܗ: ܝܼܡܝܼ ܠܝܼ ܒܡܵܪܝܵܐ ܕܠܵܐ ܬܸܩܛܠܲܢܝ ܘܠܑܵ ܬܲܫ̱ܠܡܲܢܝ ܒܐܝܼܕ݂ܵܐ ܕܡܵܪܝ: ܘܐܸܢܵܐ ܐܹܚܵܘܹܝܟ݂ ܓܲܝܣܵܐ ܗܵܢܵܐ. |
[No book] |
| [16]ܘܝܼܡܵܐ ܠܹܗ ܕܵܘܝܼܕ݂ ܘܐܲܚܬܹܗ: ܘܗܵܐ ܗܸܢܘܿܢ ܫܪܹܝܢ ܥܲܠ ܐܲܦܲܝ̈ ܐܲܪܥܵܐ ܠܵܥܣܝܼܢ ܘܫܵܬܹܝܢ: ܘܚܵܕܹܝܢ ܒ̣ܟ݂ܠܵܗ̇ ܒܙܬ̣ܵܐ ܪܲܒ̇ܬ̣ܵܐ: ܕܲܢܣܲܒ̣ܘ ܡ̣ܢ ܐܵܪܥܵܐ ܕܲܝܗܘܼܕ݂ܵܐ. |
[No book] |
| [17]ܘܲܡܚܵܐ ܐܸܢܘܿܢ ܕܵܘܝܼܕ݂: ܡ̣ܢ ܨܲܦܪܵܐ ܘܲܥܕܲܡܵܐ ܠܪܲܡܫܵܐ ܡ̣ܢ ܒܸܣܬܲܪܗܘܿܢ. ܘܠܵܐ ܐܸܬ̣ܦܲܠܲܛܘ ܡܸܢܗܘܿܢ: ܐܸܠܵܐ ܐܸܢ ܐܲܪܒ̇ܥܡܵܐܐ ܓܲܒ̣ܪ̈ܝܼܢ ܕܲܪܟ݂ܒ̣ܘ ܥܲܠ ܓܲܡ̈ܠܹܗ ܘܲܥܪܲܩܘ. |
[No book] |
| [18]ܘܦܲܨܝܼ ܕܵܘܝܼܕ݂ ܠܟ݂ܠ ܕܲܢܣܲܒ̣ܘ ܥܡܵܠܩܵܝܹ̈ܐ: ܘܬܲܪܬܹܝܢ ܢܸܫܵܘ̈ܗܝ ܒܝܵܘܡܵܐ ܗܵܘ̇. |
[No book] |
| [19]ܘܠܵܐ ܛܥܵܐ ܠܗܘܿܢ ܡܸܕܸܡ: ܐܸܠܵܐ ܟܠ ܡܸܕܸܡ ܐܲܗܦܸܟ݂ ܕܵܘܝܼܕ݂. |
[No book] |
| [20]ܘܲܕ݂ܒܲܪ ܕܵܘܝܼܕ݂ ܟܠܵܗ̇ ܥܵܢ̈ܵܐ ܘܬ̣ܵܘܪܹ̈ܐ: ܠܦܘܼܬ̣ ܩܸܢܝܵܢܵܐ ܗܵܘ̇: ܘܐܸܡܲܪܘ ܗܵܢܵܐ ܡܕܸܡ ܕܐܲܥܕܲܝܼ ܕܵܘܝܼܕ݂. |
[No book] |
| [21]ܘܐܸܬ̣ܵܐ ܕܵܘܝܼܕ݂ ܠܘܵܬ̣ ܡܲܐܬܹܝܢ ܓܲܒ̣ܪ̈ܝܼܢ ܕܦܵܫܘ ܠܡܸܛܲܪ ܡܵܐܢܹ̈ܐ: ܕܐܵܘܬܸܒ̣ܘ ܐܸܢܘܿܢ ܠܡܸܛܲܪ ܒܐܘܼܪܚܵܐ ܕܒ̣ܘܼܨܵܪ: ܘܲܢܦܲܩܘ ܠܐܘܼܪܥܹܗ ܕܕ݂ܵܘܝܼܕ݂ ܘܠܐܘܼܪܥܵܐ ܕܥܲܡܵܐ ܕܥܲܡܹܗ. ܘܲܩܪܸܒ̣ܘ ܕܵܘܝܼܕ݂ ܘܥܲܡܵܐ ܘܲܫܐܸܠܘ ܒܲܫܠܵܡܗܘܿܢ. |
[No book] |
| [22]ܘܲܥܢܵܘ ܓܲܒ̣ܪܹ̈ܐ ܒܝܼܫܹ̈ܐ ܘܥܵܘܵܠܹ̈ܐ ܡ̣ܢ ܓܲܒ̣ܪܹ̈ܐ ܕܐܸܙܲܠܘ ܥܲܡ ܕܵܘܝܼܕ݂: ܘܐܸܡܲܪܘ: ܥܲܠ ܕܠܵܐ ܐܸܙܲܠܘ ܥܲܡܲܢ: ܠܵܐ ܬܸܬ̣ܝܼܗܸܒ̣ ܠܗܘܿܢ ܡܢܵܬ̣ܵܐ ܡ̣̱ܢ ܒܸܙܬ̣ܵܐ ܕܦܲܨܝܼܢ: ܐܸܠܵܐ ܢܸܕ݂ܒ̇ܪܘܼܢ ܓܒܲܪ ܐܲܢ̄ܬ̇ܬܹܗ ܘܲܒ̣ܢܵܘ̈ܗܝ. |
[No book] |
| [23]ܘܐܸܡܲܪ ܕܵܘܝܼܕ݂: ܠܵܐ ܬܸܥܒ̇ܕ݂ܘܼܢ ܗܵܟܲܢܵܐ ܐܲܚܝ̈ܢ: ܕܝܲܗ̄ܒ̣ ܠܲܢ ܡܵܪܝܵܐ ܘܢܲܛܪܲܢ: ܘܐܲܫܠܸܡ ܒܐܝܼܕܲܝ̈ܢ ܓܲܝܣܵܐ ܕܐܸܬ̣ܵܐ ܥܠܲܝܢ. |
[No book] |
| [24]ܡܲܢܘܼ ܢܸܫܡܲܥ ܠܡܸܠܲܬ̣ܟ݂ܘܿܢ ܗܵܕܹܐ: ܡܸܛܠ ܕܲܡܢܵܬܹܗ ܕܡ̇ܢ ܕܢܵܚܹܬ̣ ܠܲܩܪܵܒ̣ܵܐ: ܐܲܝܟ݂ ܡܢܵܬܹܗ ܕܡ̇ܢ ܕܝܵܬܹܒ̣ ܓܹܢ̄ܒ̣ ܡܵܐܢܹ̈ܐ: ܘܐܲܟ݂ܚ̄ܕ݂ܵܐ ܡܦܲܠܓ̣ܝܼܢ. |
[No book] |
| [25]ܘܲܗܘ̤ܵܐ ܡ̣ܢ ܝܵܘܡܵܐ ܗܵܘ̇. ܘܣܵܡܹܗ ܕܵܘܝܼܕ݂ ܩܝܵܡܵܐ ܗܵܢܵܐ: ܘܙܸܕ݂ܩܵܐ ܥܕܲܡܵܐ ܠܝܵܘܡܵܢܵܐ. |
[No book] |
| [26]ܘܐܸܬ̣ܵܐ ܕܵܘܝܼܕ݂ ܠܨܸܢܩܠܲܓ̣: ܘܫܲܕܲܪ ܡ̣ܢ ܒܸܙܬ̣ܵܐ ܠܣܵܒܹ̈ܐ ܕܲܝܗܘܼܕ݂ܵܐ ܘܲܠܚܲܒ̣ܪ̈ܲܝܗܘܿܢ: ܘܐܸܡܲܪ: ܗܵܐ ܠܟ݂ܘܿܢ ܒܘܼܪܟ̇ܬ̣ܵܐ: ܡ̣ܢ ܒܸܙܬ̣ܵܐ ܕܲܒ̣ܥܠܕܒ̣ܵܒܵܘ̈ܗܝ ܕܡܵܪܝܵܐ. |
[No book] |
| [27]ܘܫܲܕܲܪ ܠܲܕܒܹܝܬ̣ ܐܹܝܠ: ܘܠܲܕ݂ܒܹܝܬ̣ ܪܵܡܘܼܬ̣ ܢܓܲܒ̣: ܘܠܲܕ݂ܒܹܝܬ̣ ܥܵܢ. |
[No book] |
| [28]ܘܠܲܕ݂ܒܹܝܬ̣ ܥܲܕ݂ܘܵܥܝܼܪ: ܘܲܠܕܲܒ̣ܣܲܦ̮ܡܘܼܬ̣: ܘܲܠܕܲܒ̣ܫܸܬ̇ܡܘܿܥ. |
[No book] |
| [29]ܘܲܠܕܲܒ̣ܪܲܟܹܝܠ: ܘܲܠܕܲܒ̣ܩܘܼܪ̈ܝܵܐ ܕܝܲܪܚ̄ܡܹܠ: ܘܲܠܕܲܒ̣ܘܼܪ̈ܝܵܐ ܕܩܝܼ̈ܢܵܝܹܐ. |
[No book] |
| [30]ܘܲܠܕܲܒ̣ܚܸܪܡܵܐ: ܘܠܲܕ݂ܒ̣ܵܪܥܵܫܵܢ: ܘܲܠܕܲܒ̣ܥܢܵܟ݂: ܘܲܠܕܲܒ̣ܚܸܒ̣ܪܘܿܢ: ܘܲܠܟ݂ܠܗܘܿܢ ܐܲܬ̣ܪ̈ܵܘܵܬ̣ܵܐ ܕܗܲܠܸܟ݂ ܬܲܡܵܢ ܕ݂ܵܘܝܼܕ݂: ܗ̤ܘ ܘܓܲܒ̣ܪܗܵܘܗܝ. |
[No book] |