|
|
| [No book] |
[1]But the spirit seith opynli, that in the laste tymes summen schulen departe fro the feith, yyuynge tent to spiritis of errour, and to techingis of deuelis; that speken leesing in ipocrisie, |
| [No book] |
[2]and haue her conscience corrupt, |
| [No book] |
[3]forbedinge to be weddid, to absteyne fro metis, whiche God made to take with doyng of thankingis, to feithful men, and hem that han knowe the treuthe. |
| [No book] |
[4]For ech creature of God is good, and no thing is to be cast awei, which is takun with doyng of thankyngis; |
| [No book] |
[5]for it is halewid bi the word of God, and bi preyer. |
| [No book] |
[6]Thou puttynge forth these thingis to britheren, schalt be a good mynystre of Crist Jhesu; nurschid with wordis of feith and of good doctryne, which thou hast gete. |
| [No book] |
[7]But eschewe thou vncouenable fablis, and elde wymmenus fablis; haunte thi silf to pitee. |
| [No book] |
[8]For bodili exercitation is profitable to litle thing; but pitee is profitable to alle thingis, that hath a biheest of lijf that now is, and that is to come. |
| [No book] |
[9]A trewe word, and worthi al acceptacioun. |
| [No book] |
[10]And in this thing we trauelen, and ben cursid, for we hopen in lyuyng God, that is sauyour of alle men, moost of feithful men. |
| [No book] |
[11]Comaunde thou this thing, and teche. |
| [No book] |
[12]No man dispise thi yongthe, but be thou ensaumple of feithful men in word, in lyuyng, in charite, in feith, in chastite. |
| [No book] |
[13]Tyl Y come, take tent to redyng, to exortacioun and teching. |
| [No book] |
[14]Nyle thou litil charge the grace which is in thee, that is youun to thee bi profecie, with putting on of the hondis of preesthod. |
| [No book] |
[15]Thenke thou these thingis, in these be thou, that thi profiting be schewid to alle men. |
| [No book] |
[16]Take tent to thi silf and to doctryn; be bisi in hem. For thou doynge these thingis, schalt `make bothe thi silf saaf, and hem that heren thee. |