|
|
| [1]ܘܐܸܬ̣ܥܲܫܲܢ ܫܠܹܝܡܘܿܢ ܒܪܹܗ ܕܕ݂ܵܘܝܼܕ݂ ܒܡܲܠܟ̇ܘܼܬܹܗ. ܘܡܵܪܝܵܐ ܐܲܠܵܗܹܗ ܥܲܡܹܗ. ܘܐܵܘ̱ܪܒܹܗ ܠܥܸܠ ܡ̣ܢ ܟܠܗܘܿܢ ܡܲܠ̈ܟܹ̇ܐ ܕܐܲܪܥܵܐ. |
[No book] |
| [2]ܘܐܸܡܲܪ ܫܠܹܝܡܘܿܢ ܠܟ݂ܠܹܗ ܝܼܣܪܵܝܹܠ: ܠܪܵܘ̱ܪ̈ܒ̣ܵܢܹܐ ܕܐܲܠܦܹ̈ܐ ܘܲܕ݂ܡܲܐ̈ܘܵܬ̣ܵܐ: ܘܲܠܕܲܝܵܢܹ̈ܐ: ܘܲܠܟ݂ܠܗܘܿܢ ܪܵܘ̱ܪ̈ܒ̣ܵܢܹܐ: ܪܹ̈ܫܹܐ ܕܐܲܒ̣ܵـ̈ـܗܵܬ̣ܵܐ. |
[No book] |
| [3]ܘܐܸܙܲܠ̣ ܫܠܹܝܡܘܿܢ ܘܟ݂ܠ ܥܲܡܵܐ ܕܐܝܼܬ̣ ܥܲܡܹܗ: ܠܒ̣ܘܼܣܵܡܵܐ ܪܲܒܵܐ ܕܲܗܘ̤ܵܐ ܒܓܸܒ̣ܥܘܿܢ ܩܪܝܼܬ̣ܵܐ. ܡܸܛܠ ܕܬܲܡܵܢ ܗ̄ܘ̣ܵܐ ܡܲܫܟ̇ܢܵܐ ܕܥܹܐܕ݂ܵܐ ܕܡܵܪܝܵܐ: ܕܲܥܒܲܕ̣ ܡܘܼܫܹܐ ܥܲܒ̣ܕܹ̇ܗ ܕܡܵܪܝܵܐ ܒܡܲܕ݂ܒ̇ܪܵܐ ܠܘܼܩܒܲܠ ܩܹܒ̣ܘܿܬܹ̇ܗ ܕܡܵܪܝܵܐ. |
[No book] |
| [4]ܘܐܲܣܩܵܗ̇ ܗ̄ܘ̣ܵܐ ܕܵܘܝܼܕ݂ ܡ̣ܢ ܩܪܝܼܬ̣ܵܐ ܕܟܲܦܪ̈ܘܿܢܹܐ: ܐܲܝܟܵܐ ܕܐܲܬ̣ܩܸܢ ܗ̄ܘ̣ܵܐ ܠܵܗ̇ ܕܵܘܝܼܕ݂ ܕܘܼܟ̇ܬ̣ܵܐ. ܡܸܛܠ ܕܲܢܩܲܫ ܗ̄ܘ̣ܵܐ ܠܵܗ̇ ܡܲܫܟ̇ܢܵܐ ܒܐܘܿܪܸܫܠܸܡ. |
[No book] |
| [5]ܘܡܲܕ݂ܒ̇ܚܵܐ ܕܲܢܚܵܫܵܐ ܕܲܥܒܲܕ݂ ܗ̄ܘ̣ܵܐ ܒܲܨܠܵܝܐܹܝܠ ܒܲܪ ܐܘܿܪܝܼ: ܒܲܪ ܚܘܿܪ: ܣܝܼܡ ܗ̄ܘ̣ܵܐ ܩܕ݂ܵܡ ܡܲܫܟ̇ܢܵܐ ܕܡܵܪܝܵܐ: ܘܬܲܒ̣ܥܹܗ ܗ̄ܘ̣ܵܐ ܫܠܹܝܡܘܿܢ ܘܟ݂ܠܵܗ̇ ܟܢܘܼܫܬܵܐ ܕܝܼܣܪܵܝܹܠ. |
[No book] |
| [6]ܘܐܲܣܸܩ̣ ܗ̄ܘ̣ܵܐ ܫܠܹܝܡܘܿܢ ܬܲܡܵܢ ܥܲܠ ܡܲܕ݂ܒ̇ܚܵܐ ܕܲܢܚܵܫܵܐ: ܩܕ݂ܵܡ ܡܵܪܝܵܐ: ܕܐܝܼܬ̣ ܗ̄ܘ̣ܵܐ ܒܡܲܫܟ̇ܢܵܐ ܕܥܹܐܕ݂ܵܐ. ܘܩܲܪܸܒ̣ ܥܠܵܘܗܝ ܥܠܵـ̈ـܘܵܬ̣ܵܐ ܐܵܠܹܦ. |
[No book] |
| [7]ܒܠܸܠܝܵܐ ܗܵܘ̇ ܐܸܬ̣ܓ̇ܠܝܼ ܡܵܪܝܵܐ ܥܲܠ ܫܠܹܝܡܘܿܢ ܒܚܸܠܡܵܐ ܕܠܸܠܝܵܐ. ܘܐܸܡܲܪ ܠܹܗ ܡܵܪܝܵܐ: ܫܐܲܠ ܡܸܕܸ̇ܡ: ܘܐܸܬܸ̇ܠ ܠܵܟ݂. |
[No book] |
| [8]ܘܐܸܡܲܪ ܫܠܹܝܡܘܿܢ ܠܡܵܪܝܵܐ: ܐܲܢ̄ܬ̇ ܥܒܲܕ̇ܬ̇ ܥܲܡ ܕܵܘܝܼܕ݂ ܐܲܒ̣ܝ ܚܸܣܕ݂ܵܐ ܪܲܒܵܐ: ܘܐܲܩܝܼܡ̣ܬܵܢܝ ܠܝܼ ܒܡܲܠܟ̇ܘܼܬ̣ܵܐ ܡ̣ܢ ܒܵܬ̣ܪܹܗ. |
[No book] |
| [9]ܘܐܵܦ ܗܵܫܵܐ ܡܵܪܝܵܐ ܐܲܠܵܗܝ: ܢܸܫܪ̈ܵܢ ܡܸܟܹ̇ܝܠ ܡܸܠܲܝ̈ܟ ܕܡܲܠܠܸܬ̇ ܥܲܡ ܕܵܘܝܼܕ݂ ܐܲܒ̣ܝ. ܡܸܛܠ ܕܐܲܢ̄ܬ̇ ܐܲܩܝܼܡ̣ܬܵܢܝ ܥܲܠ ܥܲܡܵܐ ܗܵܢܵܐ: ܘܣܲܓ̇ܝܼܵܐܐ ܗ̄ܘ̣ ܐܲܝܟ݂ ܥܲܦܪܵܐ ܕܐܲܪܥܵܐ. |
[No book] |
| [10]ܘܐܵܦ ܗܵܫܵܐ ܚܸܟ݂ܡ̱ܬ̣ܵܐ ܘܝܼܕܲܥܬ̣ܵܐ ܗܲܒ̣ܠܝܼ: ܕܐܸܗܘܹܐ ܥܵܐܹ̇ܠ ܘܢܵܦܹ̇ܩ ܒܪܹܫܹܗ ܕܥܲܡܵܐ ܡܸܛܠ ܕܡܲܢܘܼ ܡܸܫܟܲܚ ܠܲܡܕ݂ܵܢܹܗ ܠܥܲܡܵܟ݂ ܗܵܢܵܐ ܪܲܒܵܐ. |
[No book] |
| [11]ܘܐܸܡܲܪ ܡܵܪܝܵܐ ܠܲܫܠܹܝܡܘܿܢ: ܚܠܵܦ ܕܲܗܘ̤ܵܬ̣ ܗܵܕܹܐ ܒܪܸܥܝܵܢܵܟ݂: ܘܠܵܐ ܫܐܸܠܬ̇ ܠܵܟ݂ ܢܸܟ݂ܣܹ̈ܐ ܘܐܝܼܩܵܪܵܐ: ܘܠܵܐ ܢܲܦ̮̈ܫܵܬ̣ܵܐ ܕܲܒ̣ܥܸܠܕ̇ܒ̣ܵܒܲܝ̈ܟ. ܘܠܵܐ ܫܐܸܠܬ̇ ܠܵܟ݂ ܝܵܘ̈ܡܵܬ̣ܸܵܐ ܣܲܓ̇ܝܼ̈ܐܹܐ ܕܬܸܚܸܐ ܒܗܘܿܢ. ܘܲܫܐܸܠܬ̇ ܠܵܟ݂ ܚܸܟ݂ܡ̱ܬ̣ܵܐ ܘܝܼܕܲܥܬ̣ܵܐ. ܕܲܬ̇ܕ݂ܘܼܢ ܠܥܲܡܝ ܕܐܲܩܝܼܡ̇ܬܵܟ݂ ܒܡܲܠܟ̇ܘܼܬ̣ܵܐ ܥܠܵܘܗܝ. |
[No book] |
| [12]ܘܐܵܦ ܡܸܕܸ̇ܡ ܕܠܵܐ ܫܐܸܠܬ̇: ܝܵܗܹ̇ܒ̣ ܐ̄ܢܵܐ ܠܵܟ݂: ܚܸܟ݂ܡ̱ܬ̣ܵܐ ܘܝܼܕܲܥܬ̣ܵܐ: ܘܥܘܼܬ̣ܪܵܐ: ܘܢܸܟ݂ܣܹ̈ܐ: ܘܐܝܼܩܵܪܵܐ. ܕܠܵܐ ܗܘ̤ܵܐ ܐܲܟ݂ܘܵܬ̣ܵܟ݂: ܒܡܲܠ̈ܟܹ̇ܐ ܟܠܗܘܿܢ ܕܩܵܡ̣ܘ ܩܕ݂ܵܡܲܝܟ: ܘܒ̣ܵܬ̣ܪܵܟ݂ ܠܵܐ ܢܩܘܼܡ ܐܲܟ݂ܘܵܬ̣ܵܟ݂. |
[No book] |
| [13]ܘܐܸܬ̣ܵܐ ܫܠܹܝܡܘܿܢ ܠܒ̣ܘܼܣܵܡܵܐ ܪܲܒܵܐ ܕܐܝܼܬ̣ ܒܓܸܒ̣ܥܘܿܢ ܩܪܝܼܬ̣ܵܐ ܕܡ̣ܢ ܡܲܕ݂ܢ̱ܚܵܐ ܕܐܘܿܪܸܫܠܸܡ: ܡ̣ܢ ܩܕ݂ܵܡ ܡܲܫܟ̇ܢܵܐ ܕܥܹܐܕ݂ܵܐ: ܘܐܲܡ̣ܠܸܟ݂ ܥܲܠ ܟܠܹܗ ܝܼܣܪܵܝܹܠ. |
[No book] |
| [14]ܘܟܲܢܸܫ ܫܠܹܝܡܘܿܢ ܙܵܘ̈ܓܹ̇ܐ ܘܦܲܪ̈ܵܫܹܐ. ܘܲܗܘ̤ܵܘ ܠܹܗ ܐܵܠܹܦ ܘܐܲܪܒܲܥܡܵܐܐ ܙܵܘܓ̇ܝܼ̈ܢ: ܘܲܬ̣ܪܸܥܣܲܪ ܐܲܠܦ̈ܝܼܢ ܦܲܪ̈ܵܫܝܼܢ ܘܐܲܩܝܼܡ ܐܸܢܘܿܢ ܠܙܵܘ̈ܓܹ̇ܐ ܒܩܘܼܪ̈ܝܵܐ. ܘܡܸܢܗܘܿܢ ܗܘ̤ܵܘ ܥܲܡ ܡܲܠܟܵܐ ܒܐܘܿܪܸܫܠܸܡ. |
[No book] |
| [15]ܘܝܲܗ̄ܒ̣ ܡܲܠܟܵܐ ܟܸܣܦܵܐ ܒܐܘܿܪܸܫܠܸܡ ܐܲܝܟ݂ ܟܹܐܦܹ̈ܐ: ܘܐܲܪ̈ܙܹܐ ܝܲܗ̄ܒ̣ ܐܲܝܟ݂ ܚܵܠܵܐ ܕܥܲܠ ܣܸܦܲܬ̣ ܝܲܡܵܐ ܣܘܿܓ̣ܵܐܐ. |
[No book] |
| [16]ܘܙܵܒ̣ܢܝܼܢ ܗ̄ܘ̣ܵܘ ܪ̈ܲܟ݂ܫܵܐ ܠܲܫܠܹܝܡܘܿܢ ܡ̣ܢ ܡܸܨܪܹܝܢ: ܘܡ̣ܢ ܡܕ݂ܝܼܢܲܬ̣ ܐܲܦܠܵܝܹ̈ܐ: ܬܲܓܵܪ̈ܵܘܗܝ ܕܡܲܠܟܵܐ: ܡ̣ܢ ܡܕ݂ܝܼܢܲܬ̣ ܐܲܦܠܵܝܹ̈ܐ ܒܲܕ݂ܡܲـ̈ـܝܵܐ. |
[No book] |
| [17]ܘܣܵܠܩܝܼܢ ܘܙܵܒ̣ܢܝܼܢ ܙܵܘܓܵܐ ܡ̣ܢ ܡܸܨܪܹܝܢ ܒܫܸܬ̣ܡܵܐܐ ܕܟܸܣܦܵܐ: ܘܣܘܼܣܝܵܐ ܒܲܡܵܐܐ ܘܚܲܡܫܝܼܢ ܘܗܵܟܲܢܵܐ ܠܟ݂ܠ ܡܲܠ̈ܟܹ̇ܐ ܚܹܬ̣ܵܝܹ̈ܐ: ܘܡܲܠܟܲܝ̈ ܐܲܕ݂ܘܿܡ. ܘܒ̣ܐܝܼܕܲܝ̈ܗܘܿܢ ܡܲܦܩܝܼܢ. |
[No book] |