|
|
| [1]Profectus est autem Roboam in Sichem: illuc enim cunctus Israël convenerat ut constituerent eum regem. |
[No book] |
| [2]Quod cum audisset Jeroboam filius Nabat, qui erat in Ægypto (fugerat quippe illuc ante Salomonem) statim reversus est. |
[No book] |
| [3]Vocaveruntque eum, et venit cum universo Israël, et locuti sunt ad Roboam, dicentes: |
[No book] |
| [4]Pater tuus durissimo jugo nos pressit: tu leviora impera patre tuo, qui nobis imposuit gravem servitutem, et paululum de onere subleva, ut serviamus tibi. |
[No book] |
| [5]Qui ait: Post tres dies revertimini ad me. Cumque abiisset populus, |
[No book] |
| [6]iniit consilium cum senibus, qui steterant coram patre ejus Salomone dum adhuc viveret, dicens: Quid datis consilii ut respondeam populo? |
[No book] |
| [7]Qui dixerunt ei: Si placueris populo huic, et leniveris eos verbis clementibus, servient tibi omni tempore. |
[No book] |
| [8]At ille reliquit consilium senum, et cum juvenibus tractare cœpit, qui cum eo nutriti fuerant, et erant in comitatu illius. |
[No book] |
| [9]Dixitque ad eos: Quid vobis videtur? vel respondere quid debeo populo huic, qui dixit mihi: Subleva jugum quod imposuit nobis pater tuus? |
[No book] |
| [10]At illi responderunt ut juvenes, et nutriti cum eo in deliciis, atque dixerunt: Sic loqueris populo, qui dixit tibi: Pater tuus aggravavit jugum nostrum, tu subleva: et sic respondebis ei: Minimus digitus meus grossior est lumbis patris mei. |
[No book] |
| [11]Pater meus imposuit vobis grave jugum, et ego majus pondus apponam; pater meus cecidit vos flagellis, ego vero cædam vos scorpionibus. |
[No book] |
| [12]Venit ergo Jeroboam, et universus populus ad Roboam die tertio, sicut præceperat eis. |
[No book] |
| [13]Responditque rex dura, derelicto consilio seniorum: |
[No book] |
| [14]locutusque est juxta juvenum voluntatem: Pater meus grave vobis imposuit jugum, quod ego gravius faciam; pater meus cecidit vos flagellis, ego vero cædam vos scorpionibus. |
[No book] |
| [15]Et non acquievit populi precibus: erat enim voluntatis Dei ut compleretur sermo ejus, quem locutus fuerat per manum Ahiæ Silonitis ad Jeroboam filium Nabat. |
[No book] |
| [16]Populus autem universus rege duriora dicente, sic locutus est ad eum: Non est nobis pars in David, neque hæreditas in filio Isai. Revertere in tabernacula tua, Israël; tu autem pasce domum tuam David. Et abiit Israël in tabernacula sua. |
[No book] |
| [17]Super filios autem Israël, qui habitabant in civitatibus Juda, regnavit Roboam. |
[No book] |
| [18]Misitque rex Roboam Aduram, qui præerat tributis, et lapidaverunt eum filii Israël, et mortuus est: porro rex Roboam currum festinavit ascendere, et fugit in Jerusalem. |
[No book] |
| [19]Recessitque Israël a domo David, usque ad diem hanc. |
[No book] |