➖ »
«
➖ ➕
Peshitta OT
PesOT
The Epistle of Barnabas
EpiBar
←
2 Chronicles
2Ch
24
→
[1]ܒܲܪ ܫܒܲܥ ܫܢ̈ܝܼܢ ܝܘܿܐܵܫ ܟܲܕ݂ ܩܵܡ̣ ܒܡܲܠܟ̇ܘܼܬ̣ܵܐ: ܘܐܲܪܒ̇ܥܝܼܢ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ ܘܲܫܡܵܗ̇ ܕܐܸܡܹܗ ܨܘܼܒ̣ܵܐ: ܡ̣ܢ ܒܹܪ ܫܒܲܥ ܡܕ݂ܝܼܢ̄ܬܵܐ. [No book]
[2]ܘܲܥܒܲܕ݂ ܝܘܿܐܵܫ ܕܫܲܦܝܼܪ ܩܕ݂ܵܡ ܡܵܪܝܵܐ: ܟܠ ܝܵܘ̈ܡܵܬ̣ܵܐ ܕܚܲܝܵܘ̈ܗܝ ܕܝܘܿܝܵܕ݂ܵܥ ܟܵܗܢܵܐ. [No book]
[3]ܘܲܢܣܲܒ̣ ܠܹܗ ܝܘܿܝܵܕ݂ܵܥ ܢܸܫܹ̈ܐ ܬܲܪܬ̇ܝܼܢ: ܘܐܵܘܠܸܕ݂ ܠܹܗ ܒܢܲـ̈ـܝܵܐ ܘܲܒ̣ـ̈ـܢܵܬ̣ܵܐ. [No book]
[4]ܘܲܗܘ̤ܵܐ ܡ̣ܢ ܒܵܬܲܪ ܗܵܠܹܝܢ: ܗܘ̤ܵܐ ܠܸܒܹ̇ܗ ܥܲܡ ܝܘܿܐܵܫ ܒܐ̄ܪܵܙܵܐ: ܠܲܡܚܲܕܵܬ̣ܘ ܒܲܝܬܹ̇ܗ ܕܡܵܪܝܵܐ: ܘܲܠܡܸܒ̣ܕܲܩ ܒܹܗ ܟܠ ܡܸܕܸ̇ܡ ܕܡܸܬ̣ܒ̇ܥܹܐ. [No book]
[5]ܘܟܲܢܸܫ ܝܘܿܝܵܕ݂ܵܥ ܟܵܗܢܵܐ: ܠܟ݂ܵܗܢܹ̈ܐ: ܘܲܠܠܹܘܵܝܹ̈ܐ. ܘܐܸܡܲܪ ܠܗܘܿܢ: ܦܘܿܩܘ ܠܩܘܼܪ̈ܝܵܐ ܕܒܹܝܬ̣ ܝܼܗܘܼܕ݂ܵܐ. ܘܟܲܢܸܫܘ ܡ̣ܢ ܟܠܗܹܝܢ ܩܘܼܪ̈ܝܵܐ ܕܝܼܣܪܵܝܹܠ: ܟܸܣܦܵܐ ܘܕܲܗܒ̣ܵܐ ܘܲܒ̣ܕ݂ܘܿܩܘ ܒܲܝܬܹ̇ܗ ܕܐܲܠܵܗܟ݂ܘܿܢ: ܐܲܝܟ݂ ܕܟ݂ܠ ܫܢܵܐ ܒܲܫܢܵܐ ܘܐܲܢ̄ܬ̇ܘܿܢ ܬܸܣܬܲܪܗܒ̣ܘܼܢ ܠܲܡܡܲܠܵܝܘܼ. [No book]
[6]ܘܲܩ̣ܪܵܐ ܡܲܠܟܵܐ ܠܝܘܿܝܵܕ݂ܵܥ ܩܲܫܝܼܫܵܐ: ܘܐܸܡܲܪ ܠܹܗ: ܡܸܛܠ ܡܵܢܵܐ ܠܵܐ ܬܵܒܲܥ ܐܲܢ̄ܬ̇ ܠܠܹܘܵܝܹ̈ܐ: ܕܢܹܐܙܠ̄ܘܿܢ ܘܢܲܝܬ̇ܘܿܢ ܡ̣ܢ ܝܼܗܘܼܕ݂ܵܐ: ܘܡ̣ܢ ܐܘܿܪܸܫܠܸܡ: ܡܵܘܗ̈ܒ̣ܵܬ̣ܵܐ ܕܡܘܼܫܹܐ ܥܲܒ̣ܕܹܗ ܕܡܵܪܝܵܐ. ܘܟܲܢܸܫܘ ܠܝܼܣܪܵܝܹܠ ܠܡܲܫܟ̇ܢܵܐ ܕܥܹܐܕ݂ܵܐ. [No book]
[7]ܘܲܥܬܲܠܝܵܐ ܡܲܠܦܵܐ ܗ̄ܘ̣ܵܬ̣ ܒܥܹܝܢ ܥܵܘܼܠܵܐ ܘܬܸܪܥܲܬ̤ ܠܒܲܝܬܹ̇ܗ ܕܡܵܪܝܵܐ. ܘܐܵܦ ܠܟ݂ܠ ܩܲܕ̇ܝܼܫܹ̈ܐ ܕܐܝܼܬ̣ ܗ̄ܘ̣ܵܘ ܒܒܲܝܬܹ̇ܗ ܕܡܵܪܝܵܐ: ܥܸܒ̣ܕܲܬ̤ ܐܸܢܘܿܢ ܕܵܚܠܲܝ̈ ܦܬܲܟ݂ܪܹ̈ܐ. [No book]
[8]ܘܐܸܡܲܪ ܡܲܠܟܵܐ: ܘܲܥܒܲܕ݂ܘ ܩܹܒ̣ܘܿܬ̣ܵܐ ܚܕ݂ܵܐ: ܘܣܵܡܘܼܗ̇ ܒܬܲܪܥܵܐ ܕܒܲܝܬܹ̇ܗ ܕܡܵܪܝܵܐ ܡ̣ܢ ܠܒܲܪ. [No book]
[9]ܘܝܲܗ̄ܒ̣ܘ ܩܵܠܵܐ ܒܲܝܗܘܼܕ݂ܵܐ: ܘܒ̣ܐܘܿܪܸܫܠܸܡ: ܕܢܲܝܬ̇ܘܿܢ ܠܡܵܪܝܵܐ ܡܢܵܬ̣ܵܐ ܕܡܘܼܫܹܐ ܥܲܒ̣ܕܹܗ ܕܡܵܪܝܵܐ: ܕܦܲܩܸܕ݂ ܒܡܲܕ݂ܒ̇ܪܵܐ. [No book]
[10]ܘܲܚܕ݂ܝܼܘ ܟܠܗܘܿܢ ܪܵܘ̱ܪ̈ܒ̣ܵܢܹܐ: ܘܟ݂ܠܹܗ ܥܲܡܵܐ. ܘܐܲܝܬ̇ܝܼܘ ܘܲܥܒܲܕ݂ܘ ܩܹܒ̣ܘܿܬ̣ܵܐ ܚܕ݂ܵܐ: ܘܣܵܡܘܼܗ̇ ܘܐܲܪܡ̣ܝܼܘ ܥܕܲܡܵܐ ܕܲܡܠܵܬ̤. [No book]
[11]ܘܟܲܕ݂ ܚ̣ܙܵܘ ܕܲܣܓ̣ܝܼ ܟܸܣܦܵܐ ܒܵܗ̇ ܒܩܹܒ̣ܘܿܬ̣ܵܐ ܥܲܠ ܣܵܦܪܵܐ ܕܡܲܠܟܵܐ: ܘܪܲܒ̇ ܒܲܝܬܹ̇ܗ ܕܟ݂ܵܗܢܵܐ ܪܲܒܵܐ. ܘܲܡܢܵܘ: ܘܨܲܪܘ: ܟܸܣܦܵܐ. [No book]
[12]ܘܝܲܗ̄ܒ̇ܘܼܗܝ ܠܥܵܒ̣ܕܲܝ̈ ܥܒ̣ܝܼ̈ܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ. ܘܲܗܘ̤ܵܘ ܐܲܓ̣ܪܝܼܢ ܠܗܘܿܢ ܦܵܣ̈ܘܿܠܹܐ ܘܢܲܓܵܪܹ̈ܐ: ܘܒ̣ܵܕ݂ܩܝܼܢ ܒܲܝܬܹ̇ܗ ܕܡܵܪܝܵܐ: ܘܐܵܦ ܥܵܒ̣ܕܲܝ̈ ܦܲܪܙܠܵܐ ܘܲܢܚܵܫܵܐ: ܠܡܸܒ̣ܕܲܩ ܒܲܝܬܹ̇ܗ ܕܡܵܪܝܵܐ. [No book]
13[No verse] [No book]
14[No verse] [No book]
[15]ܘܫܲܩ̣ ܝܘܿܝܵܕ݂ܵܥ ܘܲܣܒܲܥ ܝܵܘ̈ܡܵܬܹܗ. ܘܡ̣ܝܼܬ̣ ܒܲܪ ܡܵܐܐ ܘܲܬ̣ܠܵܬ̣ܝܼܢ ܫܢ̈ܝܼܢ. [No book]
[16]ܘܩܲܒ̣ܪܘܼܗܝ ܒܲܩܪܝܼܬ̣ܵܐ ܕܕ݂ܵܘܝܼܕ݂ ܒܲܩܒ̣ܘܼܪܬܵܐ ܕܡܲܠ̈ܟܹ̇ܐ ܘܐܸܡܲܪ: ܗܵܟܲܢܵܐ ܢܸܬ̣ܦܪܲܥ ܡܲܢ ܕܥܵܒܹ̇ܕ݂ ܛܵܒ̣ܵـ̈ـܬ̣ܵܐ ܒܝܼܣܪܵܝܹܠ ܘܐܵܦ ܥܲܡ ܒܝܬܹ̇ܗ ܕܡܵܪܝܵܐ ܡܲܪ̈ܗܵܛܹܐ ܪܵܘ̱ܪ̈ܒܹܐ ܪܗܸܛ. [No book]
[17]ܘܡ̣ܢ ܒܵܬܲܪ ܕܡ̣ܝܼܬ̣ ܝܘܿܝܵܕ݂ܵܥ: ܐܸܬ̣ܵܘ ܪܵܘܪ̈ܒ̣ܵܢܹܐ ܕܲܝܗܘܼܕ݂ܵܐ: ܘܲܣܓܸܕ݂ܘ ܠܡܲܠܟܵܐ: ܡܸܛܠ ܕܲܫ̣ܡܲܥ ܐܸܢܘܿܢ. [No book]
[18]ܘܲܫܒܲܩܘ ܠܒܲܝܬܹ̇ܗ ܕܡܵܪܝܵܐ ܐܲܠܵܗܵܐ ܕܐܲܒ̣ܵܗܲܝ̈ܗܘܿܢ. ܘܐܸܙܲܠܘ ܦܠܲܚܘ ܠܨܲܠܡܹ̈ܐ ܘܠܲܦܬܲܟ݂ܪܹ̈ܐ. ܘܲܗܘ̤ܵܐ ܪܘܼܓ̣ܙܵܐ ܥܲܠ ܝܼܗܘܼܕ݂ܵܐ ܥܲܠ ܐܘܿܪܸܫܠܸܡ: ܥܲܠ ܕܲܚܛܵܘ ܚܛܝܼܬ̣ܵܐ ܗܵܕܹܐ. [No book]
[19]ܘܫܲܕܲܪ ܠܘܵܬ̣ܗܘܿܢ ܒܝܲܕ݂ ܢܒ̣ܝܹ̈ܐ: ܠܡܲܗܦܵܟ݂ܘܼ ܐܸܢܘܿܢ ܡ̣ܢ ܐܘܼܪ̈ܚܵܬ̣ܗܘܿܢ: ܘܠܵܐ ܫܡܲܥܘ ܘܐܲܣܗܸܕ݂ ܒܗܘܿܢ: ܘܠܵܐ ܩܲܒܸ̇ܠܘ. [No book]
[20]ܘܪܘܼܚܹܗ ܕܡܵܪܝܵܐ ܠܸܒ̣ܫܲܬ̤ ܠܲܙܟܲܪܝܵܐ ܒܲܪ ܝܘܿܝܵܕ݂ܵܥ ܟܵܗܢܵܐ. ܘܲܣܠܸܩ̣ ܘܩܵܡ̣ ܠܥܸܠ ܡ̣ܢ ܥܲܡܵܐ: ܘܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܝܵܐ: ܠܡܵܢܵܐ ܥܒܲܪܬ̇ܘܿܢ ܥܲܠ ܦܘܼܩܕܵܢܵܘ̈ܗܝ ܕܡܵܪܝܵܐ. ܠܵܐ ܬܲܟ݂ܫ̄ܪܘܼܢ. ܡܸܛܠ ܕܲܫܒܲܩܬ̇ܘܿܢ ܐܘܼܪܚ̄ܝܼ: ܘܐܵܦ ܐܸܢܵܐ ܫܵܒܹ̇ܩ ܐ̄ܢܵܐ ܠܟ݂ܘܿܢ. [No book]
[21]ܘܲܡ̣ܪܲܕ݂ܘ ܥܠܵܘܗܝ ܘܪܲܓ̣ܡ̣ܘܼܗܝ ܒܟܹܐܦܹ̈ܐ ܒܦܘܼܩܕܵܢܵܐ ܕܡܲܠܟܵܐ: ܒܕ݂ܵܪܬܵܐ ܕܒܲܝܬܹ̇ܗ ܕܡܵܪܝܵܐ. [No book]
[22]ܘܠܵܐ ܐܲܪܓܸ̇ܫ ܝܘܿܐܵܫ ܡܲܠܟܵܐ: ܛܲܝܒ̇ـ̈ـܘܵܬ̣ܵܐ ܕܲܥܒܲܕ݂ ܒܹܗ ܝܘܿܝܵܕ݂ܵܥ ܟܵܗܢܵܐ ܐܲܒ̣ܘܼܗܝ. ܘܩܲܛܸܠ ܠܲܒ̣ܢܵܘ̈ܗܝ ܡ̣ܢ ܒܵܬ̣ܪܹܗ. ܘܲܒ̣ܢܵܘ̈ܗܝ ܟܲܕ݂ ܡܸܬ̣ܩܲܛܠܝܼܢ ܗ̄ܘ̣ܵܘ: ܐܵܡ̇ܪܝܼܢ: ܢܸܚܙܹܐ ܡܵܪܝܵܐ: ܘܢܸܬ̣ܒܲܥ. [No book]
[23]ܘܲܗܘ̤ܵܐ ܠܚܲܪܬ̣ܵܗ̇ ܕܫܲܢ̄ܬܵܐ: ܣܠܸܩ̣ ܥܠܵܘܗܝ ܚܲܝܠܵܐ ܕܐܲܕ݂ܘܿܡ. ܘܐܸܬ̣ܵܐ ܥܲܠ ܝܼܗܘܼܕ݂ܵܐ ܘܥܲܠ ܐܘܿܪܸܫܠܸܡ: ܘܚܲܒܸ̇ܠ̣ܘ ܟܠܗܘܿܢ ܪܵܘ̱ܪ̈ܒ̣ܵܢܵܘܗܝ ܕܥܲܡܵܐ. ܘܟ݂ܠ ܫܒ̣ܝܼܬ̣ܗܘܿܢ ܫܲܕܲܪܘ ܠܡܲܠܟܵܐ ܕܕܲܪܡܣܘܿܩ. [No book]
[24]ܡܸܛܠ ܕܲܙܥܘܿܪܝܼܢ ܗ̄ܘ̣ܵܘ ܓܲܒ̣ܪܹ̈ܐ ܕܐܸܬ̣ܵܘ ܥܲܡ ܚܲܝܠܵܐ ܕܐܲܕ݂ܘܿܡ. ܘܡܵܪܝܵܐ ܐܲܫܠܸܡ ܠܗܘܿܢ ܚܲܝܠܵܐ ܕܣܲܓܝܼ ܛܵܒ̣. ܡܸܛܠ ܕܲܫܒܲܩܘ ܠܡܵܪܝܵܐ ܐܲܠܵܗܵܐ ܕܐܲܒ̣ܵـ̈ـܗܵܬ̣ܗܘܿܢ ܘܲܠܡܸܕܸ̇ܡ ܕܲܥܒܲܕ݂ ܝܘܿܐܵܫ: ܐܲܣ̱ܠܝܘܼܗܝ ܕܲܝܵܢܹ̈ܐ: ܟܲܕ݂ ܐܸܙܲܠ̣ܘ ܠܗܘܿܢ ܡ̣ܢ ܠܘܵܬܹܗ. [No book]
[25]ܡܸܛܠ ܕܫܲܒ̣ܩܘܼܗܝ ܗ̄ܘ̣ܵܘ ܒܟ݂ܘܼܪ̈ܗܵܢܹܐ ܣܲܓ̇ܝܼ̈ܐܹܐ. ܘܐܸܬ̣̱ܢܟܸܠܘ ܥܠܵܘܗܝ ܥܲܒ̣ܕܵܘ̈ܗܝ: ܒܲܕ݂ܡܵܐ ܕܲܒ̣ܢܵܘ̈ܗܝ ܕܝܘܿܝܵܕ݂ܵܥ ܟܵܗܢܵܐ. ܘܩܲܛܠܘܼܗܝ ܥܲܠ ܥܲܪܣܹܗ. ܘܡ̣ܝܼܬ̣ ܘܩܲܒ̣ܪܘܼܗܝ ܒܲܩܪܝܼܬ̣ܵܐ ܕܕ݂ܵܘܝܼܕ݂ ܐܲܒ̣ܘܼܗܝ. ܘܠܵܐ ܩܲܒ̣ܪܘܼܗܝ ܒܲܩܒ̣ܘܿܪܬܵܐ ܕܡܲܠ̈ܟܹ̇ܐ. [No book]
[26]ܘܗܵܠܹܝܢ ܫܡܵܗܹ̈ܐ ܕܐ̄ܢܵܫܵܐ ܕܐܸܬ̣ܢ̱ܟܸܠܘ ܥܠܵܘܗܝ: ܙܲܟ̇ܘܼܪ ܒܲܪ ܫܸܡܥܲܬ̣ ܥܲܡܘܿܢܵܝܬܵܐ: ܘܝܵܗܘܿܙܵܒ̣ܵܪ ܒܲܪ ܢܛܘܼܪܘܼܬ̣ ܡܘܼܐܵܒ̣ܵܝܬܵܐ: ܘܲܒ̣ܢܵܘ̈ܗܝ: ܘܣܘܿܓ̣ܵܐܐ ܕܐ̄ܢܵܫܵܐ ܕܐܸܬ̣ܢ̱ܟܸܠܘ ܥܠܵܘܗܝ. [No book]
[27]ܘܫܲܪܟܵܐ ܕܲܚܛܵܗܹ̈ܐ ܕܲܥܒܲܕ݂ ܒܒܲܝܬܹ̇ܗ ܕܡܵܪܝܵܐ: ܗܵܐ ܐܸܢܘܿܢ ܟܬ̣ܝܼܒ̣ܝܼܢ ܥܲܠ ܡܲܕ݂ܪܵܫܵܐ ܕܲܣܦܲܪ ܡܲܠ̈ܟܹ̇ܐ. ܘܐܲܡ̣ܠܸܟ݂ ܐܵܡܘܿܨܝܵܐ ܒܪܹܗ ܒܵܬ̣ܪܹܗ. [No book]
Translation: Charles H. Hoole (1885)
Source: www.earlychristianwritings.com
Top