Electronic Study Bible

➖ »	« ➖ ➕
Aleppo Codex (~920) Alep	Byzantine GNT Majority Text (2000) Byz
← 2 Chronicles 2Ch 26 →
[1]ויקחו כל עם יהודה את עזיהו והוא בן שש עשרה שנה וימליכו אתו תחת אביו אמציהו	[No book]
[2]הוא בנה את אילות וישיבה ליהודה אחרי שכב המלך עם אבתיו	[No book]
[3]בן שש עשרה שנה עזיהו במלכו וחמשים ושתים שנה מלך בירושלם ושם אמו יכיליה [Q: יכליה] מן ירושלם	[No book]
[4]ויעש הישר בעיני יהוה ככל אשר עשה אמציהו אביו	[No book]
[5]ויהי לדרש אלהים בימי זכריהו המבין בראת האלהים ובימי דרשו את יהוה הצליחו האלהים	[No book]
[6]ויצא וילחם בפלשתים ויפרץ את חומת גת ואת חומת יבנה ואת חומת אשדוד ויבנה ערים באשדוד ובפלשתים	[No book]
[7]ויעזרהו האלהים על פלשתים ועל הערביים [Q: הערבים] הישבים בגור בעל־והמעונים	[No book]
[8]ויתנו העמונים מנחה לעזיהו וילך שמו עד לבוא מצרים כי החזיק עד למעלה	[No book]
[9]ויבן עזיהו מגדלים בירושלם על שער הפנה ועל שער הגיא ועל המקצוע ויחזקם	[No book]
[10]ויבן מגדלים במדבר ויחצב ברות רבים־כי מקנה רב היה לו ובשפלה ובמישור אכרים וכרמים בהרים ובכרמל־כי אהב אדמה היה	[No book]
[11]ויהי לעזיהו חיל עשה מלחמה יוצאי צבא לגדוד במספר פקדתם ביד יעואל [Q: יעיאל] הסופר ומעשיהו השוטר־על יד חנניהו משרי המלך	[No book]
[12]כל מספר ראשי האבות לגבורי חיל־אלפים ושש מאות	[No book]
[13]ועל ידם חיל צבא שלש מאות אלף ושבעת אלפים וחמש מאות עושי מלחמה בכח חיל־לעזר למלך על האויב	[No book]
[14]ויכן להם עזיהו לכל הצבא מגנים ורמחים וכובעים ושרינות וקשתות־ולאבני קלעים	[No book]
[15]ויעש בירושלם חשבנות מחשבת חושב להיות על המגדלים ועל הפנות לירוא בחצים ובאבנים גדלות ויצא שמו עד למרחוק כי הפליא להעזר עד כי חזק	[No book]
[16]וכחזקתו גבה לבו עד להשחית וימעל ביהוה אלהיו ויבא אל היכל יהוה להקטיר על מזבח הקטרת	[No book]
[17]ויבא אחריו עזריהו הכהן ועמו כהנים ליהוה שמונים־בני חיל	[No book]
[18]ויעמדו על עזיהו המלך ויאמרו לו לא לך עזיהו להקטיר ליהוה־כי לכהנים בני אהרן המקדשים להקטיר צא מן המקדש כי מעלת ולא לך לכבוד מיהוה אלהים	[No book]
[19]ויזעף עזיהו ובידו מקטרת להקטיר ובזעפו עם הכהנים והצרעת זרחה במצחו לפני הכהנים בבית יהוה מעל למזבח הקטרת	[No book]
[20]ויפן אליו עזריהו כהן הראש וכל הכהנים והנה הוא מצרע במצחו ויבהלוהו משם וגם הוא נדחף לצאת כי נגעו יהוה	[No book]
[21]ויהי עזיהו המלך מצרע עד יום מותו וישב בית החפשות [Q: החפשית] מצרע־כי נגזר מבית יהוה ויותם בנו על בית המלך שופט את עם הארץ	[No book]
[22]ויתר דברי עזיהו הראשנים והאחרנים־כתב ישעיהו בן אמוץ הנביא	[No book]
[23]וישכב עזיהו עם אבתיו ויקברו אתו עם אבתיו בשדה הקבורה אשר למלכים־כי אמרו מצורע הוא וימלך יותם בנו תחתיו	[No book]
Source: unbound.biola.edu	Author: Maurice A. Robinson, William G. Pierpont Source: unboundbible.org See information...