➖ »
«
➖ ➕
Peshitta OT
PesOT
The Writings of Ignatius
Ignatius
←
2 Chronicles
2Ch
35
→
[1]ܘܲܥܒܲܕ݂ ܝܘܿܫܝܼܵܐ ܒܐܘܿܪܸܫܠܸܡ ܥܹܐܕ݂ܵܐ ܠܡܵܪܝܵܐ. ܘܲܥܒܲܕ݂ ܥܹܐܕ݂ܵܐ ܒܐܲܪܒܲܥܸܣܪܵܐ ܒܝܲܪܚܵܐ ܩܲܕ݂ܡܵܝܵܐ. [No book]
[2]ܘܐܲܩܝܼܡ ܟܵܗ̈ܢܹܐ ܥܲܠ ܡܲܛܪ̈ܵܬ̣ܗܘܿܢ. ܘܐܲܩܝܼܡ ܐܸܢܘܿܢ ܥܲܠ ܥܒ̣ܝܼ̈ܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ. [No book]
[3]ܘܐܸܡܲܪ ܠܠܹܘܵܝܹ̈ܐ ܕܩܵܝܡܝܼܢ ܒܟ݂ܠ ܒܢܲܝ̈ ܝܼܣܪܵܝܹܠ: ܐܸܬ̣ܩܲܕܲܫܘ ܠܡܵܪܝܵܐ. ܘܗܲܒ̣ܘ ܩܹܒ̣ܘܿܬ̣ܵܐ ܕܩܘܼܕ݂ܫܵܐ ܒܒܲܝܬܵܐ ܕܲܒ̣ܢܵܐ ܫܠܹܝܡܘܿܢ ܒܲܪ ܕܵܘܝܼܕ݂ ܡܲܠܟܵܐ ܕܝܼܣܪܵܝܹܠ. ܠܵܐ ܐܝܼܬ̣ ܠܟ݂ܘܿܢ ܬܲܡܵܢ ܠܡܸܫܩܲܠ ܒܟܲܬ̣ܦܵـ̈ـܬ̣ܟ݂ܘܿܢ ܡܸܟܹ̇ܝܠ ܦܠܘܿܚܘ ܠܡܵܪܝܵܐ ܐܲܠܵܗܟ݂ܘܿܢ: ܘܲܠܥܲܡܹܗ ܝܼܣܪܵܝܹܠ. [No book]
[4]ܘܐܲܬ̣ܩܸܢܘ ܠܸܒ̇ܟ݂ܘܿܢ: ܘܠܸܒܵܐ ܕܐܲܒ̣ܵܗܵܬ̣̈ܟ݂ܘܿܢ: ܐܲܝܟܲܢܵܐ ܕܲܟ݂ܬܲܒ̣ ܕܵܘܝܼܕ݂ ܡܲܠܟܵܐ ܕܝܼܣܪܵܝܹܠ: ܘܐܲܝܟܲܢܵܐ ܕܲܟ݂ܬܲܒ̣ ܫܠܹܝܡܘܿܢ ܒܪܹܗ. [No book]
[5]ܘܩܘܼܡܝ ܒܩܘܼܕ݂ܫܵܐ ܒܦܵܠܓܘܼܬ̣ܵܐ ܕܒܹܝܬ̣ ܐܲܒ̣ܵܗܲܝ̈ܟ̇ܘܿܢ: ܘܐܲܚܲܝ̈ܟ̇ܘܿܢ ܒܢܲܝ̈ ܥܲܡܵܐ ܒܦܵܠܓ̇ܘܼܬ̣ܵܐ ܕܒܹܝܬ̣ ܐܲܒ̣ܵܐ ܕܠܹܘܵܝܹ̈ܐ. [No book]
[6]ܟܘܿܣܘ ܦܸܨܚܵܐ ܘܐܸܬ̣ܩܲܕܲܫܘ ܘܐܲܬ̣ܩܸܢܘ ܠܸܒܵܐ ܕܐܲܚܲܝ̈ܟ̇ܘܿܢ ܘܢܸܥܒ̇ܕ݂ܘܼܢ ܐܲܝܟܲܢܵܐ ܕܡܲܠܸܠ̣ ܡܵܪܝܵܐ ܥܲܡ ܡܘܼܫܹܐ. [No book]
[7]ܘܲܦܪܲܫ̣ ܝܘܿܫܝܼܵܐ ܠܲܒ̣ܢܲܝ̈ ܥܲܡܵܐ: ܥܵـ̈ـܢܵܐ ܘܐܸܡܪܹ̈ܐ: ܘܨܸܦܪ̈ܵܝܹܐ ܕܥܸܙܹ̈ܐ. ܗܵܠܹܝܢ ܟܠܗܘܿܢ ܠܦܸܨܚܵܐ: ܠܟ݂ܠ ܕܐܸܫܬ̇ܟܲܚ: ܒܡܸܢܝܵܢܵܐ ܬܠܵܬ̣ܝܼܢ ܐܲܠܦ̈ܝܼܢ: ܘܬ̣ܵܘܪܹ̈ܐ ܬܠܵܬ̣ܵܐ ܐܲܠܦ̈ܝܼܢ. ܗܵܠܹܝܢ ܡ̣ܢ ܩܸܢܝܵܢܵܐ ܕܡܲܠܟܵܐ. [No book]
[8]ܘܪܵܘ̱ܪ̈ܒ̣ܵܢܵܘܗܝ ܦܪܲܫܘ ܠܥܲܡܵܐ ܠܟ݂ܵܗܢܹ̈ܐ ܘܲܠܠܹܘܵܝܹ̈ܐ. ܘܲܦܪܲܫܘ ܚܹܠܲܩܝܵܐ: ܘܲܙܟܲܪܝܵܐ: ܘܲܢܚܵܐܹܝܠ: ܪܵܘ̱ܪ̈ܒ̣ܵܢܲܝ ܒܲܝܬܹ̇ܗ ܕܡܵܪܝܵܐ ܠܟ݂ܵܗܢܹ̈ܐ. ܘܝܲܗ̄ܒ̣ܘ ܠܦܸܨܚܵܐ: ܥܵـ̈ـܢܵܐ ܐܲܠܦܹ̈ܐ ܬܪܹܝܢ ܘܫܸܬ̣ ܡܵܐܐ: ܘܬ̣ܵܘܪܹ̈ܐ ܬܠܵܬ̣ܡܵܐܐ. [No book]
[9]ܘܲܟ݂ܢܲܢܝܵܐ ܘܲܫܡܲܥܝܵܐ ܒܲܪ ܐܲܚܘܼܗܝ: ܘܲܚܫܲܒ̣ܝܵܐ ܘܝܲܕ݂ܥܝܹܠ ܐܲܦܪܸܫܘ ܠܠܹܘܵܝܹ̈ܐ ܠܦܸܨܚܵܐ: ܥܵـ̈ـܢܵܐ ܚܲܡܫܵܐ ܐܲܠܦ̈ܝܼܢ: ܘܬ̣ܵܘܪܹ̈ܐ ܚܲܡܫܡܵܐܐ. [No book]
[10]ܘܬܸܩܢܲܬ̤ ܥܒ̣ܝܼܕ̇ܬܵܐ ܘܩܵܡ̣ܘ ܟܵܗܢܹ̈ܐ ܥܲܠ ܕܘܼܟ̇ܝܵܬ̣̈ܗܘܿܢ: ܘܠܹܘܵܝܹ̈ܐ ܥܲܠ ܕܘܼܟ̇ܝܵܬ̣̈ܗܘܿܢ. [No book]
[11]ܘܲܢܟܲܣܘ ܦܸܨܚܵܐ ܐܲܝܟ݂ ܦܘܼܩܕܵܢܵܐ ܕܡܲܠܟܵܐ. ܘܲܪܙܲܦܲܘ ܟܵܗ̈ܢܹܐ ܡ̣ܢ ܕܡܵܐ. [No book]
[12]ܘܠܹܘܵܝܹ̈ܐ ܢܵܫܛܝܼܢ ܘܝܵܗ̄ܒ̇ܝܼܢ ܥܠܵـ̈ـܘܵܬ̣ܵܐ ܠܦܵܠ̈ܓܘܵܬ̣ܵܐ ܕܐܲܒ̣ܵܗܲܝ̈ܗܘܿܢ ܕܲܒ̣ܢܲܝ̈ ܥܲܡܵܐ: ܠܲܡܩܲܪܵܒ̣ܘܼ ܠܡܵܪܝܵܐ: ܐܲܝܟ݂ ܕܲܟ݂ܬ̣ܝܼܒ̣ ܒܣܸܦܪܵܐ ܕܢܵܡܘܿܣܵܐ ܕܡܘܼܫܹܐ ܘܗܵܟܲܢܵܐ ܡܩܲܪܒ̣ܝܼܢ ܗ̄ܘ̣ܵܘ ܒܟ݂ܠ ܨܦܲܪ ܘܲܨܦܲܪ. [No book]
[13]ܘܒܲܫܠܸܘ ܦܸܨܚܵܐ ܒܢܘܼܪܵܐ: ܐܲܝܟ݂ ܕܡܸܬ̣ܒ̇ܥܹܐ ܠܹܗ. ܘܩܘܼܕ݂ܫܹܗ ܒܲܫܠܸܘ ܒܢܘܼܪܵܐ: ܒܩܲܕ݂ܣܹ̈ܐ ܘܒ̣ܐܝܼܪܹ̈ܐ. ܘܲܒ̣ܩܲܪ̈ܕܵܠܹܐ. ܘܲܪܗܸܛ̣ܘ ܟܠ ܒܢܲܝ̈ ܥܲܡܵܐ. [No book]
[14]ܘܡ̣ܢ ܒܵܬܲܪ ܗܵܠܹܝܢ: ܛܲܝܸܒ̣ܘ ܟܵܗ̈ܢܹܐ ܠܗܘܿܢ ܕܝܼܠܗܘܿܢ. ܡܸܛܠ ܕܟ݂ܵܗ̈ܢܹܐ ܒܢܵܘ̈ܗܝ ܕܐܲܗܪܘܿܢ ܡܲܣܩܝܼܢ ܗ̄ܘ̣ܵܘ ܥܠܵـ̈ـܘܵܬ̣ܵܐ ܘܬܲܪܒܵܐ ܥܕܲܡܵܐ ܠܠܹܘܵܝܹ̈ܐ. ܘܠܹܘܵܝܹ̈ܐ ܛܲܝܸܒ̣ܘ ܠܗܘܿܢ ܘܲܠܟ݂ܗܢܹ̈ܐ ܒܢܵܘ̈ܗܝ ܕܐܲܗܪܘܿܢ ܕܲܡܫܲܡܫܝܼܢ. [No book]
[15]ܒܢܵܘ̈ܗܝ ܕܐܵܣܵܦ ܥܲܠ ܕܘܼܟܲܬ̣ܗܘܿܢ: ܐܲܝܟ݂ ܦܘܼܩܕܵܢܵܐ ܕܕ݂ܵܘܝܼܕ݂ ܘܟܲܢܸܫ ܗܵܡܵܢ ܘܝܼܪܸܬ̣ܘܿܢ ܚܵܙܘܿܝܹ̈ܐ ܕܡܲܠܟܵܐ: ܘܢܵܛܪ̈ܲܝ ܬܲܪܥܵܐ ܕܲܒ̣ܟ݂ܠ ܬܪܲܥ ܘܲܬ̣ܪܲܥ: ܕܠܲܝܬ̇ ܠܗܘܿܢ ܡܸܕܸ̇ܡ ܠܲܡܒܲܛܵܠܘܼ ܡ̣ܢ ܟܠ ܥܒ̣ܝܼ̈ܕ݂ܵܬ̣ܗܘܿܢ ܡܸܛܠ ܕܐܲܚܲܝ̈ܗܘܿܢ ܛܲܝܸܒ̣ܘ ܠܗܘܿܢ. [No book]
[16]ܘܐܸܬ̣ܛܲܝܒܲܬ̤ ܟܠܵܗ̇ ܥܒ̣ܝܼܕ̇ܬܵܐ ܕܡܵܪܝܵܐ ܒܝܵܘܡܵܐ ܗܵܘ̇: ܠܡܸܥܒܲܕ݂ ܦܸܨܚܵܐ: ܘܲܥܠܵـ̈ـܘܵܬ̣ܵܐ ܩܲܪܸܒ̣ܘ ܥܲܠ ܡܲܕ݂ܒ̇ܚܹܗ ܕܡܵܪܝܵܐ: ܐܲܝܟ݂ ܦܘܼܩܕܵܢܵܐ ܕܡܲܠܟܵܐ ܝܘܿܫܝܼܵܐ. [No book]
[17]ܘܲܥܒܲܕ݂ܘ ܒܢܲܝ̈ ܝܼܣܪܵܝܹܠ ܕܐܸܫܬ̇ܟܲܚܘ: ܦܸܨܚܵܐ: ܒܹܗ ܒܙܲܒ̣ܢܵܐ ܗܵܘ̇: ܘܥܹܐܕ݂ܵܐ ܕܦܲܛܝܼܪܹ̈ܐ ܫܲܒ̣ܥܵܐ ܝܵܘ̈ܡܝܼܢ. [No book]
[18]ܘܠܵܐ ܐܸܬ̣̱ܥܒܸܕ݂ ܥܹܐܕ݂ܵܐ ܒܝܼܣܪܵܝܹܠ ܐܲܝܟ݂ ܗܵܘ̇: ܡ̣ܢ ܝܵܘܡܵܘ̈ܗܝ ܕܲܫܡܘܼܐܹܝܠ ܢܒ̣ܝܼܵܐ: ܘܟ݂ܠ ܡܲܠ̈ܟܹ̇ܐ ܕܝܼܣܪܵܝܹܠ ܠܵܐ ܥܒܲܕ݂ܘ ܐܲܝܟ݂ ܗܵܘ̇ ܦܸܨܚܵܐ: ܕܲܥܒܲܕ݂ ܝܘܿܫܝܼܵܐ: ܘܟ݂ܵܗܢܹ̈ܐ ܘܠܹܘܵܝܹ̈ܐ: ܘܟ݂ܠܹܗ ܝܼܗܘܼܕ݂ܵܐ ܘܝܼܣܪܵܝܹܠ: ܕܐܸܫܬ̇ܟܲܚܘ ܗ̄ܘ̣ܵܘ ܒܐܘܿܪܸܫܠܸܡ. [No book]
[19]ܘܒܲܬ̣ܡܵܢܲܥܸܣܪܹ̈ܐ ܫܢ̈ܝܼܢ ܠܡܲܠܟ̇ܘܼܬܹܗ ܕܝܘܿܫܝܼܵܐ: ܐܸܬ̣ܥ̱ܒܸܕ݂ ܥܹܐܕ݂ܵܐ ܗܵܢܵܐ. [No book]
[20]ܒܵܬܲܪ ܟܠܗܹܝܢ ܗܵܠܹܝܢ: ܕܐܲܬ̣ܩܸܢ ܝܘܿܫܝܼܵܐ ܨܸܒ̣̈ܘܵܬܹܗ ܕܒܲܝܬܵܐ: ܣܠܸܩ̣ ܦܸܪܥܘܿܢ ܚܓ̣ܝܼܪܵܐ ܡܲܠܟܵܐ ܕܡܸܨܪܹܝܢ: ܠܡܸܬ̣ܟܲܬܵܫܘܼ ܥܲܠ ܡܲܒ̇ܘܼܓ̣ ܕܥܲܠ ܦܪܵܬ̣ ܘܲܢܦܲܩ ܝܘܿܫܝܼܵܐ ܠܐܘܼܪܥܹܗ. [No book]
[21]ܘܫܲܕܲܪ ܐܝܼܙ̈ܓܲܕܹ̇ܐ ܠܘܵܬܹܗ: ܘܐܸܡܲܪ ܠܹܗ: ܡܵܢܵܐ ܐܝܼܬ̣ ܠܝܼ ܥܲܡܵܟ݂ ܡܲܠܟܵܐ ܕܲܝܗܘܼܕ݂ܵܐ. ܠܵܐ ܗ̄ܘ̣ܵܐ ܥܠܲܝܟ ܐܵܬܹܐ ܐ̄ܢܵܐ ܝܵܘܡܵܢܵܐ: ܡܲܠܟܵܐ ܕܲܝܗܘܼܕ݂ܵܐ. ܡܸܛܠ ܕܠܵܐ ܗ̄ܘ̣ܵܐ ܥܠܲܝܟ ܐܵܬܹܐ ܐ̄ܢܵܐ ܠܡܸܬ̣ܟܲܬܵܫܘܼ. ܡܵܪܝܵܐ ܐܸܡܲܪ ܠܵܟ݂ ܠܲܡܕܲܚܵܠܘܼܬܲܢܝ ܦܪܘܿܩ ܠܵܟ݂ ܡ̣ܢ ܐܲܠܵܗܵܐ ܕܥܲܡܝ: ܕܠܵܐ ܢܚܲܒ̇ܠܵܟ݂. [No book]
[22]ܘܠܵܐ ܐܲܦܢܝܼ ܐܲܦܵܘ̈ܗܝ ܡܸܢܹܗ ܝܘܿܫܝܼܵܐ. ܡܸܛܠ ܕܲܠܡܸܬ̣ܟܲܬܵܫܘܼ ܘܲܠܡܸܥܒܲܕ݂ ܩܪܵܒ̣ܵܐ ܐܵܙܹ̇ܠ ܗ̄ܘ̣ܵܐ. ܘܠܵܐ ܫ̣ܡܲܥ ܦܸܬ̣ܓ̣ܵܡܵܘ̈ܗܝ ܕܦܸܪܥܘܿܢ. ܚܓ̣ܝܼܪܵܐ. ܘܠܵܐ ܝܵܕܲܥ̇ ܗ̄ܘ̣ܵܐ ܝܘܿܫܝܼܵܐ ܡ̣ܢ ܩܕ݂ܵܡ ܡܵܪܝܵܐ ܗܘ̤ܵܬ̣. ܘܲܢܦܲܩ ܠܡܸܬ̣ܟܲܬܵܫܘܼ ܥܲܡܹܗ: ܒܲܦܩܲܥܬ̣ܵܐ ܕܡܲܓܕ̇ܘܿ. [No book]
[23]ܘܲܡ̣ܚܵܐ ܦܸܪܥܘܿܢ ܚܓ̣ܝܼܪܵܐ ܠܝܘܿܫܝܼܵܐ ܬܪܹܝܢ ܓܹܐܪ̈ܝܼܢ ܘܐܸܡܲܪ ܡܲܠܟܵܐ: ܐܲܥܒ̇ܪܘܼܢܝ: ܡܸܛܠ ܕܲܡܚܘܿܬ̣ܵܐ ܕܡܵܘܬܵܐ ܡܚܹܐ ܐ̄ܢܵܐ. [No book]
[24]ܘܐܲܥܒܲܪܘܼܗܝ ܥܲܒ̣ܕܵܘ̈ܗܝ ܡ̣ܢ ܡܲܪܟܲܒ̣ܬ̣ܵܐ. ܘܐܵܘܬ̇ܒ̣ܘܼܗܝ ܒܩܵܪܘܿܟ݂ܵܐ ܕܡܲܠܟ̇ܘܼܬ̣ܵܐ ܕܝܼܠܹܗ. ܘܐܵܘܒ̇ܠܘܼܗܝ ܠܐܘܿܪܸܫܠܸܡ: ܘܡܝܼܬ̣ ܘܩܲܒ̣ܪܘܼܗܝ ܒܩܲܒ̣ܪܵܐ ܕܐܲܒ̣ܵـ̈ـܗܵܬܹܗ. ܘܟ݂ܠܗܘܿܢ ܕܒܹܝܬ̣ ܝܼܗܘܼܕ݂ܵܐ ܘܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܢܵܛܪܝܼܢ ܗ̄ܘ̣ܵܘ ܐܸܒ̣ܠܵܐ ܥܲܠ ܝܘܿܫܝܼܵܐ. [No book]
[25]ܘܐܲܠܵܐ ܐܹܪܲܡܝܵܐ ܥܲܠ ܝܘܿܫܝܼܵܐ: ܘܐܸܡܲܪ: ܟܠ ܙܲܕ̇ܝܼܩܹ̈ܐ ܘܙܲܕ̇ܝܼܩܵܬ̣ܵܐ ܒܐܘܿܠܝܵܬ̣ܟܹ̈ܝܢ ܥܲܠ ܝܘܿܫܝܼܵܐ ܒܟ݂ܵܝܹܝ̈ܢ. ܘܲܥܕܲܡܵܐ ܠܝܵܘܡܵܢܵܐ ܝܲܗ̄ܒ̣ ܐܸܢܹܝܢ ܠܲܩܝܵܡܵܐ ܕܝܼܣܪܵܝܹܠ. ܘܗܸܢܹܝܢ ܟܬ̣ܝܼ̈ܒ̣ܵܢ ܒܲܣܦܲܪ ܐܘܿܠ̈ܝܵܬ̣ܵܐ. [No book]
[26]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܝܘܿܫܝܼܵܐ: ܘܛܲܝܒ̇ـ̈ـܘܵܬܹܗ ܐܲܝܟ݂ ܕܲܟ݂ܬ̣ܝܼܒ̣ ܒܢܵܡܘܿܣܹܗ ܕܡܵܪܝܵܐ. [No book]
[27]ܘܦܸܬ̣ܓ̣ܵܡܵܘ̈ܗܝ ܩܲܕ݂ܡܵܝܹ̈ܐ ܘܐܲܚܪ̈ܵܝܹܐ: ܗܵܐ ܗܸܢܘܿܢ ܟܬ̣ܝܼܒ̣ܝܼܢ ܒܲܣܦܲܪ ܡܲܠ̈ܟܹ̇ܐ ܕܝܼܣܪܵܝܹܠ ܘܕܲܝܗܘܼܕ݂ܵܐ. [No book]
Source: www.earlychristianwritings.com
Top