|
|
| [1]ܘܡܲܠܟܲܬ̣ ܫܒ̣ܵܐ ܫܸܡܥܲܬ̤ ܛܸܒܹ̇ܗ ܕܲܫܠܹܝܡܘܿܢ. ܘܐܸܬ̣ܵܬ̤ ܠܲܡܢܲܣܵܝܘܼܬܹܗ ܕܲܫܠܹܝܡܘܿܢ ܒܐܘܼܚ̈ܕܵܬ̣ܵܐ. ܘܐܸܬ̣ܵܬ̤ ܠܐܘܿܪܸܫܠܸܡ: ܒܚܲܝܠܵܐ ܕܣܲܓ̇ܝܼ ܛܵܒ̣: ܘܓܲܡ̈ܠܹܐ ܕܲܛܥܝܼܢܝܼܢ ܒܸܣܡܹ̈ܐ: ܘܕܲܗܒ̣ܵܐ ܕܣܲܓ̇ܝܼ ܛܵܒ̣: ܘܛܲܒ̣̈ܥܹܐ ܛܵܒܹ̈ܐ. ܘܐܸܬ̣ܵܬ̤ ܠܘܵܬ̣ ܡܲܠܟܵܐ ܫܠܹܝܡܘܿܢ: ܘܲܓ̣ܠܵܬ̤ ܠܹܗ ܟܠ ܕܲܒ̣ܠܸܒܵܗ̇. |
[No book] |
| [2]ܘܲܓ̣ܠ̣ܵܐ ܠܵܗ̇ ܡܲܠܟܵܐ ܫܠܹܝܡܘܿܢ ܟܠܡܸܕܸ̇ܡ: ܘܐ̄ܪܵܙ ܠܸܒܹ̇ܗ. ܘܠܵܐ ܡܸܕܸ̇ܡ ܟܣܵܐ ܡܲܠܟܵܐ ܕܠܵܐ ܓܠ̣ܵܐ ܠܵܗ̇. |
[No book] |
| [3]ܘܲܚܙܵܬ̤ ܡܲܠܟܲܬ̣ ܫܒ̣ܵܐ ܚܸܟ݂ܡ̱ܬܹܗ ܕܲܫܠܹܝܡܘܿܢ: ܘܒܲܝܬܵܐ ܕܲܒ̣ܢܵܐ. |
[No book] |
| [4]ܘܡܵܘܟܲܠ ܦܵܬ̣ܘܿܪܹܗ: ܘܡܵܘܬܲܒ̣ ܥܲܒ̣ܕܵܘ̈ܗܝ: ܘܲܩܝܵܡ ܡܫܲܡܫܵܢܵܘ̈ܗܝ: ܘܲܠܒ̣ܘܼܫܲܝ̈ܗܘܿܢ: ܘܫܵܩܵـ̈ـܘܵܬܹܗ ܘܲܠܒ̣ܘܿܫܲܝ̈ܗܘܿܢ: ܘܕܸܒ̣ܚܹ̈ܐ ܕܲܡܕܲܒܲܚ ܗ̄ܘ̣ܵܐ ܒܒܲܝܬܹ̇ܗ ܕܡܵܪܝܵܐ. ܘܠܵܐ ܗܘ̤ܵܬ̣ ܒܵܗ̇ ܪܘܼܚܵܐ ܬܘܼܒ̣ ܠܡܸܚܙܵܐ. |
[No book] |
| [5]ܘܐܵܡ̇ܪܵܐ ܠܡܲܠܟܵܐ ܫܠܹܝܡܘܿܢ: ܫܪܝܼܪܵܐ ܗ̄ܘ̣ܵܬ̣ ܡܸܠܬ̣ܵܐ ܕܫܵܡܥܵܐ ܗ̄ܘܹ̇ܝܬ̣ ܒܲܡܕ݂ܝܢܲܬ̣ܝ: ܥܲܠ ܦܸܬ̣ܓ̣ܵܡܲܝ̈ܟ: ܘܥܲܠ ܚܸܟ݂ܡ̱ܬ̣ܵܟ݂. |
[No book] |
| [6]ܘܠܵܐ ܡܗܲܝܡܢܵܐ ܗ̄ܘܹ̇ܝܬ̣: ܥܕܲܡܵܐ ܠܐܲܝܟܵܐ ܕܐܸܬܹ̇ܝܬ̣ ܘܲܚܙܲܝ̈ ܥܲܝܢܲܝ̈ ܘܗܵܐ ܠܵܐ ܚܵܘܝܘܼܢܝ ܦܸܠܓܵܐ. ܐܲܣܓܝܼܬ̇ ܚܸܟ݂ܡ̱ܬ̣ܵܟ݂: ܘܐܵܘܣܸܦܬ̇ ܥܲܠ ܛܸܒܵܐ ܕܫܸܡܥܹ̇ܬ̣. |
[No book] |
| [7]ܛܘܼܒܲܝܗܘܿܢ ܠܥܲܒ̣ܕܲܝ̈ܟ ܗܵܢ̇ܘܿܢ ܕܩܵܝ̇ܡܝܼܢ ܩܕ݂ܵܡܲܝܟ ܐܲܡܝܼܢܵܐܝܼܬ̣: ܘܫܵܡ̇ܥܝܼܢ ܚܸܟ݂ܡ̱ܬ̣ܵܟ݂. |
[No book] |
| [8]ܘܢܸܗܘܹܐ ܡܵܪܝܵܐ ܐܲܠܵܗܵܟ݂ ܒܪܝܼܟ݂ ܗܵܘ̇ ܡܲܢ ܕܲܓ̣ܒ̣ܵܟ݂: ܘܐܵܘܬ̇ܒ̣ܵܟ݂ ܥܲܠ ܟܘܼܪܣܝܵܐ ܕܡܲܠܟ̇ܘܼܬ̣ܵܐ ܕܝܼܣܪܵܝܹܠ. ܘܡܸܛܠ ܕܲܪܚܸܡ ܡܵܪܝܵܐ ܠܝܼܣܪܵܝܹܠ: ܐܲܩܝܼܡܵܟ݂ ܡܲܠܟܵܐ ܥܠܲܝܗܘܿܢ ܠܥܵܠܲܡ: ܠܡܸܥܒܲܕ݂ ܕܝܼܢܵܐ ܘܙܲܕ̇ܝܼܩܘܼܬ̣ܵܐ. |
[No book] |
| [9]ܘܝܸܗ̄ܒܲܬ̤ ܠܡܲܠܟܵܐ ܡܵܐܐ ܘܥܸܣܪܝܼܢ ܟܲܟ̇ܪܹ̈ܐ ܕܕܲܗܒ̣ܵܐ: ܘܒܸܣܡܹ̈ܐ ܣܲܓ̇ܝܼ̈ܐܹܐ ܕܛܵܒ̣: ܘܛܲܒ̣̈ܥܹܐ ܛܵܒܹ̈ܐ: ܘܠܵܐ ܐܸܬ̣ܚ̄ܙܝܼܘ ܐܲܝܟ݂ ܒܸܣܡܹ̈ܐ ܗܵܠܹܝܢ ܒܥܵܠܡܵܐ: ܕܝܸܗ̄ܒܲܬ̤ ܡܲܠܟܲܬ̣ ܫܒ̣ܵܐ ܠܡܲܠܟܵܐ ܫܠܹܝܡܘܿܢ. |
[No book] |
| [10]ܘܐܵܦ ܥܲܒ̣ܕܵܘ̈ܗܝ ܕܚܝܼܪܵܡ: ܘܥܲܒ̣ܕܵܘ̈ܗܝ ܕܡܲܠܟܵܐ ܫܠܹܝܡܘܿܢ: ܐܲܝܬ̇ܝܼܘ ܕܲܗܒ̣ܵܐ ܡ̣ܢ ܐܵܘܦܹܝܪ. |
[No book] |
| [11]ܘܐܲܝܬ̇ܝܼܘ ܩܲܝܣܹ̈ܐ ܕܐܸܫܟܵܪܥܵܐ: ܠܣܦ̮ܣܹ̈ܠܹܐ ܠܒܲܝܬܹ̇ܗ ܕܡܵܪܝܵܐ: ܘܲܠܒܲܝܬܹ̇ܗ ܕܡܲܠܟܵܐ ܫܠܹܝܡܘܿܢ: ܘܟܸܢܵܪܹ̈ܐ ܠܲܡܫܲܒ̇ܚܵܢܹ̈ܐ ܘܠܵܐ ܐܸܬ̣ܚ̄ܙܝܼܘ ܐܲܟ݂ܘܵܬ̣ܗܘܿܢ ܒܐܲܪܥܵܐ ܕܲܝܗܘܼܕ݂ܵܐ. |
[No book] |
| [12]ܘܡܲܠܟܵܐ ܫܠܹܝܡܘܿܢ ܝܲܗ̄ܒ̣ ܠܡܲܠܟܲܬ̣ ܫܒ̣ܵܐ: ܟܠܡܸܕܸ̇ܡ ܕܲܫܐܸܠܬܹܗ: ܠܒܲܪ ܡ̣ܢ ܕܝܲܗ̄ܒ̣ ܠܵܗ̇. ܘܲܓ̣ܠܵܐ ܠܵܗ̇ ܟܠ ܡܸܕܸ̇ܡ ܕܐܝܼܬ̣ ܗ̄ܘ̣ܵܐ ܒܠܸܒܵܗ̇. ܘܩܵܡܲܬ̤ ܐܸܙܲܠ̄ܬ̤ ܠܲܡܕ݂ܝܼܢ̄ܬܵܗ̇ ܗ̤ܝ ܘܥܲܒ̣ܕܹ̇ܝ̈ܗ̇. |
[No book] |
| [13]ܘܲܗܘ̤ܵܐ ܡܸܢܝܵܢܵܐ ܕܕܲܗܒ̣ܵܐ ܕܥܵܐܹ̇ܠ ܗ̄ܘ̣ܵܐ ܠܲܫܠܹܝܡܘܿܢ ܒܫܲܢ̄ܬܵܐ: ܫܸܬ̣ܡܵܐܐ ܘܸܫܬ̇ܝܼܢ ܘܫܸܬ̣ ܟܲܟ̇ܪ̈ܝܼܢ ܕܕܲܗܒ̣ܵܐ. |
[No book] |
| [14]ܠܒܲܪ ܡ̣ܢ ܡܲܟ݂ܣܹ̈ܐ ܕܲܡܕ݂ܝܼ̈ܢܵܬ̣ܵܐ: ܘܡܵܘ̈ܒ̇ܠܹܐ ܕܬܲܓܵܪܹ̈ܐ ܘܟ݂ܠ ܡܲܠ̈ܟܹ̇ܐ ܕܥܲܪ̈ܒ̣ܵܝܹܐ. ܘܫܲܠܝܼܛܵܢܹ̈ܐ ܕܐܲܪܥܵܐ: ܡܲܝܬܹ̇ܝܢ ܗ̄ܘ̣ܵܘ ܟܸܣܦܵܐ ܘܕܲܗܒ̣ܵܐ ܠܲܫܠܹܝܡܘܿܢ. |
[No book] |
| [15]ܘܲܥܒܲܕ݂ ܡܲܠܟܵܐ ܫܠܹܝܡܘܿܢ ܡܲܐܬܹ̇ܝܢ ܣܲܟ̇ܪ̈ܝܼܢ ܕܕܲܗܒ̣ܵܐ ܛܵܒ̣ܵܐ. ܘܫܸܬ̣ܡܵܐܐ ܕܪ̈ܝܼܟ݂ܘܿܢܹܐ ܕܕܲܗܒ̣ܵܐ ܛܵܒ̣ܵܐ: ܩܪܲܡ ܠܣܲܟ̇ܪܵܐ ܚܕ݂ܵܐ. |
[No book] |
| [16]ܘܲܬ̣ܠܵܬ̣ܡܵܐܐ ܡܓܲܢܝܼ̈ܢ ܕܕܲܗܒ̣ܵܐ ܛܵܒ̣ܵܐ: ܘܲܬ̣ܠܵܬ̣ܵܐ ܡܢ̈ܝܼܢ ܕܕܲܗܒ̣ܵܐ: ܥܒ̣ܝܼܕ݂ ܒܹܝܬ̣ ܡܵܘܚܲܕ݂ ܐܝܼܕ݂ܵܐ ܕܲܡܓܲܢܵܐ ܚܕ݂ܵܐ. ܘܝܲܗ̄ܒ̣ ܐܸܢܹܝܢ ܡܲܠܟܵܐ ܒܹܝܬ̣ ܥܵܒ̣ܵܐ ܕܠܸܒ̣ܢܵܢ. |
[No book] |
| [17]ܘܲܥܒܲܕ݂ ܡܲܠܟܵܐ ܟܘܼܪܣܝܵܐ ܕܫܸܢܵܐ ܪܲܒܵܐ: ܘܩܲܪܡܹܗ ܕܲܗܒ̣ܵܐ ܕܲܟ݂ܝܵܐ. |
[No book] |
| [18]ܫܬܵܐ ܕܲܪ̈ܓ̣ܝܼܢ ܠܟ݂ܘܼܪܣܝܵܐ. ܘܣܸܦܬܹܗ ܕܟ݂ܘܼܪܣܝܵܐ ܟܪܝܼܟ݂ܵܐ ܡ̣ܢ ܒܸܣܬ̇ܪܹܗ. ܘܐܝܼ̈ܕ݂ܵܗܵܬ̣ܵܐ ܡܸܟܵܐ ܘܡܸܟܵܐ ܥܲܠ ܐܲܬ̣ܪܵܐ ܕܡܵܘܬ̇ܒ̣ܵܐ. ܘܲܬ̣ܪܹܝܢ ܐܲܪ̈ܝܵܘܵܬ̣ܵܐ ܩܵܝ̇ܡܝܼܢ ܒܸܣܬܲܪ ܐܝܼ̈ܕ݂ܵܗܵܬ̣ܵܐ. |
[No book] |
| [19]ܘܲܬ̣ܪܸܥܣܲܪ ܐܲܪ̈ܝܵܘܵܬ̣ܵܐ ܩܵܝܡܝܼܢ ܬܲܡܵܢ: ܥܲܠ ܫܬܵܐ ܕܲܪ̈ܓ̣ܝܼܢ: ܡܸܟܵܐ ܘܡܸܟܵܐ. ܘܠܵܐ ܐܸܬ̣ܥ̱ܒܸܕ݂ ܗܵܟܲܢܵܐ ܒܟ݂ܠܗܹܝܢ ܡܲܠ̈ܟ̇ܘܵܬ̣ܵܐ. |
[No book] |
| [20]ܘܟ݂ܠܗܘܿܢ ܡܵܐܢܹ̈ܐ ܕܬܸܫܡܸܫܬܹ̇ܗ ܕܡܲܠܟܵܐ ܫܠܹܝܡܘܿܢ ܕܕܲܗܒ̣ܵܐ: ܘܟ݂ܠ ܡܵܐܢܹ̈ܐ ܕܒܹܝܬ̣ ܓܲܙܹܗ ܕܡܲܠܟܵܐ ܕܕܲܗܒ̣ܵܐ ܣܢܝܼܢܵܐ. ܘܟܸܣܦܵܐ ܠܵܐ ܚܫܝܼܒ̣ ܗ̄ܘ̣ܵܐ ܒܝܵܘ̈ܡܵܬܹܗ ܕܲܫܠܹܝܡܘܿܢ ܐܲܝܟ݂ ܡܸܕܸ̇ܡ. |
[No book] |
| [21]ܡܸܛܠ ܕܲܣܦܝܼܢܹ̈ܐ ܓܹܝܪ ܐܝܼܬ̣ ܗ̄ܘܲܝ̈ ܠܲܫܠܹܝܡܘܿܢ ܡܲܠܟܵܐ: ܕܐܵܙܵܠ̄ـ̈ـܢ ܗ̄ܘܲܝ̈ ܠܬܲܪܫܝܼܫ ܥܲܡ ܥܲܒ̣ܕܵܘ̈ܗܝ ܕܚܝܼܪܵܡ ܚܕ݂ܵܐ ܠܲܬ̣ܠܵܬ̣ ܫܢ̈ܝܼܢ ܐܵܬ̣̈ܝܵܢ ܗ̄ܘܲܝ̈. ܘܲܣܦܝܼܢܹ̈ܐ ܕܐܵܙܵܠ̄ـ̈ـܢ ܗ̄ܘܲܝ̈ ܠܬܲܪܫܝܼܫ: ܛܥܝܼ̈ܢܵܢ ܟܸܣܦܵܐ: ܘܕܲܗܒ̣ܵܐ: ܘܦܝܼܠܹ̈ܐ: ܘܩܘܿܦܹ̈ܐ: ܘܛܵܘ̈ܣܹܐ. |
[No book] |
| [22]ܘܝܼܪܸܒ̣ ܡܲܠܟܵܐ ܫܠܹܝܡܘܿܢ: ܡ̣ܢ ܟܠܗܘܿܢ ܡܲܠ̈ܟܹ̇ܐ ܕܐܲܪܥܵܐ ܒܥܘܼܬ̣ܪܵܐ ܘܲܒ̣ܚܸܟ݂ܡ̱ܬ̣ܵܐ. |
[No book] |
| [23]ܘܟ݂ܠܗܘܿܢ ܡܲܠ̈ܟܹ̇ܐ ܕܐܲܪܥܵܐ ܒܵܥܹ̇ܝܢ ܠܡܸܚܙܵܐ ܐܲܦܵܘ̈ܗܝ ܕܲܫܠܹܝܡܘܿܢ: ܘܲܠܡܸܫܡܲܥ ܚܸܟ݂ܡ̱ܬ̣ܵܐ ܕܝܲܗ̄ܒ̣ ܡܵܪܝܵܐ ܒܠܸܒܹ̇ܗ. |
[No book] |
| [24]ܘܗܸܢܘܿܢ ܡܲܝܬܹ̇ܝܢ ܗ̄ܘ̣ܵܘ ܠܹܗ ܓܒܲܪ ܩܘܼܪܒܵܢܹܗ: ܡܵܐܢܲܝ̈ ܣܹܐܡܵܐ ܘܕܲܗܒ̣ܵܐ: ܘܢܲܚ̈ܬܹ̇ܐ: ܘܡܘܼܪܵܐ: ܘܒܸܣܡܹ̈ܐ: ܘܪ̈ܲܚܫܵܐ: ܘܟ݂ܘܿܕܲܢ̈ܘܵܬ̣ܵܐ: ܒܚܘܼܫܒܵܢܵܐ ܕܟ݂ܠ ܫܢܵܐ ܒܲܫܢܵܐ. |
[No book] |
| 25[No verse] |
[No book] |
| [26]ܘܲܗܘ̤ܵܐ ܫܠܹܝܡܘܿܢ ܫܲܠܝܼܛܵܐ ܒܟ݂ܠܗܹܝܢ ܡܲܠ̈ܟ̇ܘܵܬ̣ܵܐ: ܡ̣ܢ ܢܲܗܪܵܐ ܦܪܵܬ̣ ܘܲܥܕܲܡܵܐ ܠܐܲܪܥܵܐ ܕܲܦܠܸܫܬܵܝܹ̈ܐ: ܘܲܥܕܲܡܵܐ ܠܲܬ̣ܚܘܼܡܵܐ ܕܡܸܨܪ̈ܵܝܹܐ. |
[No book] |
| [27]ܘܝܲܗ̄ܒ̣ ܡܲܠܟܵܐ ܫܠܹܝܡܘܿܢ ܒܐܘܿܪܸܫܠܸܡ ܟܸܣܦܵܐ ܐܲܝܟ݂ ܟܹܐܦܹ̈ܐ. ܘܐܲܪ̈ܙܹܐ ܝܲܗ̄ܒ̣ ܐܲܝܟ݂ ܚܵܠܵܐ ܕܐܝܼܬ̣ ܥܲܠ ܣܦܲܬ̣ ܝܲܡܵܐ ܣܘܿܓ̣ܵܐܐ. |
[No book] |
| [28]ܘܙܵܒ̣ܢܝܼܢ ܗ̄ܘ̣ܵܘ ܪ̈ܲܟ݂ܫܵܐ ܠܲܫܠܹܝܡܘܿܢ: ܡ̣ܢ ܡܸܨܪܹܝܢ ܘܡ̣ܢ ܟܠܗܹܝܢ ܡܕ݂ܝܼ̈ܢܵܬ̣ܵܐ. |
[No book] |
| 29[No verse] |
[No book] |
| [30]ܘܐܲܡ̣ܠܸܟ݂ ܫܠܹܝܡܘܿܢ ܥܲܠ ܐܘܿܪܸܫܠܸܡ ܘܥܲܠ ܝܼܣܪܵܝܹܠ ܐܲܪܒ̇ܥܝܼܢ ܫܢ̈ܝܼܢ. |
[No book] |
| [31]ܘܲܫܟܸܒ̣ ܫܠܹܝܡܘܿܢ ܥܲܡ ܐܲܒ̣ܵـ̈ـܗܵܬܹܗ. ܘܩܲܒ̣ܪܘܼܗܝ ܒܲܩܪܝܼܬ̣ܵܐ ܕܕ݂ܵܘܝܼܕ݂. ܐܲܒ̣ܘܼܗܝ ܘܐܲܡ̣ܠܸܟ݂ ܪܚܸܒ̣ܥܲܡ ܒܪܹܗ ܒܵܬ̣ܪܹܗ. |
[No book] |