|
|
| [1]ועתליה אם אחזיהו וראתה [Q: ראתה] כי מת בנה ותקם ותאבד את כל זרע הממלכה |
[No book] |
| [2]ותקח יהושבע בת המלך יורם אחות אחזיהו את יואש בן אחזיה ותגנב אתו מתוך בני המלך הממותתים [Q: המומתים]־אתו ואת מינקתו בחדר המטות ויסתרו אתו מפני עתליהו ולא הומת |
[No book] |
| [3]ויהי אתה בית יהוה מתחבא שש שנים ועתליה מלכת על הארץ |
[No book] |
| [4]ובשנה השביעית שלח יהוידע ויקח את שרי המאיות [Q: המאות] לכרי ולרצים ויבא אתם אליו בית יהוה ויכרת להם ברית וישבע אתם בבית יהוה וירא אתם את בן המלך |
[No book] |
| [5]ויצום לאמר זה הדבר אשר תעשון השלשית מכם באי השבת ושמרי משמרת בית המלך |
[No book] |
| [6]והשלשית בשער סור והשלשית בשער אחר הרצים ושמרתם את משמרת הבית מסח |
[No book] |
| [7]ושתי הידות בכם כל יצאי השבת ושמרו את משמרת בית יהוה אל המלך |
[No book] |
| [8]והקפתם על המלך סביב איש וכליו בידו והבא אל השדרות יומת והיו את המלך בצאתו ובבאו |
[No book] |
| [9]ויעשו שרי המאיות [Q: המאות] ככל אשר צוה יהוידע הכהן ויקחו איש את אנשיו באי השבת עם יצאי השבת ויבאו אל יהוידע הכהן |
[No book] |
| [10]ויתן הכהן לשרי המאיות [Q: המאות] את החנית ואת השלטים אשר למלך דוד־אשר בבית יהוה |
[No book] |
| [11]ויעמדו הרצים איש וכליו בידו מכתף הבית הימנית עד כתף הבית השמאלית למזבח ולבית־על המלך סביב |
[No book] |
| [12]ויוצא את בן המלך ויתן עליו את הנזר ואת העדות וימלכו אתו וימשחהו ויכו כף־ויאמרו יחי המלך |
[No book] |
| [13]ותשמע עתליה את קול הרצין העם ותבא אל העם בית יהוה |
[No book] |
| [14]ותרא והנה המלך עמד על העמוד כמשפט והשרים והחצצרות אל המלך וכל עם הארץ שמח ותקע בחצצרות ותקרע עתליה את בגדיה ותקרא קשר קשר |
[No book] |
| [15]ויצו יהוידע הכהן את שרי המאיות [Q: המאות] פקדי החיל ויאמר אליהם הוציאו אתה אל מבית לשדרת והבא אחריה המת בחרב כי אמר הכהן אל תומת בית יהוה |
[No book] |
| [16]וישמו לה ידים ותבוא דרך מבוא הסוסים בית המלך ותומת שם |
[No book] |
| [17]ויכרת יהוידע את הברית בין יהוה ובין המלך ובין העם להיות לעם ליהוה ובין המלך ובין העם |
[No book] |
| [18]ויבאו כל עם הארץ בית הבעל ויתצהו את מזבחתו ואת צלמיו שברו היטב ואת מתן כהן הבעל הרגו לפני המזבחות וישם הכהן פקדת על בית יהוה |
[No book] |
| [19]ויקח את שרי המאות ואת הכרי ואת הרצים ואת כל עם הארץ וירידו את המלך מבית יהוה ויבואו דרך שער הרצים בית המלך וישב על כסא המלכים |
[No book] |
| [20]וישמח כל עם הארץ והעיר שקטה ואת עתליהו המיתו בחרב בית מלך [Q: המלך] |
[No book] |
| 21[No verse] |
[No book] |