➖ »
«
➖ ➕
Aleppo Codex (~920)
Alep
The First Book of Clement
1Clem
←
2 Kings
2Kg
21
→
[1]בן שתים עשרה שנה מנשה במלכו וחמשים וחמש שנה מלך בירושלם ושם אמו חפצי בה [No book]
[2]ויעש הרע בעיני יהוה־כתועבת הגוים אשר הוריש יהוה מפני בני ישראל [No book]
[3]וישב ויבן את הבמות אשר אבד חזקיהו אביו ויקם מזבחת לבעל ויעש אשרה כאשר עשה אחאב מלך ישראל וישתחו לכל צבא השמים ויעבד אתם [No book]
[4]ובנה מזבחת בבית יהוה אשר אמר יהוה בירושלם אשים את שמי [No book]
[5]ויבן מזבחות לכל צבא השמים בשתי חצרות בית יהוה [No book]
[6]והעביר את בנו באש ועונן ונחש ועשה אוב וידענים הרבה לעשות הרע בעיני יהוה־להכעיס [No book]
[7]וישם את פסל האשרה אשר עשה־בבית אשר אמר יהוה אל דוד ואל שלמה בנו בבית הזה ובירושלם אשר בחרתי מכל שבטי ישראל אשים את שמי לעולם [No book]
[8]ולא אסיף להניד רגל ישראל מן האדמה אשר נתתי לאבותם רק אם ישמרו לעשות ככל אשר צויתים ולכל התורה אשר צוה אתם עבדי משה [No book]
[9]ולא שמעו ויתעם מנשה לעשות את הרע מן הגוים אשר השמיד יהוה מפני בני ישראל [No book]
[10]וידבר יהוה ביד עבדיו הנביאים לאמר [No book]
[11]יען אשר עשה מנשה מלך יהודה התעבות האלה־הרע מכל אשר עשו האמרי אשר לפניו ויחטא גם את יהודה בגלוליו [No book]
[12]לכן כה אמר יהוה אלהי ישראל הנני מביא רעה על ירושלם ויהודה אשר כל שמעיו [Q: שמעה]־תצלנה שתי אזניו [No book]
[13]ונטיתי על ירושלם את קו שמרון ואת משקלת בית אחאב ומחיתי את ירושלם כאשר ימחה את הצלחת מחה והפך על פניה [No book]
[14]ונטשתי את שארית נחלתי ונתתים ביד איביהם והיו לבז ולמשסה לכל איביהם [No book]
[15]יען אשר עשו את הרע בעיני ויהיו מכעסים אתי־מן היום אשר יצאו אבותם ממצרים ועד היום הזה [No book]
[16]וגם דם נקי שפך מנשה הרבה מאד עד אשר מלא את ירושלם פה לפה־לבד מחטאתו אשר החטיא את יהודה לעשות הרע בעיני יהוה [No book]
[17]ויתר דברי מנשה וכל אשר עשה וחטאתו אשר חטא הלא הם כתובים על ספר דברי הימים־למלכי יהודה [No book]
[18]וישכב מנשה עם אבתיו ויקבר בגן ביתו בגן עזא וימלך אמון בנו תחתיו [No book]
[19]בן עשרים ושתים שנה אמון במלכו ושתים שנים מלך בירושלם ושם אמו משלמת בת חרוץ מן יטבה [No book]
[20]ויעש הרע בעיני יהוה כאשר עשה מנשה אביו [No book]
[21]וילך בכל הדרך אשר הלך אביו ויעבד את הגללים אשר עבד אביו וישתחו להם [No book]
[22]ויעזב את יהוה אלהי אבתיו ולא הלך בדרך יהוה [No book]
[23]ויקשרו עבדי אמון עליו וימיתו את המלך בביתו [No book]
[24]ויך עם הארץ את כל הקשרים על המלך אמון וימליכו עם הארץ את יאשיהו בנו תחתיו [No book]
[25]ויתר דברי אמון אשר עשה הלא הם כתובים על ספר דברי הימים־למלכי יהודה [No book]
[26]ויקבר אתו בקברתו בגן עזא וימלך יאשיהו בנו תחתיו [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top