➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
2 Kings
2Kg
7
→
[1]ויאמר אלישע שמעו דבר יהוה כה אמר יהוה כעת מחר סאה סלת בשקל וסאתים שערים בשקל־בשער שמרון [No book]
[2]ויען השליש אשר למלך נשען על ידו את איש האלהים ויאמר הנה יהוה עשה ארבות בשמים היהיה הדבר הזה ויאמר הנכה ראה בעיניך ומשם לא תאכל [No book]
[3]וארבעה אנשים היו מצרעים פתח השער ויאמרו איש אל רעהו מה אנחנו ישבים פה עד מתנו [No book]
[4]אם אמרנו נבוא העיר והרעב בעיר ומתנו שם ואם ישבנו פה ומתנו ועתה לכו ונפלה אל מחנה ארם־אם יחינו נחיה ואם ימיתנו ומתנו [No book]
[5]ויקמו בנשף לבוא אל מחנה ארם ויבאו עד קצה מחנה ארם והנה אין שם איש [No book]
[6]ואדני השמיע את מחנה ארם קול רכב קול סוס־קול חיל גדול ויאמרו איש אל אחיו הנה שכר עלינו מלך ישראל את מלכי החתים ואת מלכי מצרים־לבוא עלינו [No book]
[7]ויקומו וינוסו בנשף ויעזבו את אהליהם ואת סוסיהם ואת חמריהם המחנה כאשר היא וינסו אל נפשם [No book]
[8]ויבאו המצרעים האלה עד קצה המחנה ויבאו אל אהל אחד ויאכלו וישתו וישאו משם כסף וזהב ובגדים וילכו ויטמנו וישבו ויבאו אל אהל אחר וישאו משם וילכו ויטמנו [No book]
[9]ויאמרו איש אל רעהו לא כן אנחנו עשים היום הזה יום בשרה הוא ואנחנו מחשים וחכינו עד אור הבקר ומצאנו עוון ועתה לכו ונבאה ונגידה בית המלך [No book]
[10]ויבאו ויקראו אל שער העיר ויגידו להם לאמר באנו אל מחנה ארם והנה אין שם איש וקול אדם כי אם הסוס אסור והחמור אסור ואהלים כאשר המה [No book]
[11]ויקרא השערים ויגידו בית המלך פנימה [No book]
[12]ויקם המלך לילה ויאמר אל עבדיו אגידה נא לכם את אשר עשו לנו ארם ידעו כי רעבים אנחנו ויצאו מן המחנה להחבה בהשדה [Q: בשדה] לאמר כי יצאו מן העיר ונתפשם חיים ואל העיר נבא [No book]
[13]ויען אחד מעבדיו ויאמר ויקחו נא חמשה מן הסוסים הנשארים אשר נשארו בה הנם ככל ההמון [Q: המון] ישראל אשר נשארו בה הנם ככל המון ישראל אשר תמו ונשלחה ונראה [No book]
[14]ויקחו שני רכב סוסים וישלח המלך אחרי מחנה ארם לאמר־לכו וראו [No book]
[15]וילכו אחריהם עד הירדן והנה כל הדרך מלאה בגדים וכלים אשר השליכו ארם בהחפזם [Q: בחפזם] וישבו המלאכים ויגדו למלך [No book]
[16]ויצא העם־ויבזו את מחנה ארם ויהי סאה סלת בשקל וסאתים שערים בשקל־כדבר יהוה [No book]
[17]והמלך הפקיד את השליש אשר נשען על ידו על השער וירמסהו העם בשער וימת כאשר דבר איש האלהים אשר דבר ברדת המלך אליו [No book]
[18]ויהי כדבר איש האלהים אל המלך לאמר סאתים שערים בשקל וסאה סלת בשקל יהיה כעת מחר בשער שמרון [No book]
[19]ויען השליש את איש האלהים ויאמר והנה יהוה עשה ארבות בשמים היהיה כדבר הזה ויאמר הנך ראה בעיניך ומשם לא תאכל [No book]
[20]ויהי לו כן וירמסו אתו העם בשער וימת [No book]
Source: unbound.biola.edu
Top