|
|
| [No book] |
[1]ܘܫܲܕܲܪ ܡܵܪܝܵܐ ܠܢܵܬ̣ܵܢ ܢܒ̣ܝܼܵܐ ܠܘܵܬ̣ ܕܵܘܝܼܕ݂. ܘܐܸܬ̣ܵܐ ܠܘܵܬܹܗ: ܘܐܸܡܲܪ ܠܹܗ: ܬܪܹܝܢ ܐ̄ܢܵܫ̈ܝܼܢ ܐܝܼܬ̣ ܗ̄ܘ̣ܵܘ ܒܲܩܪܝܼܬ̣ܵܐ ܚܕ݂ܵܐ: ܚܲܕ݂ ܥܲܬ̇ܝܼܪ ܘܚܲܕ݂ ܡܸܣܟܹ̇ܝܢ. |
| [No book] |
[2]ܠܥܲܬ̇ܝܼܪܵܐ ܐܝܼܬ̣ ܗ̄ܘ̣ܵܐ ܠܹܗ ܥܵـ̈ܢܵܐ: ܘܬ̣ܵܘܪܹ̈ܐ: ܣܘܿܓ̣ܐܵܐ ܕܛܵܒ̣. |
| [No book] |
[3]ܘܲܠܡܸܣܟܹ̇ܢܵܐ ܠܲܝܬ̇ ܗ̄ܘ̣ܵܐ ܠܹܗ ܡܸܕܸܡ: ܐܸܠܵܐ ܐܸܢ ܦܲܪܬ̣ܵܐ ܚܕ݂ܵܐ ܙܥܘܿܪܬܵܐ ܕܲܩܢܸܐ ܗ̄ܘ̣ܵܐ: ܘܚܵܝܵܐ ܗ̄ܘ̣ܵܬ̣ ܥܲܡܹܗ ܘܥܲܡ ܒܢܵܘ̈ܗܝ ܐܲܟ݂ܚ̄ܕ݂ܵܐ. ܡ̣ܢ ܠܲܚܡܹܗ ܐܵܟ݂ܠܵܐ ܗ̄ܘ̣ܵܬ̣: ܘܡ̣ܢ ܟܵܣܹܗ ܫܵܬ̣ܝܵܐ ܗ̄ܘ̣ܵܬ̣: ܘܲܒ̣ܥܘܼܒܹ̇ܗ ܕܵܡܟܵܐ ܗ̄ܘ̣ܵܬ̣: ܘܐܲܝܟ݂ ܒܪܬ̣ܵܐ ܥܒ̣ܝܼܕ݂ܵܐ ܗ̄ܘ̣ܵܬ̣ ܠܹܗ. |
| [No book] |
[4]ܘܐܸܬ̣ܵܐ ܐܵܪܚܵܐ ܠܓܲܒ̣ܪܵܐ ܥܲܬ̇ܝܼܪܵܐ: ܘܚܵܣ ܕܢܸܣܲܒ̣ ܡ̣ܢ ܬܵܘܪܗܵܘܗܝ ܘܡ̣ܢ ܥܵܢܹ̈ܗ: ܘܢܸܥܒܸ̇ܕ݂ ܠܐܵܪܚܵܐ ܕܐܸܬ̣ܵܐ ܠܹܗ. ܢܣܲܒ̣ ܦܲܪܬܹܗ ܕܗܵܘ̇ ܡܸܣܟܹܢܵܐ ܥܒܲܕ݂ ܠܐܵܪܚܵܐ ܕܐܸܬ̣ܵܐ ܠܹܗ. |
| [No book] |
[5]ܗܵܝܕܹܝܢ ܐܸܬ̣ܚܲܡܲܬ̣ ܕܵܘܝܼܕ݂ ܥܠܵܘܗܝ ܥܲܠ ܓܲܒ̣ܪܵܐ: ܘܐܸܡܲܪ: ܚܲܝ ܗ̄ܘ̣ ܡܵܪܝܵܐ ܕܚܲܝܵܒ̣ ܡܵܘܬܵܐ ܗ̄ܘ̣ ܓܲܒ̣ܪܵܐ ܕܲܥܒܲܕ݂ ܗܵܕܹܐ. |
| [No book] |
[6]ܘܦܲܪܬ̣ܵܐ ܢܸܦܪ̱ܥܝܼܗ̇ ܚܕ݂ܵܐ ܒܐܲܪܒܲܥ: ܥܲܠ ܕܲܥܒܲܕ݂ ܗܵܟܲܢܵܐ ܘܠܵܐ ܚܵܣ. |
| [No book] |
[7]ܐܵܡܲܪ ܠܹܗ ܢܵܬ̣ܵܢ ܠܕ݂ܵܘܝܼܕ݂: ܐܲܢ̄ܬ̇ ܗ̄ܘ̣ ܓܲܒ̣ܪܵܐ: ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܐܸܢܵܐ ܡܫܲܚܬܵܟ݂ ܕܬܲܡܠܸܟ݂ ܥܲܠ ܥܲܡܝ ܝܼܣܪܵܝܹܠ: ܘܐܸܢܵܐ ܦܲܨܝܼܬܵܟ݂ ܡ̣ܢ ܐܝܼܕ݂ܵܘ̈ܗܝ ܕܫܵܐܘܿܠ. |
| [No book] |
[8]ܘܝܼܗ̄ܒܹ̇ܬ̣ ܠܵܟ݂ ܒ̈ܢܵܬ̣ ܡܵܪ̈ܲܝܟ. ܘܢܸܫܵܘ̈ܗܝ ܕܡܵܪܵܟ݂ ܐܲܕ݂ܡ̱ܟ݂̇ܬ̣ ܒܥܘܼܒܵܟ݂. ܘܝܼܗ̄ܒܹ̇ܬ̣ ܠܵܟ݂ ܒ̈ܢܵܬ̣ ܝܼܣܪܵܝܹܠ ܘܲܝܗܘܼܕ݂ܵܐ. ܘܐܸܢ ܙܥܘܿܪ̈ܝܵܢ ܗ̄ܘܲܝ̈: ܐܸܡܲܪܬ̇ ܕܹܝܢ: ܘܐܵܘܣܦܹܬ̣ ܠܵܟ݂ ܐܲܟ݂ܘܵܬ̣ܗܹܝܢ ܘܐܲܟ݂ܘܵܬ̣ܗܹܝܢ. |
| [No book] |
[9]ܠܡܵܢܵܐ ܫܵܛܬ̇ ܦܘܼܩܕܵܢܹܗ ܕܡܵܪܝܵܐ: ܘܲܥܒܲܕܲܬ̇ ܕܒ̣ܝܼܫ ܩܕ݂ܵܡ ܡܵܪܝܵܐ. ܠܐܘܿܪܝܼܵܐ ܚܹܬ̣ܵܝܵܐ ܩܛܲܠܬ̇ ܒܚܲܪܒܵܐ: ܘܐܲܢ̄ܬ̇ܬܹܗ ܢܣܲܒ̣ܬ ܠܵܟ݂ ܐܲܢ̄ܬ̇ܬ̣ܐ: ܘܠܹܗ ܩܛܲܠܬ̇ ܒܚܲܪܒܵܐ ܕܲܒ̣̈ܢܲܝ ܥܲܡܘܿܢ. |
| [No book] |
[10]ܡܸܟܹ̇ܠ ܠܵܐ ܬܸܥܢܲܕ݂ ܚܲܪܒܵܐ ܡ̣ܢ ܒܲܝܬܵܟ݂ ܥܕܲܡܵܐ ܠܥܵܠܲܡ: ܥܲܠ ܕܫܵܛܬܢܝ ܘܲܢܣܲܒ̣ܬ̇ ܐܲܢ̄ܬ̇ܬܹܗ ܕܐܘܿܪܝܼܵܐ ܚܹܬ̣ܵܝܵܐ ܕܬܸܗܘܸܐ ܠܵܟ݂ ܐܲܢ̄ܬ̇ܬ̣ܵܐ. |
| [No book] |
[11]ܗܵܟܲܢܵܐ ܐܵܡܲܪ ܡܵܪܝܵܐ: ܗܵܐ ܡܩܝܼܡ ܐ̄ܢܵܐ ܥܠܲܝܟ ܒܝܼܫܬܵܐ ܡ̣ܢ ܒܲܝܬܵܟ݂: ܘܐܸܕ݂ܒܲܪ ܢܸܫܲܝ̈ܟ ܠܥܹܢܲܝܟ ܘܐܸܬܸܠ ܠܚܲܒ̣ܪܵܟ݂: ܘܢܸܕ݂ܡܲܟ݂ ܥܲܡܗܹܝܢ ܠܥܹܝܢ ܫܸܡܫܵܐ ܗܵܢܵܐ. |
| [No book] |
[12]ܐܲܢ̄ܬ̇ ܥܒܲܕܬ̇ ܡܲܛܫܝܵܐܝܼܬ̣: ܘܐܸܢܵܐ ܐܸܥܒ̇ܕ݂ܝܼܗ̇ ܠܗܵܕܹܐ ܠܥܹܝܢ ܟܠܹܗ ܝܼܣܪܵܝܹܠ ܘܠܘܼܩܒܲܠ ܫܸܡܫܵܐ. |
| [No book] |
[13]ܘܐܸܡܲܪ ܕܵܘܝܼܕ݂ ܠܢܵܬ̣ܵܢ ܚܛܹܝܬ̣ ܩܕ݂ܵܡ ܡܵܪܝܵܐ. ܘܐܲܪ ܠܹܗ ܢܵܬ̣ܵܢ ܠܕ݂ܵܘܝܼܕ݂: ܐܵܦ ܡܵܪܝܵܐ ܐܲܥܒܲܪ ܣܲܟ݂ܠܘܼܬ̣ܵܟ݂: ܠܵܐ ܬܡܘܼܬ̣. |
| [No book] |
[14]ܒܪܲܡ ܕܹܝܢ ܥܲܠ ܕܪܵܪܸܒ̣ܬ̇ ܠܲܒ̣ܥܸܠܕܒ̣ܵܒ̣ܵܘ̈ܗܝ ܕܡܵܪܝܵܐ ܒܲܥܒ̣ܝܼܕܬܵܐ ܗܵܕܹܐ: ܐܵܦ ܒܪܵܐ ܕܡܸܬ̱ܝܼܠܸܕ݂ ܠܵܟ݂: ܡܡܵܬ̣ ܢܡܘܼܬ̣. |
| [No book] |
[15]ܘܐܸܙܲܠ ܢܵܬ̣ܵܢ ܠܒܲܝܬܹ̇ܗ. ܘܲܡܚܵܝܗܝ ܡܵܪܝܵܐ ܠܛܲܠܝܵܐ ܕܝܸܠܕܲܬ̤ ܐܲܢ̄ܬ̇ـܹܗ ܕܐܘܿܪܝܼܵܐ ܠܕ݂ܵܘܝܼܕ݂ ܘܲܚܣܲܢ. |
| [No book] |
[16]ܘܲܒ̣ܥܵܐ ܕܵܘܝܼܕ݂ ܡ̣ܢ ܐܲܠܵܗܵܐ ܥܲܠ ܐܲܦܲܝ̈ ܛܲܠܝܵܐ. ܘܨܵܡ ܕܵܘܝܕ݂ ܨܵܘܡܵܐ: ܘܒ̣ܵܬ̣ ܒܹܗ: ܘܲܕ݂ܡܸܟ݂ ܥܲܠ ܐܲܪܥܵܐ. |
| [No book] |
[17]ܘܩܵܡܘ ܣܵܒܹ̈ܐ ܕܒܲܝܬܹ̇ܗ ܕܲܢܩܝܼܡܘܼܢܹܗ ܡ̣ܢ ܐܲܪܥܵܐ: ܘܠܵܐ ܨܒ̣ܵܐ: ܘܠܵܐ ܠܥܸܣ ܥܲܡܘܿܢ ܠܲܚܡܵܐ. |
| [No book] |
[18]ܘܲܠܝܵܘܡܵܐ ܕܫܒ̣ܥܵܐ ܡܝܼܬ̣ ܠܹܗ ܛܲܠܝܵܐ. ܘܲܕ݂ܚܸܠܘ ܥܲܒ̣ܕܵܘ̈ܗܝ ܕܕ݂ܵܘܝܼܕ݂ ܕܲܢܚܵܘܘܿܢܵܝܗܝ ܕܡܝܼܬ̣ ܠܹܗ ܛܲܠܝܵܐ: ܡܸܛܠ ܕܐܵܡܪܝܼܢ: ܟܲܕ݂ ܚܲܝ ܗ̄ܘ̣ܵܐ ܛܲܠܝܵܐ ܐܵܡܪܝܼܢ ܗ̄ܘܲܝܢ ܠܹܗ: ܘܠܵܐ ܫܵܡܲܥ ܗ̄ܘ̣ܵܐ ܠܲܢ: ܐܲܝܟܲܢܵܐ ܬܹܐܡܲܪ ܠܹܗ: ܗܵܫܵܐ ܕܡܝܼܬ̣ ܠܹܗ ܛܲܠܝܵܐ: ܥܵܒܹܕ݂ ܒܝܼܫܬܵܐ. |
| [No book] |
[19]ܘܟܲܕ݂ ܚܙܵܐ ܕܵܘܝܼܕ݂ ܠܥܲܒ̣ܕܵܘ̈ܗܝ ܕܲܡܠܲܚܫܝܼܢ: ܐܸܬ̣ܒܲܝܲܢ ܕܵܘܝܼܕ݂ ܕܡܝܼܬ̣ ܠܹܗ ܛܲܠܝܵܐ: ܘܐܸܡܲܪ ܕܵܘܝܼܕ݂ ܠܥܲܒ̣ܕܵܘ̈ܗܝ: ܡܝܼܬ̣ ܠܹܗ ܛܲܠܝܵܐ: ܐܵܡܪܝܼܢ ܠܹܗ ܡܝܼܬ̣. |
| [No book] |
[20]ܘܩܵܡ ܕܵܘܝܼܕ݂ ܡ̣ܢ ܐܲܪܥܵܐ: ܘܐܲܫܝܼܓ̣ ܘܲܡܫܲܚ ܘܚܲܠܸܦ ܡܵܐܢܵܘ̈ܗܝ. ܘܥܲܠ ܠܒܲܝܬܹ̇ܗ ܕܡܵܪܝܵܐ ܘܲܣܓܸܕ݂: ܘܐܸܬ̣ܵܐ ܠܒܲܝܬܹܗ ܘܲܫܐܸܠ ܠܲܚܡܵܐ: ܘܣܵܡܘ ܠܹܗ ܘܲܠܥܸܣ. |
| [No book] |
[21]ܐܵܡܪܝܼܢ ܠܹܗ ܥܲܒ̣ܕܵܘ̈ܗܝ: ܡܵܢܵܐ ܗ̄ܘ̣ ܗܵܢܵܐ ܕܲܥܒܲܕܬ̇. ܟܲܕ݂ ܚܲܝ ܗ̄ܘ̣ܵܐ ܛܲܠܝܵܐ: ܨܵܐܹܡ ܗ̄ܘܲܝܬ̇ ܘܒ̣ܵܥܹܐ. ܘܟܲܕ݂ ܡܝܼܬ̣: ܩܵܡܬ̇ ܠܥܸܣܬ̇ ܠܲܚܡܵܐ. |
| [No book] |
[22]ܐܵܡܲܪ ܠܗܘܿܢ ܕܵܘܝܼܕ݂: ܟܲܕ݂ ܛܲܠܝܵܐ ܚܲܝ: ܨܵܐܹܡ ܗ̄ܘܹܝܬ̣ ܘܒ̣ܵܥܹܐ: ܡܸܛܠ ܕܐܵܡܲܪ ܗ̄ܘܹܝܬ̣: ܡܲܢܘܼ ܝܵܕܲܥ ܡܪܲܚܸܡ ܥܠܵܘܗܝ ܐܲܠܵܗܵܐ: ܘܚܵܝܹܐ ܛܲܠܝܵܐ. |
| [No book] |
[23]ܡܸܟܹ̇ܠ ܕܡܝܼܬ̣ ܠܹܗ: ܠܡܵܢܵܐ ܨܵܐܹܡ ܐ̄ܢܵܐ: ܠܡܵܐ ܡܸܫܟ̇ܚܵܐ ܕܬ̣ܘܼܒ̣ ܢܸܗܦܘܿܟ݂. ܐܸܢܵܐ ܐܵܙܸܠ ܐ̄ܢܵܐ ܠܘܵܬܹܗ: ܘܗ̤ܘ ܠܵܐ ܡܸܫܟܲܚ ܕܢܹܐܬܸܐ ܠܘܵܬ̣ܝ. |
| [No book] |
[24]ܘܒܲܝܲܐ ܕܵܘܝܼܕ݂ ܠܒܲܬ̣ܫܒܲܥ ܐܲܢ̄ܬ̇ܬܹܗ ܘܥܲܠ ܠܘܵܬ̣ܵܗ̇ ܘܲܕ݂ܡܸܟ݂ ܥܲܡܵܗ̇: ܘܝܼܠܕܲܬ̤ ܒܪܵܐ: ܘܲܩܪܵܬ̤ ܫܡܹܗ ܫܠܹܝܡܘܿܢ. ܘܡܵܪܝܵܐ ܪܲܚܡܹܗ ܠܛܲܠܝܵܐ. |
| [No book] |
[25]ܟܗܘܫܲܕܲܪ ܠܢܵܬ̣ܵܢ ܢܒ̣ܝܼܵܐ: ܘܲܩܪܵܐ ܫܡܹܗ ܝܲܕܲܝܼܕ݂ܵܐ: ܡܸܛܠ ܝܲܕܝܼܕܹܗ. |
| [No book] |
[26]ܘܐܸܬ̣ܟܲܬܲܫ ܝܘܿܐܵܒ̣ ܒܪܲܒܲܬ̣ ܕܲܒ̣̈ܢܲܝ ܥܡܘܿܢ: ܘܐܸܚܲܕ݂ ܩܪܝܼܬ̣ܵܐ ܕܡܲܠܟ̇ܘܼܬ̣ܵܐ. |
| [No book] |
[27]ܘܫܲܕܲܪ ܝܘܿܐܵܒ̣ ܐܝܼܙ̈ܓܕܹܐ ܠܘܵܬ̣ ܕܵܘܝܼܕ݂ ܘܐܸܡܲܪ: ܐܸܬ̣ܟܲܬ̇ܫܹܬ̣ ܒܪܲܒܲܬ̣: ܘܐܵܦ ܐܸܚܕܹܬ̣ ܠܲܩܪܝܼܬ̣ܵܐ ܕܡܲܠܟ̇ܘܼܬ̣ܵܐ. |
| [No book] |
[28]ܗܵܫܵܐ ܟܲܢܸܫ ܠܫܲܪܟܵܐ ܕܥܲܡܵܐ: ܘܬ̣ܵܐ ܫܪܝܼ ܥܲܠ ܩܪܝܼܬ̣ܵܐ ܘܐܲܚܘܿܕܹܝܗ̇. ܕܲܠܡܵܐ ܐܸܚܕܲܝܼܗ̇ ܐܸܢܵܐ ܠܲܩܪܝܼܬ̣ܵܐ: ܘܢܸܬ̣ܩܸܐ ܫܡܝ ܥܠܹܝܗ̇. |
| [No book] |
[29]ܘܟܲܢܸܫ ܕܵܘܝܼܕ݂ ܠܟ݂ܠܹܗ ܥܲܡܵܐ ܘܐܸܙܲܠ ܥܲܠ ܪܲܒܲܬ̣: ܘܐܸܬ̣ܟܲܬܲܫ ܒܵܗ̇ ܘܐܲܚܕܵܗ̇. |
| [No book] |
[30]ܘܲܢܣܲܒ̣ ܟܠܝܼܠܵܐ ܕܡܲܠܟ̇ܗܘܿܢ ܡ̣ܢ ܪܹܫܹܗ: ܕܬ̣ܵܩܹܠ ܗ̄ܘ̣ܵܐ ܟܲܟ̇ܪܵܐ ܕܕܲܗܒ̣ܵܐ: ܘܐܝܼܬ̣ ܗ̄ܘܲܝ̈ ܒܹܗ ܟܹܐܦܹ̈ܐ ܛܵܒ̣ـ̈ܬ̣ܵܐ: ܘܐܸܬ̇ܬ̇ܣܝܼܡ ܒܪܹܫܹܗ ܕܕ݂ܵܘܝܼܕ݂. ܘܒܸܙܬ̣ܵܐ ܕܲܩܪܝܼܬ̣ܵܐ ܐܲܦܸܩ ܣܘܿܓ̣ܵܐܐ ܕܛܵܒ̣. |
| [No book] |
[31]ܘܲܠܥܲܡܵܐ ܕܐܝܼܬ̣ ܗ̄ܘ̣ܵܐ ܒܵܗ̇ ܐܲܦܸܩ: ܘܐܲܪܡܝܼ ܐܸܢܘܿܢ ܒܩܘܼܠܵܪܹ̈ܐ ܕܦܲܪܙܠܑܵ ܘܲܒ̣ܫܸܫ̈ܠܵܬ̣ܵܐ: ܘܐܲܥܒܲܪ ܐܸܢܘܿܢ ܒܲܡܫܘܼܚܬ̣ܵܐ. ܘܗܵܟܲܢܵܐ ܥܒܲܕ݂ ܠܟ݂ܠܗܹܝܢ ܩܘܼܪ̈ܝܵܐ ܕܲܒ̣̈ܢܲܝ ܥܲܡܘܿܢ. ܘܲܗܦܲܟ݂ ܕܵܘܝܼܕ݂ ܘܟ݂ܠܹܗ ܥܲܡܵܐ ܠܐܘܿܪܸܫܠܸܡ. |