➖ »
«
➖ ➕
Aleppo Codex (~920)
Alep
The First Book of Clement
1Clem
←
2 Samuel
2Sa
21
→
[1]ויהי רעב בימי דוד שלש שנים שנה אחרי שנה ויבקש דוד את פני יהוה ויאמר יהוה אל שאול ואל בית הדמים על אשר המית את הגבענים [No book]
[2]ויקרא המלך לגבענים ויאמר אליהם והגבענים לא מבני ישראל המה כי אם מיתר האמרי ובני ישראל נשבעו להם ויבקש שאול להכתם בקנאתו לבני ישראל ויהודה [No book]
[3]ויאמר דוד אל הגבענים מה אעשה לכם ובמה אכפר וברכו את נחלת יהוה [No book]
[4]ויאמרו לו הגבענים אין לי [Q: לנו] כסף וזהב עם שאול ועם ביתו ואין לנו איש להמית בישראל ויאמר מה אתם אמרים אעשה לכם [No book]
[5]ויאמרו אל המלך האיש אשר כלנו ואשר דמה לנו נשמדנו מהתיצב בכל גבל ישראל [No book]
[6]ינתן [Q: יותן] לנו שבעה אנשים מבניו והוקענום ליהוה בגבעת שאול בחיר יהוה ויאמר המלך אני אתן [No book]
[7]ויחמל המלך על מפיבשת בן יהונתן בן שאול על שבעת יהוה אשר בינתם־בין דוד ובין יהונתן בן שאול [No book]
[8]ויקח המלך את שני בני רצפה בת איה אשר ילדה לשאול את ארמני ואת מפבשת ואת חמשת בני מיכל בת שאול אשר ילדה לעדריאל בן ברזלי המחלתי [No book]
[9]ויתנם ביד הגבענים ויקיעם בהר לפני יהוה ויפלו שבעתים [Q: שבעתם] יחד והם [Q: והמה] המתו בימי קציר בראשנים תחלת [Q: בתחלת] קציר שערים [No book]
[10]ותקח רצפה בת איה את השק ותטהו לה אל הצור מתחלת קציר עד נתך מים עליהם מן השמים ולא נתנה עוף השמים לנוח עליהם יומם ואת חית השדה לילה [No book]
[11]ויגד לדוד את אשר עשתה רצפה בת איה פלגש שאול [No book]
[12]וילך דוד ויקח את עצמות שאול ואת עצמות יהונתן בנו מאת בעלי יביש גלעד־אשר גנבו אתם מרחב בית שן אשר תלום [Q: תלאום] שם הפלשתים [Q: שמה פלשתים] ביום הכות פלשתים את שאול בגלבע [No book]
[13]ויעל משם את עצמות שאול ואת עצמות יהונתן בנו ויאספו את עצמות המוקעים [No book]
[14]ויקברו את עצמות שאול ויהונתן בנו בארץ בנימן בצלע בקבר קיש אביו ויעשו כל אשר צוה המלך ויעתר אלהים לארץ אחרי כן [No book]
[15]ותהי עוד מלחמה לפלשתים את ישראל וירד דוד ועבדיו עמו וילחמו את פלשתים־ויעף דוד [No book]
[16]וישבו [Q: וישבי] בנב אשר בילידי הרפה ומשקל קינו שלש מאות משקל נחשת והוא חגור חדשה ויאמר להכות את דוד [No book]
[17]ויעזר לו אבישי בן צרויה ויך את הפלשתי וימתהו אז נשבעו אנשי דוד לו לאמר לא תצא עוד אתנו למלחמה ולא תכבה את נר ישראל [No book]
[18]ויהי אחרי כן ותהי עוד המלחמה בגוב עם פלשתים אז הכה סבכי החשתי את סף אשר בילדי הרפה [No book]
[19]ותהי עוד המלחמה בגוב עם פלשתים ויך אלחנן בן יערי ארגים בית הלחמי את גלית הגתי ועץ חניתו כמנור ארגים [No book]
[20]ותהי עוד מלחמה בגת ויהי איש מדין [Q: מדון] ואצבעת ידיו ואצבעת רגליו שש ושש עשרים וארבע מספר וגם הוא ילד להרפה [No book]
[21]ויחרף את ישראל ויכהו יהונתן בן שמעי [Q: שמעה] אחי דוד [No book]
[22]את ארבעת אלה ילדו להרפה בגת ויפלו ביד דוד וביד עבדיו [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top