|
|
| [1]Saulus autem adhuc spirans minarum, et cædis in discipulos Domini, accessit ad principem sacerdotum, |
[No book] |
| [2]et petiit ab eo epistolas in Damascum ad synagogas: ut si quos invenisset hujus viæ viros, ac mulieres, vinctos perduceret in Jerusalem. |
[No book] |
| [3]Et cum iter faceret, contigit ut appropinquaret Damasco: et subito circumfulsit eum lux de cælo. |
[No book] |
| [4]Et cadens in terram audivit vocem dicentem sibi: Saule, Saule, quid me persequeris? |
[No book] |
| [5]Qui dixit: Quis es Domine? Et ille: Ego sum Jesus, quem tu persequeris: durum est tibi contra stimulum calcitrare. |
[No book] |
| [6]Et tremens ac stupens dixit: Domine, quid me vis facere? |
[No book] |
| [7]Et Dominus ad eum: Surge, et ingredere civitatem, et ibi dicetur tibi quid te oporteat facere. Viri autem illi, qui comitabantur cum eo, stabant stupefacti, audientes quidem vocem, neminem autem videntes. |
[No book] |
| [8]Surrexit autem Saulus de terra, apertisque oculis nihil videbat. Ad manus autem illum trahentes, introduxerunt Damascum. |
[No book] |
| [9]Et erat ibi tribus diebus non videns, et non manducavit, neque bibit. |
[No book] |
| [10]Erat autem quidam discipulus Damasci, nomine Ananias: et dixit ad illum in visu Dominus: Anania. At ille ait: Ecce ego, Domine. |
[No book] |
| [11]Et Dominus ad eum: Surge, et vade in vicum qui vocatur Rectus: et quære in domo Judæ Saulum nomine Tarsensem: ecce enim orat. |
[No book] |
| [12](Et vidit virum Ananiam nomine, introëuntem, et imponentem sibi manus ut visum recipiat.) |
[No book] |
| [13]Respondit autem Ananias: Domine, audivi a multis de viro hoc, quanta mala fecerit sanctis tuis in Jerusalem: |
[No book] |
| [14]et hic habet potestatem a principibus sacerdotum alligandi omnes qui invocant nomen tuum. |
[No book] |
| [15]Dixit autem ad eum Dominus: Vade, quoniam vas electionis est mihi iste, ut portet nomen meum coram gentibus, et regibus, et filiis Israël. |
[No book] |
| [16]Ego enim ostendam illi quanta oporteat eum pro nomine meo pati. |
[No book] |
| [17]Et abiit Ananias, et introivit in domum: et imponens ei manus, dixit: Saule frater, Dominus misit me Jesus, qui apparuit tibi in via qua veniebas, ut videas, et implearis Spiritu Sancto. |
[No book] |
| [18]Et confestim ceciderunt ab oculis ejus, tamquam squamæ, et visum recepit: et surgens baptizatus est. |
[No book] |
| [19]Et cum accepisset cibum, confortatus est. Fuit autem cum discipulis qui erant Damasci, per dies aliquot. |
[No book] |
| [20]Et continuo in synagogis prædicabat Jesum, quoniam hic est Filius Dei. |
[No book] |
| [21]Stupebant autem omnes qui audiebant, et dicebant: Nonne hic est qui expugnabat in Jerusalem eos qui invocabant nomen istud: et huc ad hoc venit ut vinctos illos duceret ad principes sacerdotum? |
[No book] |
| [22]Saulus autem multo magis convalescebat, et confundebat Judæos, qui habitabant Damasci, affirmans quoniam hic est Christus. |
[No book] |
| [23]Cum autem implerentur dies multi, consilium fecerunt in unum Judæi, ut eum interficerent. |
[No book] |
| [24]Notæ autem factæ sunt Saulo insidiæ eorum. Custodiebant autem et portas die ac nocte, ut eum interficerent. |
[No book] |
| [25]Accipientes autem eum discipuli nocte, per murum dimiserunt eum, submittentes in sporta. |
[No book] |
| [26]Cum autem venisset in Jerusalem, tentabat se jungere discipulis, et omnes timebant eum, non credentes quod esset discipulus. |
[No book] |
| [27]Barnabas autem apprehensum illum duxit ad Apostolos: et narravit illis quomodo in via vidisset Dominum, et quia locutus est ei, et quomodo in Damasco fiducialiter egerit in nomine Jesu. |
[No book] |
| [28]Et erat cum illis intrans et exiens in Jerusalem, et fiducialiter agens in nomine Domini. |
[No book] |
| [29]Loquebatur quoque gentibus, et disputabat cum Græcis: illi autem quærebant occidere eum. |
[No book] |
| [30]Quod cum cognovissent fratres, deduxerunt eum Cæsaream, et dimiserunt Tarsum. |
[No book] |
| [31]Ecclesia quidem per totam Judæam, et Galilæam, et Samariam habebat pacem, et ædificabatur ambulans in timore Domini, et consolatione Sancti Spiritus replebatur. |
[No book] |
| [32]Factum est autem, ut Petrus dum pertransiret universos, deveniret ad sanctos qui habitabant Lyddæ. |
[No book] |
| [33]Invenit autem ibi hominem quemdam, nomine Æneam, ab annis octo jacentem in grabato, qui erat paralyticus. |
[No book] |
| [34]Et ait illi Petrus: Ænea, sanat te Dominus Jesus Christus: surge, et sterne tibi. Et continuo surrexit. |
[No book] |
| [35]Et viderunt eum omnes qui habitabant Lyddæ et Saronæ: qui conversi sunt ad Dominum. |
[No book] |
| [36]In Joppe autem fuit quædam discipula, nomine Tabitha, quæ interpretata dicitur Dorcas. Hæc erat plena operibus bonis, et eleemosynis, quas faciebat. |
[No book] |
| [37]Factum est autem in diebus illis ut infirmata moreretur. Quam cum lavissent, posuerunt eam in cœnaculo. |
[No book] |
| [38]Cum autem prope esset Lydda ad Joppen, discipuli audientes quia Petrus esset in ea, miserunt duos viros ad eum, rogantes: Ne pigriteris venire ad nos. |
[No book] |
| [39]Exsurgens autem Petrus venit cum illis. Et cum advenisset, duxerunt illum in cœnaculum: et circumsteterunt illum omnes viduæ flentes, et ostendentes ei tunicas, et vestes, quas faciebat illis Dorcas. |
[No book] |
| [40]Ejectis autem omnibus foras, Petrus ponens genua oravit: et conversus ad corpus, dixit: Tabitha, surge. At illa aperuit oculos suos: et viso Petro, resedit. |
[No book] |
| [41]Dans autem illi manum, erexit eam. Et cum vocasset sanctos, et viduas, assignavit eam vivam. |
[No book] |
| [42]Notum autem factum est per universam Joppen: et crediderunt multi in Domino. |
[No book] |
| [43]Factum est autem ut dies multos moraretur in Joppe, apud Simonem quemdam coriarium. |
[No book] |