|
|
| [1]Hæc dicit Dominus: Super tribus sceleribus Moab, et super quatuor non convertam eum, eo quod incenderit ossa regis Idumææ usque ad cinerem. |
[No book] |
| [2]Et mittam ignem in Moab, et devorabit ædes Carioth: et morietur in sonitu Moab, in clangore tubæ. |
[No book] |
| [3]Et disperdam judicem de medio ejus, et omnes principes ejus interficiam cum eo, dicit Dominus. |
[No book] |
| [4]Hæc dicit Dominus: Super tribus sceleribus Juda, et super quatuor non convertam eum, eo quod abjecerit legem Domini et mandata ejus non custodierit: deceperant enim eos idola sua, post quæ abierant patres eorum. |
[No book] |
| [5]Et mittam ignem in Juda, et devorabit ædes Jerusalem. |
[No book] |
| [6]Hæc dicit Dominus: Super tribus sceleribus Israël, et super quatuor non convertam eum, pro eo quod vendiderit pro argento justum, et pauperem pro calceamentis. |
[No book] |
| [7]Qui conterunt super pulverem terræ capita pauperum, et viam humilium declinant: et filius ac pater ejus ierunt ad puellam, ut violarent nomen sanctum meum. |
[No book] |
| [8]Et super vestimentis pignoratis accubuerunt juxta omne altare, et vinum damnatorum bibebant in domo Dei sui. |
[No book] |
| [9]Ego autem exterminavi Amorrhæum a facie eorum, cujus altitudo, cedrorum altitudo ejus, et fortis ipse quasi quercus; et contrivi fructum ejus desuper, et radices ejus subter. |
[No book] |
| [10]Ego sum qui ascendere vos feci de terra Ægypti, et duxi vos in deserto quadraginta annis, ut possideretis terram Amorrhæi. |
[No book] |
| [11]Et suscitavi de filiis vestris in prophetas, et de juvenibus vestris nazaræos. Numquid non ita est, filii Israël? dicit Dominus. |
[No book] |
| [12]Et propinabitis nazaræis vinum, et prophetis mandabitis, dicentes: Ne prophetetis. |
[No book] |
| [13]Ecce ego stridebo subter vos, sicut stridet plaustrum onustum fœno. |
[No book] |
| [14]Et peribit fuga a veloce, et fortis non obtinebit virtutem suam, et robustus non salvabit animam suam: |
[No book] |
| [15]et tenens arcum non stabit, et velox pedibus suis non salvabitur, et ascensor equi non salvabit animam suam: |
[No book] |
| [16]et robustus corde inter fortes nudus fugiet in illa die, dicit Dominus. |
[No book] |