|
|
| [No book] |
[1]Audite verbum quod locutus est Dominus super vos, filii Israël, super omnem cognationem quam eduxi de terra Ægypti, dicens: |
| [No book] |
[2]Tantummodo vos cognovi ex omnibus cognationibus terræ; idcirco visitabo super vos omnes iniquitates vestras. |
| [No book] |
[3]Numquid ambulabunt duo pariter, nisi convenerit eis? |
| [No book] |
[4]numquid rugiet leo in saltu, nisi habuerit prædam? numquid dabit catulus leonis vocem de cubili suo, nisi aliquid apprehenderit? |
| [No book] |
[5]numquid cadet avis in laqueum terræ absque aucupe? numquid auferetur laqueus de terra antequam quid ceperit? |
| [No book] |
[6]si clanget tuba in civitate, et populus non expavescet? si erit malum in civitate, quod Dominus non fecerit? |
| [No book] |
[7]Quia non facit Dominus Deus verbum, nisi revelaverit secretum suum ad servos suos prophetas. |
| [No book] |
[8]Leo rugiet, quis non timebit? Dominus Deus locutus est, quis non prophetabit? |
| [No book] |
[9]Auditum facite in ædibus Azoti, et in ædibus terræ Ægypti, et dicite: Congregamini super montes Samariæ, et videte insanias multas in medio ejus, et calumniam patientes in penetralibus ejus. |
| [No book] |
[10]Et nescierunt facere rectum, dicit Dominus, thesaurizantes iniquitatem et rapinas in ædibus suis. |
| [No book] |
[11]Propterea hæc dicit Dominus Deus: Tribulabitur et circuietur terra: et detrahetur ex te fortitudo tua, et diripientur ædes tuæ. |
| [No book] |
[12]Hæc dicit Dominus: Quomodo si eruat pastor de ore leonis duo crura, aut extremum auriculæ, sic eruentur filii Israël, qui habitant in Samaria in plaga lectuli, et in Damasci grabato. |
| [No book] |
[13]Audite, et contestamini in domo Jacob, dicit Dominus Deus exercituum; |
| [No book] |
[14]quia in die cum visitare cœpero prævaricationes Israël, super eum visitabo, et super altaria Bethel; et amputabuntur cornua altaris, et cadent in terram. |
| [No book] |
[15]Et percutiam domum hiemalem cum domo æstiva, et peribunt domus eburneæ, et dissipabuntur ædes multæ, dicit Dominus. |