➖ »
«
➖ ➕
Peshitta OT
PesOT
The Epistle of Polycarp to the Church at Phillipians
PolyPhl
←
Amos
Amo
3
→
[1]ܫܡܲܥܘ ܡܸܠܬ̣ܵܐ ܗܵܕܹܐ ܕܐܸܡܲܪ ܡܵܪܝܵܐ ܥܠܲܝܟ̇ܘܿܢ ܒܢܲܝ̈ ܝܑܼܣܪܵܝܹܠ: ܥܲܠ ܟܠܵܗ̇ ܫܲܪܒ̇ܬ̣ܵܐ ܕܐܲܣܩܹ̇ܬ̣ ܡ̣ܢ ܐܲܪܥܵܐ ܕܡܸܨܪܹܝܢ. [No book]
[2]ܘܐܸܡ̇ܪܹܬ̣ ܕܲܠܟ݂ܘܿܢ ܒܲܠܚܘܿܕ݂ ܝܸܕ݂ܥܹ̇ܬ̣ ܡ̣ܢ ܟܠܗܘܿܢ ܥܲܡܡܹ̈ܐ: ܘܡ̣ܢ ܟܠܗܹܝܢ ܫܲܪ̈ܒ̣ܵܬ̣ܵܐ ܕܐܲܪܥܵܐ: ܡܸܛܠ ܗܵܢܵܐ ܐܸܦܩܘܿܕ݂ ܥܠܲܝܟ̇ܘܿܢ ܟܠܗܘܿܢ ܚܵܘ̈ܒܲܝܟ̇ܘܿܢ. [No book]
[3]ܕܲܠܡܵܐ ܐܵܙ̇ܠ̄ܝܼܢ ܬܪܹܝܢ: ܐܲܟ݂ܚ̄ܕ݂ܵܐ: ܐܸܠܵܐ ܐܸܢ ܐܹܬ̣ܘܲܥܲܕ݂ܘ. [No book]
[4]ܕܲܠܡܵܐ ܢܵܗܹ̇ܡ ܐܲܪܝܵܐ ܒܥܵܒ̣ܵܐ: ܡܵܐ ܕܠܲܝܬ̇ ܠܹܗ ܓܸܙܪܵܐ: ܐܵܘ ܕܲܠܡܵܐ ܡܪܝܼܡ ܩܵܠܹܗ ܐܲܪܝܵܐ ܡ̣ܢ ܡܲܪܒ̇ܘܿܥܝܼܬܹܗ: ܐܸܠܵܐ ܐܸܢ ܬܵܒܲܪ. [No book]
[5]ܕܲܠܡܵܐ ܢܵܦ̇ܠܵܐ ܨܸܦܪܵܐ ܒܦܲܚܵܐ ܒܐܲܪܥܵܐ ܒܸܠܥܵܕ݂ ܡ̣ܢ ܨܲܝܵܕ݂ܵܐ: ܐܵܘ ܕܲܠܡܵܐ ܫܵܘܲܪ ܦܲܚܵܐ ܡ̣ܢ ܐܲܪܥܵܐ ܘܐܵܚܹܕ݂. [No book]
[6]ܕܲܠܡܵܐ ܡܸܬ̣ܩܪܸܐ ܫܝܼܦܘܿܪܵܐ ܒܲܡܕ݂ܝܼܢ̄ܬܵܐ: ܘܥܲܡܵܐ ܠܵܐ ܙܵܐܲܥ̇: ܐܵܘ ܕܲܠܡܵܐ ܗܵܘ̇ܝܵܐ ܒܝܼܫܬܵܐ ܒܲܡܕ݂ܝܼܢ̄ܬܵܐ ܕܡܵܪܝܵܐ ܠܵܐ ܥܵܒܹ̇ܕ݂. [No book]
[7]ܡܸܛܠ ܕܠܵܐ ܥܵܒܹ̇ܕ݂ ܡܵܪܹܐ ܡܵܪ̈ܵܘܵܬ̣ܵܐ ܡܸܕܸ̇ܡ: ܐܸܠܵܐ ܐܸܢ ܓܠ̣ܵܐ ܐ̄ܪܵܙܹܗ ܠܥܲܒ̣ܕܵܘ̈ܗܝ ܢܒ̣ܝܹ̈ܐ. [No book]
[8]ܐܲܪܝܵܐ ܢܗܲܡ̣ ܡܲܢ ܠܵܐ ܢܸܕ݂ܚܲܠ: ܡܵܪܹܐ ܡܵܪ̈ܵܘܵܬ̣ܵܐ ܡܲܠܸܠ̣ ܡܲܢ ܠܵܐ ܢܸܬ̣ܢܲܒܸ̇ܐ. [No book]
[9]ܐܲܫܡܲܥܘ ܥܲܠ ܣܵܚܪ̈ܵܬ̣ܵܗ̇ ܕܐܲܫܕ̇ܘܿܕ݂: ܘܥܲܠ ܣܵܚܪ̈ܵܬ̣ܵܗ̇ ܕܐܲܪܥܵܐ ܕܡܸܨܪܹܝܢ: ܘܐܸܡܲܪܘ ܐܸܬ̣ܟܲܢܲܫܘ ܟܠܟ݂ܘܿܢ ܠܛܘܼܪܵܐ ܕܫܵܡܪܹܝܢ: ܘܲܚܙܵܘ ܕܠܘܼܚܝܵܐ ܣܲܓ̇ܝܼܵܐܐ ܕܲܒ̣ܓ̣ܵܘܵܗ̇: ܘܲܥܫܘܼܩܝܵܐ ܕܒ̣ܵܗ̇. [No book]
[10]ܘܠܵܐ ܝܵܕ݂ܥܝܼܢ ܠܡܸܥܒܲܕ݂ ܡܲܟ̇ܣܵܢܘܼܬ̣ܵܐ ܐܵܡܲܪ ܡܵܪܝܵܐ: ܘܚܵܡ̇ܠܝܼܢ ܚܛܘܼܦܝܵܐ ܘܒܸܙܬ̣ܵܐ ܒܣܵܚܪ̈ܵܬ̣ܗܘܿܢ. [No book]
[11]ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ: ܐܘܼܠܨܵܢܵܐ ܢܸܚܕ̇ܪܝܼܗ̇ ܠܐܲܪܥܵܐ: ܘܢܸܚܘܿܬ̣ ܡܸܢܵܗ̇ ܥܘܼܫܢܵܗ̇ ܘܢܸܬ̣ܒܲܙ̈ܙܵܢ ܣܵܚܪ̈ܵܬ̣ܵܗ̇. [No book]
[12]ܗܵܟܲܢܵܐ ܐܵܡܲܪ ܡܵܪܝܵܐ: ܐܲܝܟ݂ ܕܡܲܥܕܸ̇ܐ ܪܵܥܝܵܐ ܡ̣ܢ ܦܘܼܡܵܐ ܕܐܲܪܝܵܐ: ܬܲܪܬܹ̇ܝܢ ܟܪ̈ܵܥܝܼܢ ܐܵܘ ܛܲܪܦܵܐ ܕܐܸܕ݂ܢܵܐ: ܗܵܟܲܢܵܐ ܢܸܬ̣ܦܲܨܘܿܢ ܒܢܲܝ̈ ܝܑܼܣܪܵܝܹܠ ܕܝܵܬ̣ܒ̇ܝܼܢ ܒܫܵܡܪܹܝܢ: ܒܚܘܼܛܪܵܐ ܕܡ̣ܢ ܫܹܠܝ: ܘܲܒ̣ܥܲܡܵܐ ܕܡ̣ܢ ܕܲܪܡܣܘܿܩ. [No book]
[13]ܫܡܲܥܘ ܘܐܲܣܗܸܕ݂ܘ ܒܒܲܝܬܵܐ ܕܝܲܥܩܘܿܒ̣: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ. [No book]
[14]ܡܸܛܠ ܕܲܒ̣ܝܵܘܡܵܐ ܕܦܵܩܹ̇ܕ݂ ܐ̄ܢܵܐ ܥܵܘܼܠܹܗ ܕܝܼܣܪܵܝܹܠ ܥܠܵܘܗܝ: ܐܸܦܩܘܿܕ݂ ܥܲܠ ܡܲܕ݂ܒ̇ܚܹ̈ܐ ܕܒܹܝܬ̣ ܐܹܝܠ: ܘܢܸܬ̣ܓܲܕ̇ܡܵܢ ܩܲܪ̈ܢܵܬ̣ܗܘܿܢ ܕܡܲܕ݂ܒ̇ܚܹ̈ܐ: ܘܢܸܦ̈ܠܵܢ ܥܲܠ ܐܲܪܥܵܐ. [No book]
[15]ܘܐܵܘܒܸ̇ܕ݂ ܒܹܝܬ̣ ܣܲܬ̣ܘܵܐ ܥܲܡ ܒܹܝܬ̣ ܩܲܝܛܵܐ: ܘܢܹܐܒ̣ܕ̇ܘܼܢ ܒܵـ̈ـܬܹܐ ܕܫܸܢܵܐ: ܘܲܢܣܘܼܦܘܼܢ ܒܵـ̈ـܬܹ̇ܐ ܣܲܓ̇ܝܹ̈ܐܐ ܐܵܡܲܪ ܡܵܪܝܵܐ. [No book]
 
Top