➖ »
«
➖ ➕
Aleppo Codex (~920)
Alep
The Muratorian Canon
Muratorian
←
Amos
Amo
4
→
[1]שמעו הדבר הזה פרות הבשן אשר בהר שמרון העשקות דלים הרצצות אביונים האמרת לאדניהם הביאה ונשתה [No book]
[2]נשבע אדני יהוה בקדשו כי הנה ימים באים עליכם ונשא אתכם בצנות ואחריתכן בסירות דוגה [No book]
[3]ופרצים תצאנה אשה נגדה והשלכתנה ההרמונה נאם יהוה [No book]
[4]באו בית אל ופשעו הגלגל הרבו לפשע והביאו לבקר זבחיכם לשלשת ימים מעשרתיכם [No book]
[5]וקטר מחמץ תודה וקראו נדבות השמיעו כי כן אהבתם בני ישראל נאם אדני יהוה [No book]
[6]וגם אני נתתי לכם נקיון שנים בכל עריכם וחסר לחם בכל מקומתיכם ולא שבתם עדי נאם יהוה [No book]
[7]וגם אנכי מנעתי מכם את הגשם בעוד שלשה חדשים לקציר והמטרתי על עיר אחת ועל עיר אחת לא אמטיר חלקה אחת תמטר וחלקה אשר לא תמטיר עליה תיבש [No book]
[8]ונעו שתים שלש ערים אל עיר אחת לשתות מים־ולא ישבעו ולא שבתם עדי נאם יהוה [No book]
[9]הכיתי אתכם בשדפון ובירקון־הרבות גנותיכם וכרמיכם ותאניכם וזיתיכם יאכל הגזם ולא שבתם עדי נאם יהוה [No book]
[10]שלחתי בכם דבר בדרך מצרים־הרגתי בחרב בחוריכם עם שבי סוסיכם ואעלה באש מחניכם ובאפכם ולא שבתם עדי נאם יהוה [No book]
[11]הפכתי בכם כמהפכת אלהים את סדם ואת עמרה ותהיו כאוד מצל משרפה ולא שבתם עדי נאם יהוה [No book]
[12]לכן כה אעשה לך ישראל עקב כי זאת אעשה לך הכון לקראת אלהיך ישראל [No book]
[13]כי הנה יוצר הרים וברא רוח ומגיד לאדם מה שחו עשה שחר עיפה ודרך על במתי ארץ־יהוה אלהי צבאות שמו [No book]
Source: unbound.biola.edu
 Source: www.earlychristianwritings.com/text/muratorian.html
Top