➖ »
«
➖ ➕
Peshitta OT
PesOT
Byzantine GNT Majority Text (2000)
Byz
←
Amos
Amo
4
→
[1]ܫܡܲܥܹܝ̈ܢ ܦܸܬ̣ܓ̣ܵܡܵܐ ܗܵܢܵܐ ܡܘܼܫܚܹ̈ܐ ܕܒܲܝܫܵܢ: ܕܲܒ̣ܛܘܼܪܵܐ ܕܫܵܡܪܹܝܢ: ܕܛܵܠ̈ܡܵܢ ܠܡܸܣܟܹ̇ܢܹ̈ܐ ܘܐܵܠ̈ܨܵܢ ܠܒ̣ܵܝܫܹ̈ܐ: ܘܐܵܡ̇ܪ̈ܵܢ ܠܡܵܪ̈ܲܝܗܹܝܢ ܐܲܝܬܵܘ ܠܲܢ ܢܸܫܬܸ̇ܐ. [No book]
[2]ܝܑܼܡܵܐ ܡܵܪܹܐ ܡܵܪ̈ܵܘܵܬ̣ܵܐ ܒܩܲܕ̇ܝܼܫܘܼܬܹܗ: ܕܗܵܐ ܝܵܘ̈ܡܵܬ̣ܵܐ ܐܵܬܹ̇ܝܢ ܥܠܲܝܟܹ̇ܝܢ: ܘܢܸܫܩܠܘܼܢܵܟܹܝܢ ܒܙܲܝܢܵܐ: ܘܚܲܪܬ̣ܟܹܝܢ ܒܩܲܕ݂ܣܵܐ ܕܨܲܝܵـ̈ـܕܹܐ. [No book]
[3]ܘܲܠܬ̣ܘܼܪ̱ܥܬ̣ܵܐ ܬܸܪܗܲܛ ܐܲܢ̄ܬ̇ܬ̣ܵܐ ܠܩܘܼܒ̣ܠܵܗ̇: ܘܢܸܫ̈ܬܲܕ݂ܝܵܢ ܠܛܘܼܪܵܐ ܕܐܲܪܡܸܢ ܐܵܡܲܪ ܡܵܪܝܵܐ. [No book]
[4]ܥܘܿܠܘ ܠܒܹܝܬ̣ ܐܹܝܠ ܘܐܲܥܸܠܘ: ܘܲܒ̣ܓܲܠܓܵܠܵܐ ܐܲܣܓܵܘ ܠܡܲܥܵܠܘܼ: ܐܲܝܬܵܘ ܠܨܲܦܪܵܐ ܕܸܒ̣ܚܲܝ̈ܟ̇ܘܿܢ: ܘܠܲܬ̣ܠܵܬ̣ܵܐ ܝܵܘ̈ܡܝܼܢ ܡܲܥܣܵܪ̈ܲܝܟ̇ܘܿܢ. [No book]
[5]ܘܐܲܣܸܩܘ ܡ̣ܢ ܚܲܡܝܼܥܵܐ ܬܵܘܕ̇ܝܼܬ̣ܵܐ: ܘܲܢܕ݂ܘܿܪܘ ܢܸܕ݂ܪܹ̈ܐ ܘܫܲܠܸܡܘ: ܡܸܛܠ ܕܗܵܟܲܢܵܐ ܪܚܸܡ̣ܬ̇ܘܿܢ ܒܢܲܝ̈ ܝܑܼܣܪܵܝܹܠ ܐܵܡܲܪ ܡܵܪܝܵܐ. [No book]
[6]ܘܐܵܦ ܐܸܢܵܐ ܝܸܗ̄ܒܹ̇ܬ̣ ܠܟ݂ܘܿܢ ܩܲܗܝܘܼܬ̣ ܫܸܢܹ̈ܐ: ܒܟ݂ܠܗܹܝܢ ܡܕ݂ܝܼ̈ܢܵܬ̣ܟ݂ܘܿܢ: ܘܚܲܣܝܼܪܘܼܬ̣ ܠܲܚܡܵܐ ܒܟ݂ܠܗܘܿܢ ܐܲܬ̣ܪ̈ܵܘܵܬ̣ܟ݂ܘܿܢ: ܘܠܵܐ ܐܸܬ̣ܦܢܝܼܬ̇ܘܿܢ ܠܘܵܬ̣ܝ ܐܵܡܲܪ ܡܵܪܝܵܐ. [No book]
[7]ܐܵܦ ܐܸܢܵܐ ܟܠܹ̇ܝܬ̣ ܡܸܢܟ݂ܘܿܢ ܡܸܛܪܵܐ: ܩܕ݂ܵܡ ܬܠܵܬ̣ܵܐ ܝܲܪ̈ܚܝܼܢ ܕܲܚܨܵܕ݂ܵܐ: ܘܐܲܚܸܬ̣ ܡܸܛܪܵܐ ܥܲܠ ܡܕ݂ܝܼܢ̄ܬܵܐ ܚܕ݂ܵܐ ܘܥܲܠ ܚܕ݂ܵܐ ܠܵܐ: ܘܥܲܠ ܦܵܠܓ̇ܘܼܬ̣ܵܐ ܚܕ݂ܵܐ ܢܸܚܘܿܬ̣ ܥܠܹܝܗ̇ ܡܸܛܪܵܐ: ܘܲܡܢܵܬ̣ܵܐ ܕܠܵܐ ܢܸܚܘܿܬ̣ ܥܠܹܝܗ̇ ܡܸܛܪܵܐ ܬܹܐܒܲܫ. [No book]
[8]ܘܢܸܬ̣ܟܲܢ̈ܫܵܢ ܬܲܪܬܹ̇ܝܢ ܬܠܵܬ̣ ܡܕ݂ܝܼ̈ܢܵܢ ܠܲܡܕ݂ܝܼܢ̄ܬܵܐ ܚܕ݂ܵܐ: ܕܢܸܫ̈ܬ̇ܝܵܢ ܡܲـ̈ـܝܵܐ ܘܠܵܐ ܢܸܣ̈ܒ̇ܥܵܢ: ܘܠܵܐ ܐܸܬ̣ܦܢܝܼܬ̇ܘܿܢ ܠܘܵܬ̣ܝ ܐܵܡܲܪ ܡܵܪܝܵܐ. [No book]
[9]ܡܚܹ̇ܝܬ̣ܟ݂ܘܿܢ ܒܫܵܘܒܵܐ ܘܲܒ̣ܝܲܪܩܵܢܵܐ ܘܲܒ̣ܒܲܪܕ݂ܵܐ. ܘܣܘܿܓ̣ܵܐܐ ܕܦܲܪ̈ܕܲܝܣܲܝܟ̇ܘܿܢ ܘܲܕ݂ܟܲܪ̈ܡܲܝܟ̇ܘܿܢ: ܘܲܕ̇ܬܹܐܢܲܝ̈ܟ̇ܘܿܢ: ܘܲܕ݂ܙܲܝ̈ܬܲܝܟ̇ܘܿܢ: ܐܸܟܲܠ̣ ܡܵܫܘܿܛܵܐ: ܘܠܵܐ ܐܸܬ̣ܦܢܝܼܬ̇ܘܿܢ ܠܘܵܬ̣ܝ ܐܵܡܲܪ ܡܵܪܝܵܐ. [No book]
[10]ܫܲܕ̇ܪܹܬ̣ ܒܟ݂ܘܿܢ ܡܵܘܬܵܢܵܐ ܒܐܘܼܪܚܵܐ ܕܡܸܨܪܹܝܢ: ܘܩܲܛܠܹ̇ܬ̣ ܒܚܲܪܒܵܐ ܥܠܲܝܡܲܝ̈ܟ̇ܘܿܢ ܥܲܡ ܫܒ̣ܝܼܬ̣ܵܐ ܕܪ̈ܲܟ݂ܫܟ݂ܘܿܢ: ܘܐܲܡܚܝܼܬ̣ ܪܹܝܚ ܣܲܪܝܘܼܬ̣ܟ݂ܘܿܢ ܒܐܲܦܲܝ̈ܟ̇ܘܿܢ: ܘܠܵܐ ܐܸܬ̣ܦܢܝܼܬ̇ܘܿܢ ܠܘܵܬ̣ܝ ܐܵܡܲܪ ܡܵܪܝܵܐ. [No book]
[11]ܗܸܦܟܹ̇ܬ̣ ܒܟ݂ܘܿܢ ܐܲܝܟ݂ ܕܲܗܦܸܟ݂ ܐܲܠܵܗܵܐ ܠܲܣܕ݂ܘܿܡ ܘܲܠܥܵܡܘܿܪܵܐ: ܘܲܗ̤ܘܲܝܬ̇ܘܿܢ ܐܲܝܟ݂ ܐܘܼܕ݂ܵܐ ܕܐܸܬ̣ܦܲܨܝܼ ܡ̣ܢ ܫܲܠܗܹܒ̣ܝܼܬ̣ܵܐ: ܘܠܵܐ ܐܸܬ̣ܦܢܝܼܬ̇ܘܿܢ ܠܘܵܬ̣ܝ ܐܵܡܲܪ ܡܵܪܝܵܐ. [No book]
[12]ܡܸܛܠ ܗܵܠܹܝܢ ܗܵܟܲܢܵܐ ܐܸܥܒܸ̇ܕ݂ ܠܵܟ݂ ܝܑܼܣܪܵܝܹܠ ܒܚܲܪܬ̣ܵܐ: ܡܸܛܠ ܕܗܵܕܹܐ ܥܵܒܹ̇ܕ݂ ܐ̄ܢܵܐ ܠܵܟ݂: ܐܸܬ̇ܛܲܝܲܒ̣ ܝܑܼܣܪܵܝܹܠ ܕܬܸܩܪܸܐ ܠܐܲܠܵܗܵܟ݂. [No book]
[13]ܡܸܛܠ ܕܡܲܢ ܕܲܒ̣ܪܵܐ ܪ̈ܘܼܚܹܐ ܘܲܒ̣ܪܵܐ ܛܘܼܪܹ̈ܐ: ܘܲܡܚܵܘܸܐ ܠܲܒ̣ܢܲܝ̈ܢܵܫܵܐ ܡܵܢܲܐ ܗ̄ܝܼ ܬܸܫܒ̇ܘܿܚܬܹ̇ܗ: ܥܵܒܹ̇ܕ݂ ܫܲܦܪܵܐ ܥܲܡܛܵܢܵܐ: ܘܕ݂ܵܪܸܟ݂ ܥܲܠ ܪܵܘܡܵܗ̇ ܕܐܲܪܥܵܐ: ܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ ܫܡܹܗ. [No book]
Author: Maurice A. Robinson, William G. Pierpont
Source: unboundbible.org

See information...
Top