➖ »
«
➖ ➕
Aleppo Codex (~920)
Alep
The Muratorian Canon
Muratorian
←
Deuteronomy
Deu
12
→
[1]אלה החקים והמשפטים אשר תשמרון לעשות בארץ אשר נתן יהוה אלהי אבתיך לך לרשתה כל הימים־אשר אתם חיים על האדמה [No book]
[2]אבד תאבדון את כל המקמות אשר עבדו שם הגוים אשר אתם ירשים אתם־את אלהיהם על ההרים הרמים ועל הגבעות ותחת כל עץ רענן [No book]
[3]ונתצתם את מזבחתם ושברתם את מצבתם ואשריהם תשרפון באש ופסילי אלהיהם תגדעון ואבדתם את שמם מן המקום ההוא [No book]
[4]לא תעשון כן ליהוה אלהיכם [No book]
[5]כי אם אל המקום אשר יבחר יהוה אלהיכם מכל שבטיכם לשום את שמו שם־לשכנו תדרשו ובאת שמה [No book]
[6]והבאתם שמה עלתיכם וזבחיכם ואת מעשרתיכם ואת תרומת ידכם ונדריכם ונדבתיכם ובכרת בקרכם וצאנכם [No book]
[7]ואכלתם שם לפני יהוה אלהיכם ושמחתם בכל משלח ידכם אתם ובתיכם־אשר ברכך יהוה אלהיך [No book]
[8]לא תעשון־ככל אשר אנחנו עשים פה היום איש כל הישר בעיניו [No book]
[9]כי לא באתם עד עתה־אל המנוחה ואל הנחלה אשר יהוה אלהיך נתן לך [No book]
[10]ועברתם את הירדן וישבתם בארץ אשר יהוה אלהיכם מנחיל אתכם והניח לכם מכל איביכם מסביב וישבתם בטח [No book]
[11]והיה המקום אשר יבחר יהוה אלהיכם בו לשכן שמו שם־שמה תביאו את כל אשר אנכי מצוה אתכם עולתיכם וזבחיכם מעשרתיכם ותרמת ידכם וכל מבחר נדריכם אשר תדרו ליהוה [No book]
[12]ושמחתם לפני יהוה אלהיכם־אתם ובניכם ובנתיכם ועבדיכם ואמהתיכם והלוי אשר בשעריכם כי אין לו חלק ונחלה אתכם [No book]
[13]השמר לך פן תעלה עלתיך בכל מקום אשר תראה [No book]
[14]כי אם במקום אשר יבחר יהוה באחד שבטיך־שם תעלה עלתיך ושם תעשה כל אשר אנכי מצוך [No book]
[15]רק בכל אות נפשך תזבח ואכלת בשר כברכת יהוה אלהיך אשר נתן לך־בכל שעריך הטמא והטהור יאכלנו כצבי וכאיל [No book]
[16]רק הדם לא תאכלו על הארץ תשפכנו כמים [No book]
[17]לא תוכל לאכל בשעריך מעשר דגנך ותירשך ויצהרך ובכרת בקרך וצאנך וכל נדריך אשר תדר ונדבתיך ותרומת ידך [No book]
[18]כי אם לפני יהוה אלהיך תאכלנו במקום אשר יבחר יהוה אלהיך בו־אתה ובנך ובתך ועבדך ואמתך והלוי אשר בשעריך ושמחת לפני יהוה אלהיך בכל משלח ידך [No book]
[19]השמר לך פן תעזב את הלוי כל ימיך על אדמתך [No book]
[20]כי ירחיב יהוה אלהיך את גבלך כאשר דבר לך ואמרת אכלה בשר כי תאוה נפשך לאכל בשר־בכל אות נפשך תאכל בשר [No book]
[21]כי ירחק ממך המקום אשר יבחר יהוה אלהיך לשום שמו שם וזבחת מבקרך ומצאנך אשר נתן יהוה לך כאשר צויתך־ואכלת בשעריך בכל אות נפשך [No book]
[22]אך כאשר יאכל את הצבי ואת האיל־כן תאכלנו הטמא והטהור יחדו יאכלנו [No book]
[23]רק חזק לבלתי אכל הדם כי הדם הוא הנפש ולא תאכל הנפש עם הבשר [No book]
[24]לא תאכלנו על הארץ תשפכנו כמים [No book]
[25]לא תאכלנו־למען ייטב לך ולבניך אחריך כי תעשה הישר בעיני יהוה [No book]
[26]רק קדשיך אשר יהיו לך ונדריך תשא ובאת אל המקום אשר יבחר יהוה [No book]
[27]ועשית עלתיך הבשר והדם על מזבח יהוה אלהיך ודם זבחיך ישפך על מזבח יהוה אלהיך והבשר תאכל [No book]
[28]שמר ושמעת את כל הדברים האלה אשר אנכי מצוך למען ייטב לך ולבניך אחריך עד עולם־כי תעשה הטוב והישר בעיני יהוה אלהיך [No book]
[29]כי יכרית יהוה אלהיך את הגוים אשר אתה בא שמה לרשת אותם־מפניך וירשת אתם וישבת בארצם [No book]
[30]השמר לך פן תנקש אחריהם אחרי השמדם מפניך ופן תדרש לאלהיהם לאמר איכה יעבדו הגוים האלה את אלהיהם ואעשה כן גם אני [No book]
[31]לא תעשה כן ליהוה אלהיך כי כל תועבת יהוה אשר שנא עשו לאלהיהם־כי גם את בניהם ואת בנתיהם ישרפו באש לאלהיהם [No book]
32[No verse] [No book]
Source: unbound.biola.edu
 Source: www.earlychristianwritings.com/text/muratorian.html
Top