|
|
| [1]Filii estote Domini Dei vestri: non vos incidetis, nec facietis calvitium super mortuo: |
[No book] |
| [2]quoniam populus sanctus es Domino Deo tuo, et te elegit ut sis ei in populum peculiarem de cunctis gentibus, quæ sunt super terram. |
[No book] |
| [3]Ne comedatis quæ immunda sunt. |
[No book] |
| [4]Hoc est animal quod comedere debetis: bovem, et ovem, et capram, |
[No book] |
| [5]cervum et capream, bubalum, tragelaphum, pygargum, orygem, camelopardalum. |
[No book] |
| [6]Omne animal, quod in duas partes findit ungulam, et ruminat, comedetis. |
[No book] |
| [7]De his autem, quæ ruminant, et ungulam non findunt, comedere non debetis, ut camelum, leporem, chœrogryllum: hæc, quia ruminant et non dividunt ungulam, immunda erunt vobis. |
[No book] |
| [8]Sus quoque, quoniam dividat ungulam et non ruminat, immunda erit. Carnibus eorum non vescemini, et cadavera non tangetis. |
[No book] |
| [9]Hæc comedetis ex omnibus quæ morantur in aquis: quæ habent pinnulas et squamas, comedite: |
[No book] |
| [10]quæ absque pinnulis et squamis sunt, ne comedatis, quia immunda sunt. |
[No book] |
| [11]Omnes aves mundas comedite. |
[No book] |
| [12]Immundas ne comedatis: aquilam scilicet, et gryphem, et haliæetum, |
[No book] |
| [13]ixion et vulturem ac milvum juxta genus suum: |
[No book] |
| [14]et omne corvini generis, |
[No book] |
| [15]et struthionem, ac noctuam, et larum, atque accipitrem juxta genus suum: |
[No book] |
| [16]herodium ac cygnum, et ibin, |
[No book] |
| [17]ac mergulum, porphyrionem, et nycticoracem, |
[No book] |
| [18]onocrotalum, et charadrium, singula in genere suo: upupam quoque et vespertilionem. |
[No book] |
| [19]Et omne quod reptat et pennulas habet, immundum erit, et non comedetur. |
[No book] |
| [20]Omne quod mundum est, comedite. |
[No book] |
| [21]Quidquid autem morticinum est, ne vescamini ex eo. Peregrino, qui intra portas tuas est, da ut comedat, aut vende ei: quia tu populus sanctus Domini Dei tui es. Non coques hædum in lacte matris suæ. |
[No book] |
| [22]Decimam partem separabis de cunctis fructibus tuis qui nascuntur in terra per annos singulos, |
[No book] |
| [23]et comedes in conspectu Domini Dei tui in loco quem elegerit, ut in eo nomen illius invocetur, decimam frumenti tui, et vini, et olei, et primogenita de armentis et ovibus tuis: ut discas timere Dominum Deum tuum omni tempore. |
[No book] |
| [24]Cum autem longior fuerit via, et locus quem elegerit Dominus Deus tuus, tibique benedixerit, nec potueris ad eum hæc cuncta portare, |
[No book] |
| [25]vendes omnia, et in pretium rediges, portabisque manu tua, et proficisceris ad locum quem elegerit Dominus Deus tuus: |
[No book] |
| [26]et emes ex eadem pecunia quidquid tibi placuerit, sive ex armentis, sive ex ovibus, vinum quoque et siceram, et omne quod desiderat anima tua: et comedes coram Domino Deo tuo, et epulaberis tu et domus tua: |
[No book] |
| [27]et Levites qui intra portas tuas est, cave ne derelinquas eum, quia non habet aliam partem in possessione tua. |
[No book] |
| [28]Anno tertio separabis aliam decimam ex omnibus quæ nascuntur tibi eo tempore, et repones intra januas tuas. |
[No book] |
| [29]Venietque Levites qui aliam non habet partem nec possessionem tecum, et peregrinus ac pupillus et vidua, qui intra portas tuas sunt, et comedent et saturabuntur: ut benedicat tibi Dominus Deus tuus in cunctis operibus manuum tuarum quæ feceris. |
[No book] |