➖ »
«
➖ ➕
Peshitta OT
PesOT
The Epistle of Barnabas
EpiBar
←
Ecclesiastes
Ecc
10
→
[1]ܐܲܝܟ ܕܲܒܵܒܹ̈ܐ ܕܡܵܝ̇ܬ̇ܝܼܢ ܡܲܣܪܹܝܢ ܠܡܵܐܢܵܐ ܕܡܸܫܚܵܐ ܒܲܣܝܼܡܵܐ. ܝܲܩܝܼܪܵܐ ܗ̄ܝܼ ܡ̣ܢ ܚܸܟ̣ܡ̱ܬ̣ܵܐ ܘܡ̣ܢ ܣܘܿܓܲܐܬ̣ ܬܸܫܒ̇ܘܿܚܬܵܐ: ܣܲܟ̣ܠܘܼܬ̣ܵܐ ܩܲܠܝܼܠ. [No book]
[2]ܠܸܒܹ̇ܗ ܕܚܲܟ̇ܝܼܡܵܐ ܒܝܲܡܝܼܢܹܗ. ܘܠܸܒܹ̇ܗ ܕܣܲܟ̣ܠܵܐ ܒܣܸܡܵܠܹܗ. [No book]
[3]ܘܐܵܦ ܣܲܟ̣ܠܵܐ ܡܵܐ ܕܐܵܙܲܠ ܒܐܘܼܪܚܵܐ ܠܸܒܹ̇ܗ ܚܲܣܝܼܪ. ܘܟ̣ܠ ܕܡܸܬ̣ܚܲܫܲܒ̣: ܣܲܟ̣ܠܘܼܬ̣ܵܐ ܗ̄ܝܼ [No book]
[4]ܐܸܢ ܪܘܼܚܵܐ ܕܫܲܠܝܼܛܵܐ ܬܸܣܲܩ ܥܠܲܝܟ: ܐܲܬ̣ܪܵܟ ܠܵܐ ܬܸܫܒ̇ܘܿܩ. ܡܸܛܠ ܕܐܵܣܝܘܼܬ̣ܵܐ ܫܵܒ̣ܩܵܐ ܚܛܵܗܹ̈ܐ ܣܲܓ̇ܝܼ̈ܐܹܐ. [No book]
[5]ܐܝܼܬ̣ ܒܝܼܫܬܵܐ ܕܲܚܙܹ̇ܝܬ̣ ܬܚܹܝܬ̣ ܫܸܡܫܵܐ: ܐܲܝܟ ܛܘܼܥܝܲܝ ܕܢܸܦܩܲܬ̤ ܩܕܼܵܡ ܫܲܠܝܼܛܵܐ. [No book]
[6]ܕܝܵܬܹ̇ܒ̣ ܣܲܟ̣ܠܵܐ ܒܪ̈ܵܘܡܹܐ ܥܲܫܝܼܢܹ̈ܐ. ܘܥܲܬ̇ܝܼܪܹ̈ܐ ܒܡܘܼܟܵܟ̣ܵܐ ܢܸܬ̇ܒ̣ܘܼܢ. [No book]
[7]ܚܙܹ̇ܝܬ̣ ܥܲܒ̣̈ܕܹ̇ܐ ܥܲܠ ܪ̈ܲܟ̣ܫܵܐ. ܘܫܲܠܝܼܛܵܢܹ̈ܐ ܕܲܡܗܲܠܟ̣ܝܼܢ ܐܲܝܟ ܥܲܒ̣̈ܕܹ̇ܐ ܥܲܠ ܐܲܪܥܵܐ. [No book]
[8]ܕܚܵܦܲܪ ܓܘܼܡܵܨܵܐ: ܒܹܗ ܢܵܦܹ̇ܠ. ܘܲܕܼܬ̣ܵܪܲܥ ܣܝܵܓ̣ܵܐ: ܢܲܟ̇ܬ̣ܝܼܘܗܝ ܚܸܘܝܵܐ. [No book]
[9]ܕܲܡܫܲܢܸܐ ܟܹܐܦܹ̈ܐ: ܢܸܬ̣ܟܲܐܲܒ̣ ܒܗܹܝܢ. ܘܕܲܡܨܲܠܲܚ ܩܲܝܣܹ̈ܐ: ܠܵܐܹ̇ܐ ܒܗܘܿܢ. [No book]
[10]ܐܸܢ ܩܗܵܐ ܦܲܪܙܠܵܐ: ܘܗ̤ܘ ܐܲܦܹ̈ܐ ܕܵܠܲܚ ܘܲܩܛܝܼܠܹ̈ܐ ܡܲܣܓܹ̇ܐ. ܘܝܘܼܬ̣ܪܵܢܵܐ ܠܟܲܫܝܼܪܹ̈ܐ ܚܸܟ̣ܡ̱ܬ̣ܵܐ. [No book]
[11]ܐܸܢ ܢܵܟܹ̇ܬ̣ ܚܸܘܝܵܐ ܕܠܵܐ ܠܘܼܚܫܬ̣ܵܐ: ܠܲܝܬ̇ ܝܘܼܬ̣ܪܵܢ ܒܠܵܚܘܿܫܵܐ. [No book]
[12]ܡܸܠܲܝ̈ ܦܘܼܡܹܗ ܕܚܲܟ̇ܝܼܡܵܐ ܬܸܫܒ̇ܘܿܚܬܵܐ. ܘܣܸܦ̈ܘܵܬܹܗ ܕܣܲܟ̣ܠܵܐ ܡܛܲܒ̇ܥܵܢ ܠܹܗ. [No book]
[13]ܪܹܫ ܡܸܠܲܝ̈ ܦܘܼܡܹܗ ܣܲܟ̣ܠܘܼܬ̣ܵܐ. ܘܚܲܪܬ̣ܵܐ ܕܦܘܼܡܹܗ ܦܘܼܪܣܵܝܵܐ ܒܝܼܫܵܐ. [No book]
[14]ܘܣܲܟ̣ܠܵܐ ܡܲܣܓܸ̇ܐ ܡܸܠ̈ܝܼܢ. ܠܵܐ ܝܵܕܲܥ ܒܲܪܢܵܫܵܐ ܡܵܐ ܕܲܗܘ̤ܵܐ. ܘܡܵܐ ܕܢܸܗܘܹܐ ܡ̣ܢ ܒܵܬ̣ܪܹܗ ܡܲܢ̣ܘܼ ܡܚܵܘܸܐ ܠܹܗ. [No book]
[15]ܥܲܡ̱ܠܗܘܿܢ ܕܣܲܟ̣̈ܠܹܐ ܡܲܠܐܸܐ ܠܗܘܿܢ. ܡܸܛܠ ܕܠܵܐ ܝܼܕܲܥ̣ܘ ܠܡܹܐܙܲܠ ܠܲܡܕܼܝܼܢ̄ܬܵܐ. [No book]
[16]ܘܵܝ ܠܹܟ̣ܝ ܡܕܼܝܼܢ̄ܬܵܐ ܕܡܲܠܟܹ̇ܟ̣ܝ ܛܠܸܐ. ܘܪܵܘ̱ܪ̈ܒ̣ܵܢܲܝܟ̇ܝ ܒܨܲܦܪܵܐ ܐܲܟ̣ܠܝܼܢ. [No book]
[17]ܛܘܼܒܲܝܟ̇ܝ ܡܕܼܝܼܢ̄ܬܵܐ ܕܡܲܠܟܹ̇ܟ̣ܝ ܒܲܪ ܚܹܐܪ̈ܝܼܢ. ܘܪܵܘ̱ܪ̈ܒ̣ܵܢܲܝܟ̇ܝ ܒܥܸܕܵܢܗܘܿܢ ܐܲܟ̣ܠܝܼܢ: ܒܟܲܫܝܼܪܘܼܬ̣ܵܐ ܘܠܵܐ ܒܡܲܫܬ̇ܝܵܐ. [No book]
[18]ܒܫܲܦܠܘܼܬ̣ܵܐ ܢܸܬ̣ܡܲܟܲܟ ܬܲܛܠܝܼܠܵܐ. ܘܲܒ̣ܫܲܦܠܘܼܬ̣ܵܐ ܕܐܝܼܕܲܝܵܐ ܢܸܕܼܠܲܦ ܒܲܝܬܵܐ. [No book]
[19]ܠܚܲܕܼܘܼܬ̣ܵܐ ܥܒ̣ܝܼܕܼܝܼܢ ܠܲܚܡܵܐ ܘܚܲܡܪܵܐ ܘܡܸܫܚܵܐ ܕܲܢܚܲܕ̇ܘܿܢ ܠܚܲܝܹ̈ܐ. ܘܟܸܣܦܵܐ ܡܡܲܟܸ̇ܟ: ܘܡܲܛܥܸܐ ܠܗܘܿܢ ܒܟ̣ܠ. [No book]
[20]ܐܵܦ ܒܡܲܕ̇ܥܵܟ ܠܡܲܠܟܵܐ ܠܵܐ ܬܨܲܚܸܐ. ܘܲܒ̣ܩܲܝܛܘܿܢ ܡܲܫܟ̇ܒ̣ܵܟ ܠܵܐ ܬܨܲܚܸܐ ܠܥܲܬ̇ܝܼܪܵܐ. ܡܸܛܠ ܕܥܵܘܦܵܐ ܕܲܫܡܲܝܵܐ ܢܵܘܒܸ̇ܠ ܩܵܠܵܟܘ ܘܡܵܪܹܐ ܥܵܘܦܵܐ ܢܚܵܘܸܐ ܦܸܬ̣ܓ̣ܵܡܲܝ̈ܟ. [No book]
Translation: Charles H. Hoole (1885)
Source: www.earlychristianwritings.com
Top