➖ »
«
➖ ➕
Peshitta OT
PesOT
The First Book of Clement
1Clem
←
Epistle of Jeremiah
EpJ
3
→
[1]ܐܹܝܠ ܓܲܢ̄ܒܵܪܵܐ ܚܙܝܼ ܫܘܼܥܒܵܕ݂ܝ: ܒܫܲܒ̣ܛܵܐ ܕܪܘܼܓ̣ܙܹܗ. [No book]
[2]ܠܝܼ ܕܒܲܪ: ܘܗܲܠܟܲܢܝ ܒܚܸܫܘܿܟ݂ܵܐ ܘܠܵܐ ܒܢܲܗܝܼܪܵܐ. [No book]
[3]ܒܪܲܡ ܒܝܼ ܢܬ̣ܘܼܒ̣: ܘܢܲܗܦܸܟ݂ ܐܝܼܕܹܗ ܟܠܹܗ ܝܵܘܡܵܐ. [No book]
[4]ܒܲܠܝܼ ܡܸܫܟ̇ܝ ܘܒܸܣܪܝ: ܘܬܲܒܲܪ ܓܲܪ̈ܡܲܝ. [No book]
[5]ܒܢ̣ܵܐ ܥܠܲܝ: ܘܐܲܟ݂ܪ̱ܟܲܢܝ ܡܸܪܕܵܐ ܘܚܘܼܪܒܵܐ. [No book]
[6]ܒܚܸܫܘܿܟ݂ܵܐ ܐܵܘܬ̇ܒܲܝܝ ܐܲܝܟ݂ ܡܝܼܬ̣ܵܐ ܠܥܵܠܲܡ. [No book]
[7]ܣܵܓ̣ ܒܐܲܦܲܝ̈ ܕܠܵܐ ܐܸܦܘܿܩ: ܘܐܲܥܫܸܢ ܐܲܣܘܼܪ̈ܲܝ. [No book]
[8]ܘܐܵܦܸܢ ܐܸܒ̣ܥܸܐ ܘܐܹܨܲܠܹܐ ܠܵܐ ܫܵܡܲܥ ܨܠܘܿܬ̣ܝ. [No book]
[9]ܣܵܓ̣ ܐܘܼܪ̈ܚܵܬ̣ܝ ܒܟ݂ܘܼ̈ܒܹ̇ܐ: ܘܲܫܒ̣ܝܼ̈ܠܲܝ ܥܲܩܸܡ. [No book]
[10]ܕܹܐܒ̣ܵܐ ܟܲܡܵܢܵܐ ܗܘ̤ܵܐ ܠܝܼ: ܘܐܲܪܝܵܐ ܒܛܘܼܫܝܵܐ. [No book]
[11]ܐܘܼܪ̈ܚܵܬ̣ܝ ܥܲܩܸܡ̣: ܦܲܫܚܲܢܝ ܘܣܵܡܲܢܝ ܠܲܚܒ̣ܵܠܵܐ. [No book]
[12]ܡ̣ܠܵܐ ܩܸܫܬܹ̇ܗ ܘܐܲܩܝܼܡܲܢܝ ܐܲܝܟ݂ ܢܝܼܫܵܐ ܠܓܹܐܪܹ̈ܐ. [No book]
[13]ܗܵܐ ܐܲܥܸܠ ܒܟ݂ܘܿܠ̈ܝܵܬ̣ܝ ܓܹܐܪ̈ܵܘܗܝ. [No book]
[14]ܗܘܹ̇ܝܬ̣ ܓܘܼܚܟܵܐ ܒܟ݂ܠܗܘܿܢ ܥܲܡܡܹ̈ܐ: ܘܲܙܡܝܼܪ̈ܵܬ̣ܗܘܿܢ ܟܠܹܗ ܝܵܘܡܵܐ. [No book]
[15]ܐܲܣܒ̇ܥܲܢܝ ܡܪܵܪܹ̈ܐ: ܘܐܲܪ̱ܘܝܲܢܝ ܓܸܕ̇ܕܹ̈ܐ. [No book]
[16]ܘܬܲܒܲܪ ܒܟܹܐܦܵܐ ܫܸܢܲܝ̈: ܘܦܵܠܢܝ ܒܩܸܛܡܵܐ. [No book]
[17]ܘܐܸܬ̇ܛܲܥܝܲܬ̤ ܡ̣ܢ ܫܠܵܡܵܐ ܢܲܦ̮ܫܝ: ܘܲܛܥܹ̇ܝܬ̣ ܛܵܒ̣ܬ̣ܵܐ. [No book]
[18]ܘܐܸܡ̇ܪܹܬ̣ ܕܐܸܒܲܕ݂ܘ ܢܸܨܚܵܢܲܝ̈: ܘܣܲܒ̣ܪܝ ܡ̣ܢ ܡܵܪܝܵܐ. [No book]
[19]ܐܸܬ̇ܕܲܟ݂ܪ ܫܘܼܥܒܵܕ݂ܝ ܘܡܲܪܕ̇ܘܼܬ̣ܝ: ܕܲܡܪܵܪܹ̈ܐ ܘܲܕ݂ܓܸܕ̇ܕܹ̈ܐ. [No book]
[20]ܐܸܬ̇ܕܲܟ݂ܪ ܘܐܲܦܢܵܐ ܢܲܦ̮ܫܝ ܥܠܲܝ. [No book]
[21]ܗܵܕܹܐ ܐܲܬ̣ܝܼܒ̣ ܥܲܠ ܠܹܒ̇ܝ: ܡܸܛܠ ܗܵܢܵܐ ܐܹܣܲܟܹ̇ܐ ܠܹܗ. [No book]
[22]ܚܸܣܕ݂ܵܘ̈ܗܝ ܕܡܵܪܝܵܐ ܕܠܵܐ ܛܵܠܩܝܼܢ: ܘܠܵܐ ܓܵܡ̇ܪܝܼܢ ܪ̈ܲܚܡܵܘܗܝ. [No book]
[23]ܒܚܘܼܕܵܬ̣ܵܐ ܕܨܲܦܪܵܐ ܣܲܓ̇ܝܼܵܐܐ ܗܲܝܡܵܢܘܼܬ̣ܵܟ݂ ܡܵܪܝܵܐ. [No book]
[24]ܐܸܡܪܲܬ̤ ܢܲܦ̮ܫܝ ܡܢܵܬ̣ܝ ܗ̄ܘܼ. ܡܸܛܠ ܗܵܢܵܐ ܐܹܣܲܟܸ̇ܐ ܠܹܗ. [No book]
[25]ܛܵܒ̣ ܡܵܪܝܵܐ ܠܡܲܢ ܕܲܡܣܲܟܸ̇ܐ ܠܹܗ ܘܲܠܢܲܦ̮ܫܵܐ ܕܒ̣ܵܥ̇ܝܵܐ ܠܹܗ. [No book]
[26]ܛܵܒ̣ ܠܡܲܢ ܕܲܡܣܲܒܲܪ ܒܩܘܼܫܬܵܐ ܠܦܘܼܪܩܵܢܹܗ ܕܡܵܪܝܵܐ. [No book]
[27]ܛܵܒ̣ ܠܓܲܒ̣ܪܵܐ ܟܲܕ݂ ܢܸܫܩܘܿܠ ܢܝܼܪܵܟ݂ ܒܛܲܠܝܘܼܬܹܗ. [No book]
[28]ܘܢܸܬܸ̇ܒ̣ ܒܲܠܚܘܿܕ݂ܵܘܗܝ ܘܢܸܫܬ̇ܘܿܩ: ܡܸܛܠ ܕܩܲܒܸ̇ܠ ܥܠܵܘܗܝ ܢܝܼܪܵܟ݂. [No book]
[29]ܢܸܬܸ̇ܠ ܒܥܲܦܪܵܐ ܦܘܼܡܹܗ ܡܸܛܠ ܕܐܝܼܬ̣ ܣܲܒ̣ܪܵܐ. [No book]
[30]ܢܸܬܸ̇ܠ ܦܲܟܹ̇ܗ ܠܡܲܢ ܕܡܵܚܹ̇ܐ ܠܹܗ: ܘܢܸܣܒܲܥ ܚܸܣܕܵܐ. [No book]
[31]ܡܸܛܠ ܕܠܵܐ ܛܵܥܹ̇ܐ ܡܵܪܝܵܐ ܠܥܵܠܲܡ. [No book]
[32]ܐܸܠܵܐ ܡܡܲܟܸ̇ܟ݂ ܘܲܡܪܲܚܸܡ: ܐܲܝܟ݂ ܣܘܿܓ̣ܵܐܬ̣ ܪ̈ܲܚܡܵܘܗܝ. [No book]
[33]ܡܸܛܠ ܕܠܵܐ ܥܵܢܹ̇ܐ ܡ̣ܢ ܠܸܒܹ̇ܗ: ܘܲܡܡܟܸ̇ܟ݂ ܒܢܲܝ̈ ܓܲܢ̄ܒܵܪܹ̈ܐ. [No book]
[34]ܠܲܡܟܲܒܵܫܘܼ ܬܚܹܝܬ̣ ܪܸ̈ܓ̣ܠܵܘܗܝ ܟܠܗܘܿܢ ܐܲܣܝܼܪܹ̈ܐ ܕܐܲܪܥܵܐ. [No book]
[35]ܠܡܸܨܠܵܐ ܕܝܼܢܵܐ ܕܓܲܒ̣ܪܵܐ ܠܘܼܩܒܲܠ ܐܲܦܲܝ̈ ܥܸܠܵܝܵܐ. [No book]
[36]ܠܲܡܚܲܝܵܒ̣ܘܼ ܒܲܪܢܵܫܵܐ ܒܕ݂ܝܼܢܹܗ ܡܵܪܝܵܐ ܠܵܐ ܚܵܙܹ̇ܐ. [No book]
[37]ܡܲܢܘܼ ܗܵܢܵܐ ܕܐܸܡܲܪ ܘܲܗ̤ܘܵܐ: ܕܡܵܪܝܵܐ ܠܵܐ ܦܩܲܕ݂. [No book]
[38]ܡ̣ܢ ܦܘܼܡܹܗ ܕܥܸܠܵܝܵܐ ܠܵܐ ܢܵܦ̈ܩܵܢ ܒܝܼ̈ܫܵܬ̣ܵܐ ܘܛܵـ̈ـܒ̣ܵܬ̣ܵܐ. [No book]
[39]ܡܵܢܵܐ ܡܸܬ̣ܚܲܫܲܒ̣ ܒܲܪܢܵܫܵܐ ܕܚܲܝ: ܘܓܲܒ̣ܪܵܐ ܥܲܠ ܚܛܵܗܵܘ̈ܗܝ. [No book]
[40]ܢܸܒ̣ܨܹܐ ܐܘܼܪ̈ܚܵܬ̣ܲܢ ܘܢܸܒ̣ܕ̇ܘܿܩ: ܘܢܸܬ̣ܦܢܸܐ ܠܘܵܬ̣ ܡܵܪܝܵܐ. [No book]
[41]ܢܸܫܩܘܿܠ ܠܸܒܲܝ̈ܢ ܥܲܠ ܐܝܼܕܲܝ̈ܢ ܠܘܵܬ̣ ܐܲܠܵܗܵܐ ܠܲܫܡܲܝܵܐ. [No book]
[42]ܚܢܲܢ ܐܲܥܠ̣ܝܼܢ ܘܡܲܪܡܲܪܢܵܟ݂: ܘܐܲܢ̄ܬ̇ ܠܵܐ ܫܒܲܩܬ̇. [No book]
[43]ܛܲܠܸܠ̣ܬ̇ ܒܪܘܼܓ̣ܙܵܟ݂ ܘܲܪܕܲܦ̣ܬܵܢ: ܘܩܲܛܸܠ̣ܬ̇ ܘܠܵܐ ܚܵܣܬ̇. [No book]
[44]ܛܲܠܸܠܬ̇ ܒܲܥܢܵܢܵܟ݂: ܘܐܲܥ̣ܒܲܪܬ̇ ܨܠܘܿܬܲܢ. [No book]
[45]ܥܩܝܼܪܹ̈ܐ ܘܡܲܣ̈ܠܲܝܵܐ ܥ̣ܒܲܕ̇ܬܵܢ ܒܹܝܬ̣ ܥܲܡܡܹ̈ܐ. [No book]
[46]ܥܲܝܢܝ ܕܵܡ̇ܥܵܐ ܘܠܵܐ ܫܵܠܝܵܐ: ܡ̣ܢ ܕܠܲܝܬ̇ ܦܘܼܝܵܓ̣ܵܐ. [No book]
[47]ܥܕܲܡܵܐ ܕܲܢܕ݂ܝܼܩ ܘܢܸܚܙܹܐ ܡܵܪܝܵܐ ܡ̣ܢ ܫܡܲܝܵܐ. [No book]
[48]ܥܲܝܢܝ ܐܸܬ̇ܛܲܪܦܲܬ̤ ܥܲܠ ܢܲܦ̮ܫܝ: ܡ̣ܢ ܟܠܗܹܝܢ ܒ̈ܢܵܬ̣ ܩܘܼܪ̈ܝܵܐ ܕܝܼܠܝ. [No book]
[49]ܦܬܲܚ̣ܘ ܥܠܲܝܢ ܦܘܼܡܗܘܿܢ ܟܠܗܘܿܢ ܒܥܸܠܕ̇ܒ̣ܵܒܲܝ̈ܢ. [No book]
[50]ܕܸܚ̱ܠܬ̣ܵܐ ܘܙܵܘܸܥܬ̣ܵܐ ܗܘ̤ܵܬ̣ ܠܲܢ ܓܘܼܡܵܨܵܐ ܘܲܬ̣ܒ̣ܵܪܵܐ. [No book]
[51]ܬܲܦܹ̈ܐ ܕܡܲـ̈ـܝܵܐ ܐܲܪ̈ܕ̇ܝ ܥܲܝ̈ܢܲܝ ܥܲܠ ܬܒ̣ܵܪܵܗ̇ ܕܒܲܪܬ̣ ܥܲܡܝ. [No book]
[52]ܡܨܵܕ݂ ܨܵܕ݂ܘܼܢܝ ܐܲܝܟ݂ ܨܸܦܪܵܐ ܒܥܸܠܕ̇ܒ̣ܵܒܲܝ̈ ܡܲܓܵܢ. [No book]
[53]ܫܲܬܸ̇ܩ̣ܘ ܒܓ̣ܘܼܒܵܐ ܚܲܝܲܝ̈: ܫܕ݂ܵܘ ܒܝܼ ܟܹܐܦܹ̈ܐ. [No book]
[54]ܛܵܦ̣ܘ ܡܲـ̈ـܝܵܐ ܠܥܸܠ ܡ̣ܢ ܪܹܫܝ: ܐܸܡ̇ܪܹܬ̣ ܐܸܬ̣ܪܲܚܩܹ̇ܬ̣. [No book]
[55]ܩܪܹܝܬ̣ ܫܡܵܟ݂ ܡܵܪܝܵܐ: ܡ̣ܢ ܓܘܼܒܵܐ ܬܲܝܬܵܝܵܐ. [No book]
[56]ܩܵܠܝ ܫ̣ܡܲܥܬ̇: ܠܵܐ ܬܲܪܟܸ̇ܢ ܐܸܕ݂ܢܵܟ݂. ܐܸܠܵܐ ܐܲܪܘܲܚ ܠܝܼ ܘܲܦܪܘܿܩܲܝܢܝ. [No book]
[57]ܩ̣ܪܸܒ̣ܬ̇ ܒܝܵܘܡܵܐ ܕܲܩܪܹܝܬ̣ܵܟ݂: ܘܐܸܡܲܪܬ̇ ܠܝܼ ܠܵܐ ܬܸܕ݂ܚܲܠ. [No book]
[58]ܕܵܢܬ̇ ܡܵܪܝܵܐ ܕܝܼܢܵܐ ܕܢܲܦ̮ܫܝ ܘܲܦܪܲܩ̣ܬ̇ ܚܲܝܲܝ̈. [No book]
[59]ܚ̣ܙܲܝܬ̇ ܡܵܪܝܵܐ ܡܘܼܟܵܟ݂ܝ ܘܕ݂ܵܢ̣ܬ̇ ܕܝܼܢܝ. [No book]
[60]ܚ̣ܙܲܝܬ̇ ܟܠܵܗ̇ ܢܩܲܡܬ̣ܗܘܿܢ: ܘܟ݂ܠ ܕܐܸܬ̣ܚܲܫܲܒ̣ܘ ܥܠܲܝ. [No book]
[61]ܫ̣ܡܲܥܬ̇ ܚܸܣܕ̇ܗܘܿܢ ܡܵܪܝܵܐ: ܘܟ݂ܠ ܕܐܸܬ̣ܚܲܫܲܒ̣ܘ ܥܠܲܝ. [No book]
[62]ܣܸܦ̈ܘܵܬ̣ܵܐ ܕܩܵܝ̈ܡܵܢ: ܘܪ̈ܵܢܝܵܢ ܥܠܲܝ ܟܠܹܗ ܝܵܘܡܵܐ. [No book]
[63]ܡܵܘܬܲܒ̣ܗܘܿܢ ܘܲܡܩܵܡܗܘܿܢ: ܐܸܣܬܲܟ̇ܠܹܬ̣ ܐܸܢܵܐ ܡ̣ܢ ܪܸܢܝܼܗܘܿܢ. [No book]
[64]ܬܲܗܦܸܟ݂ ܠܗܘܿܢ ܦܘܼܪܥܵܢܗܘܿܢ ܡܵܪܝܵܐ: ܐܲܝܟ݂ ܡܲܥܒܸ̇ܕ݂ ܐܝܼܕܲܝ̈ܗܘܿܢ. [No book]
[65]ܬܸܬܸ̇ܠ ܠܗܘܿܢ ܟܲܪܝܘܼܬ̣ܵܐ ܕܠܒܵܐ: ܘܲܡܚܘܿܬ̣ܵܟ݂ ܠܗܘܿܢ ܬܸܪܕ̇ܘܿܦ. [No book]
[66]ܘܲܒ̣ܪܘܼܓ̣ܙܵܟ݂ ܬܵܘܒܸ̇ܕ݂ ܐܸܢܘܿܢ ܡ̣ܢ ܬܚܹܝܬ̣ ܫܡܲܝ̈ܟ ܡܵܪܝܵܐ. [No book]
Translation: Charles H. Hoole (1885)
Source: www.earlychristianwritings.com
Top