➕
←
Ephesians
Eph
2
→
[1]אפ לכונ דמיתינ הויתונ בחטהיכונ ובסכלותכונ [2]בהלינ דמנ קדימ הלכתונ הויתונ בהינ איכ עלמיותה דעלמא הנא ואיכ צבינה דרישׁ שׁולטנא דאאר דרוחא הדא דמתחפטא בבניא דלא מתטפיסנותא [3]בהנונ עבדא דאפ חננ אתהפכנ בהונ מנ קדימ ברגיגתא דבסרנ ועבדינ הוינ צבינא דבסרנ ודתרעיתנ ובניא הוינ דרוגזא מליאית איכ שׁרכא [4]אלהא דינ דעתיר ברחמוהי מטל חובה סגיאא דאחבנ [5]כד מיתינ הוינ בחטהינ אחינ עמ משׁיחא ובטיבותה פרקנ [6]ואקימנ עמה ואותבנ עמה בשׁמיא בישׁוע משׁיחא [7]דנחוא לעלמא דאתינ רבותא דעותרא דטיבותה ובסימותה דהות עלינ בישׁוע משׁיחא [8]בטיבותה הו גיר אתפרקנ בהימנותא והדא לא הות מנכונ אלא מוהבתא הי דאלהא [9]לא מנ עבדא דלא אנשׁ נשׁתבהר [10]בריתא חננ גיר דילה דאתברינ בישׁוע משׁיחא לעבדא טבא הנונ דמנ קדימ טיב אלהא דבהונ נהלכ [11]מטל הדא הויתונ עהדינ דאנתונ עממא מנ קדימ דבסר הויתונ ומתקרינ הויתונ עורלותא מנ הי דמתקריא גזורתא ואיתיה עבד אידיא בבסרא [12]ואיתיכונ הויתונ בהו זבנא דלא משׁיחא ונוכריינ הויתונ מנ דוברא דיסריל ואכסניא הויתונ לדיתקא דמולכנא ודלא סבר הויתונ ודלא אלה בעלמא [13]השׁא דינ בישׁוע משׁיחא אנתונ דמנ קדימ רחיקינ הויתונ קריבא הויתונ בדמה דמשׁיחא [14]הויו גיר שׁיננ הו דעבד תרתיהינ חדא ושׁרא סיגא דקאמ הוא במצעתא [15]ובעלדבבותא בבסרה ונמוסא דפוקדא בפוקדנוהי בטל דלתריהונ נברא בקנומה לחד ברנשׁא חדתא ועבד שׁינא [16]ורעי לתריהונ בחד פגר עמ אלהא ובזקיפה קטל בעלדבבותא [17]ואתא סבר שׁלמא לכונ לרחיקא ולקריבא [18]מטל דבה הו הוא לנ קורבא לתרינ בחדא רוח לות אבא [19]מכיל לא הויתונ אכסניא ולא תותבא אלא בני מדינתא דקדישׁא ובני ביתה דאלהא [20]ואתבניתונ על שׁתאסתא דשׁליחא ודנביא והו הוא רישׁ קרנא דבנינא ישׁוע משׁיחא [21]ובה מתרכב כלה בנינא ורבא להיכלא קדישׁא במריא [22]כד אפ אנתונ בה מתבנינ אנתונ למעמרא דאלהא ברוח
 
Top