➖ »
«
➖ ➕
Peshitta OT
PesOT
Webster Bible (1833)
Web
←
Esther
Est
12
→
[1]ܘܲܒ̣ܝܵܘ̈ܡܵܬ̣ܵܐ ܗܵܢܘܿܢ ܡܘܼܪܕ̇ܟܲܝ ܝܵܬܹܒ̣ ܗ̄ܘܼܵܐ ܒܬܲܪܥܵܐ ܕܡܲܠܟܵܐ ܥܲܡ ܒܲܓ̣ܬ̣ܵܢ ܘܲܬ̣ܪܲܫ ܡܗܲܝܡܢܵܘ̈ܗܝ ܕܡܲܠܟܵܐ ܕܐܝܼܬܲܝܗܘܿܢ ܗ̄ܘܼܵܘ ܢܵܛܪܲܝ ܬܲܪܥܵܐ. [No chap]
[2]ܘܟܲܕ݂ ܝܑܼܕܲܥ̣ ܬܲܪܥܝܼܬ̣ܗܘܿܢ ܘܲܚܙܵܐ ܡܲܚܫ̈ܒ̣ܵܬ̣ܗܘܿܢ ܥܲܡܝܼܩܵܐܝܼܬ̣ ܝܑܼܠܸܦ ܕܒ̣ܵܥܹ̇ܝܢ ܗ̄ܘܼܵܘ ܠܡܵܘܫܵܛܘܼ ܐܝܼܕ݂ܵܐ ܡܲܠܟܵܐ ܐܲܪܛܲܚܫܲܫܬ̇ ܘܒܲܕܸ̇ܩ ܗܵܕܹܐ ܡܸܠܬ̣ܵܐ ܠܡܲܠܟܵܐ. [No chap]
[3]ܘܥܲܩܸܒ̣ ܡܲܠܟܵܐ ܥܲܠ ܗܵܢܵܐ ܣܘܼܥܪܵܢܵܐ. ܘܐܵܘܕ̇ܝܼܘ ܒܹܗ ܘܐܲܫܠܸܡ ܐܸܢܘܿܢ ܠܡܵܘܬܵܐ. [No chap]
[4]ܘܲܟ݂ܬܲܒ̣ ܡܲܠܟܵܐ ܦܸܬ̣ܓ̣ܵܡܵܐ ܗܵܢܵܐ ܒܲܣܦܲܪ ܥܘܼܗ̈ܕܵܢܹܐ. ܘܐܵܦ ܡܘܼܪܕ̇ܟܲܝ ܪܫܲܡ ܕܘܼܟ݂ܪܵܢܵܐ ܕܲܥܒ̣ܵܕ݂ܵܐ ܗܵܢܵܐ ܒܣܸܦܪܵܐ. [No chap]
[5]ܘܦܲܩ̣ܕܹܗ ܡܲܠܟܵܐ ܕܲܢܩܘܼܡ ܒܒܲܝܬܵܐ ܕܡܲܠܟܵܐ ܘܝܲܗ̄ܒ̣ ܠܹܗ ܡܵܘ̈ܗܒ̣ܵܬ̣ܵܐ ܥܲܠ ܕܐܵܘܕ̇ܥܹܗ ܦܸܬ̣ܓ̣ܵܡܵܐ ܗܵܢܵܐ. [No chap]
[6]ܒܪܲܡ ܗܵܡܵܢ ܒܲܪ ܗܲܡܲܕܲܬ̇ ܐܲܓ̣ܵܓ̣ܵܝܵܐ ܡܝܲܩܲܪ ܗ̄ܘܼܵܐ ܣܲܓ̇ܝܼ ܩܕ݂ܵܡ ܡܲܠܟܵܐ ܘܲܒ̣ܥܵܐ ܕܢܲܒܐܸܫ ܠܡܘܼܪܕ̇ܟܲܝ ܘܲܠܥܲܡܹܗ ܡܸܛܠ ܬܪܹܝܢ ܡܗܲܝܡܢܵܘ̈ܗܝ ܕܡܲܠܟܵܐ ܕܐܸܬ̣ܩܛܸܠܘ. [No chap]
Source: unbound.biola.edu

See information...
Top