➖ »
«
➖ ➕
Peshitta OT
PesOT
The Epistle of Barnabas
EpiBar
←
Esther
Est
5
→
[1]ܘܲܒ̣ܝܵܘܡܵܐ ܬܠܝܼܬ̣ܵܝܵܐ ܠܸܒ̣ܫܲܬ̤ ܐܸܣܬܹ̇ܝܪ ܠܒ̣ܘܼܫܵܐ ܕܡܲܠܟ̇ܘܼܬ̣ܵܐ: ܘܩܵܡܲܬ̤ ܒܕ݂ܵܪܬܵܐ ܓܵܘܵܝܬܵܐ ܕܒܹܝܬ̣ ܡܲܠܟܵܐ: ܠܘܼܩܒܲܠ ܒܹܝܬ̣ ܡܲܠܟܵܐ. ܘܡܲܠܟܵܐ ܝܵܬܹܒ̣ ܗ̄ܘܼܵܐ ܒܟ݂ܘܼܪܣܝܵܐ ܕܡܲܠܟ̇ܘܼܬ̣ܵܐ: ܠܘܼܩܒܲܠ ܬܲܪܥܵܐ ܕܒܲܝܬܵܐ. [No book]
[2]ܘܟܲܕ݂ ܚ̣ܙܵܐ ܡܲܠܟܵܐ ܠܐܸܣܬܹ̇ܝܪ ܡܲܠܟ̇ܬ̣ܵܐ ܕܩܵܝܡܵܐ ܒܕ݂ܵܪܬܵܐ: ܘܫܸܩܠܲܬ̤ ܚܸܣܕ݂ܵܐ ܩܕ݂ܵܡܵܘܗܝ. ܘܐܵܘܫܸܛ ܡܲܠܟܵܐ ܥܲܠ ܐܸܣܬܹ̇ܝܪ ܫܲܒ̣ܛܵܐ ܕܕܲܗܒ̣ܵܐ ܕܒ̣ܐܝܼܕܹܗ: ܘܩܸܪܒܲܬ̤ ܐܸܣܬܹ̇ܝܪ ܘܐܸܚܕܲܬ̣ ܒܪܹܫܹܗ ܕܫܲܒ̣ܛܵܐ ܕܕܲܗܒ̣ܵܐ. [No book]
[3]ܘܐܸܡܲܪ ܠܵܗ̇ ܡܲܠܟܵܐ: ܡܵܐ ܠܹܟ݂ܝ ܐܸܣܬܹ̇ܝܪ ܡܲܠܟ̇ܬ̣ܵܐ: ܘܡܵܢܲܐ ܗ̄ܝܼ ܒܵܥܘܼܬܹܟ݂ܝ ܥܕܲܡܵܐ ܠܦܸܠܓܵܗ̇ ܕܡܲܠܟ̇ܘܼܬ̣ܝ: ܬܸܬ̣̱ܝܼܗܸܒ̣ ܠܹܟ݂ܝ. [No book]
[4]ܘܐܸܡܪܲܬ̤ ܐܸܣܬܹ̇ܝܪ: ܐܸܢ ܥܲܠ ܡܲܠܟܵܐ ܫܲܦܝܼܪ: ܢܹܐܬܹܐ ܡܲܠܟܵܐ ܘܗܵܡܵܢ ܠܡܲܫܬ̇ܝܵܐ ܕܥܸܒ̣ܕܹ̇ܬ̣ ܠܹܗ. [No book]
[5]ܘܐܵܡܲܪ ܡܲܠܟܵܐ: ܒܲܥܓܲܠ ܚܙܵܘ ܠܗܵܡܵܢ: ܢܸܥܒܸ̇ܕ݂ ܐܲܝܟ݂ ܕܐܵܡ̇ܪܵܐ ܐܸܣܬܹ̇ܝܪ. ܘܐܸܬ̣ܵܐ ܡܲܠܟܵܐ ܘܗܵܡܵܢ ܠܡܲܫܬ̇ܝܵܐ. [No book]
[6]ܘܐܸܡܲܪ ܡܲܠܟܵܐ ܠܐܸܣܬܹ̇ܝܪ ܒܡܲܫܬ̇ܝܵܐ ܕܚܲܡܪܵܐ: ܡܵܢܵܐ ܫܸܐ̱ܠܬܹܟ݂ܝ: ܬܸܬ̣̱ܝܗܸܒ̣ ܠܹܟ݂ܝ ܘܡܵܢܵܐ ܗ̄ܝܼ ܒܵܥܘܼܬܹܟ݂ܝ ܥܕܲܡܵܐ ܠܦܸܠܓܵܗ̇ ܕܡܲܠܟ̇ܘܼܬ̣ܵܐ ܬܸܬ̣̱ܝܼܗܸܒ̣ ܠܹܟ݂ܝ. [No book]
[7]ܘܲܥܢܵܬ̤ ܐܸܣܬܹ̇ܝܪ ܘܐܸܡܪܲܬ̤: ܫܸܐܠܲܬ̣ܝ ܘܒ̣ܵܥܘܼܬ̣ܝ. [No book]
[8]ܐܸܢ ܐܸܫܟ̇ܚܹ̇ܬ̣ ܪ̈ܲܚܡܹܐ ܒܥܲܝ̈ܢܲܝܟ ܡܲܠܟܵܐ: ܘܐܸܢ ܥܠܲܝܟ ܡܲܠܟܵܐ ܫܲܦܝܼܪ: ܕܬܸܬܸ̇ܠ ܠܝܼ ܫܸܐܠܲܬ̣ܝ: ܘܬܸܥܒܸ̇ܕ݂ ܠܝܼ ܒܵܥܘܼܬ̣ܝ: ܢܹܐܬܹܐ ܡܲܠܟܵܐ ܘܗܵܡܵܢ ܠܡܲܫܬ̇ܝܵܐ ܕܐܸܥܒܸ̇ܕ݂ ܠܗܘܿܢ ܡܚܵܪ: ܐܲܝܟ݂ ܦܸܬ̣ܓ̣ܵܡܵܐ ܕܡܲܠܟܵܐ. [No book]
[9]ܘܲܢܦܲܩ̣ ܗܵܡܵܢ ܒܝܵܘܡܵܐ: ܗܵܘܿ: ܚܵܕܹܐ ܘܲܦܨܝܼܚ ܒܠܸܒܹ̇ܗ. ܘܟܲܕ݂ ܚܙܵܝܗܝ ܗܵܡܵܢ ܠܡܘܼܪܕ̇ܟܲܝ ܕܝܵܬܹܒ̣ ܒܬܲܪܥܵܐ ܕܡܲܠܟܵܐ: ܘܠܵܐ ܩܵܡ: ܘܠܵܐ ܐܸܬ̇ܬ̇ܙܝܼܥ ܡܸܢܹܗ: ܐܸܬ̣ܡ̱ܠܝܼ ܗܵܡܵܢ ܚܸܡܬ̣ܵܐ ܥܲܠ ܡܘܼܪܕ̇ܟܲܝ. [No book]
[10]ܘܐܸܬ̇ܬ̇ܦܝܼܪ ܗܵܡܵܢ: ܘܐܸܙܲܠ ܠܒܲܝܬܹ̇ܗ. ܘܫܲܕܲܪ ܐܲܝܬܵܝܘܼ ܠܟ݂ܠܗܘܿܢ ܪ̈ܵܚܡܵܘܗܝ: ܘܲܠܙܵܪܸܫ ܐܲܢ̄ܬ̇ܬܹܗ. [No book]
[11]ܘܐܸܫܬ̇ܥܝܼ ܠܗܘܿܢ ܗܵܡܵܢ ܐܝܼܩܵܪܵܐ ܕܥܘܼܬ̣ܪܹܗ: ܘܣܘܿܓ̣ܵܐܐ ܕܲܒ̣ܢܵܘ̈ܗܝ: ܘܕ݂ܵܐܘ̱ܪܒܹܗ ܡܲܠܟܵܐ: ܘܐܲܩܝܼܡܹܗ ܥܲܠ ܪܵܘ̱ܪ̈ܒ̣ܵܢܹܐ: ܘܥܲܠ ܟܠ ܥܲܒ̣ܕܲܝ̈ ܡܲܠܟܵܐ. [No book]
[12]ܘܐܸܡܲܪ ܗܵܡܵܢ: ܘܐܵܦܠܵܐ ܠܐ̄ܢܵܫ ܐܲܥܠܲܬ̤ ܐܸܣܬܹ̇ܝܪ ܥܲܡ ܡܲܠܟܵܐ: ܐܸܠܵܐ ܐܸܢ ܠܝܼ ܘܐܵܦ ܡܚܵܪ ܡܙܲܡܲܢ ܐ̄ܢܵܐ ܠܵܗ̇ ܥܲܡ ܡܲܠܟܵܐ. [No book]
[13]ܘܗܵܢܵܐ ܟܠܹܗ ܠܵܐ ܫܵܘܹ̇ܐ ܠܝܼ ܒܟ݂ܠ ܫܵܥܬ̣ܵܐ ܕܚܵܙܹ̇ܐ ܐ̄ܢܵܐ ܠܹܗ ܠܡܘܼܪܕ̇ܟܲܝ ܝܗ̄ܘܼܕ݂ܵܝܵܐ ܕܝܵܬܹܒ̣ ܒܬܲܪܥܵܐ ܕܡܲܠܟܵܐ: ܕܠܵܐ ܙܵܐܲܥ ܡ̣ܢ ܩܕ݂ܵܡܲܝ. [No book]
[14]ܘܐܸܡܪܲܬ̤ ܠܹܗ ܙܵܪܸܫ ܐܲܢ̄ܬ̇ܬܹܗ ܘܟ݂ܠܗܘܿܢ ܪ̈ܵܚܡܵܘܗܝ: ܢܸܥܒ̇ܕ݂ܘܼܢ ܩܲܝܣܵܐ: ܕܪܵܘܡܹܗ ܚܲܡܫܝܼܢ ܐܲܡ̈ܝܼܢ. ܘܲܒ̣ܨܲܦܪܵܐ ܐܸܡܲܪ ܠܡܲܠܟܵܐ: ܘܢܸܬ̣ܠܘܿܢܵܝܗܝ ܠܡܘܼܪܕ̇ܟܲܝ ܥܠܵܘܗܝ. ܘܥܘܿܠ ܠܡܲܫܬ̇ܝܵܐ ܥܲܡ ܡܲܠܟܵܐ ܟܲܕ݂ ܚܵܕܹ̇ܐ ܐܲܢ̄ܬ̇. ܘܫܸܦܪܲܬ̤ ܡܸܠܬ̣ܵܐ ܒܥܲܝܢܵܘ̈ܗܝ ܕܗܵܡܵܢ ܛܵܒ̣. ܘܲܥܒܲܕ݂ ܩܲܝܣܵܐ. [No book]
Translation: Charles H. Hoole (1885)
Source: www.earlychristianwritings.com
Top