|
|
| [1]ܘܗܵܟܲܢܵܐ ܥܒܸܕ݂ ܠܗܘܿܢ ܘܩܲܕܸܿܫ ܐܸܢܘܿܢ ܠܝܼ ܠܟ݂ܵܗܢܘܼܬ݂ܵܐ: ܘܣܲܒ݂ ܬܵܘܪܵܐ ܚܲܕ݂ ܒܲܪ ܒܲܩܪܵܐ: ܘܕܸܟ݂ܪܹ̈ܐ ܬܪܹܝܢ ܕܠܵܐ ܡܘܼܡ. |
[No book] |
| [2]ܘܠܲܚܡܵܐ ܦܲܛܝܼܪܵܐ: ܚܵܚܪܵܬ݂ܵܐ ܦܲܛܝܼܪܵܬ݂ܵܐ ܕܦܝܼܠܵܢ ܒܡܸܫܚܵܐ: ܘܠܸܓ݂ܢܹ̈ܐ ܦܲܛܝܼܪܹ̈ܐ ܕܦܝܼܠܝܼܢ ܒܡܸܫܚܵܐ: ܕܲܢܫܝܼܦܵܐ ܕܚܸܛܹܐ ܬܸܥܒܸܿܕ ܐܸܢܘܿܢ. |
[No book] |
| [3]ܘܲܬ݂ܣܝܼܡ ܐܸܢܘܿܢ ܒܣܲܠܵܐ ܚܲܕ݂: ܘܲܬ݂ܩܲܪܸܒ݂ ܐܸܢܘܿܢ ܒܣܲܠܵܐ: ܘܲܠܬ݂ܵܘܪܵܐ ܘܠܲܬ݂ܪܹܝܢ ܕܸܟ݂ܪܝܼܢ. |
[No book] |
| [4]ܘܠܲܐܗܪܘܿܢ ܘܠܲܒ݂ܢܵܘܗܝ ܩܲܪܸܒ݂ ܠܬܲܪܥܵܐ ܕܡܲܫܟܲܢ ܙܲܒ݂ܢܵܐ: ܘܐܲܣܚܵܐ ܐܸܢܘܿܢ ܒܡܲܝܵܐ. |
[No book] |
| [5]ܘܣܲܒ݂ ܠܒ݂ܘܼܫܹ̈ܐ ܘܐܲܠܒܸܿܫ ܠܐܲܗܪܘܿܢ ܟܘܿܬܝܼܢܵܐ: ܘܲܦܪܵܙܘܿܡܵܐ: ܘܡܲܨܢܲܦܬ݂ܵܐ: ܘܦܸܕܬ݂ܵܐ: ܘܲܦܪܝܼܣܵܐ: ܘܬܲܩܸܢܲܝܗܝ ܒܗܸܡܝܵܢܵܐ ܕܦܸܕܬ݂ܵܐ. |
[No book] |
| [6]ܘܣܝܼܡ ܡܲܨܢܲܦܬ݂ܵܐ ܒܪܹܫܹܗ: ܘܣܝܼܡ ܟܠܝܼܠܵܐ ܕܩܘܼܕ݂ܫܵܐ ܥܲܠ ܡܲܨܢܲܦܬ݂ܵܐ. |
[No book] |
| [7]ܘܣܲܒ݂ ܡܸܫܚܵܐ ܕܲܡܫܝܼܚܘܼܬ݂ܵܐ: ܘܣܘܿܟ݂ ܒܪܹܫܹܗ ܘܲܡܫܘܿܚܲܝܗܝ. |
[No book] |
| [8]ܘܩܲܪܸܒ݂ ܠܲܒ݂ܢܵܘܗܝ: ܘܐܲܠܒܸܿܫ ܐܸܢܘܿܢ ܟܘܿܬܿܝܼܢܵܬ݂ܵܐ. |
[No book] |
| [9]ܘܐܲܣܘܿܪ ܐܸܢܘܿܢ ܗܸܡܝܵܢܵܐ ܠܐܲܗܪܘܿܢ ܘܠܲܒ݂ܢܵܘܗܝ: ܘܣܝܼܡ ܠܗܘܿܢ ܟܲܠܵܘܹ̈ܐ: ܘܬܸܗܘܸܐ ܠܗܘܿܢ ܟܵܗܢܘܼܬ݂ܗܘܿܢ ܠܲܩܝܵܡܵܐ ܕܲܠܥܵܠܲܡ: ܘܲܬ݂ܫܲܡܠܹܐ ܐܝܼܕܹܗ ܕܐܲܗܪܘܿܢ: ܘܐܝܼܕܹ̈ܐ ܕܲܒ݂ܢܵܘܗܝ. |
[No book] |
| [10]ܘܩܲܪܸܒ ܬܵܘܪܵܐ ܩܕ݂ܵܡ ܡܲܫܟܲܢܙܲܒ݂ܢܵܐ: ܘܢܸܣܡܘܿܟ݂ ܐܲܗܪܘܿܢ ܘܲܒ݂ܢܵܘܗܝ ܐܝܼܕܲܝܗܘܿܢ ܥܲܠ ܪܹܫܹܗ ܕܬ݂ܵܘܪܵܐ. |
[No book] |
| [11]ܘܟ݂ܘܿܣܲܝܗܝ ܠܬ݂ܵܘܪܵܐ ܩܕ݂ܵܡ ܡܵܪܝܵܐ ܒܬܲܪܥܵܐ ܕܡܲܫܟܲܢ ܙܲܒ݂ܢܵܐ. |
[No book] |
| [12]ܘܣܲܒ݂ ܡܼܢ ܕܡܹܗ ܕܬ݂ܵܘܪܵܐ: ܘܪܘܿܣ ܥܲܠ ܩܲܪܢܵܬܹܗ ܕܡܲܕ݂ܒܿܚܵܐ ܒܨܸܒ݂ܥܵܟ݂: ܘܟ݂ܠܹܗ ܕܡܵܐ ܐܲܫܘܿܕ ܥܲܠ ܫܦܘܿܠܲܝ ܡܲܕ݂ܒܿܚܵܐ. |
[No book] |
| [13]ܘܣܲܒ݂ ܟܠܹܗ ܚܸܠܒܵܐ ܕܲܩܪܝܼܡ ܠܲܓ݂ܘܵܝܵܐ: ܘܲܚܨܵܪ ܟܵܒ݂ܕܵܐ: ܘܬܲܪܬܹܿܝܢ ܟܘܼܠܝܵܢ ܘܬܲܪܒܿܗܹܝܢ: ܘܐܲܣܸܩ ܠܡܲܕ݂ܒܚܵܐ. |
[No book] |
| [14]ܘܒܸܣܪܹܗ ܕܬ݂ܵܘܪܵܐ ܘܡܸܫܟܹܿܗ: ܘܦܲܪܬܹܿܗ: ܬܵܘܩܸܕ݂ ܒܢܘܼܪܵܐ ܠܒܲܪ ܡܼܢ ܡܲܫܪܝܼܬ݂ܵܐ: ܚܛܵܗܵܐ ܗ̄ܘܼ. |
[No book] |
| [15]ܘܕܸܟ݂ܪܵܐ ܚܲܕ ܬܸܣܲܒ݂: ܘܲܢܣܲܡܟ݂ܘܼܢ ܐܲܗܪܘܿܢ ܘܲܒ݂ܢܵܘܗܝ ܐܝܼܕܲܝܗܘܿܢ ܥܲܠ ܪܹܫܹܗ ܕܕܸܟ݂ܪܵܐ. |
[No book] |
| [16]ܘܟ݂ܘܿܣܲܝܗܝ ܠܕܸܟ݂ܪܵܐ: ܘܣܲܒ݂ ܡܼܢ ܕܡܹܗ: ܘܪܘܿܣ ܥܲܠ ܡܲܕ݂ܒܚܵܐ ܟܲܕ݂ ܚܵܕܲܪ. |
[No book] |
| [17]ܘܕܸܟ݂ܪܵܐ ܦܲܫܲܚ ܗܲܕܵܡܵܘܗܝ: ܘܐܲܫܝܼܓ݂ ܓܘܵܝܹܗ ܘܲܟ݂ܪܵܥܵܘܗܝ: ܘܬܸܬܸܿܠ ܥܲܠ ܗܲܕܵܡܵܘܗܝ ܘܥܲܠ ܪܹܫܹܗ. |
[No book] |
| [18]ܘܬܲܣܸܩ ܟܠܹܗ ܕܸܟ݂ܪܵܐ ܠܡܲܕ݂ܒܚܵܐ: ܥܠܵܬ݂ܵܐ ܗ̄ܘܼ ܠܡܵܪܝܵܐ ܠܪܹܝܚ ܢܝܵܚܵܐ ܩܘܼܪܒܵܢܵܐ ܠܡܵܪܝܵܐ. |
[No book] |
| [19]ܘܬܸܣܲܒ݂ ܕܸܟ݂ܪܵܐ ܬܸܢܝܵܢܵܐ: ܘܲܢܣܲܡܟ݂ܘܼܢ ܐܲܗܪܘܿܢ ܘܲܒ݂ܢܵܘܗܝ ܐܝܼܕܲܝܗܘܿܢ ܥܲܠ ܪܹܫܹܗ ܕܕܸܟ݂ܪܵܐ. |
[No book] |
| [20]ܘܟ݂ܘܿܣܲܝܗܝ ܠܕܸܟ݂ܪܵܐ: ܘܣܲܒ݂ ܡܼܢ ܕܡܹܗ: ܘܪܘܿܣ ܥܲܠ ܛܲܪܦܵܐ ܕܐܸܕ݂ܢܹܗ ܕܐܲܗܪܘܿܢ ܕܝܲܡܝܼܢܵܐ: ܘܥܲܠ ܛܲܪܦܹܐ ܕܐܸܕ݂ܢܹ̈ܐ ܕܲܒ݂ܢܵܘܗܝ ܕܝܲܡܝܼܢܵܐ: ܘܥܲܠ ܟܪܵܘܵܬ݂ܵܐ ܕܐܝܼܕܲܝܗܘܿܢ ܕܝܲܡܝܼܢܵܐ: ܘܥܲܠ ܟܪܵܘܵܬ݂ܵܐ ܕܪܸܓ݂ܠܲܝܗܘܿܢ ܕܝܲܡܝܼܢܵܐ: ܘܬܸܪܘܿܣ ܕܡܵܐ ܥܲܠ ܡܲܕ݂ܒܚܵܐ ܟܲܕ݂ ܚܵܕܲܪ. |
[No book] |
| [21]ܘܬܸܣܲܒ݂ ܡܼܢ ܕܡܵܐ ܕܥܲܠ ܡܲܕ݂ܒܚܵܐ: ܘܡܼܢ ܡܸܫܚܵܐ ܕܲܡܫܝܼܚܘܼܬ݂ܵܐ: ܘܬܸܪܘܿܣ ܥܲܠ ܐܲܗܪܘܿܢ: ܘܥܲܠ ܠܒ݂ܘܼܫܵܘܗܝ: ܘܥܲܠ ܒܢܵܘܗܝ: ܘܥܲܠ ܠܒ݂ܘܼܫܹ̈ܐ ܕܲܒ݂ܢܵܘܗܝ ܥܲܡܹܗ: ܘܢܸܬ݂ܩܲܕܲܫ ܗܘܼ ܘܲܠܒ݂ܘܼܫܵܘܗܝ: ܘܲܒ݂ܢܵܘܗܝ ܘܲܠܒ݂ܘܼܫܹ̈ܐ ܕܲܒ݂ܢܵܘܗܝ ܥܲܡܹܗ. |
[No book] |
| [22]ܘܣܲܒ݂ ܡܼܢ ܕ݂ܟ݂ܪܵܐ ܬܲܪܒܵܐ ܘܐܲܠܝܼܬ݂ܵܐ: ܘܚܸܠܒܵܐ ܕܲܩܪܝܼܡ ܠܲܓ݂ܘܵܝܵܐ: ܘܲܚܨܵܪ ܟܵܒ݂ܕܵܐ ܘܬܲܪܬܹܿܝܢ ܟܘܼܠܝܵܢ: ܘܬܲܪܒܵܐ ܕܲܥܠܲܝܗܹܝܢ: ܘܫܵܩܵܐ ܕܝܲܡܝܼܢܵܐ: ܡܸܛܠ ܕܕܸܟ݂ܪܵܐ ܗ̄ܘܼ ܕܫܘܼܡܠܵܝܵܐ. |
[No book] |
| [23]ܘܲܓ݂ܪܝܼܨܬܵܐ ܚܕ݂ܵܐ ܕܠܲܚܡܵܐ: ܘܲܓ݂ܪܝܼܨܬܵܐ ܚܕ݂ܵܐ ܕܠܲܚܡܵܐ ܕܡܸܫܚܵܐ: ܘܠܲܓ݂ܢܵܐ ܚܲܕ ܡܼܢ ܣܲܠܵܐ ܕܦܲܛܝܼܪܵܐ ܕܲܩܕ݂ܵܡ ܡܵܪܝܵܐ. |
[No book] |
| [24]ܘܲܬ݂ܣܝܼܡ ܟܠܗܘܿܢ ܥܲܠ ܐܝܼܕ݂ܵܐ ܕܐܲܗܪܘܿܢ: ܘܥܲܠ ܐܝܼܕܹ̈ܐ ܕܲܒ݂ܢܵܘܗܝ: ܘܬܸܦܪܘܿܫ ܐܸܢܘܿܢ ܦܘܼܪܫܵܢܵܐ ܩܕ݂ܵܡ ܡܵܪܝܵܐ. |
[No book] |
| [25]ܘܬܸܣܲܒ݂ ܡܼܢ ܐܝܼܕܲܝܗܘܿܢ: ܘܬܲܣܸܩ ܚܲܕ݂ܝܵܐ ܡܼܢ ܕܸܟ݂ܪܵܐ ܥܲܠ ܡܲܕ݂ܒܚܵܐ ܠܲܥܠܵܬ݂ܵܐ: ܠܪܹܝܚ ܢܝܵܚܵܐ ܩܕ݂ܵܡ ܡܵܪܝܵܐ: ܩܘܼܪܒܵܢܵܐ ܗ̄ܘܼ ܠܡܵܪܝܵܐ. |
[No book] |
| [26]ܘܬܸܣܲܒ݂ ܚܲܕ݂ܝܵܐ ܡܼܢ ܕܸܟ݂ܪܵܐ ܕܫܘܼܡܠܵܝܵܐ ܕܐܲܗܪܘܿܢ: ܘܬܸܦܪܫܝܼܘܗܝ ܦܘܼܪܫܵܢܵܐ ܩܕ݂ܵܡ ܡܵܪܝܵܐ: ܘܬܸܗܘܸܐ ܠܵܟ݂ ܠܲܡܢܵܬ݂ܵܐ. |
[No book] |
| [27]ܘܩܲܕܸܿܫ ܚܲܕ݂ܝܵܐ ܕܦܘܼܪܫܵܢܵܐ: ܘܫܵܩܵܐ ܕܦܘܼܪܫܵܢܵܐ: ܕܐܸܬ݂ܦܪܸܫ ܘܐܸܬܿܬܿܪܝܼܡ ܡܼܢ ܕܸܟ݂ܪܵܐ ܕܫܘܼܡܠܵܝܵܐ: ܡܼܢ ܕܐܲܗܪܘܿܢ ܘܡܼܢ ܕܲܒ݂ܢܵܘܗܝ. |
[No book] |
| [28]ܘܢܸܗܘܸܐ ܠܐܲܗܪܘܿܢ ܘܠܲܒ݂ܢܵܘܗܝ ܩܝܵܡܵܐ ܠܥܵܠܲܡ ܡܼܢ ܠܘܵܬ݂ ܒܢܲܝ ܝܼܣܪܵܝܹܠ: ܡܸܛܠ ܕܦܘܼܪܫܵܢܵܐ ܗ̄ܘܼ: ܘܦܘܼܪܫܵܢܵܐ ܢܸܗܘܸܐ ܡܼܢ ܠܘܵܬ݂ ܒܢܲܝ ܝܼܣܪܵܝܹܠ: ܡܼܢ ܕܸܒ݂ܚܲܝ ܫܲܠܡܲܝܗܘܿܢ ܦܘܼܪܫܵܢܵܐ ܠܡܵܪܝܵܐ. |
[No book] |
| [29]ܘܲܠܒ݂ܘܼܫܲܝ ܩܘܼܕ݂ܫܵܐ ܕܐܲܗܪܘܿܢ ܢܸܗܘܘܿܢ ܠܲܒ݂ܢܵܘܗܝ ܡܼܢ ܒܵܬ݂ܪܹܗ: ܠܡܸܡܫܲܚ ܒܗܘܿܢ: ܘܠܲܡܫܲܡܠܵܝܘܼ ܒܗܘܿܢ ܐܝܼܕܲܝܗܘܿܢ. |
[No book] |
| [30]ܫܲܒ݂ܥܵܐ ܝܵܘܡܝܼ̈ܢ ܢܸܠܒܲܫ ܐܸܢܘܿܢ ܟܵܗܢܵܐ ܒܵܬ݂ܪܹܗ ܡܼܢ ܒܢܵܘܗܝ: ܕܢܸܥܘܿܠ ܠܡܲܫܟܲܢ ܙܲܒ݂ܢܵܐ ܠܲܡܫܲܡܵܫܘܼ ܒܩܘܼܕ݂ܫܵܐ. |
[No book] |
| [31]ܘܕܸܟ݂ܪܵܐ ܕܫܘܼܡܠܵܝܵܐ ܬܸܣܲܒ݂: ܘܲܬ݂ܒܲܫܸܠ ܒܸܣܪܹܗ ܒܐܲܬ݂ܪܵܐ ܩܲܕܝܼܫܵܐ. |
[No book] |
| [32]ܘܢܹܐܟ݂ܘܿܠ ܐܲܗܪܘܿܢ ܘܲܒ݂ܢܵܘܗܝ ܒܸܣܪܵܐ ܕܕܸܟ݂ܪܵܐ: ܘܠܲܚܡܵܐ ܕܲܒ݂ܣܲܠܵܐ ܒܬܲܪܥܵܐ ܕܡܲܫܟܲܢ ܙܲܒ݂ܢܵܐ. |
[No book] |
| [33]ܢܹܐܟ݂ܠܘܼܢ ܐܸܢܘܿܢ ܕܡܸܬ݂ܚܲܣܹܝܢ ܒܗܘܿܢ: ܠܲܡܫܲܡܠܵܝܘܼ ܐܝܼܕܲܝ̈ܗܘܿܢ ܘܠܲܡܩܲܕܵܫܘܼ ܐܸܢܘܿܢ: ܘܢܘܼܟ݂ܪܵܝܵܐ ܠܵܐ ܢܹܐܟ݂ܘܿܠ ܡܸܛܠ ܕܩܘܼܕ݂ܫܵܐ ܐܸܢܘܿܢ. |
[No book] |
| [34]ܘܐܸܢ ܢܸܫܬܿܚܲܪ ܡܼܢ ܒܸܣܪܵܐ ܕܫܘܼܡܠܵܝܵܐ: ܘܡܼܢ ܠܲܚܡܵܐ ܥܕܲܡܵܐ ܠܨܲܦܪܵܐ: ܐܵܘܩܸܕ݂ ܡܸܕܸܿܡ ܕܡܸܫܬܿܚܲܪ ܒܢܘܼܪܵܐ: ܘܠܵܐ ܢܸܬ݂ܐܟܸܠ: ܡܸܛܠ ܕܩܘܼܕ݂ܫܵܐ ܐܸܢܘܿܢ. |
[No book] |
| [35]ܘܲܥܒܸܕ ܠܐܲܗܪܘܿܢ ܘܠܲܒ݂ܢܵܘܗܝ ܗܵܟܲܢܵܐ ܐܲܝܟܲܢܵܐ ܕܲܦܩܲܕܬܵܟ݂: ܫܲܒ݂ܥܵܐ ܝܵܘܡܝܼܢ ܬܫܲܡܠܸܐ ܐܝܼܕܲܝܗܘܿܢ. |
[No book] |
| [36]ܘܬ݂ܵܘܪܵܐ ܕܲܚܛܵܗܵܐ ܬܸܥܒܸܕ ܒܝܵܘܡܵܐ ܥܲܠ ܚܘܼܣܵܝܵܐ: ܘܬܸܪܘܿܣ ܥܲܠ ܡܲܕ݂ܒܚܵܐ ܡܵܐ ܕܲܡܚܲܣܸܐ ܐܲܢ̄ܬ ܥܠܵܘܗܝ: ܘܬܸܡܫܚܝܼܘܗܝ ܠܲܡܩܲܕܵܫܘܼܬܹܗ. |
[No book] |
| [37]ܫܲܒ݂ܥܵܐ ܝܵܘܡܝܼܢ ܬܚܲܣܸܐ ܥܲܠ ܡܲܕ݂ܒܚܵܐ ܘܲܬ݂ܩܲܕܿܫܝܼܘܗܝ: ܘܢܸܗܘܸܐ ܡܲܕ݂ܒܚܵܐ ܩܕ݂ܘܿܫ ܩܘܼܕ݂ܫܝܼܢ: ܘܟ݂ܠ ܕܢܸܩܪܘܿܒ݂ ܠܡܲܕ݂ܒܚܵܐ ܢܸܬ݂ܩܲܕܲܫ. |
[No book] |
| [38]ܘܗܵܟܲܢܵܐ ܬܸܥܒܸܕ ܥܲܠ ܡܲܕ݂ܒܚܵܐ: ܐܸܡܪܹ̈ܐ ܒܢܲܝ ܫܲܢ̄ܬܵܐ ܬܪܹܝܢ ܐܲܡܝܼܢܵܐܝܼܬ݂ ܒܝܵܘܡܵܐ. |
[No book] |
| [39]ܐܸܡܪܵܐ ܚܲܕ݂ ܥܒܸܕ݂ ܒܨܲܦܪܵܐ: ܘܐܸܡܪܵܐ ܐ̄ܚܪܹܢܵܐ ܬܸܥܒܸܿܕ ܥܸܕܵܢ ܪܲܡܫܵܐ. |
[No book] |
| [40]ܘܥܸܣܪܘܿܢܵܐ ܕܲܢܫܝܼܦܵܐ ܕܦܝܼܠ ܒܡܸܫܚܵܐ ܥܨܝܼܪܵܐ ܪܘܼܒ݂ܥܹܗ ܕܗܸܡܝܵܢܵܐ: ܘܢܘܼܩܵܝܵܐ ܪܘܼܒ݂ܥܹܗ ܕܗܸܡܝܵܢܵܐ ܕܚܲܡܪܵܐ ܠܐܸܡܪܵܐ ܚܲܕ݂. |
[No book] |
| [41]ܐܸܡܪܵܐ ܬܸܢܝܵܢܵܐ ܬܸܥܒܸܿܕ ܥܸܕܵܢ ܪܲܡܫܵܐ: ܐܲܝܟ݂ ܩܘܼܪܒܵܢܵܐ ܕܨܲܦܪܵܐ: ܘܐܲܝܟ݂ ܢܘܼܩܵܝܹܗ ܬܸܥܒܸܿܕ ܠܹܗ: ܠܪܹܝܚ ܢܝܵܚܵܐ ܩܘܼܪܒܵܢܵܐ ܠܡܵܪܝܵܐ. |
[No book] |
| [42]ܥܠܵܬ݂ܵܐ ܐܲܡܝܼܢܵܐܝܼܬ݂ ܠܕ݂ܵܪܲܝܟܘܿܢ: ܒܬܲܪܥܵܐ ܕܡܲܫܟܲܢܙܲܒ݂ܢܵܐ: ܩܕ݂ܵܡ ܡܵܪܝܵܐ: ܕܐܸܬ݂ܘܲܥܲܕ ܠܟ݂ܘܿܢ ܬܲܡܵܢ ܠܲܡܡܲܠܵܠܘܼ ܥܲܡܟ݂ܘܿܢ. |
[No book] |
| [43]ܕܐܸܬ݂ܘܲܥܲܕ ܬܲܡܵܢ ܠܲܒ݂ܢܲܝ ܝܼܣܪܵܝܹܠ: ܘܐܸܬ݂ܩܲܕܲܫ ܒܐܝܼܩܵܪܝ. |
[No book] |
| [44]ܘܐܹܩܲܕܸܿܫ ܡܲܫܟܲܢܙܲܒ݂ܢܵܐ ܘܡܲܕ݂ܒܚܵܐ: ܘܠܲܐܗܪܘܿܢ ܘܠܲܒ݂ܢܵܘܗܝ ܐܹܩܲܕܸܿܫ ܠܝܼ ܠܟ݂ܵܗܢܘܼܬ݂ܵܐ. |
[No book] |
| [45]ܘܐܸܫܪܸܐ ܒܓ݂ܵܘ ܒܢܲܝ ܝܼܣܪܵܝܹܠ: ܘܐܸܗܘܸܐ ܠܗܘܿܢ ܐܲܠܵܗܵܐ. |
[No book] |
| [46]ܘܢܸܕܥܘܼܢ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܗܘܿܢ: ܕܐܲܦܩܹܬ݂ ܐܸܢܘܿܢ ܡܼܢ ܐܲܪܥܵܐ ܕܡܸܨܪܹܝܢ: ܘܐܸܫܪܸܐ ܒܲܝܢܵܬ݂ܗܘܿܢ: ܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܗܘܿܢ. |
[No book] |