«
Peshitta OT
PesOT
Peshitta OT
PesOT
[1]ܘܲܥܢܵܐ ܡܘܼܫܹܐ ܘܐܸܡܲܪ: ܗܵܐ ܠܵܐ ܡܗܲܝܡܢܝܼܢ ܠܝܼ: ܘܠܵܐ ܫܵܡܥܝܼܢ ܠܩܵܠܝ: ܡܸܛܠ ܕܐܵܡܪܝܼܢ ܠܵܐ ܐܸܬ݂ܚܙܝܼ ܠܵܟ݂ ܡܵܪܝܵܐ. [1]ܘܲܥܢܵܐ ܡܘܼܫܹܐ ܘܐܸܡܲܪ: ܗܵܐ ܠܵܐ ܡܗܲܝܡܢܝܼܢ ܠܝܼ: ܘܠܵܐ ܫܵܡܥܝܼܢ ܠܩܵܠܝ: ܡܸܛܠ ܕܐܵܡܪܝܼܢ ܠܵܐ ܐܸܬ݂ܚܙܝܼ ܠܵܟ݂ ܡܵܪܝܵܐ.
[2]ܘܐܸܡܲܪ ܠܹܗ ܡܵܪܝܵܐ: ܡܵܢܵܘ ܗܵܢܵܐ ܕܒ݂ܐܝܼܕ݂ܵܟ݂: ܘܐܸܡܲܪ ܚܘܼܛܪܵܐ. [2]ܘܐܸܡܲܪ ܠܹܗ ܡܵܪܝܵܐ: ܡܵܢܵܘ ܗܵܢܵܐ ܕܒ݂ܐܝܼܕ݂ܵܟ݂: ܘܐܸܡܲܪ ܚܘܼܛܪܵܐ.
[3]ܘܐܸܡܲܪ ܐܲܪܡܵܝܗܝ ܒܐܲܪܥܵܐ: ܘܐܲܪܡܵܝܗ ܒܐܲܪܥܵܐ: ܘܲܗܘܵܐ ܚܸܘܝܵܐ: ܘܲܥܪܲܩ ܡܘܼܫܹܐ ܡܼܢ ܩܕ݂ܵܡܵܘܗܝ. [3]ܘܐܸܡܲܪ ܐܲܪܡܵܝܗܝ ܒܐܲܪܥܵܐ: ܘܐܲܪܡܵܝܗ ܒܐܲܪܥܵܐ: ܘܲܗܘܵܐ ܚܸܘܝܵܐ: ܘܲܥܪܲܩ ܡܘܼܫܹܐ ܡܼܢ ܩܕ݂ܵܡܵܘܗܝ.
[4]ܘܐܸܡܲܪ ܡܵܪܝܵܐ ܠܡܘܼܫܹܐ: ܐܵܘܫܸܛ ܐܝܼܕ݂ܵܟ݂ ܘܐܲܚܘܿܕ݂ ܒܕ݂ܘܼܢܒܹܿܗ: ܘܐܵܘܫܸܛ ܐܝܼܕܹܗ ܘܚܲܡܣܸܢ ܒܹܗ: ܘܲܗܘܵܐ ܚܘܼܛܪܵܐ ܒܐܝܼܕܹܗ. [4]ܘܐܸܡܲܪ ܡܵܪܝܵܐ ܠܡܘܼܫܹܐ: ܐܵܘܫܸܛ ܐܝܼܕ݂ܵܟ݂ ܘܐܲܚܘܿܕ݂ ܒܕ݂ܘܼܢܒܹܿܗ: ܘܐܵܘܫܸܛ ܐܝܼܕܹܗ ܘܚܲܡܣܸܢ ܒܹܗ: ܘܲܗܘܵܐ ܚܘܼܛܪܵܐ ܒܐܝܼܕܹܗ.
[5]ܡܸܛܠ ܕܲܢܗܲܝܡܢܘܼܢ ܕܐܸܬ݂ܚܙܝܼ ܠܵܟ݂ ܡܵܪܝܵܐ ܐܲܠܵܗܵܐ ܕܐܲܒ݂ܵܗܲܝܗܘܿܢ: ܐܲܠܵܗܹܗ ܕܐܲܒ݂ܪܵܗܵܡ : ܐܲܠܵܗܹܗ ܕܐܝܼܣܚܵܩ: ܐܲܠܵܗܹܗ ܕܝܲܥܩܘܿܒ݂. [5]ܡܸܛܠ ܕܲܢܗܲܝܡܢܘܼܢ ܕܐܸܬ݂ܚܙܝܼ ܠܵܟ݂ ܡܵܪܝܵܐ ܐܲܠܵܗܵܐ ܕܐܲܒ݂ܵܗܲܝܗܘܿܢ: ܐܲܠܵܗܹܗ ܕܐܲܒ݂ܪܵܗܵܡ : ܐܲܠܵܗܹܗ ܕܐܝܼܣܚܵܩ: ܐܲܠܵܗܹܗ ܕܝܲܥܩܘܿܒ݂.
[6]ܘܐܸܡܲܪ ܠܹܗ ܡܵܪܝܵܐ ܬܘܼܒ݂: ܐܲܥܸܠ ܐܝܼܕ݂ܵܟ݂ ܠܥܘܼܒܵܟ݂: ܘܐܲܥܸܠ ܐܝܼܕܹܗ ܠܥܘܼܒܹܿܗ ܘܐܲܦܩܵܗ: ܘܗܵܐ ܐܝܼܕܹܗ ܡܲܓܪܒ݂ܵܐ ܐܲܝܟ݂ ܬܲܠܓܵܐ. [6]ܘܐܸܡܲܪ ܠܹܗ ܡܵܪܝܵܐ ܬܘܼܒ݂: ܐܲܥܸܠ ܐܝܼܕ݂ܵܟ݂ ܠܥܘܼܒܵܟ݂: ܘܐܲܥܸܠ ܐܝܼܕܹܗ ܠܥܘܼܒܹܿܗ ܘܐܲܦܩܵܗ: ܘܗܵܐ ܐܝܼܕܹܗ ܡܲܓܪܒ݂ܵܐ ܐܲܝܟ݂ ܬܲܠܓܵܐ.
[7]ܘܐܸܡܲܪ ܠܹܗ ܡܵܪܝܵܐ ܐܲܗܦܸܟ݂ ܐܝܼܕ݂ܵܟ݂ ܠܥܘܼܒܵܟ݂: ܘܐܲܗܦܸܟ݂ ܐܝܼܕܹܗ ܠܥܘܼܒܹܿܗ: ܘܐܲܦܩܵܗ ܡܼܢ ܥܘܼܒܹܗ: ܘܲܗܘܵܬ ܠܵܗ ܐܲܝܟ݂ ܒܸܣܪܹܗ. [7]ܘܐܸܡܲܪ ܠܹܗ ܡܵܪܝܵܐ ܐܲܗܦܸܟ݂ ܐܝܼܕ݂ܵܟ݂ ܠܥܘܼܒܵܟ݂: ܘܐܲܗܦܸܟ݂ ܐܝܼܕܹܗ ܠܥܘܼܒܹܿܗ: ܘܐܲܦܩܵܗ ܡܼܢ ܥܘܼܒܹܗ: ܘܲܗܘܵܬ ܠܵܗ ܐܲܝܟ݂ ܒܸܣܪܹܗ.
[8]ܘܐܸܢ ܠܵܐ ܢܗܲܝܡܢܘܼܢ: ܘܠܵܐ ܢܸܫܡܥܘܼܢ ܠܩܵܠܵܐ ܕܐܵܬ݂ܵܐ ܩܲܕ݂ܡܲܝܬܵܐ: ܢܗܲܝܡܢܘܼܢ ܠܩܵܠܵܐ ܕܐܵܬ݂ܵܐ ܐ̄ܚܪܹܝܬ݂ܵܐ. [8]ܘܐܸܢ ܠܵܐ ܢܗܲܝܡܢܘܼܢ: ܘܠܵܐ ܢܸܫܡܥܘܼܢ ܠܩܵܠܵܐ ܕܐܵܬ݂ܵܐ ܩܲܕ݂ܡܲܝܬܵܐ: ܢܗܲܝܡܢܘܼܢ ܠܩܵܠܵܐ ܕܐܵܬ݂ܵܐ ܐ̄ܚܪܹܝܬ݂ܵܐ.
[9]ܘܐܸܢ ܠܵܐ ܢܗܲܝܡܢܘܼܢ ܠܗܵܠܹܝܢ ܬܲܪܬܹܿܝܢ ܐܵܬ݂ܘܵܬ݂ܵܐ: ܘܠܵܐ ܢܸܫܡܥܘܼܢ ܠܩܵܠܵܟ݂: ܣܲܒ݂ ܡܼܢ ܡܲܝܵܐ ܕܢܲܗܪܵܐ ܘܐܲܫܘܿܕ݂ ܒܝܲܒ݂ܫܵܐ: ܘܗܵܢܘܿܢ ܡܲܝܵܐ ܕܲܢܣܲܒ݂ ܐܲܢ̄ܬ ܡܼܢ ܢܲܗܪܵܐ: ܢܸܗܘܘܿܢ ܕܡܵܐ ܒܝܲܒ݂ܫܵܐ. [9]ܘܐܸܢ ܠܵܐ ܢܗܲܝܡܢܘܼܢ ܠܗܵܠܹܝܢ ܬܲܪܬܹܿܝܢ ܐܵܬ݂ܘܵܬ݂ܵܐ: ܘܠܵܐ ܢܸܫܡܥܘܼܢ ܠܩܵܠܵܟ݂: ܣܲܒ݂ ܡܼܢ ܡܲܝܵܐ ܕܢܲܗܪܵܐ ܘܐܲܫܘܿܕ݂ ܒܝܲܒ݂ܫܵܐ: ܘܗܵܢܘܿܢ ܡܲܝܵܐ ܕܲܢܣܲܒ݂ ܐܲܢ̄ܬ ܡܼܢ ܢܲܗܪܵܐ: ܢܸܗܘܘܿܢ ܕܡܵܐ ܒܝܲܒ݂ܫܵܐ.
[10]ܘܐܸܡܲܪ ܡܘܼܫܹܐ ܠܡܵܪܝܵܐ: ܒܵܥܹܐ ܐ̄ܢܵܐ ܡܸܢܵܟ݂ ܡܵܪܝ: ܠܵܐ ܗ̄ܘܹܝܬ݂ ܓܲܒ݂ܪܵܐ ܕܡܲܡܠܠܵܐ ܐܵܦ ܡܼܢ ܐܸܬ݂ܡܵܠܝ: ܘܐܵܦ ܡܼܢ ܡܢܵܬ݂ܡܵܠܝ: ܘܐܵܦ ܡܼܢ ܥܸܕܵܢܵܐ ܕܡܲܠܸܠܬܿ ܥܲܡ ܥܲܒ݂ܕܵܟ݂: ܡܸܛܠ ܕܲܠܥܸܓ݂ܝ ܡܲܡܲܠܠܝ: ܘܲܥܛܸܠ ܠܸܫܵܢܵܐ ܐ̄ܢܵܐ. [10]ܘܐܸܡܲܪ ܡܘܼܫܹܐ ܠܡܵܪܝܵܐ: ܒܵܥܹܐ ܐ̄ܢܵܐ ܡܸܢܵܟ݂ ܡܵܪܝ: ܠܵܐ ܗ̄ܘܹܝܬ݂ ܓܲܒ݂ܪܵܐ ܕܡܲܡܠܠܵܐ ܐܵܦ ܡܼܢ ܐܸܬ݂ܡܵܠܝ: ܘܐܵܦ ܡܼܢ ܡܢܵܬ݂ܡܵܠܝ: ܘܐܵܦ ܡܼܢ ܥܸܕܵܢܵܐ ܕܡܲܠܸܠܬܿ ܥܲܡ ܥܲܒ݂ܕܵܟ݂: ܡܸܛܠ ܕܲܠܥܸܓ݂ܝ ܡܲܡܲܠܠܝ: ܘܲܥܛܸܠ ܠܸܫܵܢܵܐ ܐ̄ܢܵܐ.
[11]ܘܐܸܡܲܪ ܠܹܗ ܡܵܪܝܵܐ: ܡܲܢܘܼ ܥܒܲܕ݂ ܦܘܼܡܵܐ ܠܐ̄ܢܵܫܵܐ: ܐܵܘ ܡܲܢܘܼ ܥܒܲܕ݂ ܦܹܐܩܵܐ: ܐܵܘ ܚܲܪܫܵܐ: ܐܵܘ ܦܬ݂ܝܼܚܵܐ: ܐܵܘ ܥܘܝܼܪܵܐ: ܠܵܐ ܗ̄ܘܵܐ ܐܸܢܵܐ ܡܵܪܝܵܐ. [11]ܘܐܸܡܲܪ ܠܹܗ ܡܵܪܝܵܐ: ܡܲܢܘܼ ܥܒܲܕ݂ ܦܘܼܡܵܐ ܠܐ̄ܢܵܫܵܐ: ܐܵܘ ܡܲܢܘܼ ܥܒܲܕ݂ ܦܹܐܩܵܐ: ܐܵܘ ܚܲܪܫܵܐ: ܐܵܘ ܦܬ݂ܝܼܚܵܐ: ܐܵܘ ܥܘܝܼܪܵܐ: ܠܵܐ ܗ̄ܘܵܐ ܐܸܢܵܐ ܡܵܪܝܵܐ.
[12]ܘܗܵܫܵܐ ܙܸܠ: ܘܐܸܢܵܐ ܐܸܗܘܹܐ ܥܲܡ ܦܘܼܡܵܟ݂: ܘܐܲܠܦܵܟ݂ ܡܸܕܸܿܡ ܕܲܬ݂ܡܲܠܸܠ. [12]ܘܗܵܫܵܐ ܙܸܠ: ܘܐܸܢܵܐ ܐܸܗܘܹܐ ܥܲܡ ܦܘܼܡܵܟ݂: ܘܐܲܠܦܵܟ݂ ܡܸܕܸܿܡ ܕܲܬ݂ܡܲܠܸܠ.
[13]ܘܐܸܡܲܪ ܠܹܗ ܡܘܼܫܹܐ: ܒܵܥܹܐ ܐ̄ܢܵܐ ܡܸܢܵܟ݂ ܡܵܪܝ: ܫܲܕܲܪ ܒܝܲܕ݂ ܡܵܢ ܕܲܡܫܲܕܲܪ ܐܲܢ̄ܬ. [13]ܘܐܸܡܲܪ ܠܹܗ ܡܘܼܫܹܐ: ܒܵܥܹܐ ܐ̄ܢܵܐ ܡܸܢܵܟ݂ ܡܵܪܝ: ܫܲܕܲܪ ܒܝܲܕ݂ ܡܵܢ ܕܲܡܫܲܕܲܪ ܐܲܢ̄ܬ.
[14]ܘܐܸܬ݂ܚܲܡܲܬ݂ ܪܘܼܓ݂ܙܹܗ ܕܡܵܪܝܵܐ ܥܲܠ ܡܘܼܫܹܐ: ܘܐܸܡܲܪ ܠܹܗ: ܗܵܐ ܐܲܗܪܘܿܢ ܐܲܚܘܼܟ݂ ܠܹܘܵܝܵܐ: ܝܵܕܲܥ ܐ̄ܢܵܐ ܕܲܡܲܡܠܵܠܘܼ ܡܡܲܠܸܠ ܗ̄ܘܼ: ܗܵܐ ܐܵܦ ܗܘܼ ܢܸܦܘܿܩ ܠܐܘܼܪܥܵܟ݂: ܘܢܸܚܙܹܝܟ݂: ܘܢܸܚܕܸܐ ܒܠܸܒܹܗ. [14]ܘܐܸܬ݂ܚܲܡܲܬ݂ ܪܘܼܓ݂ܙܹܗ ܕܡܵܪܝܵܐ ܥܲܠ ܡܘܼܫܹܐ: ܘܐܸܡܲܪ ܠܹܗ: ܗܵܐ ܐܲܗܪܘܿܢ ܐܲܚܘܼܟ݂ ܠܹܘܵܝܵܐ: ܝܵܕܲܥ ܐ̄ܢܵܐ ܕܲܡܲܡܠܵܠܘܼ ܡܡܲܠܸܠ ܗ̄ܘܼ: ܗܵܐ ܐܵܦ ܗܘܼ ܢܸܦܘܿܩ ܠܐܘܼܪܥܵܟ݂: ܘܢܸܚܙܹܝܟ݂: ܘܢܸܚܕܸܐ ܒܠܸܒܹܗ.
[15]ܘܬܹܐܡܲܪ ܠܹܗ: ܘܲܬ݂ܣܝܼܡ ܦܸܬ݂ܓ݂ܵܡܲܝ̈ ܒܦܘܼܡܹܗ: ܘܐܸܢܵܐ ܐܸܗܘܸܐ ܥܲܡ ܦܘܼܡܵܟ݂ ܘܥܲܡ ܦܘܼܡܹܗ: ܘܐܲܠܸܦܟ݂ܘܿܢ ܡܸܕܸܿܡ ܕܬܸܥܼܒܿܕ݂ܘܼܢ. [15]ܘܬܹܐܡܲܪ ܠܹܗ: ܘܲܬ݂ܣܝܼܡ ܦܸܬ݂ܓ݂ܵܡܲܝ̈ ܒܦܘܼܡܹܗ: ܘܐܸܢܵܐ ܐܸܗܘܸܐ ܥܲܡ ܦܘܼܡܵܟ݂ ܘܥܲܡ ܦܘܼܡܹܗ: ܘܐܲܠܸܦܟ݂ܘܿܢ ܡܸܕܸܿܡ ܕܬܸܥܼܒܿܕ݂ܘܼܢ.
[16]ܗܘܼ ܢܡܲܠܸܠ ܥܲܡ ܥܲܡܵܐ: ܘܗܘܼ ܢܸܗܘܸܐ ܠܵܟ݂ ܡܬܲܪܓܿܡܵܢܵܐ: ܘܐܲܢ̄ܬ ܬܸܗܘܸܐ ܠܹܗ ܠܐܲܠܵܗ. [16]ܗܘܼ ܢܡܲܠܸܠ ܥܲܡ ܥܲܡܵܐ: ܘܗܘܼ ܢܸܗܘܸܐ ܠܵܟ݂ ܡܬܲܪܓܿܡܵܢܵܐ: ܘܐܲܢ̄ܬ ܬܸܗܘܸܐ ܠܹܗ ܠܐܲܠܵܗ.
[17]ܘܚܘܼܛܪܵܐ ܗܵܢܵܐ ܣܲܒ݂ ܒܐܝܼܕ݂ܵܟ݂: ܕܬܸܥܒܸܿܕ݂ ܒܹܗ ܐܵܬ݂ܘܵܬ݂ܵܐ. [17]ܘܚܘܼܛܪܵܐ ܗܵܢܵܐ ܣܲܒ݂ ܒܐܝܼܕ݂ܵܟ݂: ܕܬܸܥܒܸܿܕ݂ ܒܹܗ ܐܵܬ݂ܘܵܬ݂ܵܐ.
[18]ܘܲܗܦܲܟ݂ ܡܘܼܫܹܐ: ܘܐܸܙܲܠ ܠܘܵܬ݂ ܝܵܬ݂ܪܘܿܢ ܚܡܘܼܗܝ: ܘܐܸܡܲܪ ܠܹܗ: ܐܸܗܦܘܿܟ݂ ܐܹܙܲܠ ܠܘܵܬ݂ ܐܲܚܲܝ̈ ܕܲܒ݂ܡܸܨܪܹܝܢ: ܘܐܸܚܙܸܐ ܐܸܢ ܥܕܲܟܹܿܝܠ ܚܲܝܝܼܢ: ܘܐܸܡܲܪ ܝܵܬ݂ܪܘܿܢ ܠܡܘܼܫܹܐ: ܙܸܠ ܒܲܫܠܵܡܵܐ. [18]ܘܲܗܦܲܟ݂ ܡܘܼܫܹܐ: ܘܐܸܙܲܠ ܠܘܵܬ݂ ܝܵܬ݂ܪܘܿܢ ܚܡܘܼܗܝ: ܘܐܸܡܲܪ ܠܹܗ: ܐܸܗܦܘܿܟ݂ ܐܹܙܲܠ ܠܘܵܬ݂ ܐܲܚܲܝ̈ ܕܲܒ݂ܡܸܨܪܹܝܢ: ܘܐܸܚܙܸܐ ܐܸܢ ܥܕܲܟܹܿܝܠ ܚܲܝܝܼܢ: ܘܐܸܡܲܪ ܝܵܬ݂ܪܘܿܢ ܠܡܘܼܫܹܐ: ܙܸܠ ܒܲܫܠܵܡܵܐ.
[19]ܘܐܸܡܲܪ ܡܵܪܝܵܐ ܠܡܘܼܫܹܐ ܒܡܸܕ݂ܝܵܢ: ܗܦܘܿܟ݂ ܙܸܠ ܠܡܸܨܪܹܝܢ: ܡܸܛܠ ܕܡܝܼܬ݂ܘ ܠܗܘܿܢ ܟܠܗܘܿܢ ܓܲܒ݂ܪܹܐ ܕܒ݂ܵܥܹܝܢ ܗ̄ܘܵܘ ܢܲܦ̮ܫܵܟ݂. [19]ܘܐܸܡܲܪ ܡܵܪܝܵܐ ܠܡܘܼܫܹܐ ܒܡܸܕ݂ܝܵܢ: ܗܦܘܿܟ݂ ܙܸܠ ܠܡܸܨܪܹܝܢ: ܡܸܛܠ ܕܡܝܼܬ݂ܘ ܠܗܘܿܢ ܟܠܗܘܿܢ ܓܲܒ݂ܪܹܐ ܕܒ݂ܵܥܹܝܢ ܗ̄ܘܵܘ ܢܲܦ̮ܫܵܟ݂.
[20]ܘܲܕ݂ܒܲܪ ܡܘܼܫܹܐ ܠܐܲܢ̄ܬܿܬܹܗ ܘܠܲܒ݂̈ܢܵܘܗܝ: ܘܐܲܪܟܸܿܒ݂ ܐܸܢܘܿܢ ܥܲܠ ܚܡܵܪܵܐ: ܘܲܗܦܲܟ݂ ܠܡܹܐܙܲܠ ܠܡܸܨܪܹܝܢ: ܘܲܢܣܲܒ݂ ܡܘܼܫܹܐ ܚܘܼܛܪܵܐ ܕܐܲܠܵܗܵܐ ܒܐܝܼܕܹܗ. [20]ܘܲܕ݂ܒܲܪ ܡܘܼܫܹܐ ܠܐܲܢ̄ܬܿܬܹܗ ܘܠܲܒ݂̈ܢܵܘܗܝ: ܘܐܲܪܟܸܿܒ݂ ܐܸܢܘܿܢ ܥܲܠ ܚܡܵܪܵܐ: ܘܲܗܦܲܟ݂ ܠܡܹܐܙܲܠ ܠܡܸܨܪܹܝܢ: ܘܲܢܣܲܒ݂ ܡܘܼܫܹܐ ܚܘܼܛܪܵܐ ܕܐܲܠܵܗܵܐ ܒܐܝܼܕܹܗ.
[21]ܘܐܸܡܲܪ ܡܵܪܝܵܐ ܠܡܘܼܫܹܐ: ܡܵܐ ܕܲܗܦܲܟ݂ܬ ܠܡܹܐܙܲܠ ܠܡܸܨܪܹܝܢ: ܚܙܝܼ ܟܠ ܬܸܕ݂ܡܪܵܬ݂ܵܐ ܕܲܥܒܲܕ݂ܬ ܒܐܝܼܕܲܝܟ: ܥܒܸܕ݂ ܐܸܢܘܿܢ ܩܕ݂ܵܡ ܦܸܪܥܘܿܢ: ܘܐܸܢܵܐ ܐܹܥܲܫܸܢ ܠܸܒܹܗ: ܘܠܵܐ ܢܫܲܕܿܪܝܼܘܗܝ ܠܥܲܡܵܐ. [21]ܘܐܸܡܲܪ ܡܵܪܝܵܐ ܠܡܘܼܫܹܐ: ܡܵܐ ܕܲܗܦܲܟ݂ܬ ܠܡܹܐܙܲܠ ܠܡܸܨܪܹܝܢ: ܚܙܝܼ ܟܠ ܬܸܕ݂ܡܪܵܬ݂ܵܐ ܕܲܥܒܲܕ݂ܬ ܒܐܝܼܕܲܝܟ: ܥܒܸܕ݂ ܐܸܢܘܿܢ ܩܕ݂ܵܡ ܦܸܪܥܘܿܢ: ܘܐܸܢܵܐ ܐܹܥܲܫܸܢ ܠܸܒܹܗ: ܘܠܵܐ ܢܫܲܕܿܪܝܼܘܗܝ ܠܥܲܡܵܐ.
[22]ܘܐܸܡܲܪ ܠܦܸܪܥܘܿܢ: ܗܵܟܲܢܵܐ ܐܵܡܲܪ ܡܵܪܝܵܐ: ܒܹܪܝ ܒܘܼܟ݂ܪܝ ܝܼܣܪܵܝܹܠ. [22]ܘܐܸܡܲܪ ܠܦܸܪܥܘܿܢ: ܗܵܟܲܢܵܐ ܐܵܡܲܪ ܡܵܪܝܵܐ: ܒܹܪܝ ܒܘܼܟ݂ܪܝ ܝܼܣܪܵܝܹܠ.
[23]ܐܹܡܪܹܬ݂ ܠܵܟ݂ ܕܲܬ݂ܫܲܕܲܪ ܠܒܹܪܝ ܘܢܸܦܠܚܲܢܝ: ܘܐܸܢ ܠܵܐ ܨܵܒܹܐ ܐܲܢ̄ܬ ܠܡܲܫܲܕܵܪܘܼ ܠܒܹܪܝ ܗܵܐ ܩܵܛܹܠ ܐ̄ܢܵܐ ܠܲܒ݂ܪܵܟ݂ ܒܘܼܟ݂ܪܵܟ݂. [23]ܐܹܡܪܹܬ݂ ܠܵܟ݂ ܕܲܬ݂ܫܲܕܲܪ ܠܒܹܪܝ ܘܢܸܦܠܚܲܢܝ: ܘܐܸܢ ܠܵܐ ܨܵܒܹܐ ܐܲܢ̄ܬ ܠܡܲܫܲܕܵܪܘܼ ܠܒܹܪܝ ܗܵܐ ܩܵܛܹܠ ܐ̄ܢܵܐ ܠܲܒ݂ܪܵܟ݂ ܒܘܼܟ݂ܪܵܟ݂.
[24]ܘܲܗܘܵܐ ܡܘܼܫܹܐ ܒܐܘܼܪܚܵܐ ܒܹܝܬ݂ ܒܵܘܬ݂ܵܐ: ܘܲܦܓܲܥ ܒܹܗ ܡܵܪܝܵܐ: ܘܲܒ݂ܥܵܐ ܠܡܸܩܛܠܹܗ ܠܡܘܼܫܹܐ. [24]ܘܲܗܘܵܐ ܡܘܼܫܹܐ ܒܐܘܼܪܚܵܐ ܒܹܝܬ݂ ܒܵܘܬ݂ܵܐ: ܘܲܦܓܲܥ ܒܹܗ ܡܵܪܝܵܐ: ܘܲܒ݂ܥܵܐ ܠܡܸܩܛܠܹܗ ܠܡܘܼܫܹܐ.
[25]ܘܢܸܣܒܲܬ݂ ܨܸܦܘܿܪܵܐ ܛܲܪܵܢܵܐ: ܘܓܸܙܪܲܬ݂ ܥܘܼܪܠܘܼܬ݂ܵܐ ܕܲܒ݂ܪܵܗ: ܘܐܸܚܕܲܬ݂ ܒܪܸܓ݂ܠܵܘܗܝ ܘܐܸܡܪܲܬ݂: ܚܲܬ݂ܢܵܐ ܕܲܕ݂ܡܵܐ ܐܲܢ̄ܬ ܠܝܼ. [25]ܘܢܸܣܒܲܬ݂ ܨܸܦܘܿܪܵܐ ܛܲܪܵܢܵܐ: ܘܓܸܙܪܲܬ݂ ܥܘܼܪܠܘܼܬ݂ܵܐ ܕܲܒ݂ܪܵܗ: ܘܐܸܚܕܲܬ݂ ܒܪܸܓ݂ܠܵܘܗܝ ܘܐܸܡܪܲܬ݂: ܚܲܬ݂ܢܵܐ ܕܲܕ݂ܡܵܐ ܐܲܢ̄ܬ ܠܝܼ.
[26]ܘܐܲܪܦܝܼ ܡܸܢܹܗ: ܗܵܝܕܹܿܝܢ ܐܸܡܪܲܬ݂: ܚܲܬ݂ܢܵܐ ܕܲܕ݂ܡܵܐ ܠܲܓ݂ܙܘܼܪܬܵܐ. [26]ܘܐܲܪܦܝܼ ܡܸܢܹܗ: ܗܵܝܕܹܿܝܢ ܐܸܡܪܲܬ݂: ܚܲܬ݂ܢܵܐ ܕܲܕ݂ܡܵܐ ܠܲܓ݂ܙܘܼܪܬܵܐ.
[27]ܘܐܸܡܲܪ ܡܵܪܝܵܐ ܠܐܲܗܪܘܿܢ: ܙܸܠ ܠܐܘܼܪܥܹܗ ܕܡܘܼܫܹܐ ܐܲܚܘܼܟ݂ ܠܡܲܕ݂ܒܿܪܵܐ: ܘܐܸܙܲܠ ܘܲܦܓܲܥ ܒܹܗ ܒܛܘܼܪܹܗ ܕܐܲܠܵܗܵܐ ܒܚܘܿܪܝܼܒ݂: ܘܢܲܫܩܹܗ. [27]ܘܐܸܡܲܪ ܡܵܪܝܵܐ ܠܐܲܗܪܘܿܢ: ܙܸܠ ܠܐܘܼܪܥܹܗ ܕܡܘܼܫܹܐ ܐܲܚܘܼܟ݂ ܠܡܲܕ݂ܒܿܪܵܐ: ܘܐܸܙܲܠ ܘܲܦܓܲܥ ܒܹܗ ܒܛܘܼܪܹܗ ܕܐܲܠܵܗܵܐ ܒܚܘܿܪܝܼܒ݂: ܘܢܲܫܩܹܗ.
[28]ܘܚܵܘܝܼ ܡܘܼܫܹܐ ܠܐܲܗܪܘܿܢ ܟܠܗܘܿܢ ܦܸܬ݂ܓ݂ܵܡܵܘܗܝ ܕܡܵܪܝܵܐ ܕܫܲܕܪܹܗ: ܘܟ݂ܠ ܐܵܬ݂ܘܵܬ݂ܵܐ ܕܦܲܩܕܹܗ ܠܡܸܥܒܲܕ݂. [28]ܘܚܵܘܝܼ ܡܘܼܫܹܐ ܠܐܲܗܪܘܿܢ ܟܠܗܘܿܢ ܦܸܬ݂ܓ݂ܵܡܵܘܗܝ ܕܡܵܪܝܵܐ ܕܫܲܕܪܹܗ: ܘܟ݂ܠ ܐܵܬ݂ܘܵܬ݂ܵܐ ܕܦܲܩܕܹܗ ܠܡܸܥܒܲܕ݂.
[29]ܘܐܸܙܲܠܘ ܡܘܼܫܹܐ ܘܐܲܗܪܘܿܢ: ܘܟܲܢܸܫܘ ܠܟ݂ܠܗܘܿܢ ܣܵܒܹ̈ܐ ܕܲܒ݂̈ܢܲܝ ܝܼܣܪܵܝܹܠ. [29]ܘܐܸܙܲܠܘ ܡܘܼܫܹܐ ܘܐܲܗܪܘܿܢ: ܘܟܲܢܸܫܘ ܠܟ݂ܠܗܘܿܢ ܣܵܒܹ̈ܐ ܕܲܒ݂̈ܢܲܝ ܝܼܣܪܵܝܹܠ.
[30]ܘܐܸܡܲܪ ܐܲܗܪܘܿܢ ܟܠܗܘܿܢ ܦܸܬ݂ܓ݂ܵܡܹܐ ܕܐܸܡܲܪ ܡܵܪܝܵܐ ܠܡܘܼܫܹܐ: ܘܲܥܒܲܕ݂ ܐܵܬ݂ܘܵܬ݂ܵܐ ܩܕ݂ܵܡ ܥܲܡܵܐ. [30]ܘܐܸܡܲܪ ܐܲܗܪܘܿܢ ܟܠܗܘܿܢ ܦܸܬ݂ܓ݂ܵܡܹܐ ܕܐܸܡܲܪ ܡܵܪܝܵܐ ܠܡܘܼܫܹܐ: ܘܲܥܒܲܕ݂ ܐܵܬ݂ܘܵܬ݂ܵܐ ܩܕ݂ܵܡ ܥܲܡܵܐ.
[31]ܘܗܲܝܡܸܢܘ ܥܲܡܵܐ: ܘܲܫܡܲܥܘ ܕܐܸܬܿܕܿܟܲܪ ܡܵܪܝܵܐ ܠܲܒ݂̈ܢܲܝ ܝܼܣܪܵܝܹܠ: ܘܕܲܚܙܵܐ ܫܘܼܥܒܵܕ݂ܗܘܿܢ: ܘܲܩܥܲܕ݂ܘ ܥܲܡܵܐ ܘܲܣܓܸܕ݂ܘ ܩܕ݂ܵܡ ܡܵܪܝܵܐ. [31]ܘܗܲܝܡܸܢܘ ܥܲܡܵܐ: ܘܲܫܡܲܥܘ ܕܐܸܬܿܕܿܟܲܪ ܡܵܪܝܵܐ ܠܲܒ݂̈ܢܲܝ ܝܼܣܪܵܝܹܠ: ܘܕܲܚܙܵܐ ܫܘܼܥܒܵܕ݂ܗܘܿܢ: ܘܲܩܥܲܕ݂ܘ ܥܲܡܵܐ ܘܲܣܓܸܕ݂ܘ ܩܕ݂ܵܡ ܡܵܪܝܵܐ.
 
Top