➖ »
«
➖ ➕
Aleppo Codex (~920)
Alep
Hegesippus
Hegesippus
←
Exodus
Exo
9
→
[1]ויאמר יהוה אל משה בא אל פרעה ודברת אליו כה אמר יהוה אלהי העברים שלח את עמי ויעבדני [No book]
[2]כי אם מאן אתה לשלח ועודך מחזיק בם [No book]
[3]הנה יד יהוה הויה במקנך אשר בשדה בסוסים בחמרים בגמלים בבקר ובצאן־דבר כבד מאד [No book]
[4]והפלה יהוה־בין מקנה ישראל ובין מקנה מצרים ולא ימות מכל לבני ישראל דבר [No book]
[5]וישם יהוה מועד לאמר מחר יעשה יהוה הדבר הזה־בארץ [No book]
[6]ויעש יהוה את הדבר הזה ממחרת וימת כל מקנה מצרים וממקנה בני ישראל לא מת אחד [No book]
[7]וישלח פרעה־והנה לא מת ממקנה ישראל עד אחד ויכבד לב פרעה ולא שלח את העם [No book]
[8]ויאמר יהוה אל משה ואל אהרן קחו לכם מלא חפניכם פיח כבשן וזרקו משה השמימה לעיני פרעה [No book]
[9]והיה לאבק על כל ארץ מצרים והיה על האדם ועל הבהמה לשחין פרח אבעבעת־בכל ארץ מצרים [No book]
[10]ויקחו את פיח הכבשן ויעמדו לפני פרעה ויזרק אתו משה השמימה ויהי שחין אבעבעת פרח באדם ובבהמה [No book]
[11]ולא יכלו החרטמים לעמד לפני משה־מפני השחין כי היה השחין בחרטמם ובכל מצרים [No book]
[12]ויחזק יהוה את לב פרעה ולא שמע אלהם כאשר דבר יהוה אל משה [No book]
[13]ויאמר יהוה אל משה השכם בבקר והתיצב לפני פרעה ואמרת אליו כה אמר יהוה אלהי העברים שלח את עמי ויעבדני [No book]
[14]כי בפעם הזאת אני שלח את כל מגפתי אל לבך ובעבדיך ובעמך־בעבור תדע כי אין כמני בכל הארץ [No book]
[15]כי עתה שלחתי את ידי ואך אותך ואת עמך בדבר ותכחד מן הארץ [No book]
[16]ואולם בעבור זאת העמדתיך בעבור הראתך את כחי ולמען ספר שמי בכל הארץ [No book]
[17]עודך מסתולל בעמי לבלתי שלחם [No book]
[18]הנני ממטיר כעת מחר ברד כבד מאד אשר לא היה כמהו במצרים למן היום הוסדה ועד עתה [No book]
[19]ועתה שלח העז את מקנך ואת כל אשר לך בשדה כל האדם והבהמה אשר ימצא בשדה ולא יאסף הביתה־וירד עלהם הברד ומתו [No book]
[20]הירא את דבר יהוה מעבדי פרעה־הניס את עבדיו ואת מקנהו אל הבתים [No book]
[21]ואשר לא שם לבו אל דבר יהוה־ויעזב את עבדיו ואת מקנהו בשדה [No book]
[22]ויאמר יהוה אל משה נטה את ידך על השמים ויהי ברד בכל ארץ מצרים על האדם ועל הבהמה ועל כל עשב השדה־בארץ מצרים [No book]
[23]ויט משה את מטהו על השמים ויהוה נתן קלת וברד ותהלך אש ארצה וימטר יהוה ברד על ארץ מצרים [No book]
[24]ויהי ברד־ואש מתלקחת בתוך הברד כבד מאד־אשר לא היה כמהו בכל ארץ מצרים מאז היתה לגוי [No book]
[25]ויך הברד בכל ארץ מצרים את כל אשר בשדה מאדם ועד בהמה ואת כל עשב השדה הכה הברד ואת כל עץ השדה שבר [No book]
[26]רק בארץ גשן אשר שם בני ישראל־לא היה ברד [No book]
[27]וישלח פרעה ויקרא למשה ולאהרן ויאמר אלהם חטאתי הפעם יהוה הצדיק ואני ועמי הרשעים [No book]
[28]העתירו אל יהוה ורב מהית קלת אלהים וברד ואשלחה אתכם ולא תספון לעמד [No book]
[29]ויאמר אליו משה כצאתי את העיר אפרש את כפי אל יהוה הקלות יחדלון והברד לא יהיה עוד למען תדע כי ליהוה הארץ [No book]
[30]ואתה ועבדיך ידעתי־כי טרם תיראון מפני יהוה אלהים [No book]
[31]והפשתה והשערה נכתה כי השערה אביב והפשתה גבעל [No book]
[32]והחטה והכסמת לא נכו כי אפילת הנה [No book]
[33]ויצא משה מעם פרעה את העיר ויפרש כפיו אל יהוה ויחדלו הקלות והברד ומטר לא נתך ארצה [No book]
[34]וירא פרעה כי חדל המטר והברד והקלת־ויסף לחטא ויכבד לבו הוא ועבדיו [No book]
[35]ויחזק לב פרעה ולא שלח את בני ישראל כאשר דבר יהוה ביד משה [No book]
Source: unbound.biola.edu
 Source: www.earlychristianwritings.com
Top