➖ »
«
➖ ➕
Peshitta OT
PesOT
The Writings of Cornelius Tacitus
Tacitus
   
Ezekiel
Eze
1
→
[1]ܘܲܗ̤ܘܵܐ ܒܲܫܢܲܬ̣ ܬܠܵܬ̣ܝܼܢ ܒܚܲܡܸܫܬܵܐ ܒܝܲܪܚܵܐ ܪܒ̣ܝܼܥܵܝܵܐ: ܘܐܸܢܵܐ ܒܓ̣ܵܘ ܫܒ̣ܝܼܬ̣ܵܐ ܗ̄ܘܹ̇ܝܬ̣: ܥܲܠ ܢܗܲܪ ܟܒܲܪ: ܘܐܸܬ̣ܦܬܲܚܘ ܫܡܲܝܵܐ: ܘܲܚܙܹ̇ܝܬ̣ ܚܸܙܘܵܐ ܕܐܲܠܵܗܵܐ. [No book]
[2]ܒܚܲܡܸܫܬܵܐ ܒܝܲܪܚܵܐ: ܒܲܫܢܲܬ̣ ܚܲܡܸܫ ܕܲܫܒ̣ܝܼܬܹܗ ܕܝܘܿܝܵܟ̣ܝܼܢ ܡܲܠܟܵܐ ܕܲܝܗܘܼܕܼܵܐ. [No book]
[3]ܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܚܲܙܩܝܼܐܹܝܠ ܒܲܪ ܒܘܿܙܝܼ ܟܵܗܢܵܐ: ܒܐܲܪܥܵܐ ܕܟܲܠܕܼܵܝܹ̈ܐ ܥܲܠ ܢܗܲܪ ܟܒܲܪ: ܘܲܗܘ̤ܵܬ̣ ܥܠܲܝ ܬܲܡܵܢ ܐܝܼܕܹܗ ܕܡܵܪܝܵܐ. [No book]
[4]ܘܲܚܙܹ̇ܝܬ̣ ܘܗܵܐ ܪܘܼܚܵܐ ܕܥܲܠܥܵܠܵܐ ܐܵܬ̣ܝܵܐ ܡ̣ܢ ܓܲܪܒ̇ܝܵܐ: ܥܢܵܢܵܐ ܪܲܒ̇ܬ̣ܵܐ: ܘܢܘܼܪܵܐ ܕܡܸܬ̣ܓܵܘܙܠܵܐ ܘܡܲܙ̱ܗܪܵܐ ܚܕܼܵܪܹܝܗ̇: ܘܡ̣ܢ ܓܵܘܵܗ̇ ܐܲܝܟ ܚܸܙܘܵܐ ܡ̣ܢ ܓܵܘ ܢܘܼܪܵܐ. [No book]
[5]ܘܡ̣ܢ ܓܵܘܵܗ̇ ܕܡܘܼܬ̣ܵܐ ܕܐܲܪܒܲܥ ܚܲܝ̈ܘܵܢ: ܘܗܵܢܵܘ ܚܸܙ̱ܘܗܹܝܢ: ܐܲܝܟ ܕܡܘܼܬ̣ܵܐ ܕܲܒ̣ܢܲܝ̈ܢܵܫܵܐ. [No book]
[6]ܘܐܲܪܒܲܥ ܐܲܦܝܼ̈ܢ ܠܲܚܕܼܵܐ: ܘܐܲܪܒ̇ܥܵܐ ܓܸܦܝܼ̈ܢ. [No book]
[7]ܘܪܸ̈ܓ̣ܠܲܝܗܹܝܢ ܦܫ̈ܝܼܛܵܢ: ܘܦܲܪ̈ܣܵܬ̣ܵܐ ܕܪܸ̈ܓ̣ܠܲܝܗܹܝܢ: ܐܲܝܟ ܦܲܪ̈ܣܵܬ̣ܵܐ ܕܥܸܓ̣ܠܹ̈ܐ: ܘܡܲܒ̣ܪ̈ܩܵܢ ܐܲܝܟ ܢܚܵܫܵܐ ܕܡܲܒ̣ܪܸܩ. [No book]
[8]ܘܐܝܼܕܼܵܐ ܕܒܲܪܢܵܫܵܐ ܬܚܹܝܬ̣ ܓܸܦܲܝ̈ܗܹܝܢ ܡ̣ܢ ܐܲܪܒ̇ܥܵܐ ܓܲܒܲܝ̈ܗܹܝܢ: ܘܐܲܦܲܝ̈ܗܹܝܢ ܘܓܸܦܲܝ̈ܗܹܝܢ ܒܓܲܒܲܝ̈ܗܹܝܢ. [No book]
[9]ܘܓܸܦܲܝ̈ܗܹܝܢ ܢܲܩܝܼܦܝܼܢ ܗ̄ܘܼܵܘ ܚܲܕܼ ܠܚܲܕܼ: ܘܡܵܐ ܕܐܵܙܵܠ̄ـ̈ـܢ ܗ̄ܘܲܝ̈ ܠܘܼܩܒܲܠܗܹܝܢ ܐܵܙܵܠ̄ـ̈ـܢ ܗ̄ܘܲܝ̈: ܘܠܵܐ ܡܸܬ̣ܗܲܦ̈ܟܵܢ ܗ̄ܘܲܝ̈. [No book]
[10]ܘܲܕܼܡܘܼܬ̣ܵܐ ܕܐܲܦܲܝ̈ܗܹܝܢ: ܐܲܦܹ̈ܐ ܕܒܲܪܢܵܫܵܐ: ܘܐܲܦܹ̈ܐ ܕܐܲܪܝܵܐ ܒܓܲܒܲܝ̈ܗܹܝܢ: ܕܝܲܡܝܼܢܵܐ: ܘܐܲܦܹ̈ܐ ܕܬ̣ܵܘܪܵܐ: ܘܐܲܦܹ̈ܐ ܕܢܸܫܪܵܐ: ܒܓܲܒܲܝ̈ܗܹܝܢ ܕܣܸܡܵܠܵܐ. [No book]
[11]ܘܐܲܦܲܝ̈ܗܹܝܢ ܘܓܸܦܲܝ̈ܗܹܝܢ ܦܪܝܼܣܝܼܢ ܗ̄ܘܼܵܘ ܡ̣ܢ ܠܥܸܠ: ܬܪܹܝܢ ܢܲܩܝܼܦܝܼܢ ܚܲܕܼ ܠܚܲܕܼ: ܘܲܬ̣ܪܹܝܢ ܡܟܲܣܹܝܢ ܓܘܼܫ̱ܡܗܹܝܢ. [No book]
[12]ܘܠܘܩܒܲܠܗܹܝܢ ܐܵܙܵܠ̄ـ̈ـܢ ܗ̄ܘܲܝ̈ ܠܐܲܬ̣ܪܵܐ ܕܐܵܙ̇ܠ̄ܐ ܗ̄ܘܼܵܬ̣ ܪܘܼܚܵܐ: ܘܠܵܐ ܡܸܬ̣ܗܲܦ̈ܟܵܢ ܗ̄ܘܲܝ̈. [No book]
[13]ܘܲܕܼܡܘܼܬ̣ ܕܚܲܝ̈ܘܵܬ̣ܵܐ: ܐܲܝܟ ܚܸܙܘܵܐ ܕܓ̣ܘܼܡܪܹ̈ܐ ܕܢܘܼܪܵܐ ܕܝܵܩ̈ܕܵܢ: ܘܐܲܝܟ ܚܸܙܘܵܐ ܕܠܲܡܦܹܝܕܼܵܐ ܡܗܲܠܟ̣ܵܐ ܗ̄ܘܼܵܬ̣ ܒܹܝܬ̣ ܚܲܝ̈ܘܵܬ̣ܵܐ: ܘܡܲܙ̱ܗܪܵܐ ܗ̄ܘܼܵܬ̣ ܢܘܼܪܵܐ: ܘܒܲܪܩܵܐ ܢܵܦܹ̇ܩ ܗ̄ܘܼܵܐ ܡܸܢܵܗ̇. [No book]
[14]ܘܚܲܝ̈ܘܵܬ̣ܵܐ ܪܵܗܛܵܢ ܗ̄ܘܲܝ̈ ܘܠܵܐ ܡܸܬ̣ܦܲܢ̈ܝܵܢ ܗ̄ܘܲܝ̈: ܐܲܝܟ ܚܸܙܘܵܐ ܕܙܝܼܩܬܵܐ. [No book]
[15]ܘܲܚܙܹ̇ܝܬ̣ ܚܲܝ̈ܘܵܬ̣ܵܐ: ܘܗܵܐ ܓܝܼ̈ܓ̣ܠܵܐ ܒܐܲܪܥܵܐ ܥܲܠ ܓܸܢ̄ܒ̣ ܐܲܪ̈ܒ̇ܥܵܬܲܝܗܹܝܢ ܚܲܝ̈ܘܵܬ̣ܵܐ. [No book]
[16]ܘܚܸܙܘܵܐ ܕܓ̣ܝܼ̈ܓ̣ܠܹܐ ܘܲܥܒ̣ܵܕܼܗܹܝܢ: ܐܲܝܟ ܚܸܙܘܵܐ ܕܬ̣ܵܪܫܝܼܫ: ܘܲܕܼܡܘܼܬ̣ܵܐ ܚܕܼܵܐ ܠܐܲܪ̈ܒ̇ܥܵܬܲܝܗܹܝܢ: ܘܚܸܙ̱ܘܗܹܝܢ ܘܲܥܒ̣ܵܕܗܹܝܢ ܐܲܝܟ ܓܝܼܓ̣ܠܵܐ ܒܓ̣ܵܘ ܓܝܼܓ̣ܠܵܐ. [No book]
[17]ܥܲܠ ܐܲܪܒ̇ܥܵܐ ܓܲܒܲܝ̈ܗܹܝܢ ܐܵܙܵܠ̄ـ̈ـܢ ܗ̄ܘܲܝ̈ ܘܠܵܐ ܡܸܬ̣ܗܲܦ̈ܟܵܢ ܗ̄ܘܲܝ̈: ܘܠܲܐܬ̣ܪܐ ܕܦܵܢ̇ܝܵܐ ܗ̄ܘܼܵܬ̣ ܪܹܫܵܝܬ̇ܗܹܝܢ ܠܡܹܐܙܲܠ ܒܵܬ̣ܪܵܗ̇ ܐܵܙܵܠ̄ܢ ܗ̄ܘܲܝ̈ ܘܠܵܐ ܡܸܬ̣ܗܲܦ̈ܟܵܢ ܗ̄ܘܲܝ̈. [No book]
[18]ܘܪܵܘܡܵܐ ܐܝܼܬ̣ ܠܚܲܨܲܝ̈ܗܹܝܢ ܘܚܵܙ̈ܝܵܢ ܗ̄ܘܲܝ̈: ܘܚܲܨܲܝ̈ܗܹܝܢ ܡܠܸܐ ܥܲܝܢܹ̈ܐ ܗ̄ܘܼܵܐ: ܕܐܲܪ̈ܒ̇ܥܵܬܲܝܗܹܝܢ ܟܲܕܼ ܡܸܬ̣ܟܲܪ̈ܟܵܢ. [No book]
[19]ܘܟܲܕܼ ܐܵܙܵܠ̄ـ̈ـܢ ܗ̄ܘܲܝ̈ ܚܲܝ̈ܘܵܬ̣ܵܐ: ܐܵܙܵܠ̄ـ̈ـܢ ܗ̄ܘܲܝ̈ ܓܝܼ̈ܓ̣ܠܹܐ ܥܲܡܗܹܝܢ: ܘܡܵܐ ܕܫܵܩ̈ܠܵܢ ܗ̄ܘܲܝ ܚܲܝ̈ܘܵܬ̣ܵܐ ܡ̣ܢ ܐܲܪܥܵܐ: ܫܵܩ̈ܠܵܢ ܗ̄ܘܲܝ̈ ܓܝܼ̈ܓ̣ܠܹܐ ܥܲܡܗܹܝܢ. [No book]
[20]ܘܠܲܐܬܲܪ ܕܐܵܙܵܠ̄ܐ ܗ̄ܘܼܵܬ̣ ܪܘܼܚܵܐ ܐܵܙܵܠ̄ـ̈ـܢ ܗ̄ܘܲܝ̈: ܘܓ̣ܝܼ̈ܓ̣ܠܹܐ ܫܵܩ̈ܠܵܢ ܗ̄ܘܲܝ̈ ܥܲܡܗܹܝܢ: ܡܸܛܠ ܕܪܘܼܚܵܐ ܚܲܝܬ̣ܵܐ ܐܝܼܬ̣ ܗ̄ܘܼܵܬ̣ ܒܓ̣ܝܼ̈ܓ̣ܠܹܐ. [No book]
[21]ܘܡܵܐ ܕܐܵܙܵܠ̄ܢ ܗ̄ܘܲܝ̈ ܐܵܙܵܠ̄ـ̈ـܢ ܗ̄ܘܲܝ̈: ܘܡܵܐ ܕܩܵܝ̈ܡܵܢ ܗ̄ܘܲܝ̈ ܩܵܝ̈ܡܵܢ ܗ̄ܘܲܝ̈: ܘܡܵܐ ܕܫܵܩ̈ܠܵܢ ܗ̄ܘܲܝ̈ ܡ̣ܢ ܐܲܪܥܵܐ: ܫܵܩ̈ܠܵܢ ܗ̄ܘܲܝ̈ ܓܝܼ̈ܓ̣ܠܹܐ ܥܲܡܗܹܝܢ. ܡܸܛܠ ܕܪܘܼܚܵܐ ܚܲܝܬ̣ܵܐ ܐܝܼܬ̣ ܗ̄ܘܼܵܬ̣ ܒܓ̣ܝܼ̈ܓ̣ܠܹܐ. [No book]
[22]ܘܲܡܬܝܼܚ ܠܥܸܠ ܡ̣ܢ ܪܹܫܵܐ ܕܚܲܝ̈ܘܵܬ̣ܵܐ: ܐܲܝܟ ܕܡܘܼܬ̣ܵܐ ܕܚܸܙܘܵܐ ܕܲܩܪܘܿܣܛܸܠܘܿܣ ܕܚܝܠܵܐ. [No book]
[23]ܘܲܬ̣ܚܘܿܬ̣ܵܘܗܝ ܓܸܦܲܝܗܹ̈ܝܢ ܬܪܝܼܨܝܼܢ ܗ̄ܘܼܵܘ ܚܲܕܼ ܠܘܼܩܒܲܠ ܚܲܕܼ: ܡ̣ܢ ܠܥܸܠ ܘܡ̣ܢ ܠܬܲܚܬ̇: ܬܪܹܝܢ ܡܟܲܣܹܝܢ ܠܗܹܝܢ: ܘܲܬ̣ܪܹܝܢ ܡܟܲܣܹܝܢ ܓܘܼܫ̱ܡܗܹܝܢ. [No book]
[24]ܘܫܸܡܥܹ̇ܬ̣ ܩܵܠܵܐ ܕܓܸܦܲܝ̈ܗܹܝܢ: ܐܲܝܟ ܩܵܠܵܐ ܕܡܲـ̈ـܝܵܐ ܣܲܓ̇ܝܼ̈ܐܹܐ: ܘܐܲܝܟ ܩܵܠܵܐ ܕܐܲܠܵܗܵܐ ܡܵܐ ܕܐܵܙܵܠ̄ـ̈ـܢ ܗ̄ܘܲܝ̈: ܘܐܲܝܟ ܩܵܠܵܐ ܕܡܲܡܠܠܵܐ ܒܓ̣ܵܘ ܡܲܫܪܝܼܬ̣ܵܐ: ܘܡܵܐ ܕܩܵܝ̈ܡܵܢ ܗ̄ܘܲܝ̈ ܡܲܫ̱̈ܠܝܵܢ ܗ̄ܘܲܝ̈ ܓܸܦܲܝܗܹ̈ܝܢ. [No book]
[25]ܘܗܵܘܹ̇ܐ ܩܵܠܵܐ ܥܲܠ ܡܲܛܠܠܵܐ ܕܲܠܥܸܠ ܡ̣ܢ ܪܹ̈ܫܲܝܗܹܝܢ: ܘܡܵܐ ܕܩܵܝ̈ܡܵܢ ܗ̄ܘܲܝ̈ ܡܲܫ̱̈ܠܝܵܢ ܗ̄ܘܲܝ̈ ܓܸܦܲܝܗܹ̈ܝܢ. [No book]
[26]ܘܲܠܥܸܠ ܡ̣ܢ ܡܲܛܠܠܵܐ ܕܲܠܥܸܠ ܡ̣ܢ ܪܹ̈ܫܲܝܗܹܝܢ: ܐܲܝܟ ܚܸܙܘܵܐ ܕܟܹܐܦܵܐ ܕܣܲܦܝܼܠܵܐ: ܘܐܲܝܟ ܕܡܘܼܬ̣ܵܐ ܕܟ̣ܘܼܪܣܝܵܐ: ܘܥܲܠ ܕܡܘܼܬ̣ܵܐ ܕܟ̣ܘܼܪܣܝܵܐ: ܐܲܝܟ ܕܡܘܼܬ̣ܵܐ ܘܐܲܝܟ ܚܸܙܘܵܐ ܕܒܲܪܢܵܫܵܐ ܐܝܼܬ̣ ܥܠܵܘܗܝ ܡ̣ܢ ܠܥܸܠ. [No book]
[27]ܘܲܚܙܹ̇ܝܬ̣ ܐܲܝܟ ܚܸܙܘܵܐ ܕܐܲܠܵܗܵܐ: ܘܐܲܝܟ ܚܸܙܘܵܐ ܕܢܘܼܪܵܐ ܡ̣ܢ ܠܓ̣ܵܘ ܚܵܕܲܪ ܠܹܗ: ܡ̣ܢ ܚܸܙܘܵܐ ܕܚܲܨܵܘ̈ܗܝ ܘܲܠܥܸܠ: ܘܡ̣ܢ ܚܲܨܵܘ̈ܗܝ ܘܲܠܬܲܚܬ̇: ܚܙܹ̇ܝܬ̣ ܐܲܝܟ ܚܸܙܘܵܐ ܕܢܘܼܪܵܐ: ܘܙܲܗܪܵܐ ܟܵܪܹܟ ܠܹܗ. [No book]
[28]ܐܲܝܟ ܚܸܙܘܵܐ ܕܩܸܫܬܵܐ ܕܗܵܘ̇ܝܵܐ ܒܲܥܢܵܢܹ̈ܐ ܒܝܵܘܡܵܐ ܕܡܸܛܪܵܐ: ܗܵܟܲܢܵܐ ܗ̄ܘܼܵܐ ܚܸܙܘܵܐ ܕܙܲܗܪܵܐ ܕܟ̣ܵܪܹܟ ܠܹܗ. ܘܗܵܟܲܢܵܐ ܗ̄ܘܼܵܐ ܕܲܕܼܡܘܼܬ̣ܵܐ ܕܐܝܼܩܵܪܹܗ ܕܡܵܪܝܵܐ. [No book]
[29]ܘܲܚܙܹ̇ܝܬܹܗ ܘܢܸܦܠܹ̇ܬ̣ ܥܲܠ ܐܲܦܲܝ̈: ܘܫܸܡܥܹ̇ܬ̣ ܩܵܠܵܐ ܕܲܡܡܲܠܸܠ. [No book]
Source: www.earlychristianwritings.com
Top