|
|
| [1]Et factum est verbum Domini ad me in anno nono, in mense decimo, decima die mensis, dicens: |
[No book] |
| [2]Fili hominis, scribe tibi nomen diei hujus, in qua confirmatus est rex Babylonis adversum Jerusalem hodie. |
[No book] |
| [3]Et dices per proverbium ad domum irritatricem parabolam, et loqueris ad eos: Hæc dicit Dominus Deus: Pone ollam; pone, inquam, et mitte in eam aquam. |
[No book] |
| [4]Congere frusta ejus in eam, omnem partem bonam, femur et armum, electa et ossibus plena. |
[No book] |
| [5]Pinguissimum pecus assume, compone quoque strues ossium sub ea: efferbuit coctio ejus, et discocta sunt ossa illius in medio ejus. |
[No book] |
| [6]Propterea hæc dicit Dominus Deus: Væ civitati sanguinum, ollæ cujus rubigo in ea est, et rubigo ejus non exivit de ea ! Per partes et per partes suas ejice eam: non cecidit super eam sors. |
[No book] |
| [7]Sanguis enim ejus in medio ejus est, super limpidissimam petram effudit illum: et effudit illum super terram, et possit operiri pulvere. |
[No book] |
| [8]Ut superinducerem indignationem meam, et vindicta ulciscerer, dedi sanguinem ejus super petram limpidissimam, ne operiretur. |
[No book] |
| [9]Propterea hæc dicit Dominus Deus: Væ civitati sanguinum, cujus ego grandem faciam pyram ! |
[No book] |
| [10]Congere ossa, quæ igne succendam: consumentur carnes, et coquetur universa compositio, et ossa tabescent. |
[No book] |
| [11]Pone quoque eam super prunas vacuam, ut incalescat, et liquefiat æs ejus, et confletur in medio ejus inquinamentum ejus, et consumatur rubigo ejus. |
[No book] |
| [12]Multo labore sudatum est, et non exivit de ea nimia rubigo ejus, neque per ignem. |
[No book] |
| [13]Immunditia tua execrabilis, quia mundare te volui, et non es mundata a sordibus tuis: sed nec mundaberis prius, donec quiescere faciam indignationem meam in te. |
[No book] |
| [14]Ego Dominus locutus sum: veniet, et faciam: non transeam, nec parcam, nec placabor: juxta vias tuas, et juxta adinventiones tuas judicabo te, dicit Dominus. |
[No book] |
| [15]Et factum est verbum Domini ad me, dicens: |
[No book] |
| [16]Fili hominis, ecce ego tollo a te desiderabile oculorum tuorum in plaga: et non planges, neque plorabis, neque fluent lacrimæ tuæ. |
[No book] |
| [17]Ingemisce tacens: mortuorum luctum non facies: corona tua circumligata sit tibi, et calceamenta tua erunt in pedibus tuis: nec amictu ora velabis, nec cibos lugentium comedes. |
[No book] |
| [18]Locutus sum ergo ad populum mane, et mortua est uxor mea vespere: fecique mane sicut præceperat mihi. |
[No book] |
| [19]Et dixit ad me populus: Quare non indicas nobis quid ista significent quæ tu facis? |
[No book] |
| [20]Et dixi ad eos: Sermo Domini factus est ad me, dicens: |
[No book] |
| [21]Loquere domui Israël: Hæc dicit Dominus Deus: Ecce ego polluam sanctuarium meum, superbiam imperii vestri, et desiderabile oculorum vestrorum, et super quo pavet anima vestra: filii vestri, et filiæ vestræ, quas reliquistis, gladio cadent. |
[No book] |
| [22]Et facietis sicut feci: ora amictu non velabitis, et cibos lugentium non comedetis: |
[No book] |
| [23]coronas habebitis in capitibus vestris, et calceamenta in pedibus: non plangetis, neque flebitis, sed tabescetis in iniquitatibus vestris, et unusquisque gemet ad fratrem suum. |
[No book] |
| [24]Eritque Ezechiel vobis in portentum: juxta omnia quæ fecit, facietis cum venerit istud: et scietis quia ego Dominus Deus. |
[No book] |
| [25]Et tu, fili hominis, ecce in die qua tollam ab eis fortitudinem eorum, et gaudium dignitatis, et desiderium oculorum eorum, super quo requiescunt animæ eorum, filios et filias eorum: |
[No book] |
| [26]in die illa, cum venerit fugiens ad te ut annuntiet tibi: |
[No book] |
| [27]in die, inquam illa, aperietur os tuum cum eo qui fugit: et loqueris, et non silebis ultra: erisque eis in portentum, et scietis quia ego Dominus. |
[No book] |