|
|
| [1]Et introduxit me in templum, et mensus est frontes, sex cubitos latitudinis hinc, et sex cubitos latitudinis inde, latitudinem tabernaculi. |
[No book] |
| [2]Et latitudo portæ, decem cubitorum erat: et latera portæ, quinque cubitis hinc, et quinque cubitis inde: et mensus est longitudinem ejus quadraginta cubitoum, et latitudinem viginti cubitorum. |
[No book] |
| [3]Et introgressus intrinsecus, mensus est in fronte portæ duos cubitos: et portam, sex cubitorum: et latitudinem portæ septem cubitorum. |
[No book] |
| [4]Et mensus est longitudinem ejus viginti cubitorum, et latitudinem ejus viginti cubitorum, ante faciem templi. Et dixit ad me: Hoc est Sanctum sanctorum. |
[No book] |
| [5]Et mensus est parietem domus sex cubitorum: et latitudinem lateris quatuor cubitorum undique per circuitum domus. |
[No book] |
| [6]Latera autem, latus ad latus, bis triginta tria: et erant eminentia, quæ ingrederentur per parietem domus, in lateribus per circuitum, ut continerent, et non attingerent parietem templi. |
[No book] |
| [7]Et platea erat in rotundum, ascendens sursum per cochleam, et in cœnaculum templi deferebat per gyrum: idcirco latius erat templum in superioribus: et sic de inferioribus ascendebatur ad superiora in medium. |
[No book] |
| [8]Et vidi in domo altitudinem per circuitum, fundata latera ad mensuram calami sex cubitorum spatio: |
[No book] |
| [9]et latitudinem per parietem lateris forinsecus quinque cubitorum: et erat interior domus in lateribus domus. |
[No book] |
| [10]Et inter gazophylacia latitudinem viginti cubitorum in circuitu domus undique, |
[No book] |
| [11]et ostium lateris ad orationem: ostium unum ad viam aquilonis, et ostium unum ad viam australem: et latitudinem loci ad orationem, quinque cubitorum in circuitu. |
[No book] |
| [12]Et ædificium, quod erat separatum, versumque ad viam respicientem ad mare, latitudinis septuaginta cubitorum: paries autem ædificii, quinque cubitorum latitudinis per circuitum: et longitudo ejus nonaginta cubitorum. |
[No book] |
| [13]Et mensus est domus longitudinem, centum cubitorum: et quod separatum erat ædificium, et parietes ejus, longitudinis centum cubitorum. |
[No book] |
| [14]Latitudo autem ante faciem domus, et ejus quod erat separatum contra orientem, centum cubitorum. |
[No book] |
| [15]Et mensus est longitudinem ædificii contra faciem ejus, quod erat separatum ad dorsum: ethecas ex utraque parte centum cubitorum: et templum interius, et vestibula atrii. |
[No book] |
| [16]Limina, et fenestras obliquas, et ethecas in circuitu per tres partes, contra uniuscujusque limen, stratumque ligno per gyrum in circuitu: terra autem usque ad fenestras, et fenestræ clausæ super ostia. |
[No book] |
| [17]Et usque ad domum interiorem, et forinsecus per omnem parietem in circuitu intrinsecus, et forinsecus, ad mensuram. |
[No book] |
| [18]Et fabrefacta cherubim et palmæ: et palma inter cherub et cherub, duasque facies habebat cherub. |
[No book] |
| [19]Faciem hominis juxta palmam ex hac parte, et faciem leonis juxta palmam ex alia parte: expressam per omnem domum in circuitu. |
[No book] |
| [20]De terra usque ad superiora portæ, cherubim, et palmæ cælatæ erant in pariete templi. |
[No book] |
| [21]Limen quadrangulum, et facies sanctuarii, aspectus contra aspectum. |
[No book] |
| [22]Altaris lignei trium cubitorum altitudo: et longitudo ejus duorum cubitorum: et anguli ejus, et longitudo ejus, et parietes ejus lignei. Et locutus est ad me: Hæc est mensa coram Domino. |
[No book] |
| [23]Et duo ostia erant in templo et in sanctuario. |
[No book] |
| [24]Et in duobus ostiis ex utraque parte bina erant ostiola quæ in se invicem plicabantur: bina enim ostia erant ex utraque parte ostiorum. |
[No book] |
| [25]Et cælata erant in ipsis ostiis templi cherubim, et sculpturæ palmarum, sicut in parietibus quoque expressæ erant: quam ob rem et grossiora erant ligna in vestibuli fronte forinsecus. |
[No book] |
| [26]Super quæ fenestræ obliquæ, et similitudo palmarum hinc atque inde in humerulis vestibuli, secundum latera domus, latitudinemque parietum. |
[No book] |