➖ »
«
➖ ➕
Aleppo Codex (~920)
Alep
The Gospel of Peter
GspPet
←
Ezekiel
Eze
45
→
[1]ובהפילכם את הארץ בנחלה תרימו תרומה ליהוה קדש מן הארץ־ארך חמשה ועשרים אלף ארך ורחב עשרה אלף קדש הוא בכל גבולה סביב [No book]
[2]יהיה מזה אל הקדש חמש מאות בחמש מאות מרבע סביב וחמשים אמה מגרש לו סביב [No book]
[3]ומן המדה הזאת תמוד ארך חמש [Q: חמשה] ועשרים אלף ורחב עשרת אלפים ובו יהיה המקדש קדש קדשים [No book]
[4]קדש מן הארץ הוא לכהנים משרתי המקדש יהיה הקרבים לשרת את יהוה והיה להם מקום לבתים ומקדש למקדש [No book]
[5]וחמשה ועשרים אלף ארך ועשרת אלפים רחב יהיה [Q: והיה] ללוים משרתי הבית להם לאחזה־עשרים לשכת [No book]
[6]ואחזת העיר תתנו חמשת אלפים רחב וארך חמשה ועשרים אלף לעמת תרומת הקדש־לכל בית ישראל יהיה [No book]
[7]ולנשיא מזה ומזה לתרומת הקדש ולאחזת העיר אל פני תרומת הקדש ואל פני אחזת העיר מפאת ים ימה ומפאת קדמה קדימה וארך לעמות אחד החלקים מגבול ים אל גבול קדימה [No book]
[8]לארץ יהיה לו לאחזה בישראל ולא יונו עוד נשיאי את עמי והארץ יתנו לבית ישראל לשבטיהם [No book]
[9]כה אמר אדני יהוה רב לכם נשיאי ישראל־חמס ושד הסירו ומשפט וצדקה עשו הרימו גרשתיכם מעל עמי נאם אדני יהוה [No book]
[10]מאזני צדק ואיפת צדק ובת צדק יהי לכם [No book]
[11]האיפה והבת תכן אחד יהיה־לשאת מעשר החמר הבת ועשירת החמר האיפה אל החמר יהיה מתכנתו [No book]
[12]והשקל עשרים גרה עשרים שקלים חמשה ועשרים שקלים עשרה וחמשה שקל־המנה יהיה לכם [No book]
[13]זאת התרומה אשר תרימו ששית האיפה מחמר החטים וששיתם האיפה מחמר השערים [No book]
[14]וחק השמן הבת השמן מעשר הבת מן הכר־עשרת הבתים חמר כי עשרת הבתים חמר [No book]
[15]ושה אחת מן הצאן מן המאתים ממשקה ישראל למנחה ולעולה ולשלמים־לכפר עליהם נאם אדני יהוה [No book]
[16]כל העם הארץ יהיו אל התרומה הזאת לנשיא בישראל [No book]
[17]ועל הנשיא יהיה העולות והמנחה והנסך בחגים ובחדשים ובשבתות בכל מועדי בית ישראל הוא יעשה את החטאת ואת המנחה ואת העולה ואת השלמים לכפר בעד בית ישראל [No book]
[18]כה אמר אדני יהוה בראשון באחד לחדש תקח פר בן בקר תמים וחטאת את המקדש [No book]
[19]ולקח הכהן מדם החטאת ונתן אל מזוזת הבית ואל ארבע פנות העזרה למזבח ועל מזוזת־שער החצר הפנימית [No book]
[20]וכן תעשה בשבעה בחדש מאיש שגה ומפתי וכפרתם את הבית [No book]
[21]בראשון בארבעה עשר יום לחדש יהיה לכם הפסח חג־שבעות ימים מצות יאכל [No book]
[22]ועשה הנשיא ביום ההוא בעדו ובעד כל עם הארץ־פר חטאת [No book]
[23]ושבעת ימי החג יעשה עולה ליהוה שבעת פרים ושבעת אילים תמימם ליום שבעת הימים וחטאת שעיר עזים ליום [No book]
[24]ומנחה איפה לפר ואיפה לאיל־יעשה ושמן הין לאיפה [No book]
[25]בשביעי בחמשה עשר יום לחדש בחג יעשה כאלה שבעת הימים כחטאת כעלה וכמנחה וכשמן [No book]
Source: unbound.biola.edu
 Translation: M. R. James (1924)
Source: www.earlychristianwritings.com
Top