➖ »
«
➖ ➕
Aleppo Codex (~920)
Alep
The First Book of Clement
1Clem
←
Ezekiel
Eze
7
→
[1]ויהי דבר יהוה אלי לאמר [No book]
[2]ואתה בן אדם כה אמר אדני יהוה לאדמת ישראל־קץ בא הקץ על ארבעת [Q: ארבע] כנפות הארץ [No book]
[3]עתה הקץ עליך ושלחתי אפי בך ושפטתיך כדרכיך ונתתי עליך את כל תועבותיך [No book]
[4]ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה [No book]
[5]כה אמר אדני יהוה רעה אחת רעה הנה באה [No book]
[6]קץ בא בא הקץ הקיץ אליך הנה באה [No book]
[7]באה הצפירה אליך יושב הארץ בא העת קרוב היום מהומה־ולא הד הרים [No book]
[8]עתה מקרוב אשפוך חמתי עליך וכליתי אפי בך ושפטתיך כדרכיך ונתתי עליך את כל תועבותיך [No book]
[9]ולא תחוס עיני ולא אחמול כדרכיך עליך אתן ותועבותיך בתוכך תהיין וידעתם כי אני יהוה מכה [No book]
[10]הנה היום הנה באה יצאה הצפרה־צץ המטה פרח הזדון [No book]
[11]החמס קם למטה רשע לא מהם ולא מהמונם ולא מהמהם־ולא נה בהם [No book]
[12]בא העת הגיע היום־הקונה אל ישמח והמכר אל יתאבל כי חרון אל כל המונה [No book]
[13]כי המכר אל הממכר לא ישוב ועוד בחיים חיתם כי חזון אל כל המונה לא ישוב ואיש בעונו חיתו לא יתחזקו [No book]
[14]תקעו בתקוע והכין הכל ואין הלך למלחמה כי חרוני אל כל המונה [No book]
[15]החרב בחוץ והדבר והרעב מבית אשר בשדה בחרב ימות ואשר בעיר רעב ודבר יאכלנו [No book]
[16]ופלטו פליטיהם והיו אל ההרים כיוני הגאיות כלם המות־איש בעונו [No book]
[17]כל הידים תרפינה וכל ברכים תלכנה מים [No book]
[18]וחגרו שקים וכסתה אותם פלצות ואל כל פנים בושה ובכל ראשיהם קרחה [No book]
[19]כספם בחוצות ישליכו וזהבם לנדה יהיה־כספם וזהבם לא יוכל להצילם ביום עברת יהוה נפשם לא ישבעו ומעיהם לא ימלאו כי מכשול עונם היה [No book]
[20]וצבי עדיו לגאון שמהו וצלמי תועבתם שקוציהם עשו בו על כן נתתיו להם לנדה [No book]
[21]ונתתיו ביד הזרים לבז ולרשעי הארץ לשלל וחללוה [Q: וחללוהו] [No book]
[22]והסבותי פני מהם וחללו את צפוני ובאו בה פריצים וחללוה [No book]
[23]עשה הרתוק כי הארץ מלאה משפט דמים והעיר מלאה חמס [No book]
[24]והבאתי רעי גוים וירשו את בתיהם והשבתי גאון עזים ונחלו מקדשיהם [No book]
[25]קפדה בא ובקשו שלום ואין [No book]
[26]הוה על הוה תבוא ושמעה אל שמועה תהיה ובקשו חזון מנביא־ותורה תאבד מכהן ועצה מזקנים [No book]
[27]המלך יתאבל ונשיא ילבש שממה וידי עם הארץ תבהלנה מדרכם אעשה אתם ובמשפטיהם אשפטם וידעו כי אני יהוה [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top