➖ »
«
➖ ➕
Aleppo Codex (~920)
Alep
The Sonnini Manuscript: The Lost Chapter 29 of Acts
Acts29
←
Genesis
Gen
13
→
[1]ויעל אברם ממצרים הוא ואשתו וכל אשר לו ולוט עמו־הנגבה [No book]
[2]ואברם כבד מאד במקנה בכסף ובזהב [No book]
[3]וילך למסעיו מנגב ועד בית אל־עד המקום אשר היה שם אהלה בתחלה בין בית אל ובין העי [No book]
[4]אל מקום המזבח אשר עשה שם בראשנה ויקרא שם אברם בשם יהוה [No book]
[5]וגם ללוט־ההלך את אברם היה צאן ובקר ואהלים [No book]
[6]ולא נשא אתם הארץ לשבת יחדו כי היה רכושם רב ולא יכלו לשבת יחדו [No book]
[7]ויהי ריב בין רעי מקנה אברם ובין רעי מקנה לוט והכנעני והפרזי אז ישב בארץ [No book]
[8]ויאמר אברם אל לוט אל נא תהי מריבה ביני ובינך ובין רעי ובין רעיך כי אנשים אחים אנחנו [No book]
[9]הלא כל הארץ לפניך הפרד נא מעלי אם השמאל ואימנה ואם הימין ואשמאילה [No book]
[10]וישא לוט את עיניו וירא את כל ככר הירדן כי כלה משקה־לפני שחת יהוה את סדם ואת עמרה כגן יהוה כארץ מצרים באכה צער [No book]
[11]ויבחר לו לוט את כל ככר הירדן ויסע לוט מקדם ויפרדו איש מעל אחיו [No book]
[12]אברם ישב בארץ כנען ולוט ישב בערי הככר ויאהל עד סדם [No book]
[13]ואנשי סדם רעים וחטאים ליהוה מאד [No book]
[14]ויהוה אמר אל אברם אחרי הפרד לוט מעמו שא נא עיניך וראה מן המקום אשר אתה שם־צפנה ונגבה וקדמה וימה [No book]
[15]כי את כל הארץ אשר אתה ראה לך אתננה ולזרעך עד עולם [No book]
[16]ושמתי את זרעך כעפר הארץ אשר אם יוכל איש למנות את עפר הארץ־גם זרעך ימנה [No book]
[17]קום התהלך בארץ לארכה ולרחבה כי לך אתננה [No book]
[18]ויאהל אברם ויבא וישב באלני ממרא־אשר בחברון ויבן שם מזבח ליהוה [No book]
Source: unbound.biola.edu
Top