|
|
| [1]Oratio Habacuc prophetæ, pro ignorantiis. |
[No book] |
| [2]Domine, audivi auditionem tuam, et timui. Domine, opus tuum, in medio annorum vivifica illud; in medio annorum notum facies: cum iratus fueris, misericordiæ recordaberis. |
[No book] |
| [3]Deus ab austro veniet, et Sanctus de monte Pharan: operuit cælos gloria ejus, et laudis ejus plena est terra. |
[No book] |
| [4]Splendor ejus ut lux erit, cornua in manibus ejus: ibi abscondita est fortitudo ejus. |
[No book] |
| [5]Ante faciem ejus ibit mors, et egredietur diabolus ante pedes ejus. |
[No book] |
| [6]Stetit, et mensus est terram; aspexit, et dissolvit gentes, et contriti sunt montes sæculi: incurvati sunt colles mundi ab itineribus æterntatis ejus. |
[No book] |
| [7]Pro iniquitate vidi tentoria Æthiopiæ; turbabuntur pelles terræ Madian. |
[No book] |
| [8]Numquid in fluminibus iratus es, Domine? aut in fluminibus furor tuus? vel in mari indignatio tua? Qui ascendes super equos tuos, et quadrigæ tuæ salvatio. |
[No book] |
| [9]Suscitans suscitabis arcum tuum, juramenta tribubus quæ locutus es; fluvios scindes terræ. |
[No book] |
| [10]Viderunt te, et doluerunt montes; gurges aquarum transiit: dedit abyssus vocem suam; altitudo manus suas levavit. |
[No book] |
| [11]Sol et luna steterunt in habitaculo suo: in luce sagittarum tuarum ibunt, in splendore fulgurantis hastæ tuæ. |
[No book] |
| [12]In fremitu conculcabis terram; in furore obstupefacies gentes. |
[No book] |
| [13]Egressus es in salutem populi tui, in salutem cum christo tuo: percussisti caput de domo impii, denudasti fundamentum ejus usque ad collum. |
[No book] |
| [14]Maledixisti sceptris ejus, capiti bellatorum ejus, venientibus ut turbo ad dispergendum me: exsultatio eorum, sicut ejus qui devorat pauperem in abscondito. |
[No book] |
| [15]Viam fecisti in mari equis tuis, in luto aquarum multarum. |
[No book] |
| [16]Audivi, et conturbatus est venter meus; a voce contremuerunt labia mea. Ingrediatur putredo in ossibus meis, et subter me scateat: ut requiescam in die tribulationis, ut ascendam ad populum accinctum nostrum. |
[No book] |
| [17]Ficus enim non florebit, et non erit germen in vineis; mentietur opus olivæ, et arva non afferent cibum: abscindetur de ovili pecus, et non erit armentum in præsepibus. |
[No book] |
| [18]Ego autem in Domino gaudebo; et exsultabo in Deo Jesu meo. |
[No book] |
| [19]Deus Dominus fortitudo mea, et ponet pedes meos quasi cervorum: et super excelsa mea deducet me victor in psalmis canentem. |
[No book] |