|
|
| [1]ܒܲܫܢܲܬ̣ ܬܲܪܬܹ̇ܝܢ ܕܕܲܪܝܵܘܵܫ ܡܲܠܟܵܐ: ܒܝܲܪܚܵܐ ܫܬ̇ܝܼܬ̣ܵܝܵܐ ܒܚܲܕ݂ ܒܝܲܪܚܵܐ: ܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܒܝܲܕ݂ ܚܲܓ̇ܝܼ ܢܒ̣ܝܼܵܐ: ܥܲܠ ܙܘܼܪܒܵܒܹܠ ܒܲܪ ܫܹܠܲܬ̣ܐܹܝܠ ܪܲܒܵܐ ܕܲܝܗܘܼܕ݂ܵܐ: ܘܥܲܠ ܝܼܫܘܿܥ ܒܲܪ ܝܘܿܙܵܕ݂ܵܩ ܟܵܗܢܵܐ ܪܲܒܵܐ ܠܡܹܐܡܲܪ. |
[No book] |
| [2]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܥܲܡܵܐ ܗܵܢܵܐ ܐܵܡ̇ܪܝܼܢ ܠܵܐ ܡܲܛܝܼ ܙܲܒ̣ܢܵܐ ܕܢܸܬ̣ܒ̇ܢܸܐ ܒܲܝܬܹ̇ܗ ܕܡܵܪܝܵܐ. |
[No book] |
| [3]ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܒܝܲܕ݂ ܚܲܓ̇ܝܼ ܢܒ̣ܝܼܵܐ ܠܡܹܐܡܲܪ. |
[No book] |
| [4]ܙܲܒ̣ܢܵܐ ܗ̄ܘܼ ܠܟ݂ܘܿܢ ܗܵܢܵܐ: ܕܠܲܢ̄ܬ̇ܘܿܢ ܝܵܬ̣ܒ̇ܝܼܢ ܐ̄ܢܬ̇ܘܿܢ ܒܒ̣ܵܬܲܝ̈ܟ̇ܘܿܢ ܟܲܕ݂ ܡܛܲܠܠܝܼܢ: ܘܒܲܝܬܵܐ ܗܵܢܵܐ ܚܪܸܒ̣. |
[No book] |
| [5]ܡܸܟܹ̇ܝܠ ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܣܝܼܡܘ ܠܸܒܵـ̈ـܘܵܬ̣ܟ݂ܘܿܢ ܥܲܠ ܐܘܼܪ̈ܚܵܬ̣ܟ݂ܘܿܢ. |
[No book] |
| [6]ܕܙܵܪܥ̇ܝܼܢ ܐ̄ܢ̇ܬ̇ܘܿܢ ܣܲܓ̇ܝܼ: ܘܚܵܡ̇ܠܝܼܢ ܐ̄ܢ̇ܬ̇ܘܿܢ ܩܲܠܝܼܠ: ܘܐܵܟ݂ܠܝܼܢ ܐ̄ܢ̇ܬ̇ܘܿܢ ܘܠܵܐ ܣܵܒ̣ܥܝܼܢ ܐ̄ܢ̇ܬ̇ܘܿܢ: ܘܫܵܬܹ̇ܝܢ ܐ̄ܢܬ̇ܘܿܢ ܘܠܵܐ ܪܵܘܹ̇ܝܢ ܐ̄ܢܬ̇ܘܿܢ: ܘܠܵܒ̣ܫܝܼܢ ܐ̄ܢܬ̇ܘܿܢ ܘܠܵܐ ܫܵܚ̇ܢܝܼܢ ܐ̄ܢܬ̇ܘܿܢ: ܘܐܲܝܢܵܐ ܕܐܝܼܬ̣ ܒܟ݂ܘܿܢ ܕܡܸܬ̇ܬܲܓܲܪ: ܡܸܬ̇ܬܲܓܲܪ ܠܲܨܪܵܪܵܐ ܢܩܝܼܒ̣ܵܐ. |
[No book] |
| [7]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܣܝܼܡܘ ܠܸܒܵـ̈ـܘܵܬ̣ܟ݂ܘܿܢ ܥܲܠ ܐܘܼܪ̈ܚܵܬ̣ܟ݂ܘܿܢ. |
[No book] |
| [8]ܣܲܩܘ ܠܛܘܼܪܵܐ: ܐܵܝܬܵܘ ܩܲܝܣܹ̈ܐ: ܘܲܒ̣ܢܵܘ ܒܲܝܬܵܐ ܗܵܢܵܐ: ܘܐܸܨܛܒܸܐ ܒܹܗ: ܘܐܸܫܬܲܒܲܚ ܒܹܗ: ܐܵܡܲܪ ܡܵܪܝܵܐ. |
[No book] |
| [9]ܚܵܝ̇ܪܝܼܢ ܐ̄ܢܬ̇ܘܿܢ ܒܣܘܿܓ̣ܵܐܐ: ܘܗܵܘܹ̇ܐ ܠܹܗ ܩܲܠܝܼܠ: ܘܡܲܥܠܝܼܢ ܐ̄ܢܬ̇ܘܿܢ ܠܓ̣ܵܘ ܒܲܝܬܵܐ ܘܢܵܦܲܚ ܐ̄ܢܵܐ ܒܹܗ: ܘܥܲܠ ܡܵܢܵܐ ܗܵܠܹܝܢ ܐܵܡܲܪ ܡܵܪܝܵܐ: ܥܲܠ ܕܲܚܪܸܒ̣ ܒܲܝܬ̇ܝ: ܘܐܲܢܬ̇ܘܿܢ ܪܵܗ̇ܛܝܼܢ ܐ̄ܢܬ̇ܘܿܢ ܐ̄ܢܵܫ ܠܒܲܝܬܹ̇ܗ. |
[No book] |
| [10]ܡܸܛܠܵܬ̣ܟ݂ܘܿܢ ܐܸܬ̣ܟ̇ܠܝܼܘ ܫܡܲܝܵܐ ܡ̣ܢ ܛܲܠܵܐ: ܘܐܲܪܥܵܐ ܟܠܵܬ̤ ܦܹܐܪܹ̈ܝܗ̇. |
[No book] |
| [11]ܘܲܩܪܹܝܬ̣ ܚܲܪܒܵܐ ܥܲܠ ܐܲܪܥܵܐ: ܘܥܲܠ ܛܘܼܪܹ̈ܐ: ܘܥܲܠ ܥܒ̣ܘܼܪܵܐ: ܘܥܲܠ ܚܲܡܪܵܐ: ܘܥܲܠ ܡܸܫܚܵܐ: ܘܥܲܠ ܟܠ ܡܸܕܸ̇ܡ ܕܡܲܦܩܵܐ ܐܲܪܥܵܐ: ܘܥܲܠ ܒܢܲܝ̈ ܐ̄ܢܵܫܵܐ: ܘܥܲܠ ܒܥܝܼܪܵܐ: ܘܥܲܠ ܟܠܵܗ̇ ܠܐܹܘܬ̣ܵܐ ܕܐܝܼܕܲܝ̈ܗܘܿܢ. |
[No book] |
| [12]ܘܲܫܡܲܥ̣ ܙܘܼܪܒܵܒܹܠ ܒܲܪ ܫܹܠܲܬ̣ܐܹܝܠ: ܘܝܼܫܘܿܥ ܒܲܪ ܝܘܿܙܵܕ݂ܵܩ ܟܵܗܢܵܐ ܪܲܒܵܐ: ܘܟ݂ܠܹܗ ܫܲܪܟܹ̇ܗ ܕܥܲܡܵܐ ܒܩܵܠܹܗ ܕܡܵܪܝܵܐ ܐܲܠܵܗܗܘܿܢ: ܘܲܠܦܸܬ̣ܓ̣ܵܡܵܘ̈ܗܝ ܕܚܲܓ̇ܝܼ ܢܒ̣ܝܼܵܐ ܕܫܲܕ̇ܪܹܗ ܡܵܪܝܵܐ ܐܲܠܗܗܘܿܢ ܠܘܵܬ̣ܗܘܿܢ: ܘܲܕ݂ܚܸܠ̣ܘ ܥܲܡܵܐ ܡ̣ܢ ܩܕ݂ܵܡ ܡܵܪܝܵܐ. |
[No book] |
| [13]ܘܐܸܡܲܪ ܚܲܓ̇ܝܼ ܡܲܠܲܐܟܹܗ ܕܡܵܪܝܵܐ ܒܡܲܠܲܐܟ݂ܘܼܬܹܗ ܕܡܵܪܝܵܐ ܠܥܲܡܵܐ: ܐܸܢܵܐ ܥܲܡܟ݂ܘܿܢ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [14]ܘܐܲܥܝܼܪ ܡܵܪܝܵܐ ܪܘܼܚܹܗ ܕܙܘܼܪܒܵܒܹܠ ܒܲܪ ܫܹܠܲܬ̣ܐܹܝܠ ܪܲܒܵܐ ܕܲܝܗܘܼܕ݂ܵܐ: ܘܪܘܼܚܹܗ ܕܝܼܫܘܿܥ ܒܲܪ ܝܘܿܙܵܕ݂ܵܩ ܟܵܗܢܵܐ ܪܲܒܵܐ: ܘܪܘܼܚܵܐ ܕܟ݂ܠܹܗ ܫܲܪܟܹ̇ܗ ܕܥܲܡܵܐ: ܘܐܸܙܲܠ̣ܘ ܘܲܥ̣ܒܲܕ݂ܘ ܥܒ̣ܵܕ݂ܵܐ ܒܒܲܝܬܹ̇ܗ ܕܡܵܪܝܵܐ ܚܲܝܠܬ̣ܵܢܵܐ ܐܲܠܵܗܗܘܿܢ. |
[No book] |
| [15]ܒܝܘܿܡ ܐܲܪܒ̇ܥܵܐ ܘܥܸܣܪܝܼܢ ܒܝܲܪܚܵܐ ܫܬ̇ܝܼܬ̣ܵܝܵܐ: ܒܲܫܢܲܬ̣ ܬܲܪܬܹ̇ܝܢ ܕܕܲܪܝܵܘܵܫ ܡܲܠܟܵܐ. |
[No book] |