|
|
| [No book] |
[1]Therfor, hooli britheren, and parceneris of heuenli cleping, biholde ye the apostle and the bischop of oure confessioun, Jhesu, |
| [No book] |
[2]which is trewe to hym that made hym, as also Moises in al the hous of hym. |
| [No book] |
[3]But this byschop is had worthi of more glorie than Moises, bi as myche as he hath more honour of the hous, that made the hous. |
| [No book] |
[4]For ech hous is maad of sum man; he that made alle thingis of nouyt is God. |
| [No book] |
[5]And Moises was trewe in al his hous, as a seruaunt, in to witnessyng of tho thingis that weren to be seid; |
| [No book] |
[6]but Crist as a sone in his hous. Which hous we ben, if we holden sad trist and glorie of hope in to the ende. |
| [No book] |
[7]Wherfor as the Hooli Goost seith, To dai, if ye han herd his vois, nyle ye hardne youre hertis, |
| [No book] |
[8]as in wraththing, lijk the dai of temptacioun in desert; |
| [No book] |
[9]where youre fadris temptiden me, and preueden, and siyen my werkis fourti yeeris. |
| [No book] |
[10]Wherfor Y was wrooth to this generacioun, and Y seide, Euere more thei erren in herte, for thei knewen not my weies; |
| [No book] |
[11]to whiche Y swore in my wraththe, thei schulen not entre in to my reste. |
| [No book] |
[12]Britheren, se ye, lest perauenture in ony of you be an yuel herte of vnbileue, to departe fro the lyuynge God. |
| [No book] |
[13]But moneste you silf bi alle daies, the while to dai is named, that noon of you be hardned bi fallas of synne. |
| [No book] |
[14]For we ben maad parceneris of Crist, if netheles we holden the bigynnyng of his substaunce sad in to the ende. |
| [No book] |
[15]While it is seid, to dai, if ye han herd the vois of hym, nyle ye hardne youre hertis, as in that wraththing. |
| [No book] |
[16]For summen heringe wraththiden, but not alle thei that wenten out of Egipt bi Moises. |
| [No book] |
[17]But to whiche was he wraththid fourti yeeris? Whether not to hem that synneden, whos careyns weren cast doun in desert? |
| [No book] |
[18]And to whiche swoor he, that thei schulden not entre in to the reste of hym, not but to hem that weren vnbileueful? |
| [No book] |
[19]And we seen, that thei myyten not entre in to the reste of hym for vnbileue. |