|
|
| [1]Quapropter intermittentes inchoationis Christi sermonem, ad perfectiora feramur, non rursum jacientes fundamentum pœnitentiæ ab operibus mortuis, et fidei ad Deum, |
[No book] |
| [2]baptismatum doctrinæ, impositionis quoque manuum, ac resurrectionis mortuorum, et judicii æterni. |
[No book] |
| [3]Et hoc faciemus, si quidem permiserit Deus. |
[No book] |
| [4]Impossibile est enim eos qui semel sunt illuminati, gustaverunt etiam donum cæleste, et participes facti sunt Spiritus Sancti, |
[No book] |
| [5]gustaverunt nihilominus bonum Dei verbum, virtutesque sæculi venturi, |
[No book] |
| [6]et prolapsi sunt; rursus renovari ad pœnitentiam, rursum crucifigentes sibimetipsis Filium Dei, et ostentui habentes. |
[No book] |
| [7]Terra enim sæpe venientem super se bibens imbrem, et generans herbam opportunam illis, a quibus colitur, accipit benedictionem a Deo: |
[No book] |
| [8]proferens autem spinas ac tribulos, reproba est, et maledicto proxima: cujus consummatio in combustionem. |
[No book] |
| [9]Confidimus autem de vobis dilectissimi meliora, et viciniora saluti: tametsi ita loquimur. |
[No book] |
| [10]Non enim injustus Deus, ut obliviscatur operis vestri, et dilectionis, quam ostendistis in nomine ipsius, qui ministrastis sanctis, et ministratis. |
[No book] |
| [11]Cupimus autem unumquemque vestrum eamdem ostentare sollicitudinem ad expletionem spei usque in finem: |
[No book] |
| [12]ut non segnes efficiamini, verum imitatores eorum, qui fide, et patientia hæreditabunt promissiones. |
[No book] |
| [13]Abrahæ namque promittens Deus, quoniam neminem habuit, per quem juraret, majorem, juravit per semetipsum, |
[No book] |
| [14]dicens: Nisi benedicens benedicam te, et multiplicans multiplicabo te. |
[No book] |
| [15]Et sic longanimiter ferens, adeptus est repromissionem. |
[No book] |
| [16]Homines enim per majorem sui jurant: et omnis controversiæ eorum finis, ad confirmationem, est juramentum. |
[No book] |
| [17]In quo abundantius volens Deus ostendere pollicitationis hæredibus, immobilitatem consilii sui, interposuit jusjurandum: |
[No book] |
| [18]ut per duas res immobiles, quibus impossibile est mentiri Deum, fortissimum solatium habeamus, qui confugimus ad tenendam propositam spem, |
[No book] |
| [19]quam sicut anchoram habemus animæ tutam ac firmam, et incedentem usque ad interiora velaminis, |
[No book] |
| [20]ubi præcursor pro nobis introivit Jesus, secundum ordinem Melchisedech pontifex factus in æternum. |
[No book] |