|
|
| [1]Sicut mane transiit, pertransiit rex Israël. Quia puer Israël, et dilexi eum; et ex Ægypto vocavi filium meum. |
[No book] |
| [2]Vocaverunt eos, sic abierunt a facie eorum; Baalim immolabant, et simulacris sacrificabant. |
[No book] |
| [3]Et ego quasi nutritius Ephraim: portabam eos in brachiis meis, et nescierunt quod curarem eos. |
[No book] |
| [4]In funiculis Adam traham eos, in vinculis caritatis; et ero eis quasi exaltans jugum super maxillas eorum, et declinavi ad eum ut vesceretur. |
[No book] |
| [5]Non revertetur in terram Ægypti, et Assur ipse rex ejus, quoniam noluerunt converti. |
[No book] |
| [6]Cœpit gladius in civitatibus ejus, et consumet electos ejus, et comedet capita eorum. |
[No book] |
| [7]Et populus meus pendebit ad reditum meum; jugum autem imponetur eis simul, quod non auferetur. |
[No book] |
| [8]Quomodo dabo te, Ephraim? protegam te, Israël? Quomodo dabo te sicut Adama, ponam te ut Seboim? Conversum est in me cor meum, pariter conturbata est pœnitudo mea. |
[No book] |
| [9]Non faciam furorem iræ meæ; non convertar ut disperdam Ephraim, quoniam Deus ego, et non homo; in medio tui sanctus, et non ingrediar civitatem. |
[No book] |
| [10]Post Dominum ambulabunt; quasi leo rugiet, quia ipse rugiet, et formidabunt filii maris. |
[No book] |
| [11]Et avolabunt quasi avis ex Ægypto, et quasi columba de terra Assyriorum: et collocabo eos in domibus suis, dicit Dominus. |
[No book] |
| [12]Circumdedit me in negatione Ephraim, et in dolo domus Israël; Judas autem testis descendit cum Deo, et cum sanctis fidelis. |
[No book] |